vo thak ga.ī thī bhiiḌ meñ chalte hue 'zahūr'

us ke badan pe an-ginat āñkhoñ kā bojh thā

wo thak gai thi bhiD mein chalte hue 'zahur'

us ke badan pe an-ginat aankhon ka bojh tha

koī bhī hal nahīñ udāsī kā

mujh se kamre ne bārhā pūchhā

koi bhi hal nahin udasi ka

mujh se kamre ne barha puchha

ye to insāniyat ko Thokar hai

aadmī aadmī kā naukar hai

ye to insaniyat ko Thokar hai

aadmi aadmi ka naukar hai

bhejī tasvīr bhī to āñkhoñ kī

yā'nī āñkheñ dikhā rahī ho mujhe

bheji taswir bhi to aankhon ki

ya'ni aankhen dikha rahi ho mujhe

is qadar qahqahe haiñ duniyā meñ

sharm aatī hai mujh ko rote hue

is qadar qahqahe hain duniya mein

sharm aati hai mujh ko rote hue