وہ حادثے بھی دہر میں ہم پر گزر گئے

جینے کی آرزو میں کئی بار مر گئے

آپ سے چوک ہو گئی شاید

آپ اور مجھ پہ مہرباں کیا خوب

عشق پھر عشق ہے آشفتہ سری مانگے ہے

ہوش کے دور میں بھی جامہ دری مانگے ہے

حسن ہی تو نہیں بیتاب نمائش عنواںؔ

عشق بھی آج نئی جلوہ گری مانگے ہے

اس کار نمایاں کے شاہد ہیں چمن والے

گلشن میں بہاروں کو لائے تھے ہمیں پہلے

کچھ تو بتاؤ اے فرزانو دیوانوں پر کیا گزری

شہر تمنا کی گلیوں میں برپا ہے کہرام بہت

رہنے دے تکلیف توجہ دل کو ہے آرام بہت

ہجر میں تیری یاد بہت ہے غم میں تیرا نام بہت

مری سمجھ میں آ گیا ہر ایک راز زندگی

جو دل پہ چوٹ پڑ گئی تو دور تک نظر گئی

پریشاں ہو کے دل ترک تعلق پر ہے آمادہ

محبت میں یہ صورت بھی نہ راس آئی تو کیا ہوگا

میں کس طرح تجھے الزام بے وفائی دوں

رہ وفا میں ترے نقش پا بھی ملتے ہیں