ik samt ghar ke log haiñ ik samt 'ishq hai

ai naujavān laḌkī himāqat kī baat hai

ek samt ghar ke log hain ek samt 'ishq hai

ai naujawan laDki himaqat ki baat hai

zindagī ek film hai merī

jis meñ hañsne kā scene hai hī nahīñ

zindagi ek film hai meri

jis mein hansne ka scene hai hi nahin

vahshat ne mujh hasīn ko behāl kar diyā

kamzor dil ke log na dekheñ mirī taraf

wahshat ne mujh hasin ko behaal kar diya

kamzor dil ke log na dekhen meri taraf

hālāñki ek shaḳhs tumhārī jagah pe hai

lekin tumhārā is se ḳhalā bhar nahīñ rahā

haalanki ek shaKHs tumhaari jagah pe hai

lekin tumhaara is se KHala bhar nahin raha

hamārī aañkh ke aañsū sameTo

tumhārā is se ḳharcha chal rahā hai

hamari aankh ke aansu sameTo

tumhaara is se KHarcha chal raha hai

pūchh mujh se ki kis tarah maiñ ne

terī tasvīr pe guzārā kiyā

puchh mujh se ki kis tarah main ne

teri taswir pe guzara kiya

dekh aañsū na qaid ho jaa.e

merī tasvīr khīñchne vaale

dekh aansu na qaid ho jae

meri taswir khinchne wale

maiñ tere hote hue ġhair kī panāh meñ huuñ

mire habīb ye tujh par 'azāb hai shāyad

main tere hote hue ghair ki panah mein hun

mere habib ye tujh par 'azab hai shayad

bhale vo laḌkī qarīb aa kar khaḌī rahegī

hamāre chehre kī ye udāsī banī rahegī

bhale wo laDki qarib aa kar khaDi rahegi

hamare chehre ki ye udasi bani rahegi