Siraj Faisal Khan's Photo'

Siraj Faisal Khan

1991 | Shahjahanpur, India

732
Favorite

SORT BY

kitāboñ se nikal kar titliyāñ ġhazleñ sunātī haiñ

tiffin rakhtī hai merī maañ to basta muskurātā hai

kitabon se nikal kar titliyan ghazlen sunati hain

tiffin rakhti hai meri man to basta muskuraata hai

aaj merī ik ġhazal ne us ke hoñToñ ko chhuā

aaj pahlī baar apnī shā.irī achchhī lagī

aaj meri ek ghazal ne us ke honTon ko chhua

aaj pahli bar apni shairi achchhi lagi

shāyad aglī ik koshish taqdīr badal de

zahar to jab chāhe khāyā saktā hai

shayad agli ek koshish taqdir badal de

zahar to jab ji chahe khaya ja sakta hai

jaise dekhā ho āḳhirī sapnā

raat itnī udaas thiiñ āñkheñ

jaise dekha ho aaKHiri sapna

raat itni udas thin aankhen

ka.ī din ba.ad us ne guftugū

ka.ī din ba.ad phir achchhā huā maiñ

kai din baad us ne guftugu ki

kai din baad phir achchha hua main

vo ek shaḳhs jo dikhne meñ Thīk-Thāk thā

bichhaḌ rahā thā to lagne lagā hasīn bahut

wo ek shaKHs jo dikhne mein Thik-Thak sa tha

bichhaD raha tha to lagne laga hasin bahut

jab se hāsil huā hai vo mujh ko

ḳhvāb aane lage bichhaḌne ke

jab se hasil hua hai wo mujh ko

KHwab aane lage bichhaDne ke

maiñ muntazir huuñ kisī aise vasl jis meñ

mire badan pe tire jism libās rahe

main muntazir hun kisi aise wasl ka jis mein

mere badan pe tere jism ka libas rahe

bichhaḌ jā.eñge ham donoñ zamīñ par

ye us ne āsmāñ par likh diyā hai

bichhaD jaenge hum donon zamin par

ye us ne aasman par likh diya hai

maiñ achchhā huuñ tabhī apnā rahī ho

koī mujh se bhī achchhā mil gayā to

main achchha hun tabhi apna rahi ho

koi mujh se bhi achchha mil gaya to

tum us ko bulandī se girāne meñ lage ho

tum us ko nigāhoñ se girā kyuuñ nahīñ dete

tum us ko bulandi se girane mein lage ho

tum us ko nigahon se gira kyun nahin dete

khulī jo aañkh to mahshar shor barpā thā

maiñ ḳhush huā ki chalo aaj mar ga.ī duniyā

khuli jo aankh to mahshar ka shor barpa tha

main KHush hua ki chalo aaj mar gai duniya

vo kabhī āġhāz kar sakte nahīñ

ḳhauf lagtā hai jinheñ anjām se

wo kabhi aaghaz kar sakte nahin

KHauf lagta hai jinhen anjam se

maiñ kahkashāoñ meñ ḳhushiyāñ talāshne niklā

mire sitāre merā chāñd sab udaas rahe

main kahkashaon mein KHushiyan talashne nikla

mere sitare mera chand sab udas rahe

maiñ tere zikr vaadī meñ sair kartā rahūñ

hamesha lab pe tire naam miThās rahe

main tere zikr ki wadi mein sair karta rahun

hamesha lab pe tere nam ki miThas rahe

us ke dil aag ThanDī paḌ ga.ī

mujh ko shohrat mil ga.ī ilzām se

us ke dil ki aag ThanDi paD gai

mujh ko shohrat mil gai ilzam se

dil dīvār par sivā us ke

rañg duujā koī chaḌhā nahīñ

dil ki diwar par siwa us ke

rang duja koi chaDha hi nahin

ta.alluq toḌ kar us galī se

kabhī maiñ juḌ na paayā zindagī se

talluq toD kar us ki gali se

kabhi main juD na paya zindagi se

chāñd baiThā huā hai pahlū meñ

qatra qatra pighal rahā huuñ maiñ

chand baiTha hua hai pahlu mein

qatra qatra pighal raha hun main

khulī āñkhoñ se bhī soyā huuñ aksar

tumhārā rāsta taktā huā maiñ

khuli aankhon se bhi soya hun aksar

tumhaara rasta takta hua main

rahā thā bichhaḌ ke to har qadam pe tire

phisal rahī thī mire paañv se zamīn bahut

tu ja raha tha bichhaD ke to har qadam pe tere

phisal rahi thi mere panw se zamin bahut

zamīñ mere sajde se tharrā ga.ī

mujhe āsmāñ se pukārā gayā

zamin mere sajde se tharra gai

mujhe aasman se pukara gaya

tire ehsās meñ Duubā huā maiñ

kabhī sahrā kabhī dariyā huā maiñ

tere ehsas mein Duba hua main

kabhi sahra kabhi dariya hua main

hameñ ranjish nahīñ dariyā se koī

salāmat gar rahe sahrā hamārā

hamein ranjish nahin dariya se koi

salamat gar rahe sahra hamara

ḳhauf aatā hai apne saa.e se

hijr ke kis maqām par huuñ maiñ

KHauf aata hai apne sae se

hijr ke kis maqam par hun main

haath chhūTā to tīrgī meñ thā

saath chhūTā to bujh ga.iiñ āñkheñ

hath chhuTa to tirgi mein tha

sath chhuTa to bujh gain aankhen

ḳhayāl kab se chhupā ke ye man meñ rakkhā hai

mirā qarār tumhāre badan meñ rakkhā hai

KHayal kab se chhupa ke ye man mein rakkha hai

mera qarar tumhaare badan mein rakkha hai

dasht jaisī ujaaḌ haiñ āñkheñ

in darīchoñ se ḳhvāb kyā jhāñkeñ

dasht jaisi ujaD hain aankhen

in darichon se KHwab kya jhanken

us yādoñ kaa.ī par ab to

zindagī-bhar mujhe phisalnā hai

us ki yaadon ki kai par ab to

zindagi-bhar mujhe phisalna hai

tirī hayāt se juḌ jā.ūñ vāqi.a ban kar

tirī kitāb meñ merā bhī iqtibās rahe

teri hayat se juD jaun waqia ban kar

teri kitab mein mera bhi iqtibas rahe

likkhā hai tārīḳh ke saf.he saf.he par ye

shāhoñ ko bhī daas banāyā saktā hai

likkha hai tariKH ke safhe safhe par ye

shahon ko bhi das banaya ja sakta hai

maiñ sañg-e-mīl thā to ye karnā paḌā mujhe

tā-umr rāste meñ Thaharnā paḌā mujhe

main sang-e-mil tha to ye karna paDa mujhe

ta-umr raste mein Thaharna paDa mujhe

vasl meñ suukh ga.ī hai mirī sochoñ zamīñ

hijr aa.e to mirī soch ko shādāb kare

wasl mein sukh gai hai meri sochon ki zamin

hijr aae to meri soch ko shadab kare

mālik mujhe jahāñ meñ utārā hai kis liye

aadam bhuul merā ḳhasāra hai kis liye

malik mujhe jahan mein utara hai kis liye

aadam ki bhul mera KHasara hai kis liye