ab māñgne pe chhāoñ bhī dete nahīñ mujhe

paude jo apne ḳhuun se maiñ sīñchtā rahā

ab mangne pe chhaon bhi dete nahin mujhe

paude jo apne KHun se main sinchta raha

jo kahtā thā tire bin mar rahā huuñ

vo kaise jī rahā hai sochtā huuñ

jo kahta tha tere bin mar raha hun

wo kaise ji raha hai sochta hun

kāñToñ meñ qaid phuul se girne se peshtar

shabnam kā qatra der talak kāñptā rahā

kanTon mein qaid phul se girne se peshtar

shabnam ka qatra der talak kanpta raha

kuchh der mere ghar se bahāreñ ḳhafā rahīñ

lekin mujhe gulāb koī bhejtā rahā

kuchh der mere ghar se bahaaren KHafa rahin

lekin mujhe gulab koi bhejta raha

so ga.e haiñ phuul bhī Tahnī kā jhūlā jhūlte

loriyāñ koī sunā.e shaam peḌoñ ke tale

so gae hain phul bhi Tahni ka jhula jhulte

loriyan koi sunae sham peDon ke tale