اک سمت گھر کے لوگ ہیں اک سمت عشق ہے

اے نوجوان لڑکی حماقت کی بات ہے

زندگی ایک فلم ہے میری

جس میں ہنسنے کا سین ہے ہی نہیں

وحشت نے مجھ حسین کو بے حال کر دیا

کمزور دل کے لوگ نہ دیکھیں مری طرف

حالانکہ ایک شخص تمہاری جگہ پہ ہے

لیکن تمہارا اس سے خلا بھر نہیں رہا

ہماری آنکھ کے آنسو سمیٹو

تمہارا اس سے خرچہ چل رہا ہے

پوچھ مجھ سے کہ کس طرح میں نے

تیری تصویر پہ گزارا کیا

دیکھ آنسو نہ قید ہو جائے

میری تصویر کھینچنے والے

میں تیرے ہوتے ہوئے غیر کی پناہ میں ہوں

مرے حبیب یہ تجھ پر عذاب ہے شاید

بھلے وہ لڑکی قریب آ کر کھڑی رہے گی

ہمارے چہرے کی یہ اداسی بنی رہے گی