Waheed Akhtar's Photo'

Waheed Akhtar

1935 - 1996 | Aligarh, India

One of most outstanding modern poets and critics.

One of most outstanding modern poets and critics.

377
Favorite

SORT BY

hazāroñ saal safar kar ke phir vahīñ pahuñche

bahut zamāna huā thā hameñ zamīñ se chale

hazaron sal safar kar ke phir wahin pahunche

bahut zamana hua tha hamein zamin se chale

niind ban kar mirī āñkhoñ se mire ḳhuuñ meñ utar

rat-jagā ḳhatm ho aur raat mukammal ho jaa.e

nind ban kar meri aankhon se mere KHun mein utar

rat-jaga KHatm ho aur raat mukammal ho jae

be-barse guzar jaate haiñ umDe hue bādal

jaise unheñ merā patā yaad nahīñ hai

be-barse guzar jate hain umDe hue baadal

jaise unhen mera hi pata yaad nahin hai

but banāne pūjne phir toḌne ke vāste

ḳhud-parastī ko nayā har roz patthar chāhiye

but banane pujne phir toDne ke waste

KHud-parasti ko naya har roz patthar chahiye

mirī uḌaan agar mujh ko nīche aane de

to āsmān gahrā.ī meñ utar jā.ūñ

meri uDan agar mujh ko niche aane de

to aasman ki gahrai mein utar jaun

māñgne vāloñ ko kyā izzat o rusvā.ī se

dene vāloñ amīrī bharam khultā hai

mangne walon ko kya izzat o ruswai se

dene walon ki amiri ka bharam khulta hai

Thahrī hai to ik chehre pe Thahrī rahī barsoñ

bhaTkī hai to phir aañkh bhaTaktī rahī hai

Thahri hai to ek chehre pe Thahri rahi barson

bhaTki hai to phir aankh bhaTakti hi rahi hai

umr bhar milte rahe phir bhī na milne paa.e

is tarah mil ki mulāqāt mukammal ho jaa.e

umr bhar milte rahe phir bhi na milne pae

is tarah mil ki mulaqat mukammal ho jae

har ek lamha kiyā qarz zindagī adā

kuchh apnā haq bhī thā ham par vahī adā na huā

har ek lamha kiya qarz zindagi ka ada

kuchh apna haq bhi tha hum par wahi ada na hua

masjid ho madrasa ho ki majlis ki mai-kada

mahfūz shar se kuchh hai to ghar hai chale-chalo

masjid ho madrasa ho ki majlis ki mai-kada

mahfuz shar se kuchh hai to ghar hai chale-chalo

ḳhushk āñkhoñ se uThī mauj to duniyā Duubī

ham jise samjhe the sahrā vo samundar niklā

KHushk aankhon se uThi mauj to duniya Dubi

hum jise samjhe the sahra wo samundar nikla

dasht uḌtī huī ret pe likh dete haiñ log

ye zamīñ merī ye dīvār ye dar merā hai

dasht ki uDti hui ret pe likh dete hain log

ye zamin meri ye diwar ye dar mera hai

jo sunñā chāho to bol uTTheñge añdhere bhī

na sunñā chāho to dil sadā sunā.ī na de

jo sunna chaho to bol uTThenge andhere bhi

na sunna chaho to dil ki sada sunai na de

ġhazal ban ke utar baat mukammal ho jaa.e

muntazir dil munājāt mukammal ho jaa.e

tu ghazal ban ke utar baat mukammal ho jae

muntazir dil ki munajat mukammal ho jae

añdherā itnā nahīñ hai ki kuchh dikhā.ī na de

sukūt aisā nahīñ hai jo kuchh sunā.ī na de

andhera itna nahin hai ki kuchh dikhai na de

sukut aisa nahin hai jo kuchh sunai na de

ik dasht-e-be-amāñ safar hai chale-chalo

rukne meñ jaan o dil zarar hai chale-chalo

ek dasht-e-be-aman ka safar hai chale-chalo

rukne mein jaan o dil ka zarar hai chale-chalo

abr āñkhoñ se uThe haiñ tirā dāman mil jaa.e

hukm ho terā to barsāt mukammal ho jaa.e

abr aankhon se uThe hain tera daman mil jae

hukm ho tera to barsat mukammal ho jae

lete haiñ tirā naam yuuñ jāgte sote

jaise ki hameñ apnā ḳhudā yaad nahīñ hai

lete hain tera nam hi yun jagte sote

jaise ki hamein apna KHuda yaad nahin hai

baam o dar o dīvār ko ghar nahīñ kahte

tum ghar meñ nahīñ ho to makāñ hai bhī nahīñ bhī

baam o dar o diwar ko hi ghar nahin kahte

tum ghar mein nahin ho to makan hai bhi nahin bhi

bichhḌe hue ḳhvāb aa ke pakaḌ lete haiñ dāman

har rāsta parchhā.iyoñ ne rok liyā hai

bichhDe hue KHwab aa ke pakaD lete hain daman

har rasta parchhaiyon ne rok liya hai

kirnoñ se tarāshā huā ik nuur paikar

sharmāyā huā ḳhvāb chaukhaT pe khaḌā hai

kirnon se tarasha hua ek nur ka paikar

sharmaya hua KHwab ki chaukhaT pe khaDa hai

yaad aa.ī na kabhī be-sar-o-sāmānī meñ

dekh kar ghar ko ġharīb-ul-vatanī yaad aa.ī

yaad aai na kabhi be-sar-o-samani mein

dekh kar ghar ko gharib-ul-watani yaad aai

zer-e-pā ab na zamīñ hai na falak hai sar par

sail-e-taḳhlīq bhī girdāb manzar niklā

zer-e-pa ab na zamin hai na falak hai sar par

sail-e-taKHliq bhi girdab ka manzar nikla