dam-e-ruḳhsat vo chup rahe 'ābid'

aañkh meñ phailtā gayā kājal

dam-e-ruKHsat wo chup rahe 'abid'

aankh mein phailta gaya kajal

yā kabhī āshiqī kā khel na khel

yā agar maat ho to haath na mal

ya kabhi aashiqi ka khel na khel

ya agar mat ho to hath na mal

ik din us ne nain milā ke sharmā ke mukh moḌā thā

tab se sundar sundar sapne man ko ghere phirte haiñ

ek din us ne nain mila ke sharma ke mukh moDa tha

tab se sundar sundar sapne man ko ghere phirte hain

kahte the tujhī ko jaan apnī

aur tere baġhair bhī jiye haiñ

kahte the tujhi ko jaan apni

aur tere baghair bhi jiye hain

unhīñ ko arz-e-vafā kā thā ishtiyāq bahut

unhīñ ko arz-e-vafā nā-gavār guzrī hai

unhin ko arz-e-wafa ka tha ishtiyaq bahut

unhin ko arz-e-wafa na-gawar guzri hai

merā jiinā hai sej kāñToñ kī

un ke marne kā naam tāj-mahal

mera jina hai sej kanTon ki

un ke marne ka nam taj-mahal

jalva-e-yār se kyā shikva-e-bejā kiije

shauq-e-dīdār kā aalam vo kahāñ hai ki jo thā

jalwa-e-yar se kya shikwa-e-beja kije

shauq-e-didar ka aalam wo kahan hai ki jo tha

vā.izo maiñ bhī tumhārī hī tarah masjid meñ

bech duuñ daulat-e-īmāñ to mazā aa jaa.e

waizo main bhi tumhaari hi tarah masjid mein

bech dun daulat-e-iman to maza aa jae

vo mujhe mashvara-e-tark-e-vafā dete the

ye mohabbat kī adā hai mujhe ma.alūm na thā

wo mujhe mashwara-e-tark-e-wafa dete the

ye mohabbat ki ada hai mujhe malum na tha

kuchh ehtirām bhī kar ġham kī vaz.a-dārī kā

girāñ hai arz-e-tamannā to baar baar na kar

kuchh ehtiram bhi kar gham ki waza-dari ka

giran hai arz-e-tamanna to bar bar na kar

aaj aayā hai apnā dhyān hameñ

aaj dil ke nagar se guzre haiñ

aaj aaya hai apna dhyan hamein

aaj dil ke nagar se guzre hain

sāqiyā hai tirī mahfil meñ ḳhudāoñ kā hujūm

mahfil-afroz ho insāñ to mazā aa jaa.e

saqiya hai teri mahfil mein KHudaon ka hujum

mahfil-afroz ho insan to maza aa jae

mere jiine kā ye uslūb pata detā hai

ki abhī ishq meñ kuchh kaam haiñ karne vaale

mere jine ka ye uslub pata deta hai

ki abhi ishq mein kuchh kaam hain karne wale

tere ḳhush-posh faqīroñ se vo milte to sahī

jo ye kahte haiñ vafā pairhan-e-chāk meñ hai

tere KHush-posh faqiron se wo milte to sahi

jo ye kahte hain wafa pairhan-e-chaak mein hai

koī barsā na sar-e-kisht-e-vafā

kitne bādal guhar-afshāñ guzre

koi barsa na sar-e-kisht-e-wafa

kitne baadal guhar-afshan guzre

dar-e-iḳhlās kī dahlīz par ḳham huuñ 'ābid'

ek jiine kā salīqa dil-e-bebāk meñ hai

dar-e-iKHlas ki dahliz par KHam hun 'abid'

ek jine ka saliqa dil-e-bebak mein hai

ye hādisa bhī huā hai ki ishq-e-yār kī yaad

dayār-e-qalb se begāna-vār guzrī hai

ye hadisa bhi hua hai ki ishq-e-yar ki yaad

dayar-e-qalb se begana-war guzri hai

mujhe dhokā huā ki jaadū hai

paaoñ bajte haiñ tere bin chhāgal

mujhe dhoka hua ki jadu hai

paon bajte hain tere bin chhagal

ai iltifāt-e-yār mujhe sochne to de

marne kā hai maqām yā jiine kā mahal

ai iltifat-e-yar mujhe sochne to de

marne ka hai maqam ya jine ka mahal

shab-e-hijrāñ kī darāzī se pareshān na thā

ye terī zulf-e-rasā hai mujhe ma.alūm na thā

shab-e-hijran ki daraazi se pareshan na tha

ye teri zulf-e-rasa hai mujhe malum na tha

ġham ke tārīk ufuq par 'ābid'

kuchh sitāre sar-e-mizhgāñ guzre

gham ke tarik ufuq par 'abid'

kuchh sitare sar-e-mizhgan guzre

ye kyā tilism hai duniyā pe baar guzrī hai

vo zindagī jo sar-e-rahguzār guzrī hai

ye kya tilism hai duniya pe bar guzri hai

wo zindagi jo sar-e-rahguzar guzri hai

kabhī maiñ jur.at-e-iz.hār-e-mudda.ā to karūñ

koī javāz to ho lutf-e-be-sabab ke liye

kabhi main jurat-e-izhaar-e-muddaa to karun

koi jawaz to ho lutf-e-be-sabab ke liye

ishq kī tarz-e-takallum vahī chup hai ki jo thī

lab-e-ḳhush-gū-e-havas mahv-e-bayāñ hai ki jo thā

ishq ki tarz-e-takallum wahi chup hai ki jo thi

lab-e-KHush-gu-e-hawas mahw-e-bayan hai ki jo tha

subū uThā ki ye nāzuk maqām hai saaqī

na ahrman hai na yazdāñ hai dekhiye kyā ho

subu uTha ki ye nazuk maqam hai saqi

na ahrman hai na yazdan hai dekhiye kya ho

yahī dil jis ko shikāyat hai girāñ-jānī kī

yahī dil kār-gah-e-shīsha-girāñ hotā hai

yahi dil jis ko shikayat hai giran-jaani ki

yahi dil kar-gah-e-shisha-giran hota hai

shar.a-o-ā.īn kī tāzīr ke bā-vasf shabāb

lab-o-ruḳhsār kī jānib nigarāñ hai ki jo thā

shara-o-ain ki tazir ke ba-wasf shabab

lab-o-ruKHsar ki jaanib nigaran hai ki jo tha

ġham-e-daurāñ ġham-e-jānāñ kā nishāñ hai ki jo thā

vasf-e-ḳhūbāñ ba-hadīs-e-digrāñ hai ki jo thā

gham-e-dauran gham-e-jaanan ka nishan hai ki jo tha

wasf-e-KHuban ba-hadis-e-digran hai ki jo tha