کی تلاش کا نتیجه | موضو - تمام, صفحہ baur

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "baur"

شاعر/مصنف/ فن کار

بول سمراٹ پرناداس

بول سمراٹ پرناداس

ٹ۔ ج۔ دو بوئر

انتہائی متعلقہ نتائج "baur"

شعر

موسم تمہارے ساتھ کا جانے کدھر گیا
تم آئے اور بور نہ آیا درخت پر

عباس تابش

نظم

بسنت اور ہولی کی بہار

بور آم کے ہیں یوں چمن کائنات میں
موتی کے جیسے گچھے ہوں زر کار پات میں

افق لکھنوی

غزل

پھل کا پھر بوجھ تو اس سے نہیں اٹھنے والا
بور آتے ہی اگر شاخ لچک جائے گی

حسن ظہیر راجا

نظم

محبت نور ہے جاناں

زمانہ اس کی خواہش میں ازل سے چور ہے جاناں
محبت نور ہے جاناں
محبت نور ہے جاناں
رخ مہتاب سے روشن نگار خواب سے روشن
نظر میں کھلنے والے سبزۂ شاداب سے روشن
ستاروں سے کہیں بڑھ کر چمک اس کے جلو میں ہے
جو آب و تاب ہے اس میں کہاں سورج کی ضو میں ہے
یہ نخل عشق پر جیسے وفا کا بور ہے جاناں
محبت نور ہے جاناں
محبت نور ہے جاناں
یہ جس دل میں اتر جائے اسے معمور کر جائے
سراپا رنگ کر جائے تمناؤں سے بھر جائے
یہ ایسا کیف ہے جو ہر قدم پر زندگی پر نور کرتا ہے
اتر کر روح میں اس کے اندھیرے دور کرتا ہے
یہ وہ احساس ہے جو ہر گھڑی بھرپور ہے جاناں
محبت نور ہے جاناں
محبت نور ہے جاناں

ناز بٹ

نظم

نقرئی طلسم

رات تاریک تھی اک کالے سمندر کی طرح
اجنبی دیس تھا تنہائی تھی
جگمگاتے ہوئے بازاروں کی بے کیف فضا
اور بوجھل سا کئے دیتی تھی جسم و جاں کو
شہر کی حد سے پرے
دور تک پھیلے ہوئے ریت کی سفاکی تھی
آسمان دھول میں لپٹا ہو تا حد نظر
کوئی سایہ نہ سراب
کار میں بجتا ہوا گیت بھی الفاظ کی تکرار تھا
بے روح تھی لے
پھر اچانک مجھے مانوس سے اک لمس نے بیدار کیا
تھپکیاں دے کے مرے شانے پر
پیار سے سرگوشی کی
میں ترے ساتھ یہاں تک آیا
میں ابھی چوم کے آیا ہوں تری خاک وطن
تیری گلیاں ترے مانوس در و بام تیرا گھر آنگن
تیرے ماں باپ کے آزردہ سے مشفق چہرے
منتظر آنکھوں کی خاموشی کو چوم آیا ہوں
تیرے آنگن کی چنبیلی کی دعا لایا ہوں
یاد ہے یاد ہے
کوئی کہتا ہی رہا
وہ ستمبر کی خنک رات تھی میں تھا تم تھیں
ریڈیو پر کوئی بجتی ہوئی اسپینش دھن
دور پیپل کے گھنے جنگل میں
ہم کو مدہوش کئے دیتی تھی
یاد ہے
تجھ کو لڑکپن میں کبھی
آم کے بور کی بیلے کی چنبیلی کی مہک ساتھ لئے
کچے آنگن میں جھکے نیم کی شاخوں میں ہوا بہتی تھی
اور ہم دونوں بہت دیر تلک جاگتے تھے
راز کی باتیں کیا کرتے تھے
کوئی کہتا ہی رہا
یاد کرو یاد کرو
دیپ سے دیپ جلے یادوں کے
اور کچھ ایسا ہوا
یک بہ یک چلنے لگی باد صبا نجد کے صحراؤں میں
اور اک نور کا دریا سا نظر آنے لگا صحرا میں
کار کے بند دریچے سے اتر آیا مری گود میں چاند

عذرا نقوی

لغت سے متعلق نتائج

ریختہ لغت

daur

दौरدَور

عربی

زمین و آسمان کی محوری گردش، چکر

baur

बौरبَوْر

سنسکرت

آم کا پھول، مور، مول

bau

बौبَو

ہندی

نذرانہ جو کاشتکار اپنی لڑکی کی شادی پر زمیندار کو پیش کرتا ہے

taur

तौरطَور

عربی

حال، حالت، گت

کتاب کے متعلقہ نتیجہ "baur"

باول فلاسفی

بول سمراٹ پرناداس

فلسفہ

تاریخ فلسفۂ اسلام

ٹ۔ ج۔ دو بوئر

دی راگا گائیڈ

جوپ بور

استقصاء البول

ڈاکٹر فضل الرحمٰن

رسالہ در بیان دلائل البول

نامعلوم مصنف

مخطوطات

مزید نتائج "baur"

غزل

آرزو تھی کہ شجر کو ثمر آور دیکھوں
بور پڑتے ہی مگر صحن میں پتھر آئے

مختار جاوید

نظم

ٹھہرے ہوئے موسم کی ایک نظم

کبھی منہ سے آواز ہاتھوں سے قسمت اور آنکھوں سے پہلی مسرت کا پانی گرے
تو اسے مت اٹھانا
کبھی رات کی شال سے چاند سالوں کی مٹھی سے خوشبو زمینوں کی جھولی سے خوراک
اور دل سے قربت کی خواہش گرے
تو اسے اٹھانا
کبھی شام کے گھونسلے سے پرندہ فجر سے عبادت کا چوغا پہاڑوں سے
سرما کا پہلا مینہ گرے
تو اسے مت اٹھانا
کبھی آسمانوں سے حرف مناجات شاہین کی آنکھوں سے آنسو ہواؤں
سے لمبے سفر کی حکایت
غلاموں کے دامن سے آزاد صبحوں کی ساعت گرے
تو اسے مت اٹھانا
کبھی پاؤں سے حوصلہ آم کے پیڑ سے بور بچوں کی مٹھی سے لوری اور فصلوں پہ
پھیلی ہوئی دھوپ کٹ کر گرے
تو اسے مت اٹھانا
نگاہ اپنے دشمن پہ رکھنا
سفر کو امانت سمجھنا
اور اعصاب جھکنے نہ دینا
کہ سب چیزیں اپنے سے بہتر کو اپنی جگہ دے گئی ہیں

اصغر ندیم سید

ہندی غزل

پھاگن کی مست بیار آئی آموں کے پہلے بور آئے
میرے ہیہ میں ڈول گئے سو سو بورائے کالے ناگ سکھی

اشو جھا نقاش

غزل

ایک گھنی نیچی چھت آم کے باغوں کی
مست مہکتی بور میں دھوپ اور سایہ کیا

زیب غوری

غزل

موسم آنے پہ شجر بور سے بھر جاتا ہے
جانے کس اور مگر سارا ثمر جاتا ہے

شہزاد واثق

غزل

پھر لہلہا اٹھا سمے آموں پہ بور کا
جانے سکھی کب آئے مسافر وہ دور کا

ناصر شہزاد

نظم

کوئل

او چمن کی اجنبی چڑیا! کہاں تھی آہ! تو
کیا کسی صحرا کے دامن میں نہاں تھی آہ! تو
تیرے دل کش زمزمے تھے سبزہ زاروں میں خموش
آشیانہ تھا ترا گلشن میں بزم بے خروش
کھینچتی وقت سحر دل کو تری کو‌ کو نہ تھی
چھاؤں میں تاروں کی محو نغمۂ دلجو نہ تھی
موسم سرما میں اے سرمایۂ صبر و شکیب
بے صدا تیرا پس پردہ تھا ساز دل فریب
مرحبا اے پیکر پیک سبک گام بہار
لے کے پھر تو گرمیوں میں آئی پیغام بہار
تو ادھر آئی فضائے گل کا دور آیا ادھر
تو نے گائے گیت اور آموں کا بور آیا ادھر
طائران باغ نے چھیڑا ہے ساز انبساط
تیرے مقدم میں ہے شاخوں پر ہم آہنگ نشاط
پہنی ننھی ننھی کلیوں نے قبائے شبنمیں
آ رہی ہے کان میں تیری صدائے دلنشیں
کوئی انجم آسماں کا اور سبک پرواز شوق
رہنما ہے کیا ترا دلدادۂ انداز شوق
تو جو آنے والے موسم کا نشاں پاتی ہوئی
اپنی منزل پر پہنچ جاتی ہے یوں گاتی ہوئی
تیرے مقدم میں شکیب خاطر نا شاد میں
موسم گل کو بھی دیتا ہوں مبارک باد میں
تو چمن میں اڑ کے کیا آئی کہ آ پہنچی بہار
گا رہی ہیں چھوٹی چڑیاں سبز کنجوں میں ملہار
دامن رنگیں میں اک دوشیزۂ ناکتخدا
چن رہی ہے ننھی ننھی سرخ کلیاں خوش نما
اور تجھ سے ہم سرود نغمۂ اعجاز ہے
بزم قدرت میں تری گویا شریک راز ہے
میٹھے نغمے گانے والی او چمن کی نازنیں
ہے تر و تازہ ہمیشہ تیرا کنج دل نشیں
اور مصفا ہے فضائے آسماں تیرے لئے
ہے شفق جام شراب ارغواں تیرے لئے
تیرے نغموں میں اثر اندوہ حرماں کا نہیں
سال میں تیرے گزر فصل زمستاں کا نہیں
مجھ کو قسام ازل دیتا اگر دو بال و پر
اڑ کے ہوتا میں بھی تیرے ساتھ سرگرم سفر
بن کے ہم دونوں رفیق موسم جوش بہار
کرتے خوش خوش ہر برس گلگشت دشت و کوہسار

سرور جہاں آبادی

نظم

لیکن

پہلی بارش جیسا تیرا چہرہ تھا
دل پتھر کی ہر ہر درز میں
کوئی کونپل پھوٹ گئی تھی
اک اک ریکھ کا ہاتھ پکڑ کے
تیری یاد کی بیل بدن پر پھیل رہی تھی
اور پھوار پڑی پھر اک دن
تن چنری کی سلوٹ سلوٹ
زہر اور نمو کی کاہی رنگت رچی ہوئی تھی
نخل دار پہ بور آنے کا موسم بھی تھا
دلی کی گلیوں میں اس دن
میرؔ نام کے سودائی کا ماتم بھی تھا
گھر میں بہار آئی تو غالبؔ
ذات کے کسی بیابان میں تھا
دست صبا نے دستک دی تو
فیضؔ ابھی تک
غم جہاں کے زنداں میں تھا

سلمان حیدر

غزل

اسی امید پہ گزرے کئی موسم خالی
شاید اس بار شجر بور اٹھانے لگا جائیں

عباس تابش

نظم

آخری پڑاؤ

شاید میری زمین
اپنے سفر کے آخری پڑاؤ سے آگے نکل چکی ہے
منزل پر جلتے ہوئے فلک بوس الاؤ کی حدت کچھ اتنی تیز ہے
کہ درختوں کے جڑوں سے لے کر
شاخوں کے سروں پر آنے والا بور تک
پسینے اور گرمی سے ہانپ رہا ہے
وقت کی کٹھالی میں ابلتے ہوئے حالات کے ساتھ
اب کے کسی عقل مند نے ہوا کے ہاتھ پر رکھے ہوئے
تمام موسم بھی اٹھا کر ڈال دیئے ہیں
مجھے یاد ہے کہ شعور کی پہلی سیڑھیوں پر پاؤں رکھتے ہی
کس عصبیتی لمحے نے
میرے کانوں میں سرگوشی کی تھی
کہ تم اپنے باپ کی پیدائش سے بھی بہت پہلے گروی رکھ دیئے گئے تھے
میں اس دن سے لے کر آج تک بہی کھاتوں کے
قرض والے خانے سے نہیں نکل سکا
اور میرے ہاتھوں میں اتنی بے اختیاری بھر دی گئی ہے
کہ میرے گھر کے دروازے کی چابیاں ہر روز پھسلتی ہوئی
میری انگلی کی آخری پور پر آ جاتی ہیں
اور میں دہشت ناک آنکھوں سے خلا میں دیکھنے لگتا ہوں
کہ جیسے دور غلامی کے سیاہ منظر
آدھے سے زیادہ درسی کتابوں سے باہر نکل آئے ہیں
خوف کے لمبے ناخنوں نے خاک زادوں کے بدن کی مٹی ایسے کھرچ دی ہے
جیسے مکانوں کی دیواروں کا کچا رنگ
تیز بارشوں میں اتر کر نالیوں میں بہہ جاتا ہے
گھروں محلوں اور سڑکوں پر نادیدہ دیواریں اتنی اونچی اٹھا دی گئی ہیں
کہ ہم اکٹھے رہتے ہوئے ایک ساتھ چلتے ہوئے بھی
ایک دوسرے کو دیکھ نہیں سکتے
اور کیا کہوں کہ اس سال دیکھنے سننے اور بولنے پر بھی نمکیں لگا دیا گیا
جیسے ہم سب اپنے اپنے بدن میں تنہا کر کے مار دیئے جائیں گے
وہ عہد زیادہ دور نہیں
جب ہمیں کوئی نسل موہنجودڑو اور ہڑپا کی طرح دریافت کرے گی
سوچ رہا ہوں کہ ہمیں کتنے فٹ گہرا کھود کر نکالا جائے گا
اور پھر میوزیم میں رکھی ہوئی شیشے کی المایوں میں
پرانی ہڈیوں کے نیچے یہ تحریر جب کوئی سیاح رکھ کر پڑھے گا
کہ یہ اس دور کا انسان تھا جب ترقی اپنے نقطہ عروج سے بھی آگے تھی
مگر تعلیم یافتہ اس معاشرے کے لوگ غاروں میں رہنے والوں سے زیادہ تہذیب یافتہ تھے
یہ ایک شاعر تھا
جو احساس کی قبر میں
اپنی موت سے پہلے دفن کر دیا گیا

سلیم فگار

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے