دل بیاض عمر کی اوراق گردانی میں ہے

کیا خبر ہے کون سا صفحہ کھلا رہ جائے گا

جو بھی نرمی ہے خیالوں میں نہ ہونے سے ہے

خواب آنکھوں سے نکل جائیں تو پتھر ہو جائیں

دیکھنے والی اگر آنکھ کو پہچان سکیں

رنگ خود پردۂ تصویر سے باہر ہو جائیں

پاؤں میں لپٹی ہوئی ہے سب کے زنجیر انا

سب مسافر ہیں یہاں لیکن سفر میں کون ہے

دکھ جھیلو تو جی کڑا ہی رکھنا

دل ہے تو حساب دوستاں ہے

اچھا ہے کہ صرف عشق کیجے

یہ عمر تو یوں بھی رائیگاں ہے

دل کی بازی ہار کے روئے ہو تو یہ بھی سن رکھو

اور ابھی تم پیار کرو گے اور ابھی پچھتاؤگے

کون سے دکھ کو پلے باندھیں کس غم کو تحریر کریں

یاں تو درد سوا ہوتا ہے اور بھی عرض حال کے بعد

کیا یہ سچ ہے کہ خزاں میں بھی چمن کھلتے ہیں

میرے دامن میں لہو ہے تو مہکتا کیا ہے

شوق کہتا ہے کہ ہر جسم کو سجدہ کیجے

آنکھ کہتی ہے کہ تو نے ابھی دیکھا کیا ہے