mushkil hai rok āh-e-dil-e-dāġhdār kī

kahte haiñ sau sunār kī aur ik luhār kī

mushkil hai rok aah-e-dil-e-daghdar ki

kahte hain sau sunar ki aur ek luhaar ki

ka.abe se ġharaz us ko na but-ḳhāne se matlab

āshiq jo tirā hai na idhar kā na udhar kā

kabe se gharaz us ko na but-KHane se matlab

aashiq jo tera hai na idhar ka na udhar ka

ġhurūr-e-husn na kar jazba-e-zuleḳhā dekh

kiyā hai ishq ne yūsuf ġhulām āshiq kā

ghurur-e-husn na kar jazba-e-zuleKHa dekh

kiya hai ishq ne yusuf ghulam aashiq ka

ye abr hai yā fīl-e-siyah-mast hai saaqī

bijlī ke jo hai paañv meñ zanjīr havā par

ye abr hai ya fil-e-siyah-mast hai saqi

bijli ke jo hai panw mein zanjir hawa par

ḳhayāl-e-nāf-e-butāñ se ho kyuuñ ki dil jāñ-bar

nikalte koī bhañvar se na Dūbtā dekhā

KHayal-e-naf-e-butan se ho kyun ki dil jaan-bar

nikalte koi bhanwar se na Dubta dekha