کی تلاش کا نتیجه | موضو - تمام, صفحہ dhotii

تلاش کے نتائج

تلاش کا نتیجہ "dhotii"

انتہائی متعلقہ نتائج "dhotii"

نظم

والدہ مرحومہ کی یاد میں

ذرہ ذرہ دہر کا زندانیٔ تقدیر ہے
پردۂ مجبوری و بے چارگی تدبیر ہے
آسماں مجبور ہے شمس و قمر مجبور ہیں
انجم سیماب پا رفتار پر مجبور ہیں
ہے شکست انجام غنچے کا سبو گلزار میں
سبزہ و گل بھی ہیں مجبور نمو گلزار میں
نغمۂ بلبل ہو یا آواز خاموش ضمیر
ہے اسی زنجیر عالمگیر میں ہر شے اسیر
آنکھ پر ہوتا ہے جب یہ سر مجبوری عیاں
خشک ہو جاتا ہے دل میں اشک کا سیل رواں
قلب انسانی میں رقص عیش و غم رہتا نہیں
نغمہ رہ جاتا ہے لطف زیر و بم رہتا نہیں
علم و حکمت رہزن سامان اشک و آہ ہے
یعنی اک الماس کا ٹکڑا دل آگاہ ہے
گرچہ میرے باغ میں شبنم کی شادابی نہیں
آنکھ میری مایہ دار اشک عنابی نہیں
جانتا ہوں آہ میں آلام انسانی کا راز
ہے نوائے شکوہ سے خالی مری فطرت کا ساز
میرے لب پر قصۂ نیرنگی دوراں نہیں
دل مرا حیراں نہیں خندہ نہیں گریاں نہیں
پر تری تصویر قاصد گریۂ پیہم کی ہے
آہ یہ تردید میری حکمت محکم کی ہے
گریۂ سرشار سے بنیاد جاں پایندہ ہے
درد کے عرفاں سے عقل سنگدل شرمندہ ہے
موج دود آہ سے آئینہ ہے روشن مرا
گنج آب آورد سے معمور ہے دامن مرا
حیرتی ہوں میں تری تصویر کے اعجاز کا
رخ بدل ڈالا ہے جس نے وقت کی پرواز کا
رفتہ و حاضر کو گویا پا بہ پا اس نے کیا
عہد طفلی سے مجھے پھر آشنا اس نے کیا
جب ترے دامن میں پلتی تھی وہ جان ناتواں
بات سے اچھی طرح محرم نہ تھی جس کی زباں
اور اب چرچے ہیں جس کی شوخئ گفتار کے
بے بہا موتی ہیں جس کی چشم گوہر بار کے
علم کی سنجیدہ گفتاری بڑھاپے کا شعور
دنیوی اعزاز کی شوکت جوانی کا غرور
زندگی کی اوج گاہوں سے اتر آتے ہیں ہم
صحبت مادر میں طفل سادہ رہ جاتے ہیں ہم
بے تکلف خندہ زن ہیں فکر سے آزاد ہیں
پھر اسی کھوئے ہوئے فردوس میں آباد ہیں
کس کو اب ہوگا وطن میں آہ میرا انتظار
کون میرا خط نہ آنے سے رہے گا بے قرار
خاک مرقد پر تری لے کر یہ فریاد آؤں گا
اب دعائے نیم شب میں کس کو میں یاد آؤں گا
تربیت سے تیری میں انجم کا ہم قسمت ہوا
گھر مرے اجداد کا سرمایۂ عزت ہوا
دفتر ہستی میں تھی زریں ورق تیری حیات
تھی سراپا دین و دنیا کا سبق تیری حیات
عمر بھر تیری محبت میری خدمت گر رہی
میں تری خدمت کے قابل جب ہوا تو چل بسی
وہ جواں قامت میں ہے جو صورت سرو بلند
تیری خدمت سے ہوا جو مجھ سے بڑھ کر بہرہ مند
کاروبار زندگانی میں وہ ہم پہلو مرا
وہ محبت میں تری تصویر وہ بازو مرا
تجھ کو مثل طفلک بے دست و پا روتا ہے وہ
صبر سے نا آشنا صبح و مسا روتا ہے وہ
تخم جس کا تو ہماری کشت جاں میں بو گئی
شرکت غم سے وہ الفت اور محکم ہو گئی
آہ یہ دنیا یہ ماتم خانۂ برنا و پیر
آدمی ہے کس طلسم دوش و فردا میں اسیر
کتنی مشکل زندگی ہے کس قدر آساں ہے موت
گلشن ہستی میں مانند نسیم ارزاں ہے موت
زلزلے ہیں بجلیاں ہیں قحط ہیں آلام ہیں
کیسی کیسی دختران مادر ایام ہیں
کلبۂ افلاس میں دولت کے کاشانے میں موت
دشت و در میں شہر میں گلشن میں ویرانے میں موت
موت ہے ہنگامہ آرا قلزم خاموش میں
ڈوب جاتے ہیں سفینے موج کی آغوش میں
نے مجال شکوہ ہے نے طاقت گفتار ہے
زندگانی کیا ہے اک طوق گلو افشار ہے
قافلے میں غیر فریاد درا کچھ بھی نہیں
اک متاع دیدۂ تر کے سوا کچھ بھی نہیں
ختم ہو جائے گا لیکن امتحاں کا دور بھی
ہیں پس نہ پردۂ گردوں ابھی دور اور بھی
سینہ چاک اس گلستاں میں لالہ و گل ہیں تو کیا
نالہ و فریاد پر مجبور بلبل ہیں تو کیا
جھاڑیاں جن کے قفس میں قید ہے آہ خزاں
سبز کر دے گی انہیں باد بہار جاوداں
خفتہ خاک پے سپر میں ہے شرار اپنا تو کیا
عارضی محمل ہے یہ مشت غبار اپنا تو کیا
زندگی کی آگ کا انجام خاکستر نہیں
ٹوٹنا جس کا مقدر ہو یہ وہ گوہر نہیں
زندگی محبوب ایسی دیدۂ قدرت میں ہے
ذوق حفظ زندگی ہر چیز کی فطرت میں ہے
موت کے ہاتھوں سے مٹ سکتا اگر نقش حیات
عام یوں اس کو نہ کر دیتا نظام کائنات
ہے اگر ارزاں تو یہ سمجھو اجل کچھ بھی نہیں
جس طرح سونے سے جینے میں خلل کچھ بھی نہیں
آہ غافل موت کا راز نہاں کچھ اور ہے
نقش کی ناپائیداری سے عیاں کچھ اور ہے
جنت نظارہ ہے نقش ہوا بالائے آب
موج مضطر توڑ کر تعمیر کرتی ہے حباب
موج کے دامن میں پھر اس کو چھپا دیتی ہے یہ
کتنی بے دردی سے نقش اپنا مٹا دیتی ہے یہ
پھر نہ کر سکتی حباب اپنا اگر پیدا ہوا
توڑنے میں اس کے یوں ہوتی نہ بے پروا ہوا
اس روش کا کیا اثر ہے ہیئت تعمیر پر
یہ تو حجت ہے ہوا کی قوت تعمیر پر
فطرت ہستی شہید آرزو رہتی نہ ہو
خوب تر پیکر کی اس کو جستجو رہتی نہ ہو
آہ سیماب پریشاں انجم گردوں فروز
شوخ یہ چنگاریاں ممنون شب ہے جن کا سوز
عقل جس سے سر بہ زانو ہے وہ مدت ان کی ہے
سر گزشت نوع انساں ایک ساعت ان کی ہے
پھر یہ انساں آں سوئے افلاک ہے جس کی نظر
قدسیوں سے بھی مقاصد میں ہے جو پاکیزہ تر
جو مثال شمع روشن محفل قدرت میں ہے
آسماں اک نقطہ جس کی وسعت فطرت میں ہے
جس کی نادانی صداقت کے لیے بیتاب ہے
جس کا ناخن ساز ہستی کے لیے مضراب ہے
شعلہ یہ کم تر ہے گردوں کے شراروں سے بھی کیا
کم بہا ہے آفتاب اپنا ستاروں سے بھی کیا
تخم گل کی آنکھ زیر خاک بھی بے خواب ہے
کس قدر نشوونما کے واسطے بیتاب ہے
زندگی کا شعلہ اس دانے میں جو مستور ہے
خود نمائی خود فزائی کے لیے مجبور ہے
سردی مرقد سے بھی افسردہ ہو سکتا نہیں
خاک میں دب کر بھی اپنا سوز کھو سکتا نہیں
پھول بن کر اپنی تربت سے نکل آتا ہے یہ
موت سے گویا قبائے زندگی پاتا ہے یہ
ہے لحد اس قوت آشفتہ کی شیرازہ بند
ڈالتی ہے گردن گردوں میں جو اپنی کمند
موت تجدید مذاق زندگی کا نام ہے
خواب کے پردے میں بیداری کا اک پیغام ہے
خوگر پرواز کو پرواز میں ڈر کچھ نہیں
موت اس گلشن میں جز سنجیدن پر کچھ نہیں
کہتے ہیں اہل جہاں درد اجل ہے لا دوا
زخم فرقت وقت کے مرہم سے پاتا ہے شفا
دل مگر غم مرنے والوں کا جہاں آباد ہے
حلقۂ زنجیر صبح و شام سے آزاد ہے
وقت کے افسوں سے تھمتا نالۂ ماتم نہیں
وقت زخم تیغ فرقت کا کوئی مرہم نہیں
سر پہ آ جاتی ہے جب کوئی مصیبت ناگہاں
اشک پیہم دیدۂ انساں سے ہوتے ہیں رواں
ربط ہو جاتا ہے دل کو نالہ و فریاد سے
خون دل بہتا ہے آنکھوں کی سرشک آباد سے
آدمی تاب شکیبائی سے گو محروم ہے
اس کی فطرت میں یہ اک احساس نامعلوم ہے
جوہر انساں عدم سے آشنا ہوتا نہیں
آنکھ سے غائب تو ہوتا ہے فنا ہوتا نہیں
رخت ہستی خاک غم کی شعلہ افشانی سے ہے
سرد یہ آگ اس لطیف احساس کے پانی سے ہے
آہ یہ ضبط فغاں غفلت کی خاموشی نہیں
آگہی ہے یہ دلاسائی فراموشی نہیں
پردۂ مشرق سے جس دم جلوہ گر ہوتی ہے صبح
داغ شب کا دامن آفاق سے دھوتی ہے صبح
لالۂ افسردہ کو آتش قبا کرتی ہے یہ
بے زباں طائر کو سرمست نوا کرتی ہے یہ
سینۂ بلبل کے زنداں سے سرود آزاد ہے
سیکڑوں نغموں سے باد صبح دم آباد ہے
خفتہ گان لالہ زار و کوہسار و رود بار
ہوتے ہیں آخر عروس زندگی سے ہمکنار
یہ اگر آئین ہستی ہے کہ ہو ہر شام صبح
مرقد انساں کی شب کا کیوں نہ ہو انجام صبح
دام سیمین تخیل ہے مرا آفاق گیر
کر لیا ہے جس سے تیری یاد کو میں نے اسیر
یاد سے تیری دل درد آشنا معمور ہے
جیسے کعبے میں دعاؤں سے فضا معمور ہے
وہ فرائض کا تسلسل نام ہے جس کا حیات
جلوہ گاہیں اس کی ہیں لاکھوں جہان بے ثبات
مختلف ہر منزل ہستی کو رسم و راہ ہے
آخرت بھی زندگی کی ایک جولاں گاہ ہے
ہے وہاں بے حاصلی کشت اجل کے واسطے
سازگار آب و ہوا تخم عمل کے واسطے
نور فطرت ظلمت پیکر کا زندانی نہیں
تنگ ایسا حلقۂ افکار انسانی نہیں
زندگانی تھی تری مہتاب سے تابندہ تر
خوب تر تھا صبح کے تارے سے بھی تیرا سفر
مثل ایوان سحر مرقد فروزاں ہو ترا
نور سے معمور یہ خاکی شبستاں ہو ترا
آسماں تیری لحد پر شبنم افشانی کرے
سبزۂ نورستہ اس گھر کی نگہبانی کرے

علامہ اقبال

غزل

عمر سفر جاری ہے بس یہ کھیل دیکھنے کو
روح بدن کا بوجھ کہاں تک کب تک ڈھوتی ہے

شہریار

نظم

حب وطن

اے سپہر بریں کے سیارو
اے فضائے زمیں کے گل زارو
اے پہاڑوں کی دل فریب فضا
اے لب جو کی ٹھنڈی ٹھنڈی ہوا
اے عنادل کے نغمۂ سحری
اے شب ماہتاب تاروں بھری
اے نسیم بہار کے جھونکو
دہر ناپائیدار کے دھوکو
تم ہر اک حال میں ہو یوں تو عزیز
تھے وطن میں مگر کچھ اور ہی چیز
جب وطن میں ہمارا تھا رمنا
تم سے دل باغ باغ تھا اپنا
تم مری دل لگی کے ساماں تھے
تم مرے درد دل کے درماں تھے
تم سے کٹتا تھا رنج تنہائی
تم سے پاتا تھا دل شکیبائی
آن اک اک تمہاری بھاتی تھی
جو ادا تھی وہ جی لبھاتی تھی
کرتے تھے جب تم اپنی غم خواری
دھوئی جاتی تھیں کلفتیں ساری
جب ہوا کھانے باغ جاتے تھے
ہو کے خوش حال گھر میں آتے تھے
بیٹھ جاتے تھے جب کبھی لب آب
دھو کے اٹھتے تھے دل کے داغ شتاب
کوہ و صحرا و آسمان و زمیں
سب مری دل لگی کی شکلیں تھیں
پر چھٹا جس سے اپنا ملک و دیار
جی ہوا تم سے خود بہ خود بیزار
نہ گلوں کی ادا خوش آتی ہے
نہ صدا بلبلوں کی بھاتی ہے
سیر گلشن ہے جی کا اک جنجال
شب مہتاب جان کو ہے وبال
کوہ و صحرا سے تا لب دریا
جس طرف جائیں جی نہیں لگتا
کیا ہوئے وہ دن اور وہ راتیں
تم میں اگلی سی اب نہیں باتیں
ہم ہی غربت میں ہو گئے کچھ اور
یا تمہارے بدل گئے کچھ طور
گو وہی ہم ہیں اور وہی دنیا
پر نہیں ہم کو لطف دنیا کا
اے وطن اے مرے بہشت بریں
کیا ہوئے تیرے آسمان و زمیں
رات اور دن کا وہ سماں نہ رہا
وہ زمیں اور وہ آسماں نہ رہا
تیری دوری ہے مورد آلام
تیرے چھٹنے سے چھٹ گیا آرام
کاٹے کھاتا ہے باغ بن تیرے
گل ہیں نظروں میں داغ بن تیرے
مٹ گیا نقش کامرانی کا
تجھ سے تھا لطف زندگانی کا
جو کہ رہتے ہیں تجھ سے دور سدا
ان کو کیا ہوگا زندگی کا مزا
ہو گیا یاں تو دو ہی دن میں یہ حال
تجھ بن ایک ایک پل ہے اک اک سال
سچ بتا تو سبھی کو بھاتا ہے
یا کہ مجھ سے ہی تیرا ناتا ہے
میں ہی کرتا ہوں تجھ پہ جان نثار
یا کہ دنیا ہے تیری عاشق زار
کیا زمانے کو تو عزیز نہیں
اے وطن تو تو ایسی چیز نہیں
جن و انسان کی حیات ہے تو
مرغ و ماہی کی کائنات ہے تو
ہے نباتات کا نمو تجھ سے
روکھ تجھ بن ہرے نہیں ہوتے
سب کو ہوتا ہے تجھ سے نشو و نما
سب کو بھاتی ہے تیری آب و ہوا
تیری اک مشت خاک کے بدلے
لوں نہ ہرگز اگر بہشت ملے
جان جب تک نہ ہو بدن سے جدا
کوئی دشمن نہ ہو وطن سے ہوا

الطاف حسین حالی

مزاحیہ

کرسی کی سلطانی دیکھی
دھوتی پر شیروانی دیکھی

اسرار جامعی

غزل

خاموش اندھیری راتوں میں جب ساری دنیا سوتی ہے
اک ہجر کا مارا روتا ہے اور شبنم آنسو دھوتی ہے

طالب باغپتی

تمام

لغت سے متعلق نتائج

ریختہ لغت

dhotii

धोतीدھُوتی

سنسکرت

چار پانچ گز لبا کپڑا جو ہندو لوگ کمر سے نیچے تک، ٹانگوں کے بیچ سے نکال کر باندھتے ہیں بقیہ حصہ پیچھے گُھرَس لیتے ہیں (تہبند کا متبادل)، سفید ساڑی

hotii

होतीہوتی

ہوتا کی تانیث

goTii

गोटीگوٹی

سنسکرت

پتّھریا پلاسٹک وغیرہ کا چھوٹا گول ٹکڑا، جس سے مختلف کھیل (کیرم، لوڈو وغیرہ) کھیلتے ہیں

gotii

गोतीگوتی

ہم نسل، ایک ہی ذات یا قوم کا، رشتہ دار

تمام

کتاب کے متعلقہ نتیجہ "dhotii"

گھریلو دھوبی گھاٹ

خواجہ حسن نظامی

صنعت و حرفت

دھوبی

مولوی سید حسین دہلوی

دیگر

ڈھولی دگڑو ڈوم

غیاث الرحمٰن

ناول

مزید نتائج "dhotii"

شعر

عمر سفر جاری ہے بس یہ کھیل دیکھنے کو
روح بدن کا بوجھ کہاں تک کب تک ڈھوتی ہے

شہریار

غزل

محبت کرنے والے جب کبھی آنسو بہاتے ہیں
دلوں کے آئنے دھوتی ہوئی پلکیں سنورتی ہیں

بشیر بدر

نظم

یہ کون اٹھا ہے شرماتا

کچھ جاگ رہی کچھ سوتی ہے
ہر موج صبا منہ دھوتی ہے
نا شستہ رخ یا موتی ہے
انگڑائی سے جز بز ہوتی ہے
یہ کون اٹھا ہے شرماتا

جوش ملیح آبادی

غزل

میں تیرے وعدے کو جب آنسوؤں سے دھوتی ہوں
ہر ایک لفظ ترا رنگ چھوڑتا کیوں ہے

عزیز بانو داراب وفا

نظم

صاف لڑکی

واہ یہ لڑکی ہے کتنی پاک صاف
صاف کپڑے صاف چہرہ ناک صاف
میل دانتوں پر نہ ناخن میں کہیں
اور کپڑوں پر کہیں دھبہ نہیں
صاف ستھرے دھویا موتی ہاتھ پاؤں
چاہتا ہے دل کلیجے سے لگاؤں
آؤ بے بی آؤ جلدی پاس آؤ
اک مزے کا پیار ہم کو دے کے جاؤ
آتے ہی پہلے کیا اس نے سلام
پھر جو پوچھا تو بتایا اپنا نام
گود میں لے کر کیا پہلے تو پیار
پھر کہا بیٹی میں تم پر سے نثار
آپ کیا پڑھتی ہیں کیا کرتی ہیں کام
آپ کے والد کا ہے کس جا مقام
بھولی لڑکی نے دیا ہم کو جواب
دوسری اردو کی پڑھتی ہوں کتاب
فرسٹ ریڈر پہلی دینیات کی
اور کلام اللہ سارا پڑھ چکی
حفظ ہے کشف الخلاصہ سب مجھے
یاد ہے ہر شعر کا مطلب مجھے
صاف ستھری ہے میری ہر ایک چیز
مجھ کو اماں نے سکھائی یہ تمیز
صاف بستر صاف کمرہ صاف گھر
میں نے پوچھا بات اس کی کاٹ کر
ہاتھ منہ کب دھوتی ہو اس نے کہا
فجر و ظہر عصر و مغرب اور عشا
پانچ وقتوں کی میں پڑھتی ہوں نماز
جوتی کو لگتا نہیں بول و براز
چوتھے دن نہا کر بدلتی ہوں لباس
چھاواں صابن کنگھی ہے سب میرے پاس
دانت میرے صاف بھی ہیں پاک بھی
میرے ہاں منجن بھی ہے مسواک بھی
آئی پڑھنے کو علی گڑھ سال حال
عمر کے گزرے ہیں میرے آٹھ سال
اس سے بھی کم تھا بہت جب میرا سن
صاف رکھی جاتی تھی میں رات دن
میرے والد ہیں غلام پنجتن
میرا گھر ہے حیدرآباد دکن
سن کے اس پاکیزہ لڑکی کے جواب
میں نے دیں کیفی دعائیں بے حساب

کیفی حیدرآبادی

نظم

تنہا

لاکھ لہروں سے اٹھا ہے مری فطرت کا خمیر
لاکھ قلزم مرے سینے میں دواں رہتے ہیں
دن کو کرنیں مرے افکار کا منہ دھوتی ہیں
شب کو تارے مری جانب نگراں رہتے ہیں
میرے ماتھے پہ جھلکتا ہے ندامت بن کر
ابن مریم کا وہ جلوہ جو کلیسا میں نہیں

مصطفی زیدی

مزاحیہ

واہ بی میونسپلٹی جان کیا کہنا ترا
تو چچی لیلیٰ کی عاشق تیرا مجنوں کا چچا
اپنی خودداری کو کھو کر تجھ پہ جو شیدا ہوا
بے خودی میں یہ زبان حال سے کہتے سنا
بسکہ دیوانہ شدم عقل رسا درکار نیست
عاشق میونسپلٹی راحیا درکار نیست
تیرا خواہش مند ہر قید لیاقت سے بری
جس کا جی چاہے لڑے اور لڑ کے لے لے ممبری
عہد آزادی نے ایسی ڈال دی ہے ابتری
اب تو ہر تانیث اور تذکیر میں ہے ہمسری
تجھ کو کیا رنڈی ہے کوئی یا کہ رنڈی باز ہے
تیرا دروازہ کس و ناکس کے اوپر باز ہے
جمع کر دے قرض ہی لے کر ضمانت کے پچاس
دور ہوتی جائے غیرت جب الیکشن آئے پاس
ووٹروں کے ہاتھ جوڑے خوب ہو کر بد حواس
گڑگڑا کر ہر کس و ناکس سے ہو یہ التماس
رہن پرچے کے عوض عزت مری کر لیجیے
اپنے بچوں کا تصدق ووٹ مجھ کو دیجیے
سنیے اک صاحب کا قصہ جب ہوئی شامت سوار
یہ ضمانت کر کے داخل بن گئے امیدوار
چھوڑ پیشہ ترک فرمایا جو کچھ تھا کاروبار
کچھ اثاث البیت بیچا کچھ لیا سودی ادھار
مضطرب رہتے تھے یہ نام آوری کے واسطے
گھر سے نکلے ووٹ لینے ممبری کے واسطے
سب سے پہلے ان کو جس ووٹر کے گھر جانا پڑا
شیخ بدھو نام تھا اور تھا جلاہا قوم کا
دھوتی باندھے مرزئی پہنے تنا بیٹھا ہوا
اک سڑی مٹی کا حقہ پی رہا تھا کج ادا
جاتے ہی تسلیم کی جب اس کو با صد احترام
منہ کو ٹیڑھا کر کے بولا کو ہے بالیکم سلام''
بولے یہ پہلے نہ آیا میں ہوا اتنا قصور
شیخ بدھو آپ مجھ پر رحم فرمائیں حضور
آپ کو والد کہا کرتے تھے بھائی اب سے دور
میں بھتیجا آپ کا ہوں ووٹ لے لونگا ضرور
بولے بدھو کا کہیو ہم کہکا کہکا بوٹ دےای
بوٹ پہیے او جو ترتے ہمکا دس کا نوٹ دےای
جب سرتے دار بولا لائے ہو کونو گواہ
ہم کہا سسرا جمادروا کہس ہم کا تباہ
ہم جلاہا آپ کے اور آپ ٹھہرے بادشاہ
کون کہہ کے سامنے موتت ہے صاحب واہ واہ
ہنس کے کہہ دینیں مجھڑ سیکھ جی جاؤ بری
رہ گئی منہ ہائے کے سب لمبرن کی لمبری
سن لیو ساری کتھا دیہو کہ ناہیں یہ بتاؤ
بوٹ مانگے آئے ہو ہم سے تو ہم کا کچھ دلاؤ
کر چکن بکواس اب بھیا نہ ہمرا موڑ کھاؤ
کہہ دیا بس کہہ دیا اب جاؤ چپے گھر کا جاؤ
جو رکم تم سے کہا سب پیشگی لے لیب ہم
بوٹ دے موٹر پہ لے جہیو تو ہاں دے ویب ہم
جب میاں بدھو کے تیور اس قدر دیکھے کڑے
دہنے بائیں دیکھ جھٹ قدموں پہ اس کے گر پڑے
دل میں پچھتائے کہ آخر کیوں ہوئے تھے ہم کھڑے
کہیے ایسے جاہلوں سے کیا کوئی کشتی لڑے
آبرو کے ساتھ دے کر پانچ راضی کر لیا
کامیابی پر ہوئے خوش تاؤ مونچھوں پر دیا
آگے بڑھ کر ایک حضرت کا ہوا پھر سامنا
ان سے جا کر اس طرح کی عرض با صد التجا
بندہ پرور ایک مذہب ہے ہمارا آپ کا
ووٹ دیجے گا جو مجھ کو آپ خوش ہوگا خدا
ہیں مرے حلقے میں جو جو میرے مذہب کے خلاف
دیکھیے ممبر ذرا ہو لوں تو کر دوں سب کو صاف
مہتران کے در پہ جھاڑو دینے آئے کیا مجال
اور سقا مشک سے نالی دھلائے کیا مجال
ٹیکس گھر وارے کا ان پر بندھ نا جائے کیا مجال
لے لیں بمبا گھر میں بے میٹر لگائے کیا مجال
ناچ تگنی کا انہیں اب میں نچاؤں گا حضور
دیکھے کس کس طرح ان کو ستاؤں گا حضور
خوش ہوئے سن کر جناب مولوئی مکتبی
ہاتھ پھیرا ریش پر اور اس طرح تقریر کی
آپ اس کے اہل ہیں میری نظر میں واقعی
ذات سامی کو سمجھتا ہوں میں فخر ممبری
محترم میں وعدہ قبل از وقت کر سکتا نہیں
فرض ہے ایفائے وعدہ پھر مکر سکتا نہیں
اس میں اک اشکال شرعی اور بھی ہے کیا کہوں
میں اعانت آپ کی بالفرض قرطاساً کروں
رائے تو اپنی ہبہ کر دوں عوض کچھ بھی نہ لوں
کیوں بدل ضائع کروں کس واسطے مسرف بنوں
جانتا ہوں یہ کہ میری رائے ہے کتنی وقیع
مفت ضائع کیوں کروں جب میں نہیں ہو مستطیع
حسب خواہش گر بدل مجھ کو عطا کر دیں جناب
کیا عجب پیش خدا ماجور بھی ہوں اور مثاب
میں نے دکھلا دی حدود شرع میں راہ ثواب
میرے معروضات کو فرمائیے گر مستجاب
رائے دے دینے میں احقر کو تامل کچھ نہ ہو
خود کروں تعجیل حتماً پھر تساہل کچھ نہ ہو
رائے دے دوں گا عوض میں آپ کو خمسین کے
اتنے ہی ملتے ہیں مجھ کو وعظ کے تلقین کے
حضرت والا تو خود پابند ہیں آئین کے
اس سے کم دینا مرادف ہے مری توہین کے
ہاں یہ ممکن ہے کہ کچھ تقلیل فرما دیجئے
ہے یہ کار خیر اب تعجیل فرما دیجئے
خلص احباب سے کیوں استشارہ کیجئے
راز پوشیدہ رہے کیوں آشکارہ کیجئے
سب سے اچھا ہے ذرا زحمت گوارا کیجئے
لیجئے تسبیح مجھ سے استخارہ کیجئے
عرض کی ہے میں نے جو اتنی رقم پر دیکھیے
منع جب آئے تو پھر کچھ اس سے کم پر دیکھیے
یہ نہایت کائیں تھے دل میں یہ بولے سوچ کے
شکل تو اچھی ہے پر زیبا نہیں میرے لیے
استخارہ میں کروں کیا آپ کے ہوتے ہوئے
کرتا ہوں نیت تو میں آپ استخارہ کیجیے
نیت ان کے دل میں تھی تسبیح ان کے ہاتھ میں
چوہا اپنی گھات میں تھا بلی اپنی گھات میں
منع آیہ استخارہ چھوٹتے ہی پہلی بار
مولوی صاحب کے چہرے پر ہوا کچھ انتر جار
پھر جو دیکھا واجب آیہ ہو بے اختیار
پوچھا نیت کس قدر پر کی تھی بہر خاکسار
بولے نیت دس پہ کی تھی لیجیے بندہ نواز
کامیابی کی دعا فرمائیے بعد از نماز
اس جگہ سے اٹھ کے گھر پر ایک صاحب کے لیے
دس برس ناکام رہنے پر ہوئے تھے جو بی اے
ریلوے میں تھے ملازم خود بھی تھے چلتے ہوئے
آپ کی تنخواہ تو کم ٹھاٹھ تھے لیکن بڑے
انگلش اسٹائل پہ رہنے کا جو ان کو شوق تھا
بوٹ بیٹری پاؤں کی کالر گلے کا طوق تھا
پھوس کے چھپر میں رہتے تھے یہ اس سامان سے
اور فرنیچر تو خارج ان کے تھا امکان سے
ٹوٹی پھوٹی کرسیاں لے کر کسی دوکان سے
بیٹھتے تھے ان پہ چھپر میں نہایت شان ثے
نام اک تختی پہ لکھ رکھا تھا یوں بہر وقار
مسٹر ابراہام بی اے ٹی ٹی سی ای آئی آر
دیکھ کر صورت کو ان کی اس طرح کہنے لگے
آئی ایم ویری بزی میک ہیسٹ جلدی بولئے
پھر ادھر ٹہلے ادھر ٹہلے گھڑی کو دیکھ کر
اپنے کتے سے کہا کم سون ان سے گو اوے
پھر کہاں یو آر کنڈیڈیٹ بٹ نو بولڈ مین
تم کو اپنی ووٹ کیسے دے گا صاحب اولڈ مین
چونکہ کنڈیڈیٹ انگریزی سمجھتے ہی نہ تھے
گڑگڑا کر اس طرح صاحب ثے فرمانے لگے
یہ تو ممکن ہی نہیں ہے آپ پیدل جائیے
میں نے موٹر مانگ لی ہے آپ ہی کے واسطے
اور کیوں کر اس طرح چلیے گا مجھ کو دینے ووٹ
کیجے پاکٹ بک پہ تاریخ الیکشن جلد نوٹ
بات انگریزی نما اردو میں یوں صاحب نے کی
ہم کہا انگلش میں ٹم سمجھا نہیں او آئی سی
دیکھو اپنی ووٹ رکھنی مانگٹا ہے ہم فری
کس کو دے گا پہلے بٹلانے نہیں سکٹا کوئی
ہم سٹی فادر نہیں تم کو بنانا مانگٹا
ڈی ایم پھر موٹر پہ ہم کاہے کو جانا مانگٹا
ہو کے جب مایوس یہ پلٹے وہاں سے منہ بنائے
دل میں کہتے تھے کہ ان کا ووٹ تو جانا ہے ہائے
سال بھر پہلے بڑے دن میں جو ڈالی دے تو پائے
اب بجز اس کے کوئی صورت نہیں بنتی بنائے
فیس دے کر نرس اک بہر سفارش لاؤں گا
چل گیا چکمہ تو ان سے ووٹ پھر لے جاؤں گا
پھر بڑھے آگے یہاں سے ووٹ کے ارمان میں
گھس پڑے یہ ایک بز قصاب کی دوکان میں
نثر میں پڑھ کر قصیدہ پہلے اس کی شان میں
چاہتے تھے یہ کہیں کچھ شیخ جی کے کان میں
یوں کنوتی کو بدل کر شیخ صاحب نے کہا
سنیے حجرت ہم لگی لپٹی نہیں رکھتے جرا
چودھری نے کل کہا تھا ہم سے اے بھیا سکور
سیکھ منے جس کو کہہ دیں بوٹ دے دینا جرور
پر مناہی کر گئے جب مولبی عبدل گفور
راپھجی کو بوٹ دے سکتے نہیں ہم تو حجور
سنتے ہیں کران میں فرما گئے تھے کھد رسول
دین کی جب بات ٹھہری دکھل دینا بے پھجول
واں کتب الدین بھی کہتے تھے سچی ہے یہ بات
گیر مجھب والے کو لمبر بنانا باہیات
سیکھ جی مجھب تمہارا اور ان کی اور جات
ہو کے لمبر وہ کھدا جانے کریں کیا واردات
ہاں کوئی مجھب کا اپنے ہو تو اس کو بوٹ دو
جب تمہیں موکا ملے ایسوں کو بھیا چوٹ دو
ان کو بز قصاب نے جب دے دیا روکھا جواب
یہ اٹھے دوکان سے مایوس با چشم پر آب
اپنے ورکر سے کہا جا کر کہ سنیے تو جناب
آپ ہی تدبیر اب کچھ کیجیے اس کی شتاب
صرف کی پروا نہیں جو ہو مناسب کیجیے
شیخ جی کے ووٹ کو لیکن نہ جانے دیجیے
دل میں ورکر خوش ہوئے کہنے لگے باصد سرور
اس طرف سے آپ بالکل مطمئن رہیے حضور
اور لوگوں سے زیادہ صرف تو ہوگا ضرور
تو سہی جب آپ ہی کو ووٹ دیں عبدالشکور
پیر لوٹن شاہ کی خدمت میں جاتا ہوں ابھی
حکم ان کا شیخ جی کے پاس لاتا ہوں ابھی
پیر لوٹن شاہ تھے اک خاندانی تکیہ دار
آنکھ میں سرمہ کئی رتی گلے میں چند ہار
ریش اقدس پان کے دھبوں سے رشک لالہ زار
گیروا کرتا گلے میں ہاتھ میں اک پشت خار
زرد تہمد پاؤں میں لکڑی کی اونچی سی کھڑاؤں
گھومتے پھرتے تھے یونہی شہر شہر اور گاؤں گاؤں
پہنچے ورکر ان کی خدمت میں بہ تعجیل تمام
دو روپے نذرانے کے دے کر کیا جھک کر سلام
عرض کی ہیں آپ تو حاجت روائے خاص و عام
شیخ جی کا ووٹ دلوا دیجئے بس ہے یہ کام
چونکہ حضرت کی ہیں بیعت میں میاں عبدالشکور
آپ فرما دیں اگر تو ووٹ دے دیں گے ضرور
آپ کی دعوت کا کل گھر پر کروں گا انتظام
شیخ جی کو بھی بلا لوں گا وہیں پر وقت شام
تذکرے میں ووٹ کا چھیڑوں گا مابین طعام
آپ ان کو حکم دے دیں گے تو ہو جائے گا کام
بولے لوٹن شاہ بابا خوش رہو دعوت قبول
ہم فقیروں کی دعا سے ہوگا سب مطلب حصول
مختصر سے ابتدائی واقعے جو کچھ لکھے
کیا عجب کافی ہوں یہ پبلک کی عبرت کے لیے
اس طرح کے ووٹر اور ممبر ہوں جب اس قسم کے
کہیے اس میونسپلٹی سے کسے راحت ملے
ساکنان شہر اب ہشیار ہونا چاہیئے
ممبر اور ووٹر کا کچھ معیار ہونا چاہیئے
ختم بھی کر دو ظریفؔ اب تم بیان ممبری
تا بہ کے آخر رہوگے قصہ خوان ممبری
خواب سے چونکیں ذرا جب سر گران ممبری
پھر سنا دینا انہیں تم داستان ممبری
اب سمند فکر کی باگ اور جانب موڑ دو
سونے والے سو گئے قصہ ادھورا چھوڑ دو

ظریف لکھنوی

نظم

بچھڑے گھر کا سایہ

صبح سویرے
وہ بستر سے سائے جیسی اٹھتی ہے
پھر چولھے میں رات کی ٹھنڈی آگ کو
روشن کرتی ہے
اتنے میں دن چڑھ جاتا ہے
جلدی جلدی چائے بنا کر شوہر کو رخصت کرتی ہے
سیارے گردش کرتے ہیں
شہر میں صحرا صحراؤں میں چٹیل میداں
کہساروں کے نشیب و فراز بنا کرتے ہیں
سارے گھر کو دھوتی ہے
کپڑے تولیے ٹوتھ برش بستر کی چادر
کوئی کتاب اٹھاتی ہے رکھ دیتی ہے
ریڈیو آن کیا پھر روکا آن کیا
پھر کوئی پرانا خط پڑھتی ہے
(گھنٹی بجی)
''مریم! آ جاؤ''
''تم کیسی؟ ہو وہ کیسے ہیں''
''کیا اس کا کوئی خط آیا؟''
(تھوڑی خاموشی کا وقفہ)
''تم کیسی ہو''
''تم سے مطلب؟ سچ کہہ دوں تو کیا کر لو گی''
دیکھو سب کی سب بیٹھی ہوں
''اچھا''
''اچھا''
(دروازہ پھر بند ہو گیا)
''اب کیا کرنا!
گھر تو بالکل صاف پڑا ہے
کوئی شکن بستر پہ نہیں ہے
دیوار و در دھلے دھلائے
کوئی دھبہ یا مکڑی کا جالا تنکا
کہیں کچھ نہیں
کیا کرنا ہے!
اف! وہ کلنڈر
کتنے برس ہو گئے پھر بھی
آئیں تو ان سے کہتی ہوں
بالکل نیا کلنڈر لائیں
کچھ بھوک نہیں
اب کیا کرنا ہے
لیٹ رہوں؟ لیکن کیا لیٹوں
جانے کتنا لیٹ چکی ہوں
کھڑی رہوں
ہاں کھڑی رہوں
پر میں تو کب سے کھڑی ہوئی ہوں
کھڑکی کا پردہ ہی کھولوں
دھوپ کہاں تک آ پہنچی ہے
لاؤ اپنا البم دیکھوں
نیر شبنم شفق صبوحی اختر جوہی
کیسے ہوں گے
آں! یہ میں ہوں
اتی پیاری پیاری تھی میں
میں بالکل ہی بھول گئی تھی
سب کتنا اچھا لگتا تھا
ابا، اماں، بھیا، اپی
سب زندہ تھے
سایہ نانی گلشن آپا
ہاں اور وہ گوریا بابا
آنسو نغمے شور ٹھہاکے سارے اک سر میں ہوتے تھے
ساری دنیا گھر لگتی تھی
اماں ادھر بلایا کرتیں
ابا ادھر پکارا کرتے
بھیا ڈانٹتے
اپی ڈھیروں پیار جتاتیں
کھانا، پینا، سونا، جاگنا، ہنسنا، روٹھنا، مننا
ڈور بندھی تھی
ایک میں ایک پرویا ہوا تھا
کل نمو کے گھر شادی ہے
پاس ہی کوئی موت ہوئی ہے
کالج کی چھٹی کب ہوگی
عید پھر اب کی تیس کی ہوگی
ہم بھی لیل قدر جاگیں گے
شہلا کی منگنی کیوں ٹوٹی؟
کیا اقبال کوئی شاعر تھا؟
چپ بڑکے ابا سن لیں گے
سائے دوڑ رہے ہیں گھر میں
ہر گوشے میں اوپر نیچے اندر باہر دوڑ رہے ہیں
لمبے چھوٹے سبز و زرد ہزاروں سائے
باہر شہر میں کوئی نہیں ہے
دھوپ سیہ پڑتی جاتی ہے
قد آدم آئینے میں
اس کا ننگا جسم کھڑا ہے
جسم کے اندر سورج کا غنچہ مہکا ہے
سیارے گردش کرتے ہیں
سب انجانے سیاروں میں بھولے بسرے گھر روشن ہیں
کس لمحے کا ہے یہ تماشہ
ہست و بود کے سناٹے میں
لا موجود کی تاریکی میں
صرف یہی آئینہ روشن
صرف اک عکس گزشتہ روشن
بچھڑے گھر کا سایہ روشن

فرحت احساس

نظم

بہت خوبصورت ہمارا وطن ہے

بہت خوب صورت ہمارا وطن ہے
انوکھا ہے سب سے نرالا وطن ہے
سبھی رنگ کے پھول اس میں کھلے ہیں
بہشتی مناظر بھی اس کو ملے ہیں
کہیں رات رانی کی خوشبو بسی ہے
کہیں پر چنبیلی کی نکہت گھلی ہے
کہیں پر دھنک سات رنگی تنی ہے
کہیں نور کی کوئی چادر بچھی ہے
کسی سمت میں کوئی دریا رواں ہے
کہیں کوہساروں کا دل کش سماں ہے
کہیں لال پیلے ہرے قمقمے ہیں
کہیں پانیوں میں دیے جل رہے ہیں
کہیں پائے جاموں میں ٹوپی کھڑی ہے
کہیں پاؤں میں کوئی دھوتی بندھی ہے
کہیں سوٹ ساڑی کی رونق لگی ہے
کہیں گھاگھرے کی عجب دل کشی ہے
کسی کی ہتھیلی پہ مہندی رچی ہے
کسی پاؤں میں کوئی لالی لگی ہے
کسی سر پہ بالوں کے گچھے بنے ہیں
کہیں بال پیروں پہ لٹکے ہوئے ہیں
کہیں سات رنگوں کی پچکاریاں ہیں
کہ جن سے بدن بیچ گل کاریاں ہیں
کہیں گیند بلے سے لگ کر ہے اڑتی
کہیں کوئی ڈنڈے سے گلی اچھلتی
زمیں کو بچھائے کوئی سو رہا ہے
کئی خواب بھی نیند میں بو رہا ہے
کوئی پانیوں میں چھلانگیں لگاتا
خلاؤں میں کوئی ہے کرتب دکھاتا
کوئی سانپ کو اپنا ساتھی بناتا
اسے بین کی اپنی دھن پر نچاتا
کوئی اپنے انگوں کا آسن لگاتا
کوئی اپنے تن کا تماشا دکھاتا
کوئی اپنی آنکھوں سے من جیتتا ہے
اداؤں سے دنیا کا دھن جیتتا ہے
جدھر دیکھیے اک انوکھا سماں ہے
اداسی میں بھی زندگی شادماں ہے
ہر اک طرح سے یہ نیارا وطن ہے
بہت خوب صورت ہمارا وطن ہے

غضنفر

نظم

ابھی بھوک سے ایک چوہا مرا ہے

نہ کپڑا نہ روٹی نہ لوٹا نہ دھوتی
پریشاں ہے پوتا بلکتی ہے پوتی
کہ قیمت میں گندم کا دانہ ہے موتی
یہ ممکن نہیں تھا ولادت نہ ہوتی
ہر اک سمت کوہ ندا چیختا ہے
جو پیدا ہوا مبتلائے بلا ہے

محمد یوسف پاپا

تلاش کے نتائج

انتہائی متعلقہ نتائج "dhotii"

نظم

علامہ اقبال

غزل

شہریار

نظم

الطاف حسین حالی

مزاحیہ

اسرار جامعی

غزل

طالب باغپتی

لغت سے متعلق نتائج

ریختہ لغت

dhotii

hotii

goTii

gotii

کتاب کے متعلقہ نتیجہ "dhotii"

مزید نتائج "dhotii"

شعر

شہریار

غزل

بشیر بدر

نظم

جوش ملیح آبادی

غزل

عزیز بانو داراب وفا

نظم

کیفی حیدرآبادی

نظم

مصطفی زیدی

مزاحیہ

ظریف لکھنوی

نظم

فرحت احساس

نظم

غضنفر

نظم

محمد یوسف پاپا

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books