ham us kī zulf kī zanjīr meñ hue haiñ asiir

sajan ke sar kī balā aa paḌī hamāre gale

hum us ki zulf ki zanjir mein hue hain asir

sajan ke sar ki bala aa paDi hamare gale

saḳht pistāñ tire chubhe dil meñ

apne hāthoñ se maiñ ḳharāb huā

saKHt pistan tere chubhe dil mein

apne hathon se main KHarab hua

siyā hai zaḳhm-e-bulbul gul ne ḳhaar aur bū-e-gulshan se

suuī taagā hamāre chāk-e-dil kā hai kahāñ dekheñ

siya hai zaKHm-e-bulbul gul ne KHar aur bu-e-gulshan se

sui taga hamare chaak-e-dil ka hai kahan dekhen

ai sālik intizār-e-haj meñ kyā tū hakka-bakkā hai

bagūle sā to kar le tauf dil pahlū meñ makka hai

ai salik intizar-e-haj mein kya tu hakka-bakka hai

bagule sa to kar le tauf dil pahlu mein makka hai

tirī vahshat kī sarsar se uḌā juuñ paat āñdhī kā

mirā dil haath se khoyā to tere haath kyā aayā

teri wahshat ki sarsar se uDa jun pat aandhi ka

mera dil hath se khoya to tere hath kya aaya

tirī zulf kī shab kā bedār maiñ huuñ

tujh āñkhoñ ke sāġhar kā mai-ḳhvār maiñ huuñ

teri zulf ki shab ka bedar main hun

tujh aankhon ke saghar ka mai-KHwar main hun

hindū o muslimīn haiñ hirs-o-havā-parast

ho āshnā-parast vahī hai ḳhudā-parast

hindu o muslimin hain hirs-o-hawa-parast

ho aashna-parast wahi hai KHuda-parast

sahj yaad aa gayā vo laal holī-bāz juuñ dil meñ

gulālī ho gayā tan par mire ḳhirqa jo ujlā thā

sahj yaad aa gaya wo lal holi-baz jun dil mein

gulali ho gaya tan par mere KHirqa jo ujla tha

vo pal meñ jal-bujhā aur ye tamām raat jalā

hazār baar patiñge se hai charāġh bhalā

wo pal mein jal-bujha aur ye tamam raat jala

hazar bar patinge se hai charagh bhala

bād-e-bahār meñ sab ātish junūn kī hai

har saal āvatī hai garmī meñ fasl-e-holī

baad-e-bahaar mein sab aatish junun ki hai

har sal aawati hai garmi mein fasl-e-holi

ishq gore husn kā āshiq ke dil ko de jalā

sāñvloñ ke āshiqoñ kā dil hai kaalā ko.elā

ishq gore husn ka aashiq ke dil ko de jala

sanwlon ke aashiqon ka dil hai kala koela

mohkme meñ ishq ke hai yaaro dīvāne kā shor

mere dil dene kā ġhul us ke mukar jaane kā shor

mohkme mein ishq ke hai yaro diwane ka shor

mere dil dene ka ghul us ke mukar jaane ka shor

talḳh lagtā hai use shahr kī bastī kā svaad

zauq hai jis ko bayābāñ ke nikal jaane kā

talKH lagta hai use shahr ki basti ka swad

zauq hai jis ko bayaban ke nikal jaane ka

jis par nazar paḌe use ḳhud se nikālnā

raushan-diloñ kā kaam hai mānind-e-ā.īna

jis par nazar paDe use KHud se nikalna

raushan-dilon ka kaam hai manind-e-aina

jald mar ga.e tirī hasrat setī ham

ki tirā der kā aanā na gayā

jald mar gae teri hasrat seti hum

ki tera der ka aana na gaya

ga.e sab mard rah ga.e rahzan ab ulfat se kāmil huuñ

ai dil vaalo maiñ in dil vāliyoñ se saḳht be-dil huuñ

gae sab mard rah gae rahzan ab ulfat se kaamil hun

ai dil walo main in dil waliyon se saKHt be-dil hun

jape hai vird sā tujh se sanam ke naam ko shaiḳh

namāz toḌ uThe tere raam raam ko shaiḳh

jape hai wird sa tujh se sanam ke nam ko shaiKH

namaz toD uThe tere ram ram ko shaiKH

kahā jo maiñ ne gayā ḳhat se haa.e terā husn

to hañs ke mujh ko kahā pashm se gayā to gayā

kaha jo main ne gaya KHat se hae tera husn

to hans ke mujh ko kaha pashm se gaya to gaya

ġhanīmat buujh leveñ mere dard-ālūd nāloñ ko

ye dīvāna bahut yaad aa.egā shahrī ġhazāloñ ko

ghanimat bujh lewen mere dard-alud nalon ko

ye diwana bahut yaad aaega shahri ghazalon ko

jo ham ye tifloñ ke sañg-e-jafā ke maare haiñ

butoñ kā shikva nahīñ ham ḳhudā ke maare haiñ

jo hum ye tiflon ke sang-e-jafa ke mare hain

buton ka shikwa nahin hum KHuda ke mare hain

kuchh ġhaur kā jauhar nahīñ ḳhud-fahmī meñ hairāñ haiñ

is asr ke fāzil sab sat.hī haiñ juuñ ā.īna

kuchh ghaur ka jauhar nahin KHud-fahmi mein hairan hain

is asr ke fazil sab sathi hain jun aaina

us ko pahuñchī ḳhabar ki jiitā huuñ

kisī dushman setī sunā hogā

us ko pahunchi KHabar ki jita hun

kisi dushman seti suna hoga

maiñ sahrā jā ke qabr-e-hazrat-e-majnūñ ko dekhā thā

ziyārat karte the aahū bagūla tauf kartā thā

main sahra ja ke qabr-e-hazrat-e-majnun ko dekha tha

ziyarat karte the aahu bagula tauf karta tha

jo āshiq ho use sahrā meñ chal jaane se kyā nisbat

juz apnī dhuul uḌānā aur vīrāne se kyā nisbat

jo aashiq ho use sahra mein chal jaane se kya nisbat

juz apni dhul uDana aur virane se kya nisbat

piir ho shaiḳh huā hai dekho tifloñ kā murīd

murda bolā hai kafan phaaḌ qayāmat aa.ī

pir ho shaiKH hua hai dekho tiflon ka murid

murda bola hai kafan phaD qayamat aai

jaave thī jāsūsī-e-majnūñ ko tā rāhat na le

varna kab lailā ko thā sahrā meñ jaane kā dimāġh

jawe thi jasusi-e-majnun ko ta rahat na le

warna kab laila ko tha sahra mein jaane ka dimagh

jā kar fanā ke us taraf āsūda maiñ huā

maiñ ālam-e-adam meñ bhī dekhā maza na thā

ja kar fana ke us taraf aasuda main hua

main aalam-e-adam mein bhi dekha maza na tha

is zamāne meñ buzurgī siflagī kā naam hai

jis kī Tikiyā meñ phire uñglī so ho jaave tirā

is zamane mein buzurgi siflagi ka nam hai

jis ki Tikiya mein phire ungli so ho jawe tera