ہم نے کتنے دھوکے میں سب جیون کی بربادی کی

گال پہ اک تل دیکھ کے ان کے سارے جسم سے شادی کی

بہن کی التجا ماں کی محبت ساتھ چلتی ہے

وفائے دوستاں بہر مشقت ساتھ چلتی ہے

اب اک رومال میرے ساتھ کا ہے

جو میری والدہ کے ہاتھ کا ہے

ایک لمحہ بھی مسرت کا بہت ہوتا ہے

لوگ جینے کا سلیقہ ہی کہاں رکھتے ہیں

ہنس مگر ہنسنے سے پہلے سوچ لے

یہ نہ ہو پھر عمر بھر رونا پڑے

ان کا دروازہ تھا مجھ سے بھی سوا مشتاق دید

میں نے باہر کھولنا چاہا تو وہ اندر کھلا

درد میں لذت بہت اشکوں میں رعنائی بہت

اے غم ہستی ہمیں دنیا پسند آئی بہت

زاہد خودی فروش تو واعظ خدا فروش

دونوں بزرگ میری نظر سے گزر گئے

جتنا بڑھتا گیا شعور ہنر

خود کو اتنا ہی بے ہنر جانا

میں نے ہر فائل کی دمچی پر یہ مصرع لکھ دیا

کام ہو سکتا نہیں سرکار میں روزے سے ہوں

ادھر کونے میں جو اک مجلس بیدار بیٹھی ہے

کرائے پر الیکشن کے لیے تیار بیٹھی ہے

غم دوراں سے اب تو یہ بھی نوبت آ گئی، اکثر

کسی مرغی سے ٹکرائی تو خود چکرا گئی، اکثر

کبھی وقت خرام آیا تو ٹائر کا سلام آیا

''تھم اے رہ رو کہ شاید پھر کوئی مشکل مقام آیا''

اس نے کی پہلے پہل پیمائش صحرائے نجد

قیس ہے دراصل اک مشہور پنواڑی کا نام