tūfān aa.e shahr meñ yā koī zalzala

mujh ko kisī bhī baat kā ab Dar nahīñ rahā

tufan aae shahr mein ya koi zalzala

mujh ko kisi bhi baat ka ab Dar nahin raha

apnī ḳhushiyāñ bhuul jā sab kā dard ḳharīd

'saifī' tab jā kar kahīñ terī hogī eid

apni KHushiyan bhul ja sab ka dard KHarid

'saifi' tab ja kar kahin teri hogi eid

har mahfil meñ jā magar itnī kar le jāñch

ḳhuddārī par bhuul kar aa.e kabhī na aañch

har mahfil mein ja magar itni kar le jaanch

KHuddari par bhul kar aae kabhi na aanch

maiñ huuñ ik zarra magar ūñchī merī zaat

mere aage kuchh nahīñ tāroñ kī auqāt

main hun ek zarra magar unchi meri zat

mere aage kuchh nahin taron ki auqat

kaisā har dam shor hai kaisī chīḳh-pukār

do din kī hai zindagī hañs kar ise guzār

kaisa har dam shor hai kaisi chiKH-pukar

do din ki hai zindagi hans kar ise guzar