Search result for ".bhsm" | Category - All, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ".bhsm"

POETS/AUTHORS/ARTISTS

Sarshar Sailani

Sarshar Sailani

1914 - 1969

Parveen Bheem Sen

Parveen Bheem Sen

Bhim Sen Sachar

Bhim Sen Sachar

Bheem Seen Zafar

Bheem Seen Zafar

Deewan Bhim Sen

Deewan Bhim Sen

1913 - 1984

MOST RELEVANT MATCHES FOR ".bhsm"

Nazm

aaj

saathiyo! mai.n ne barso.n tumhaare liye
chaa.nd taaro.n bahaaro.n ke sapne bune
husn aur ishq ke giit gaataa rahaa
aarzuu.o.n ke aivaa.n sajaataa rahaa
mai.n tumhaaraa muGannii tumhaare liye
jab bhii aayaa na.e giit laataa rahaa
aaj lekin mire daaman-e-chaak me.n
gard-e-raah-e-safar ke sivaa kuchh nahii.n
mere barbat ke siine me.n naGmo.n kaa dam ghuT gayaa
taane.n chiiKHo.n ke ambaar me.n dab ga.ii hai.n
aur giito.n ke sur hichkiyaa.n ban ga.e hai.n
mai.n tumhaaraa muGannii huu.n naGma nahii.n huu.n
aur naGme kii taKHliiq kaa saaz-o-saamaa.n
saathiyo! aaj tum ne bhasm kar diyaa hai
aur mai.n apnaa TuuTaa hu.aa saaz thaame
sard laasho.n ke ambaar ko tak rahaa huu.n
mere chaaro.n taraf maut kii vahshate.n naachtii hai.n
aur insaa.n kii haivaaniyat jaag uThii hai
barbariyat ke KHuu.n-KHaar ifriit
apne naapaak jab.Do.n ko khole
KHuun pii pii ke Gurraa rahe hai.n

Sahir Ludhianvi

Nazm

pyara hindostan

parbat kitnaa jam ke a.De hai.n
kaise kaise bhiim kha.De hai.n
jharne gir gir paa.nv pa.De hai.n

Nazeer Banarasi

Ghazal

isii kii raushnii hai aur isii me.n bhasm honaa hai
ye shola shaam kaa jo raat bhar bha.Dkaa.e rakhte hai.n

Zafar Iqbal

Nazm

diwali

ghuT gayaa a.ndhere kaa aaj dam akele me.n
har nazar Tahaltii hai raushnii ke mele me.n
aaj Dhuu.nDhne par bhii mil sakii na taariikii
maut kho ga.ii shaayad zindagii ke rele me.n
is tarah se ha.nstii hai.n aaj diip-maalaa.e.n
shoKHiyaa.n kare.n jaise saath mil ke baalaa.e.n
har galii na.ii dulhan har sa.Dak hasiina hai
har dehaat a.nguuThii hai har nagar nagiina hai
pa.D ga.ii hai KHatre me.n aaj yam kii yamraajii
maut ke bhii maathe par maut kaa pasiina hai
raat ke karuu.n mai.n hai aaj raat kaa ka.ngan
ik suhaaganii ban kar chhaa.ii jaatii hai jogan
qumqume jale ghar ghar raushnii hai paT paT par
le ke ko.ii ma.ngal-ghaT chhaa gayaa hai ghaT ghaT par
raushnii karo lekin farz par na aa.nch aa.e
ho nigaah siimaa par aur kaan aahaT par
hoshiyaar un se bhii jo nigaah phere hai.n
paak hii nahii.n tanhaa aur bhii luTere hai.n
chho.D apnii naapaakii yaa badal de apnii dhun
maut legaa yaa jiivan do me.n jis ko chaahe chun
ham hai.n krishn kii liilaa ham hai.n viir bhaarat ke
ham nakul hai.n ham sahdev ham hai.n bhiim ham arjun
daropdii se durghaTnaa duur kar ke chho.De.nge
ai samay ke duryodhan chuur kar ke chho.De.nge
qabr ho samaadhii ho sab ko jagmagaa.e.nge
dhuum se shahiido.n kaa sog ham manaae.nge
tum se kaam lenaa hai ham ko diip-maalaa.o
saare diip kii lau se dil kii lau ba.Dhaa.e.nge
sab se garmiyaa.n le kar siine me.n chhupaanaa hai
dil ko is divaalii se agnii bam banaanaa hai

Nazeer Banarasi

Nazm

aahang-e-nau

ai javaanaan-e-vatan ruuh javaa.n hai to uTho
aa.nkh us mahshar-e-nau kii nigaraa.n hai to uTho
KHauf-e-be-hurmatii-o-fikr-e-ziyaa.n hai to uTho
paas-e-naamuus-e-nigraan-e-jahaa.n hai to uTho
uTho naqqaara-e-aflaak bajaa do uTh kar
ek so.e hu.e aalam ko jagaa do uTh kar
ek ik samt se shab-KHuun kii tayyaarii hai
lutf kaa va.ada hai aur mashq-e-jafaa-kaarii hai
mahfil-e-ziist pe farmaan-e-qazaa jaarii hai
shahr to shahr hai gaa.nv pe bhii bambaarii hai
ye fazaa me.n jo garajte hu.e tayyaare hai.n
barsar-e-dosh-e-havaa maut ke harkaare hai.n
is taraf haatho.n me.n shamshiire.n hii shamshiire.n hai.n
us taraf zehn me.n tadbiire.n hii tadbiire.n hai.n
zulm par zulm hai.n taaziiro.n pe ta.aziire.n hai.n
sar pe talvaar hai aur paa.nv me.n zanjiire.n hai.n
ek ho ek ki ha.ngaama-e-mahshar hai yahii
arsa-e-ziist kaa hangaama-e-akbar hai yahii
apnii sarhad pe jo aGyaar chale aate hai.n
sho.ala-afshaa.n o sharar-baar chale aate hai.n
KHuun piite hu.e sarshaar chale aate hai.n
tum jo uTh jaa.o to be-kaar chale aate hai.n
KHuu.n jo bah niklaa hai us KHuu.n me.n bahaa do un ko
un kii khodii hu.ii KHandaq me.n giraa do un ko
ra.ng-e-gul-haa-e-gulistaan-e-vatan tum se hai
sorish-e-na.ara-e-rindaan-e-vatan tum se hai
nashsha-e-nargis-e-KHuubaan-e-vatan tum se hai
iffat-e-maah-e-jabiinaan-e-vatan tum se hai
tum ho Gairat ke amii.n tum ho sharaafat ke amii.n
aur ye KHatre me.n hai.n ehsaas tumhe.n hai ki nahii.n
ye darinde ye sharaafat ke puraane dushman
tum ki ho haamil-e-aadaab-o-rivaayaat-e-kuhan
jaada-paimaa ke liye KHizr ho tum ye rahzan
tum ho KHirman ke nigahbaan ye barq-e-KHirman
KHitta-e-paak me.n zinhaar na aane paa.e.n
aa hii jaa.e.n jo ye zinda to na jaane paa.e.n
mard-o-zan piir-o-javaa.n in ke mazaalim ke shikaar
KHuun-e-ma.asuum me.n Duubii hu.ii in kii talvaar
ye qayaamat ke havasnaak Gazab ke KHuu.n-KHaar
in ke isyaa.n kii na had hai na jaraa.em kaa shumaar
ye tarahhum se na dekhe.nge kisii kii jaanib
in kii topo.n ke dahan kar do unhii kii jaanib
ye to hai.n fitna-e-bedaar dabaa do in ko
ye miTaa de.nge tamaddun ko miTaa do in ko
phuu.nk do in ko jhulas do ki jilaa do in ko
shaan-e-shaayaan-e-vatan ho ye bataa do in ko
yaad hai tum ko kin aslaaf kii tum yaade.n ho
tum to KHaalid ke pisar bhiim kii aulaade.n ho
tum to tanhaa bhii nahii.n ho ka.ii dam-saaz bhii hai.n
ruus ke mard bhii hai.n chiin ke jaa.n-baaz bhii hai.n
kuchh na kuchh saath fara.ngii ke fusuu.n-saaz bhii hai.n
aur ham jaise bahut zamzama-pardaaz bhii hai.n
duur insaan ke sar se ye musiibat kar do
aag dozaKH kii bujhaa do ise jannat kar do

Asrarul Haq Majaz

DICTIONARY MATCHES

REKHTA DICTIONARY

bhaa

भाبھا

Sanskrit

wish, desire

base

basebase

اساس

basaa

बसाبسا

Sanskrit

many, much

base

बसेبَسے

Persian

settled

BOOKS MATCHES FOR ".bhsm"

Tafseer-e-Qadri

Mohammad Umar Husaini

Islamiyat

Dr. Baba Saheb Bhim Rao Ambedkar

Sayyad Shah Ghaziuddin

Sada-e-Jammu-o-Kashmir

Bheem Singh

Juebaar

Bheem Seen Zafar

Majmua

Govind Ranade

Parveen Bheem Sen

Biography

Masnavi Megh Doot

Kalidas

Poetry

Shamaim-e-Bakhshish

Ayyub Ali Rizwi

Deewan

Adhure Khwab

Bhim Sen Tyagi

Majmua

Bheem Seen Zafar Adeeb

Yogendra Bahal Tishna

Tazkira

Armughan Yaum-e-Mohammad Quli Qutub Shah

Bhim Sen Sachar

Bandar Ke Panje

Bhim Sen Tyagi

Short-story

Bhum Bhakh

Ghani Ghayoor

Majmua

Motor Cycle Par Mission Alami Aman

Bheem Singh

Travelogue

Apne Aaine Mein

Deewan Bhim Sen

MORE MATCHES FOR ".bhsm"

Nazm

arz-e-watan

KHayaalaat me.n saKHt hai intishaar
taKHayyul pareshaa.n qalam be-qaraar
jahaa.n KHuun-aaluuda-o-KHuu.n-ra.ng hai
vatan par pa.Daa saaya-e-ra.ng hai
gul-o-laala hai.n musta.id be-takaa.n
rafiiqo.n ne rakkhii hathelii pe jaa.n
har ik lab pe hai bas yahii ik suKHan
hasiin aur dilkash hai arz-e-vatan
KHuluus aaj paamaal hai aur tabaah
usuul aaj daryuuza-KHvaah-e-panaah
giraftaar-e-aazaar duniyaa hai aaj
mohabbat pariishaan-o-rusvaa hai aaj
usuul-e-mohabbat ke ham tarjumaa.n
KHuluus-o-mohabbat ke ham paasbaa.n
divaano.n ko mutlaq nahii.n hai qaraar
sadaaqat se betaab dil paa.edaar
har ik lab pe hai bas yahii ik suKHan
hasiin aur dilkash hai arz-e-vatan
vatan hai ye naanak kaa farmaa.n-paziir
thaa gautam isii kaarvaa.n kaa amiir
mohabbat ne rutba diyaa hai buland
mohabbat ne sab ko kiyaa arjumand
hai Gairat kaa tuufaan chhaayaa hu.aa
hai bachcho.n me.n bhii josh aayaa hu.aa
iraade hai.n sab ke bahut ustuvaar
Gayuur aur bedaar hai.n jaa.n-nisaar
har ik lab pe hai bas yahii ik suKHan
hasiin aur dilkash hai arz-e-vatan
na dii dushmano.n ko kabhii is ne raah
himaala hai rif.at se aalam-panaah
himaala kii dilchasp hai daastaa.n
ye azmat nishaa.n sab kaa hai paasbaa.n
zamaane pe ye baat hai aashkaar
amaa us kii hai duKHtar-e-naam-daar
himaala kii azmat kii ham ko qasam
himaala kii rif.at kii ham ko qasam
hifaazat himaala kii ab farz hai
himaala kaa ham par ba.Daa qarz hai
ye kahte hai.n sab mil ke KHurd-o-kalaa.n
ki Gairat kaa is vaqt hai imtihaa.n
hu.aa ruu-e-sha.nkar hai Gusse se laal
dikhaa.egaa ab raqs taanDau jalaal
iraade hai.n sab ke bahut ustuvaar
Gayuur aur bedaar sab jaa.n-nisaar
har ik lab pe hai bas yahii ik suKHan
hasiin aur dilkash hai arz-e-vatan
muhaafiz hai.n ham amn ke laa-kalaam
zamaane ko dete hai.n budh kaa payaam
sabaa apne gulshan se jaatii hai jab
miTaatii hai duniyaa ke ra.nj-o-ta.ab
rasiilii hai sub.h aur rasiilii hai shaam
nihaa.n in me.n hai zindagii kaa payaam
rivaayat kaa mahfuuz kar ke vaqaar
hame.n luuTnaa hai KHushii kii bahaar
zaraa dekhiyegaa rafiiqo.n kii aan
hai rakkhii jinho.n ne hathelii pe jaan
har ik lab pe hai bas yahii ik suKHan
hasiin aur dilkash hai arz-e-vatan
hai izzat kaa jur.at kaa ab imtihaa.n
kahii.n jhuk na jaa.e vatan kaa nishaa.n
farebo.n se ko.ii panaptaa nahii.n
kabhii jhuuT kaa meva paktaa nahii.n
sadaaqat kaa hai bol-baalaa sadaa
nahii.n kaam aate daroG iftiraa
fazaa hai chaman kii hame.n saazgaar
hai paabanda-tar is zamii.n kii bahaar
har ik lab pe hai bas yahii.n ik suKHan
hasiin aur dilkash hai arz-e-vatan
hayaa aur muravvat hai jo pur rahe.n
hu.ii hai.n vo aa.nkhe.n bahut KHashmagii.n
ba.Dhe hai.n vatan kii taraf bad-qimaash
kaleja zamii.n kaa hu.aa paash paash
pahaa.Do.n pe hai barf Gusse se laal
fazaa.e.n hu.ii.n garm aatish misaal
hai.n jehlam me.n aane ko tuGyaaniyaa.n
har ik mauj par hai Gazab kaa samaa.n
mohabbat kii duniyaa ko dil me.n liye
bahaar-e-javaanii se paimaa.n kiye
vatan kii hifaazat ko tayyaar hai.n
mohabbat ke baada se sarshaar hai.n
hifaazat hai farz apne armaan kii
hame.n aaj parvaa nahii.n jaan kii
har ik lab pe hai bas yahii ik suKHan
hasiin aur dilkash hai arz-e-vatan
2
aa.o ba.Dho maidaan me.n shero.n dushman par yalGaar kare.n
qabr bane maidaan me.n us kii aisaa us par vaar kare.n
za.ng na lagne paa.e apne bhaarat kii aazaadii ko
aa.o zer-e-daam kare.n sayyaado.n kii sayyaadii ko
lauh-e-dil par naqsh karo har haal me.n zinda rahnaa hai
mulk kii KHidmat ke raste me.n jo dukh aa.e sahnaa hai
ye sailaab-e-surKH nahii.n hai zulm-o-sitam kii aa.ndhii hai
is sailaab ko roke.nge ham himmat ham ne baa.ndhii hai
shero.n kii aulaad ho tum in viiro.n kii santaan ho tum
mard-e-mujaahid mard-e-jarii ho yodhdhaa ho balvaan ho tum
saa.nchii maduraa amaritsar ajmer kii azmat tum se hai
sub.h-e-banaras shaam-e-avadh kii asl-o-haqiiqat tum se hai
taaj ajantaa aur elora ke vaahid fankaar ho tum
KHush-siirat KHush-suuraat KHush-muurat KHush-kirdaar ho tum
bhiilaa.ii chitranjan tum se bhaaka.D ana.ngal tum se hai
daamodar kii shaan hai tum se azmat-e-chanbal tum se hai
tum ne basaa.e shahr niraale jangal tum se ma.ngal hai.n
tum ne nikaalii nahre.n itnii sahraa tum se jal-thal hai.n
tum ne itnii himmat se dariyaa.o.n ke ruKH mo.D diye
tum ne khodii.n sura.nge.n itnii duur ke rishte jo.D diye
tum kashmiir kii arz-e-hasii.n ke nazzaaro.n me.n palte ho
kohsaaro.n ko phaa.ndte ho tum dariyaa.o.n pe chalte ho
tum mysore me.n virindaa-ban ke baaG sajaane vaale ho
uuTii shimla daarjiling se shahr basaane vaale ho
taatya-Tope laxmii-baa.ii Tiipuu kii aulaad ho tum
ja.ng ke fan me.n qaabil ho tum maahir ho ustaad ho tum
hinduu muslim sikh iisaa.ii jainii bodh aur paarsii
dahqaa.n taajir aur mulaazim saadhuu-sant aur siyaasii
le ke vatan kaa jhanDaa aa.o dushman par yalGaar kare.n
qabr bane ran-bhuum me.n us kii aisaa us par vaar kare.n

Arsh Malsiyani

Nazm

jazbaat-e-aftab

ho.n hanuumaan aur 'a.ngad' se hazaaro.n yodhdhaa
sai.nka.Do.n bhiim aur arjun se bashar paidaa kar

Lala Anoop Chand Aaftab Panipati

Nazm

hindostan

go KHaak ho chukaa hai hindostaa.n hamaaraa
phir bhii hai kul jahaa.n me.n pallaa garaa.n hamaaraa
mu.nh tak rahaa hai ab tak saaraa jahaa.n hamaaraa
hai naam kishvaro.n me.n vird-e-zabaa.n hamaaraa
zarKHez hai saraasar ye gulistaa.n hamaaraa
hai taa.ir-e-tilaa.ii hindostaa.n hamaaraa
bhaarat me.n dekhte the ham san.ate.n jahaa.n kii
mash.huur thii jahaa.n me.n kaariigarii yahaa.n kii
vo baat hindiyo.n ne Gairo.n ke darmiyaa.n kii
jis par jhukii hai gardan amboh-e-sarkashaa.n kii
miltaa thaa ilm-o-fan me.n ham-sar kahaa.n hamaaraa
hai taa.ir-e-talaa.ii hindostaa.n hamaaraa
tasliim kar rahe hai.n espen aur jaapaa.n
sab maante hai.n lohaa german france-o-yuuna.n
america me.n hai charchaa is mulk kaa numaayaa.n
bhaarat kii saltanat par bartaaniya hai naazaa.n
uu.nchaa hai aasmaa.n se ye aastaa.n hamaaraa
hai taa.ir-e-tilaa.ii hindostaa.n hamaaraa
parbat kii choTiyaa.n hai.n darbaa.n hamaare dar kii
daaman me.n jis ke pinhaa.n kaane.n hai.n siim-o-zar kii
ga.ng-o-jaman pe jis dam sayyaad ne nazar kii
sarsabz vaadiyo.n se is kii nazar na sar kii
kyaa Gairat-e-iram hai ye bostaa.n hamaaraa
hai taa.ir-e-tilaa.ii hindostaa.n hamaaraa
paidaa kiye the jis ne arjun kanaad gautam
aaGosh me.n pale the jis kii byaas-o-bikram
godii me.n jis kii khele the bhiim raam bhisham
jin ke sabab se ab tak hai hindiyo.n me.n dam-KHam
vo mulk-e-be-badal hai jannat-nishaa.n hamaaraa
hai taa.ir-e-tilaa.ii hindostaa.n hamaaraa

Aaftab Rais Panipati

Ghazal

kaamnaa.e.n bhasm ho.n aashaa.e.n raakh
man jale to man kaa har bandhan jale

Tufail Hoshiarpuri

Nazm

zahr ka dariya

chalo ki zahr ke dariyaa kii sair kii jaa.e
use mathe.n aur amrit kii khoj kii jaa.e
apne KHud-Garaz iraado.n kii baaT baT kar ke
kaa.enaat ik na.ii shuruu.a kii jaa.e
vo jo daanavo.n ko bhasm kartii ho
jo devtaa.o.n ko insaan kartii ho
vo jis me.n shiv ko zahr piinaa na pa.De
vo kaa.enaat jo sab ko samaan kartii ho
vo jis me.n bhes raahu badal na sake
badal bhii le to amrit ko pii na sake
vo jis me.n kaurvo.n kii zaat na ho
vo jis me.n siitaa ko.ii churaa na sake

Qaleel Jhansvi

Nazm

udaipur

sar-zamiin-e-padmanii gahvaara-e-prataapii bhiim
rashk-e-firdaus-e-zamaana dekhne aayaa huu.n mai.n

JaiKrishn Chaudhry Habeeb

Nazm

apne jaise aashiqon ke nam

mai.n ta.Daptaa huu.n
mai.n bahut ta.Daptaa huu.n
ki vahaa.n lauT jaa.uu.n jahaa.n se merii umr shuruu.a hu.ii thii
jahaa.n mere din raat merii miTTii kii mahak se mahakte the
zamiin bhar kii dhuup me.n se mere hisse kii dhuup
mere rome rome ko se.nktii thii
sitaaro.n bhare aasmaan me.n se mere naam kaa sitaara
badan kii agnii ban ke mere hisse kii dulhan ko
nadii ke paanii se banii hu.ii sej pe utaartaa thaa
aur an-dekhii tah me.n tairtii machhliyo.n kii saa.ns ko sa.ngiit kar detaa thaa
raat me.n chhupe hu.e din ko
aur din me.n chhupii hu.ii raat ko
ek duusre ke paas laa ke KHud kahii.n chhup jaataa thaa
phir jhaag se jhaag nikaltaa thaa
aur jhaag se an-ginat muurtiyaa.n bantii thii.n
tab unhe.n puujne kii tijaarat iijaad nahii.n hu.ii thii
tab aag harii ghaas ko nahii.n jalaatii thii
sivaa.e is ke ki paa.nv par re.ngtii hu.ii chyuu.nTii haath kii paka.D me.n aa jaatii thii
kaa.enaat bhar kii bhuuk aur pyaas kii
sii.nchaa.ii karte hu.e kisaan aur khudaa.ii karte hu.e mazduur
abhii khet aur fasl aur kachche pakke ghar aur diivaaro.n aur jiivan maran
aur shamshaan bhuum aur qabro.n se pahchaane to jaate the
abhii baazaaro.n me.n ghuumte phirte na.nge paagalo.n
aur un ke hisse kii gaaliyo.n aur pattharo.n kii pahchaan se zindagii kii pahchaan to hotii thii
abhii raat ke safar me.n kisii an-dekhe jahaan se
merii duniyaa ke ja.ngalo.n me.n utarte jugnu.o.n ke jhunD chahak chahak ke
sudhaarii hu.ii ruuho.n kaa ataa pataa bataate the
afsos ab mai.n vahaa.n lauTnaa chaahuu.n bhii
to KHud par itnaa guzar chukaa huu.n ki lauT nahii.n saktaa

Ahmad Hamesh

Nazm

pyara watan hamara

laakho.n the bhiim arjun balraam shyaam 'raghubar'
the tiir jin ke zevar bistar the jin ke KHanjar

Lala Anoop Chand Aaftab Panipati

Mazahiya

tahziib tumhe.n manzuur nahii.n aur 'aql kahii.n dastuur nahii.n
tum bhiim kii taano.n me.n baahar kyuu.n aape se ho jaate ho

Khizr Tameemi

Nazm

sham ko lauTti chiDiya

shaam ko chahchahaatii
lauTtii chi.Diyaa ko
ye nahii.n ma.aluum ki us ke basere vaalaa pe.D
kaaT diyaa gayaa hai
gho.nsle me.n rakkhe us ke anDe rau.nd diye ga.e hai.n
pe.D vaalii jagah par mall banaane kii prakriya jaarii hai
lauTte lauTte chi.Diyaa ko a.ndheraa ho jaa.egaa aur
jab vo ghar Dhuu.nDte Dhuu.nDte bhaTkegii
to andesha ye hai ki
khule pa.De bijlii kii taaro.n ko
Daaliyaa.n samajh kar
un se Takraa kar
kahii.n vo bhasm na ho jaa.e
kyuu.nki aisaa aksar
dihaa.Dii mazduuro.n aur avaidh kahii jaane vaalii chaalo.n
ke saath bhii hote dekhaa gayaa hai

Qaleel Jhansvi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now