koī bhī shai hasīñ lagtī nahīñ jab tere sivā

ye batā shahr meñ ham tere sivā kyā dekheñ

koi bhi shai hasin lagti nahin jab tere siwa

ye bata shahr mein hum tere siwa kya dekhen

koī pursāñ nahīñ ġhamoñ kā 'zafar'

dekhne meñ hazār rishte haiñ

koi pursan nahin ghamon ka 'zafar'

dekhne mein hazar rishte hain

mom ke log kaḌī dhuup meñ aa baiThe haiñ

aao ab un ke pighalne kā tamāshā dekheñ

mom ke log kaDi dhup mein aa baiThe hain

aao ab un ke pighalne ka tamasha dekhen

tahzīb hī baaqī hai na ab sharm-o-hayā kuchh

kis darja ab insān ye bebāk huā hai

tahzib hi baqi hai na ab sharm-o-haya kuchh

kis darja ab insan ye bebak hua hai

us jaisā dūsrā na samāyā nigāh meñ

kitne hasīn āñkhoñ se paikar guzar ga.e

us jaisa dusra na samaya nigah mein

kitne hasin aankhon se paikar guzar gae