Shakeb Jalali's Photo'

Shakeb Jalali

1934 - 1966 | Pakistan

Famous poet from Pakistan. Committed suicide at an early age.

Famous poet from Pakistan. Committed suicide at an early age.

bad-qismatī ko ye bhī gavārā na ho sakā

ham jis pe mar miTe vo hamārā na ho sakā

bad-qismati ko ye bhi gawara na ho saka

hum jis pe mar miTe wo hamara na ho saka

aaj bhī shāyad koī phūloñ tohfa bhej de

titliyāñ mañDlā rahī haiñ kāñch ke gul-dān par

aaj bhi shayad koi phulon ka tohfa bhej de

titliyan manDla rahi hain kanch ke gul-dan par

ne kahā na thā ki maiñ kashtī pe bojh huuñ

āñkhoñ ko ab na Dhāñp mujhe Dūbte bhī dekh

tu ne kaha na tha ki main kashti pe bojh hun

aankhon ko ab na Dhanp mujhe Dubte bhi dekh

socho to silvaToñ se bharī hai tamām ruuh

dekho to ik shikan bhī nahīñ hai libās meñ

socho to silwaTon se bhari hai tamam ruh

dekho to ek shikan bhi nahin hai libas mein

ye ek abr TukḌā kahāñ kahāñ barse

tamām dasht pyāsā dikhā.ī detā hai

ye ek abr ka TukDa kahan kahan barse

tamam dasht hi pyasa dikhai deta hai

jaatī hai dhuup ujle paroñ ko sameT ke

zaḳhmoñ ko ab ginūñgā maiñ bistar pe leT ke

jati hai dhup ujle paron ko sameT ke

zaKHmon ko ab ginunga main bistar pe leT ke

log dete rahe kyā kyā na dilāse mujh ko

zaḳhm gahrā sahī zaḳhm hai bhar jā.egā

log dete rahe kya kya na dilase mujh ko

zaKHm gahra hi sahi zaKHm hai bhar jaega

kyā kahūñ dīda-e-tar ye to mirā chehrā hai

sañg kaT jaate haiñ bārish jahāñ dhaar gire

kya kahun dida-e-tar ye to mera chehra hai

sang kaT jate hain barish ki jahan dhaar gire

yuuñ to saarā chaman hamārā hai

phuul jitne bhī haiñ parā.e haiñ

yun to sara chaman hamara hai

phul jitne bhi hain parae hain

mujhe girnā hai to maiñ apne qadmoñ meñ girūñ

jis tarah sāya-e-dīvār pe dīvār gire

mujhe girna hai to main apne hi qadmon mein girun

jis tarah saya-e-diwar pe diwar gire

jahāñ talak bhī ye sahrā dikhā.ī detā hai

mirī tarah se akelā dikhā.ī detā hai

jahan talak bhi ye sahra dikhai deta hai

meri tarah se akela dikhai deta hai

malbūs ḳhush-numā haiñ magar jism khokhle

chhilke saje hoñ jaise phaloñ dukān par

malbus KHush-numa hain magar jism khokhle

chhilke saje hon jaise phalon ki dukan par

aa ke patthar to mire sehn meñ do-chār gire

jitne us peḌ ke phal the pas-e-dīvār gire

aa ke patthar to mere sehn mein do-chaar gire

jitne us peD ke phal the pas-e-diwar gire

log dushman hue usī ke 'shakeb'

kaam jis mehrbān se niklā

log dushman hue usi ke 'shakeb'

kaam jis mehrban se nikla

utar ke naav se bhī kab safar tamām huā

zamīñ pe paañv dharā to zamīn chalne lagī

utar ke naw se bhi kab safar tamam hua

zamin pe panw dhara to zamin chalne lagi

na itnī tez chale sar-phirī havā se kaho

shajar pe ek pattā dikhā.ī detā hai

na itni tez chale sar-phiri hawa se kaho

shajar pe ek hi patta dikhai deta hai

jo motiyoñ talab ne kabhī udaas kiyā

to ham bhī raah se kañkar sameT laa.e bahut

jo motiyon ki talab ne kabhi udas kiya

to hum bhi rah se kankar sameT lae bahut

aalam meñ jis dhuum thī us shāhkār par

dīmak ne jo likhe kabhī vo tabsire bhī dekh

aalam mein jis ki dhum thi us shahkar par

dimak ne jo likhe kabhi wo tabsire bhi dekh

fasīl-e-jism pe taaza lahū ke chhīñTe haiñ

hudūd-e-vaqt se aage nikal gayā hai koī

fasil-e-jism pe taza lahu ke chhinTe hain

hudud-e-waqt se aage nikal gaya hai koi

gale milā na kabhī chāñd baḳht aisā thā

harā-bharā badan apnā daraḳht aisā thā

gale mila na kabhi chand baKHt aisa tha

hara-bhara badan apna daraKHt aisa tha