کی تلاش کا نتیجه | موضو - تمام, صفحہ lahn

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "lahn"

شاعر/مصنف/ فن کار

بقا اللہ بقاؔ

born.1791/2

محمد اقبال لون

نعمت اللّٰہی منشی فاضل

نعمت اللّٰہی منشی فاضل

مکتبۂ موء قلم رستم جی لین، کوئٹہ

مکتبۂ موء قلم رستم جی لین، کوئٹہ

انتہائی متعلقہ نتائج "lahn"

نظم

انقلاب

چھوڑ دے مطرب بس اب للہ پیچھا چھوڑ دے
کام کا یہ وقت ہے کچھ کام کرنے دے مجھے
تیری تانوں میں ہے ظالم کس قیامت کا اثر
بجلیاں سی گر رہی ہیں خرمن ادراک پر
یہ خیال آتا ہے رہ رہ کر دل بے تاب میں
بہہ نہ جاؤں پھر ترے نغمات کے سیلاب میں
چھوڑ کر آیا ہوں کس مشکل سے میں جام و سبو!
آہ کس دل سے کیا ہے میں نے خون آرزو
پھر شبستان طرب کی راہ دکھلاتا ہے تو
مجھ کو کرنا چاہتا ہے پھر خراب رنگ و بو
میں نے مانا وجد میں دنیا کو لا سکتا ہے تو
میں نے یہ مانا غم ہستی مٹا سکتا ہے تو
میں نے یہ مانا غم ہستی مٹا سکتا ہے تو
میں نے مانا تیری موسیقی ہے اتنی پر اثر
جھوم اٹھتے ہیں فرشتے تک ترے نغمات پر
ہاں یہ سچ ہے زمزمے تیرے مچاتے ہیں وہ دھوم
جھوم جاتے ہیں مناظر، رقص کرتے ہیں نجوم
تیرے ہی نغمے سے وابستہ نشاط زندگی
تیرے ہی نغمے سے کیف و انبساط زندگی
تیری صوت سرمدی باغ تصوف کی بہار
تیرے ہی نغموں سے بے خود عابد شب زندہ دار
بلبلیں نغمہ سرا ہیں تیری ہی تقلید میں
تیرے ہی نغموں سے دھومیں محفل ناہید میں
مجھ کو تیرے سحر موسیقی سے کب انکار ہے
مجھ کو تیرے لحن داؤدی سے کب انکار ہے
بزم ہستی کا مگر کیا رنگ ہے یہ بھی تو دیکھ
ہر زباں پر اب صلائے جنگ ہے یہ بھی تو دیکھ
فرش گیتی سے سکوں اب مائل پرواز ہے
ابر کے پردوں میں ساز جنگ کی آواز ہے
پھینک دے اے دوست اب بھی پھینک دے اپنا رباب
اٹھنے ہی والا ہے کوئی دم میں شور انقلاب
آ رہے ہیں جنگ کے بادل وہ منڈلاتے ہوئے
آگ دامن میں چھپائے خون برساتے ہوئے
کوہ و صحرا میں زمیں سے خون ابلے گا ابھی
رنگ کے بدلے گلوں سے خون ٹپکے گا ابھی
بڑھ رہے ہیں دیکھ وہ مزدور دراتے ہوئے
اک جنوں انگیز لے میں جانے کیا گاتے ہوئے
سرکشی کی تند آندھی دم بہ دم چڑھتی ہوئی
ہر طرف یلغار کرتی ہر طرف بڑھتی ہوئی
بھوک کے مارے ہوئے انساں کی فریادوں کے ساتھ
فاقہ مستوں کے جلو میں خانہ بربادوں کے ساتھ
ختم ہو جائے گا یہ سرمایہ داری کا نظام
رنگ لانے کو ہے مزدوروں کا جوش انتقام
گر پڑیں گے خوف سے ایوان عشرت کے ستوں
خون بن جائے گی شیشوں میں شراب لالہ گوں
خون کی بو لے کے جنگل سے ہوائیں آئیں گی
خوں ہی خوں ہوگا نگاہیں جس طرف بھی جائیں گی
جھونپڑوں میں خوں، محل میں خوں، شبستانوں میں خوں
دشت میں خوں، وادیوں میں خوں، بیابانوں میں خوں
پر سکوں صحرا میں خوں، بیتاب دریاؤں میں خوں
دیر میں خوں، مسجد میں خوں، کلیساؤں میں خوں
خون کے دریا نظر آئیں گے ہر میدان میں
ڈوب جائیں گی چٹانیں خون کے طوفان میں
خون کی رنگینیوں میں ڈوب جائے گی بہار
ریگ صحرا پر نظر آئیں گے لاکھوں لالہ زار
خون سے رنگیں فضائے بوستاں ہو جائے گی
نرگس مخمور چشم خوں فشاں ہو جائے گی
کوہساروں کی طرف سے ''سرخ آندھی'' آئے گی
جا بجا آبادیوں میں آگ سی لگ جائے گی
توڑ کر بیڑی نکل آئیں گے زنداں سے اسیر
بھول جائیں گے عبادت خانقاہوں میں فقیر
حشر در آغوش ہو جائے گی دنیا کی فضا
دوڑتا ہوگا ہر اک جانب فرشتہ موت کا
سرخ ہوں گے خون کے چھینٹوں سے بام و در تمام
غرق ہوں گے آتشیں ملبوس میں منظر تمام
اس طرح لے گا زمانہ جنگ کا خونیں سبق
آسماں پر خاک ہوگی، فرق پر رنگ شفق
اور اس رنگ شفق میں باہزاراں آب و تاب!
جگمگائے گا وطن کی حریت کا آفتاب

اسرار الحق مجاز

نظم

بھارت کے مسلمان

یہ لحن ہو پھر ہند کی دنیا میں ہو افشاں
بھارت کے مسلماں

جگن ناتھ آزاد

مزاحیہ

وہاں پہ شرط کہ ہو زور بازوئے محمود
یہاں یہ قید کہ ہو لحن حضرت داؤد

دلاور فگار

نظم

آج کی دنیا

دنیا کو انقلاب کی یاد آ رہی ہے آج
تاریخ اپنے آپ کو دہرا رہی ہے آج
وہ سر اٹھائے موج فنا آ رہی ہے آج
موج حیات موت سے ٹکرا رہی ہے آج
کانوں میں زلزلوں کی دھمک آ رہی ہے آج
ہر چیز کائنات کی تھرا رہی ہے آج
جھپکا رہی ہے دیر سے آنکھیں ہوائے دہر
کون و مکاں کو نیند سی کچھ آ رہی ہے آج
ہر لفظ کے معانی و مطلب بدل چکے
ہر بات اور بات ہوئی جا رہی ہے آج
یکسر جہان حسن بھی بدلا ہوا سا ہے
دنیائے عشق اور نظر آ رہی ہے آج
ہر ہر شکست ساز میں ہے لحن سرمدی
یا زندگی کے گیت اجل گا رہی ہے آج
یہ دامن اجل ہے کہ تحریک غیب ہے
کیا شے ہوائے دہر کو سنکا رہی ہے آج
ابنائے دہر لیتے ہیں یوں سانس گرم و تیز
جینے میں جیسے دیر ہوئی جا رہی ہے آج
افلاک کی جبیں بھی شکن در شکن سی ہے
تیوری زمین کی بھی چڑھی جا رہی ہے آج
پھر چھیڑتی ہے موت حیات فسردہ کو
پھر آتش خموش کو اکسا رہی ہے آج
برہم سا کچھ مزاج عناصر ہے ان دنوں
اور کچھ طبیعت اپنی بھی گھبرا رہی ہے آج
اک موج دود سینے میں لرزاں ہے اس طرح
ناگن سی جیسے شیشے میں لہرا رہی ہے آج
بیتے جگوں کی چھاؤں ہے امروز پر فراقؔ
ہر چیز اک فسانہ ہوئی جا رہی ہے آج

فراق گورکھپوری

غزل

تری سماعت نگار فطرت کے لحن کی راز داں نہیں ہے
وگرنہ ذرہ ہے کون ایسا کہ جس کے منہ میں زباں نہیں ہے

جوش ملیح آبادی

لغت سے متعلق نتائج

ریختہ لغت

nah.n

नहंنَہں

نہیں

aa.n

आँآں

a vocative hinting a sigh like aah

lahv

लहवلَہْو

عربی

کھیل، کھیل کود، بازی، شغل

lahe

लहेلَہے

قمست

کتاب کے متعلقہ نتیجہ "lahn"

لحن صریر

عبد العزیز خالد

لحن داودی

سید محمد ابوالمنصور

آدمی لہو لہو

مقبول احمد مقبول

غزل

لہو اور قالین

مرزا ادیب

ڈرامہ

لہو رنگ موسم

منظر بھوپالی

مجموعہ

لہو کے پھول

حیات اللہ انصاری

ناول

لہو کے مول

شکیلہ اختر

افسانہ

لہو کے پھول

حیات اللہ انصاری

ناول

چراغوں میں لہو

افضل الہ آبادی

مجموعہ

عشق اللہ

پیر محمد شاہ

تصوف

لہو کی ہریالی

مظفر وارثی

گیت

لہو کے پھول

حیات اللہ انصاری

ناول

لہو کے پھول

حیات اللہ انصاری

ناول

لہو بولتا ہے

ستیہ پال آنند

نظم

سورج کا لہو

ولبر اسمتھ

ناول

مزید نتائج "lahn"

مزاحیہ

تو یہ کہتا ہے لحن تر ہو کوئی تازہ غزل
میں یہ کہتا ہوں کہ بر خوردار میں روزے سے ہوں

سید ضمیر جعفری

غزل

روشنی، رنگ، مہک، طائر خوش لحن، صبا
تو نہ آتا جو چمن میں تو یہ سب کیا کرتے

عرفان ستار

نظم

اب کیا کروں

چھا گئی برسات کی پہلی گھٹا اب کیا کروں
خوف تھا جس کا وہ آ پہنچی بلا اب کیا کروں
ہجر کو بہلا چلی تھی گرم موسم کی سموم
ناگہاں چلنے لگی ٹھنڈی ہوا اب کیا کروں
آنکھ اٹھی ہی تھی کہ ابر لالہ گوں کی چھاؤں میں
درد سے کہنے لگا کچھ جھٹپٹا اب کیا کروں
اشک ابھی تھمنے نہ پائے تھے کہ بیدردی کے ساتھ
بوندیوں سے بوستاں بجنے لگا اب کیا کروں
زخم اب بھرنے نہ پائے تھے کہ بادل چرخ پر
آ گیا انگڑائیاں لیتا ہوا اب کیا کروں
آ چکی تھی نیند سی غم کو کہ موسم ناگہاں
بحر و بر میں کروٹیں لینے لگا اب کیا کروں
چرخ کی بے رنگیوں سے سست تھی رفتار غم
یک بیک ہر ذرہ گلشن بن گیا اب کیا کروں
قفل باب شوق تھیں ماحول کی خاموشیاں
دفعتاً کافر پپیہا بول اٹھا اب کیا کروں
ہجر کا سینے میں کچھ کم ہو چلا تھا پیچ و تاب
بال بکھرانے لگی کالی گھٹا اب کیا کروں
آنکھ جھپکانے لگی تھی دل میں یاد لحن یاد
مور کی آنے لگی بن سے صدا اب کیا کروں
گھٹ چلا تھا غم کی رنگیں بدلیوں کی آڑ سے
ان کا چہرہ سامنے آنے لگا اب کیا کروں
آ رہی ہیں ابر سے ان کی صدائیں جوشؔ جوشؔ
اے خدا اب کیا کروں بار خدا اب کیا کروں

جوش ملیح آبادی

غزل

شادؔ غزلیں نہیں آیات زبور ان کو سمجھ
لحن داؤد سے کچھ کم نہیں نغما تیرا

شاد عظیم آبادی

نظم

مجھے لے چل

جہاں چاروں طرف باغ و گلستاں لہلہاتے ہیں
شگفتہ وادیوں میں جنتوں کے خواب آتے ہیں
جہاں معصوم طائر عشق کے نغمے سناتے ہیں
اور ان کا لحن شیریں گونجتا ہے کوہساروں میں!
مری سلمیٰؔ! مجھے لے چل تو ان رنگیں بہاروں میں!

اختر شیرانی

نظم

گرو نانک دیو جی

ترے جمال سے اے آفتاب ننکانہ
نکھر نکھر گیا حسن شعور رندانہ
کچھ ایسے رنگ سے چھیڑا رباب مستانہ
کہ جھومنے لگا روحانیت کا مے خانہ
تری شراب سے مدہوش ہو گئے مے خوار
دوئی مٹا کے ہم آغوش ہو گئے مے خوار
ترا پیام تھا ڈوبا ہوا تبسم میں
بھری تھی روح لطافت ترے تکلم میں
نوائے حق کی کشش تھی ترے ترنم میں
یقیں کی شمع جلائی شب توہم میں
دلوں کو حق سے ہم آہنگ کر دیا تو نے
گلوں کو گوندھ کے یک رنگ کر دیا تو نے
تری نوا نے دیا نور آدمیت کو
مٹا کے رکھ دیا حرص و ہوا کی ظلمت کو
دلوں سے دور کیا سیم و زر کی رغبت کو
کہ پا لیا تھا ترے دل نے حق کی دولت کو
ہجوم ظلمت باطل میں حق پناہی کی
فقیر ہو کے بھی دنیا میں بادشاہی کی
تری نگاہ میں قرآن و دید کا عالم
ترا خیال تھا راز حیات کا محرم
ہر ایک گل پہ ٹپکتی تھی پیار کی شبنم
کہ بس گیا تھا نظر میں بہشت کا موسم
نفس نفس میں کلی رنگ و بو کی ڈھلتی تھی
نسیم تھی کہ فرشتوں کی سانس چلتی تھی
تری شراب سے بابا فرید تھے سرشار
ترے خلوص سے بے خود تھے صوفیان کبار
کہاں کہاں نہیں پہنچی ترے قدم کی بہار
ترے عمل نے سنوارے جہان کے کردار
تری نگاہ نے صہبائے آگہی دے دی
بشر کے ہاتھ میں قندیل زندگی دے دی
ترے پیام سے ایسی کی تھی مسیحائی
ترے سخن میں حبیب خدا کی رعنائی
ترے کلام میں گوتم کا نور دانائی
ترے ترانے میں مرلی کا لحن یکتائی
ہر ایک نور نظر آیا تیرے پیکر میں
تمام نکہتیں سمٹی ہیں اک گل تر میں
جہاں جہاں بھی گیا تو نے آگہی بانٹی
اندھیری رات میں چاہت کی روشنی بانٹی
عطا کیا دل بیدار زندگی بانٹی
فساد و جنگ کی دنیا میں شانتی بانٹی
بہار آئی کھلی پیار کی کلی ہر سو
ترے نفس سے نسیم سحر چلی ہر سو
رضائے حق کو نجات بشر کہا تو نے
تعینات خودی کو ضرر کہا تو نے
وفا نگر کو حقیقت نگر کہا تو نے
ظہور عشق کو سچی سحر کہا تو نے
جہان عشق میں کچھ بیش و کم کا فرق نہ تھا
تری نگاہ میں دیر و حرم کا فرق نہ تھا
بتایا تو نے کہ عرفاں سے آشنا ہونا
کبھی نہ عاشق دنیائے بے وفا ہونا
بدی سے شام و سحر جنگ آزما ہونا
خدا سے دور نہ اے بندۂ خدا ہونا
نشے میں دولت و زر کے نہ چور ہو جانا
قریب آئے جو دنیا تو دور ہو جانا
جو روح بن کے سما جائے ہر رگ و پے میں
تو پھر نہ شہد میں لذت نہ ساغر مے میں
وہی ہے ساز کے پردے میں لحن میں لے میں
اسی کی ذات کی پرچھائیاں ہر اک شے میں
نہ موج ہے نہ ستاروں کی آب ہے کوئی
تجلیوں کے ادھر آفتاب ہے کوئی
ابد کا نور فراہم کیا سحر کے لئے
دیا پیام بہاروں کا دشت و در کے لئے
دیے جلا دئے تاریک رہ گزر کے لئے
جیا بشر کے لئے جان دی بشر کے لیے
دعا یہ ہے کہ رہے عشق حشر تک تیرا
زمیں پہ عام ہو یہ درد مشترک تیرا
خدا کرے کہ زمانہ سنے تری آواز
ہر اک جبیں کو میسر ہو تیرا عکس نیاز
جہاں میں عام ہو تیرے ہی پیار کا انداز
خلوص دل سے ہو پوجا خلوص دل سے نماز
ترے پیام کی برکت سے نیک ہو جائیں
یہ امتیاز مٹیں لوگ ایک ہو جائیں

درشن سنگھ

نظم

آدھی گواہی

عظیم منصف!!
ہماری قسمت کی ہر عدالت کا فیصلہ ہے
کہ اپنی بے حرمتی کی فرمان لے کے جائیں
تو اپنا کوئی گواہ لائیں
گواہ
رشتوں کے محترم کنڈلیوں میں بیٹھے
سنپولیوں کا
گواہ ایسی حویلیوں کا
کہ جن میں قانون پاؤں دھرنے سے کپکپائے
کنواری چیخیں
بلک بلک کے صدائیں کرتی
ان ہی اندھیروں میں ڈوب جائیں
مگر وہ اس بے بسی کا اپنی
نہ ایک کوئی گواہ پائیں
کہاں سے لائیں
گواہ ان بھیڑیوں کا
جو اپنی شہوتوں پر
عبادتوں کی مقدس و محترم عبائیں
سجائے بیٹھے ہوں تاک میں
سوندھے کچے جسموں کے
جن کے بجروں کے عود میں
سسکیاں سلگتی ہوں رات کو
اور دن تلاوت کے لحن سے
جگمگائے جائیں
یہ محترم بھیڑئے
ہم ان کی خباثتوں کا گواہ لائیں
کہاں سے لائیں
ہمیں کوئی ایسا معجزہ دے
کہ گونگی اندھی سیاہ شب کو
گواہیوں کا ہنر سکھائیں
خبیر ہے تو
بصیر ہے تو
تو جانتا ہے
کہ آج تک موت کے علاوہ
کوئی نہ اپنا گواہ پایا
ہمیں پہ ٹوٹیں قیامتیں بھی
ہمیں نے ذلت کا بار اٹھایا
کتاب انصاف کے مصنف
ترے صحیفے تو کہہ رہے ہیں
کہ سارے انسان ذی شرف ہیں
فہیم ہیں
بالغ النظر ہیں
سب اپنی اپنی کتاب کی رو سے اپنے بارے میں با خبر ہیں
تو پھر ہمارے ہی پشت پر ہاتھ کیوں بندھے ہیں
ہماری ہی سب گواہیوں پر یہ بے یقینی کی مہر کیوں ہے
سبھی صحیفوں میں یہ لکھا ہے
ترے ترازو کا
کوئی پلڑا جھکا نہیں ہے
تو کیا یہ سمجھیں
ہمارا کوئی خدا نہیں ہے

نسیم سید

نظم

گھٹا چھائی تو کیا

چھٹ گئے جب آپ ہی اودی گھٹا چھائی تو کیا
تربت پامال کے سبزے پہ لہر آئی تو کیا
جب ضرورت ہی رہی باقی نہ لحن و رنگ کی
کوئلیں کوکیں تو کیا ساون کی رت آئی تو کیا
ہجر کے آلام سے جب چھٹ چکی نبض نشاط
اب ہوا نے خار و خس میں روح دوڑائی تو کیا
ہو چکی ذوق تبسم ہی سے جب بیگانگی
اب چمن افروز پھولوں کو ہنسی آئی تو کیا
مڑ چکی جب موت کے جادے کی جانب زندگی
اب کسی نے عافیت کی راہ دکھلائی تو کیا
ہر نفس کے ساتھ دل سے جب دھواں اٹھنے لگا
بادلوں سے چھن کے اب ٹھنڈی ہوا آئی تو کیا
سامنے جب آپ کے گیسو کی لہریں ہی نہیں
بدلیوں نے چرخ پر اب زلف بکھرائی تو کیا
ہو چکا پایاب جب بحر سر و برگ شباب
اب سمندر کی جوانی باڑھ پر آئی تو کیا
غنچۂ عہد طرب ہی مل چکا اب خاک میں
خاک گلشن اب گل تر بن کے اترائی تو کیا
مٹ چکے جب والہانہ بانکپن کے ولولے
آئی اب دوشیزۂ موسم کو انگڑائی تو کیا
کھل چکا جب پرچم غم زندگی کے قصر پر
اب ہواؤں نے کمر پودوں کی لچکائی تو کیا
آنسوؤں میں بہہ گئیں جب خون کی جولانیاں
جنگلوں کی چھاؤں میں برسات اٹھلائی تو کیا
جوشؔ کے پہلو میں جب تم ہی مچل سکتے نہیں
پھر گھٹا کے دامنوں میں برق لہرائی تو کیا

جوش ملیح آبادی

نظم

آگ کے پاس

پیر واماندہ کوئی
کوٹ پہ محنت کی سیاہی کے نشاں
نوجواں بیٹے کی گردن کی چمک دیکھتا ہوں
اک رقابت کی سیہ لہر بہت تیز
مرے سینۂ سوزاں سے گزر جاتی ہے
جس طرح طاق پہ رکھے ہوئے گل داں کی
مس و سیم کے کاسوں کی چمک
اور گلو الجھے ہوئے تاروں سے بھر جاتا ہے
کوئلے آگ میں جلتے ہوئے
کن یادوں کی کس رات میں
جل جاتے ہیں
کیا انہی کانوں کی یادوں میں جہاں
سالہا سال یہ آسودہ رہے
انہی بے آب درختوں کے وہ جنگل
جنہیں پیرانہ سری بار ہوئی جاتی تھی
کوئلے لاکھوں برس دور کے خوابوں میں الجھ جاتے ہیں

ن م راشد

غزل

وہ لحن جس کا سروکار ہی نہیں مجھ سے
کبھی تو وہ بھی مری ذات سے نکلتا ہے

ظفر اقبال

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے