Search result for

SEARCH RESULTS

Showing search results for "chuhaa"

See All

POETS/AUTHORS/ARTISTS

Mohan Lal Chha

Publisher

MOST RELEVANT MATCHES FOR "chuhaa"

Qadir Nama

gurba billii muush chuuhaa daam jaal
rishta taagaa jaama kap.Daa qaht kaal

Mirza Ghalib

Nazm

ek laDki shadan

ik la.Dkii thii chhoTii sii
dublii sii aur moTii sii
nannhii sii aur munnii sii
bilkul hii than mathnii sii
us ke baal the kaale se
siidhe ghu.nghraale se
mu.nh par us ke laalii sii
chaTTii sii maTyaalii sii
us kii naak pako.Dii sii
nokiilii sii chau.Dii sii
aa.nkhe.n kaalii niilii sii
surKH safed aur piilii sii
kap.De us ke thaile se
ujle se aur maile se
ye la.Dkii thii bholii sii
bii bii sii aur golii sii
har dam khel thaa kaam us kaa
shaadaa.n bii-bii naam thaa us kaa
ha.nstii thii aur rotii thii
jaagtii thii aur sotii thii
har dam us kii ammaa.n-jaan
khii.nchaa kartii us ke kaan
kahtii thii.n maktab ko jaa
khelo.n me.n mat vaqt ga.nvaa
ammii sab kuchh kahtii thii
shaadaa.n kheltii rahtii thii
ik din shaadaa.n khel me.n thii
aa.e us ke abbaa jii
vo lahore se aa.e the
chiize.n viize.n laa.e the
box me.n thii.n ye chiize.n sab
KHair tamaashaa dekho ab
abbaa ne aate hii kahaa
shaadaa.n aa kuchh pa.Dh ke sunaa
gum thii ik muddat se kitaab
kyaa detii is vaqt javaab
do bahne.n thii.n shaadaa.n kii
chhoTii nannhii munnii sii
naam thaa ma.njhlii kaa siimaa.n
gu.Diyaa sii nannhii naadaa.n
vo bolii ai abbaa jii
ab to pa.Dhtii huu.n mai.n bhii
billii hai c a T cat
chuhaa hai r a T rat
mu.nh mouth hai naak hai nose
aur gulaab kaa phuul hai rose
mai.n ne abbaa jii dekhaa
KHuub sabaq hai yaad kiyaa
shaadaa.n ne us vaqt kahaa
mai.n ne hii to sikhaayaa thaa
lekin abbaa ne chup chaap
kholaa box ko uTh kar aap
is me.n jo chiize.n nikle.n
saarii siimaa.n ko de de.n
ik chiinii kii gu.Diyaa thii
ik jaaduu kii pu.Diyaa thii
ik nannhii sii thii motor
aap hii chaltii thii far-far
ge.ndo.n kaa ik jo.Daa thaa
ik lak.Dii kaa gho.Daa thaa
ik siiTii thii ik baajaa
ek thaa miTTii kaa raajaa
shaadaa.n ko kuchh bhii na milaa
ya.anii khel kii paa.ii sazaa
ab vo Gaur se pa.Dhtii hai
puure taur se pa.Dhtii hai

Hafeez Jalandhari

Nazm

shayad

kuchh log
jo mere dil ko achchhe lagte the
umro.n ke rele me.n aa.e
aur jaa bhii chuke
kuchh dhando.n me.n masruuf hu.e
kuchh chuhaa-dau.D me.n jiite ga.e
kuchh haar ga.e
kuchh qatl hu.e
kuchh ba.Dhtii bhii.D me.n
apne-aap se duur hu.e
kuchh TuuT ga.e kuchh Duub ga.e

Balraj Komal

Short story

सलीमा की जब शादी हुई तो वो इक्कीस बरस की थी। पाँच बरस होगए मगर उसके औलाद न हुई। उसकी माँ और सास को बहुत फ़िक्र थी। माँ को ज़्यादा थी कि कहीं उसका नजीब दूसरी शादी न करले। चुनांचे कई डाक्टरों से मश्वरा किया गया मगर कोई बात पैदा...

Saadat Hasan Manto

Mazahiya

vaah bii municipality jaan kyaa kahnaa tiraa
tuu chachii lailaa kii aashiq teraa majnuu.n kaa chachaa
apnii KHuddaarii ko kho kar tujh pe jo shaidaa hu.aa
be-KHudii me.n ye zabaan-e-haal se kahte sunaa
bas-ki diivaana shudam aql-e-rasaa darkaar niist
aashiq-e-municipality raahiyaa darkaar niist
teraa KHvaahish-mand har qaid-e-liiyaaqat se barii
jis kaa jii chaahe la.De aur la.D ke le le membarii
ahd-e-aazaadii ne aisii Daal dii hai abtarii
ab to har taaniis aur tazkiir me.n hai hamsarii
tujh ko kyaa ranDii hai ko.ii yaa ki ranDii-baaz hai
teraa darvaaza kas-o-naa-kas ke uupar baaz hai
jam.a kar de qarz hii le kar zamaanat ke pachaas
duur hotii jaa.e Gairat jab election aa.e paas
votaro.n ke haath jo.De KHuub ho kar bad-havaas
gi.Dgi.Daa kar har kas-o-naa-kas se ho ye iltimaas
rehn parche ke evaz izzat mirii kar liijiye
apne bachcho.n kaa tasadduq vote mujh ko diijiye
suniye ik saahab kaa qissa jab hu.ii shaamat savaar
ye zamaanat kar ke daaKHil ban ga.e ummiid-vaar
chho.D pesha tark farmaayaa jo kuchh thaa kaarobaar
kuchh asaas-ul-bait bechaa kuchh liyaa suudii udhaar
muztarib rahte the ye naam-aavarii ke vaaste
ghar se nikle vote lene membarii ke vaaste
sab se pahle un ko jis voter ke ghar jaanaa pa.Daa
shaiKH buddhuu naam thaa aur thaa julaahaa qaum kaa
dhotii baa.ndhe marza.ii pahne tanaa baiThaa hu.aa
ik sa.Dii miTTii kaa huqqa pii rahaa thaa kaj-adaa
jaate hii tasliim kii jab is ko baa-sad-ehtiraam
mu.nh ko Te.Dhaa kar ke bolaa ko hai baalekum-salaam''
bole ye pahle na aayaa mai.n hu.aa itnaa qusuur
shaiKH buddhuu aap mujh par rahm farmaa.e.n huzuur
aap ko vaalid kahaa karte the bhaa.ii ab se duur
mai.n bhatiijaa aap kaa huu.n vote le luu.ngaa zaruur
bole buddhuu kaa kahiyo ham kehkaa kehkaa boTe deii
boTe pahiye uu jo tirte hamkaa das kaa note de.ii
jab surtedaar bolaa laa.e ho kauno gavaah
ham kahaa sasuuraa jamaadarvaa kihis ham kaa tabaah
ham julaahaa aap ke aur aap Thahre baadshaah
kaun kah ke saamne muutat hai saahab vaah vaah
ha.ns ke kah dene.n mujhaD siikh jii jaa.o barii
rah ga.ii mu.nh haa.e ke sab lambaran kii lambarii
sun liyo saarii kathaa diiho ki naahii.n ye bataa.o
bote maa.nge aa.e ho ham se to ham kaa kuchh dilaa.o
kar chikan bakvaas ab bhayyaa na hamraa muu.D khaa.o
kah diyaa bas kah diyaa ab jaa.o chuppe ghar kaa jaa.o
jo rakam tum se kahaa sab peshgii le leb ham
boot de motor pe le jahiyo to haa.n de deb ham
jab miyaa.n buddhuu ke tevar is qadar dekhe ka.De
dahne baa.e.n dekh jhaT qadmo.n pe is ke gir pa.De
dil me.n pachhtaa.e ki aaKHir kyuu.n hu.e the ham kha.De
kahiye aise jaahilo.n se kyaa ko.ii kushtii la.De
aabruu ke saath de kar paa.nch raazii kar liyaa
kaamyaabii par hu.e KHush taa.o mo.nchho.n par diyaa
aage ba.Dh kar ek hazrat kaa hu.aa phir saamnaa
un se jaa kar is tarah kii arz baa-sad-iltijaa
banda parvar ek maz.hab hai hamaaraa aap kaa
vote diijegaa jo mujh ko aap KHush hogaa KHudaa
hai.n mire halqe me.n jo jo mere maz.hab ke KHilaaf
dekhiye member zaraa ho luu.n to kar duu.n sab ko saaf
mehtaraa.n ke dar pe jhaa.Duu dene aa.e kyaa majaal
aur saqqaa mushk se naalii dhulaa.e kyaa majaal
tex ghar-vaare kaa un par ba.ndh naa jaa.e kyaa majaal
le le.n bambaa ghar me.n be meter lagaa.e kyaa majaal
naach tignii kaa inhe.n ab mai.n nachaa.uu.ngaa huzuur
dekhe kis kis tarah un ko sataa.uu.ngaa huzuur
KHush hu.e sun kar janaab-e-maulvii-e-maktabii
haath pheraa riish par aur is tarah taqriir kii
aap is ke ahal hai.n merii nazar me.n vaaqa.ii
zaat-e-saamii ko samajhtaa huu.n mai.n faKHr-e-membarii
mohtaram mai.n va.ade qabl-az-vaqt kar saktaa nahii.n
farz hai iifaa-e-va.ada phir mukar saktaa nahii.n
is me.n ik ishkaal-e-shara.ii aur bhii hai kyaa kahuu.n
me.n iaanat aap kii bil-farz qirtaasan karuu.n
raa.e to apnii hiba kar duu.n evaz kuchh bhii na luu.n
kyuu.n badal zaa.e.a karuu.n kis vaaste musrif banuu.n
jaantaa huu.n ye ki merii raa.e hai kitnii vaaqii.a
muft zaa.e.a kyuu.n karuu.n jab mai.n nahii.n huu mustatii.a
hasb-e-KHvaahish gar badal mujh ko ataa kar de.n janaab
kyaa ajab pesh-e-KHudaa maajuur bhii huu.n aur masaab
mai.n ne dikhlaa dii huduud-e-shar.a me.n raah-e-savaab
mere maaruzaat ko farmaa.iye gar mustajaab
raa.e de dene me.n ahqar ko ta.ammul kuchh na ho
KHud karuu.n taajiil hatman phir tasaahul kuchh na ho
raa.e de duu.ngaa evaz mai.n aap ko KHamsiin ke
itne hii milte hai.n mujh ko va.az ke talqiin ke
hazrat-e-vaalaa to KHud paaband hai.n aa.iin ke
is se kam denaa muraadif hai mirii tauhiin ke
haa.n ye mumkin hai ki kuchh taqliil farmaa diijiye
hai ye kaar-e-KHair ab taajiil farmaa diijiye
KHullas-e-ahbaab se kyuu.n istishaara kiijiye
raaz poshiida rahe kyuu.n aashkaara kiijiye
sab se achchhaa hai zaraa zahmat gavaaraa kiijiye
liijiye tasbiih mujh se istiKHaara kiijiye
arz kii hai mai.n ne jo itnii raqam par dekhiye
man.a jab aa.e to phir kuchh is se kam par dekhiye
ye nihaayat kaa.e.n the dil me.n ye bole soch ke
shakl to achchhii hai par zebaa nahii.n mere liye
istiKHaara mai.n karuu.n kyaa aap ke hote hu.e
kartaa huu.n niyyat to mai.n aap istiKHaara kiijiye
niyyat un ke dil me.n thii tasbiih un ke haath me.n
chuhaa apnii ghaat me.n thaa billii apnii ghaat me.n
man.a aaya istiKHaara chhuuTte hii pahlii baar
maulvii saahab ke chehre par hu.aa kuchh antr-jaar
phir jo dekhaa vaajib aaya ho be-iKHtiyaar
puuchhaa niyyat kis qadar par kii thii bahr-e-KHaaksaar
bole niyyat das pe kii thii liijiye banda-navaaz
kaamyaabii kii du.aa farmaa.iye ba.ad-az-namaaz
is jagah se uTh ke ghar par ek saahab ke liye
das baras naakaam rahne par hu.e the jo b a
railway me.n the mulaazim KHud bhii the chalte hu.e
aap kii tanKHvaah to kam ThaaTh the lekin ba.De
english style pe rahne kaa jo un ko shauq thaa
boot batri paa.nv kii collar gale kaa tauq thaa
phuus ke chhappar me.n rahte the ye is saamaan se
aur furniture to KHaarij un ke thaa imkaan se
TuuTii phuuTii kursiyaa.n le kar kisii duukaan se
baiThte the un pe chhappar me.n nihaayat shaan se
naam ik taKHtii pe likh rakhaa thaa yuu.n bahr-e-vaqaar
mister abraahaam b-a T T c e aa.ii aar
dekh kar suurat ko un kii is tarah kahne lage
aa.ii aim very busy make heast jaldii boliye
phir udhar Tahle idhar Tahle gha.Dii ko dekh kar
apne kutte se kahaa kam suun un se go away
phir kahaa.n u aar candidate baT no bold man
tum ko apnii vote kaise degaa saahab old man
chuu.nki candidate a.ngrezii samajhte hii na the
gi.Dgi.Daa kar is tarah saahab se farmaane lage
ye to mumkin hii nahii.n hai aap paidal jaa.iye
mai.n ne motor maa.ng lii hai aap hii ke vaaste
aur kyuu.nkar is tarah chaliyegaa mujh ko dene vote
kiije pocket book pe taariiKH-e-election jald note
baat a.ngrezii-numaa urdu me.n yuu.n saahab ne kii
ham kahaa english me.n Tum samjhaa nahii.n o aa.ii c
dekho apnii vote rakhnii maa.nTgaa hai ham free
kis ko degaa pahle baTlaane nahii.n sakTaa ko.ii
ham city father nahii.n tum ko banaanaa maa.ngTaa
D.m. phir motor pe ham kaahe ko jaanaa maa.ngTaa
ho ke jab maayuus ye palTe vahaa.n se mu.nh banaa.e
dil me.n kahte the ki in kaa vote to jaanaa hai haa.e
saal bhar pahle ba.De din me.n jo Daalii de to paa.e
ab ba-juz is ke ko.ii suurat nahii.n bantii banaa.e
fees de kar nurse ik bahr-e-sifaarish laa.uu.ngaa
chal gayaa chakma to un se vote phir le jaa.uu.ngaa
phir ba.Dhe aage yahaa.n se vote ke armaan me.n
ghus pa.De ye ek buz qassaab kii duukaan me.n
nasr me.n pa.Dh kar qasiida pahle us kii shaan me.n
chaahte the ye kahii.n kuchh shaiKH jii ke kaan me.n
yuu.n kanautii ko badal kar shaiKH saahab ne kahaa
suniye hajrat ham lagii lipTii nahii.n rakhte jaraa
chaudharii ne kal kahaa thaa ham se ai bhayyaa sukuur
siikh munne jis ko kah de.n boot de denaa jaruur
par manaahii kar ga.e jab maulbii abdul gafuur
rafjii ko bote de sakte nahii.n ham to hujuur
sunte hai.n kuraan me.n farmaa ga.e the khud rasuul
diin kii jab baat Thahrii dakhl denaa be fajuul
vaa.n kutub-ud-diin bhii kahte the sachchii hai ye baat
gair majhab vaale ko lambar banaanaa baa-hiyaat
siikh jii majhab tumhaaraa aur un kii aur jaat
ho ke lambar vo khudaa jaane kare.n kiyaa vaardaat
haa.n ko.ii majhab kaa apne ho to is ko bote do
jab tumhe.n maukaa mile aiso.n ko bhayyaa choT do
in ko buz qassaab ne jab de diyaa ruukhaa javaab
ye uThe duukaan se maayuus baa-chashm-e-pur-aab
apne worker se kahaa jaa kar ki suniye to janaab
aap hii tadbiir ab kuchh kiijiye us kii shitaab
sarf kii parvaa nahii.n jo ho munaasib kiijiye
shaiKH jii ke vote ko lekin na jaane diijiye
dil me.n worker KHush hu.e kahne lage baa-sad suruur
is taraf se aap bilkul mutma.in rahiye huzuur
aur logo.n se zyaada sarf to hogaa zaruur
to sahii jab aap hii ko vote de.n abdushshukuur
piir louTan shaah kii KHidmat me.n jaataa huu.n abhii
hukm un kaa shaiKH jii ke paas laataa huu.n abhii
piir loTan shaah the ik KHaandaanii takiya-daar
aa.nkh me.n surma ka.ii rattii gale me.n chand haar
riish-e-aqdas paan ke dhabbo.n se rashk-e-laala zaar
geru.a kurtaa gale me.n haath me.n ik pusht KHaar
zard tahmad paa.nv me.n lak.Dii kii uu.nchii c kha.Daa.uu.n
ghuumte phirte the yuu.nhii shahr shahr aur gaa.nv gaa.nv
pahu.nche worker un kii KHidmat me.n ba-taajiil-e-tamaam
do ruupa.e nazraane ke de kar kiyaa jhuk kar salaam
arz kii hai.n aap to haajat ravaa-e-KHaas-o-aam
shaiKH jii kaa vote dilvaa diijiye bas hai ye kaam
chuu.nki hazrat kii hai.n bai.at me.n miyaa.n abdushshukuur
aap farmaa de.n agar tuu vote de de.nge zaruur
aap kii daavat kaa kal ghar par karuu.ngaa intizaam
shaiKH jii ko bhii bulaa luu.ngaa vahii.n par vaqt-e-shaam
tazkire me.n vote kaa chhe.Duu.ngaa maabain-e-ta.aam
aap un ko hukm de de.n ge to ho jaa.egaa kaam
bole loTan shaah baabaa KHush raho daavat qubuul
ham faqiiro.n kii du.aa se hogaa sab matlab husuul
muKHtasar se ibtidaa.ii vaaqiye jo kuchh likhe
kyaa ajab kaafii ho.n ye public kii ibrat ke liye
is tarah ke voter aur member huu.n jab is qism ke
kahiye is municipality se kise raahat mile
saakinaan-e-shahr ab hoshyaar honaa chaahiye
member aur voter kaa kuchh me.aar honaa chaahiye
KHatm bhii kar do 'zariif' ab tum bayaan-e-membarii
taa-ba-kai aaKHir rahoge qissa-KHvaan-e-memberii
KHvaab se chau.nke.n zaraa jab sar-giraan-e-membarii
phir sunaa denaa unhe.n tum daastaan-e-membarii
ab samand-e-fikr kii baag aur jaanib mo.D do
sone vaale so ga.e qissa adhuuraa chho.D do

Zareef Lakhnavi

See All

DICTIONARY MATCHES

REKHTA DICTIONARY

chaahaa

चाहाچاہا

Sanskrit

a wading bird, snipe, sandpiper

chuuhaa

चूहाچُوہا

Sanskrit

rat, mouse

chhupaa

छुपाچُھپا

Hindi

covered, concealed, hidden, secret

chha

छःچَھ

Sanskrit

Gambling: 6 or 10 or 14 pennies fall in the game of solahi

See All

BOOKS MATCHES FOR "chuhaa"

Lalchi Chuha

Harminder Ohri

Translation

Shah Doola Ka Chuha

Saqi Faruqi

Nazm

Shareer Chuha

M.K. Pasha

Wo Jise Chaha Gaya

Altaf Fatima

Stories

Chuhe Ke Khutoot Billi Ke Naam

Saeed Soharwardi

Humorous

Iqbal Ne Kya Chaha

Maulana Abul Aala Maududi

Language & Literature

Afghani Chhura

Munshi Ahmad Husain Khan

Short-story

Dekh Chuka Main Mauj Mauj

Qasim Yaqub

Majmua

Badli Mein Chhupa Chand

Renu Behl

Short-story

Bahram Ka Chhura

Zahurul Hasan Maikash Siddiqi

Chuhi Nama wa Billi Nama wa Afyuni Nama

Unknown Author

Chuna Hamne Pahadi Rasta

Wazir Agha

Nazm

Dhoop Chulha

M.M. Huda

chhoota pyaar

Tanveer Zehra Bukhari

Women's writings

Chuhi Nama

Unknown Author

MORE MATCHES FOR "chuhaa"

Translated Poetry

ek aur safar darpesh hai
lekin is dafa hii tujh se zaruur kahuu.ngaa
ki ham ne tere patthar ke siine ko
bahut chaahaa hai
tuu ne kitnii saKHaavat se
baavarchii-KHaane kii aag se garmii se navaazaa hai
terii chhat
jis se baarish kii buu.nde.n
a.nguuro.n kii tarah Tapaktii hai.n
aasmaan se girtii hu.ii mausiiqii
jab ham terii khi.Dkiyaa.n band karte hai.n
dam gho.nTne vaalii be-vaqt raat
tere har kamre par chhaa jaa.egii
a.ndhere me.n Duubaa hu.aa
tuu phir bhii jiitaa jaagtaa rahtaa hai
vaqt tere sar par ma.nDlaataa rahtaa hai
aur cell kii giilaahaT aahista aahista terii ruuh ko khaatii chalii jaatii hai
kisii vaqt
ko.ii chuuhaa kuchh katartaa hai kaaGaz sarakte hai.n
ek malfuuf sarsaraahaT
ek bhaTkaa hu.aa kii.Daa
thak kar kisii diivaar ke saath lag jaataa hai
aur jab baarish aatii hai
to is tanhaa.ii me.n
chhat ke Tapakne kii aavaaz
insaanii aavaaz kii tarah lagtii hai
jaise ko.ii ro rahaa ho

Pablo Neruda

Nazm

chuha

ek bose ne
tumhe.n aurat banaa diyaa
aur use tabdiil kar diyaa
ek chuuhe me.n

Ahmad Azad

Nazm

aankh-micholi

bandar chuhaa aur KHargosh
ha.nste ha.nste the behosh
paas thii ek gilahrii bhii
thii chuuhe se moTii bhii
aur kuttaa thaa mu.nh khole
Taa.ngo.n me.n thaa nekar pahne
sab se ba.Dii thii lom.Dii
thii us kii moTii khopa.Dii
ye sab hii pyaar se rahte the
sab naachte gaate ha.nste the
ik din vo bole KHush ho ke
ham aa.nkh-miicholii khele.nge
jo pak.Daa jaa.e chor bane
us kii aa.ankho.n pe paTTii ba.ndhe
jo bhii pak.Daa na jaa.egaa
aaKHir raaja kahlaa.egaa
pahle kutte kii baaii thii
us kii sab se hii yaar thii
us ne sochaa kis ko pak.Duu.n
aaKHir mai.n kis ko chor kahuu.n
itne me.n bolaa bandar bhii
aa.e hai.n miyaa.n-chhachhuu.ndar bhii
kahte hai.n mai.n bhii kheluu.ngaa
mai.n aaKHir sab ko pak.Duu.ngaa
kutte ne kahaa aane do ise
haa.n chor zaraa ban.ne do ise
ye sun ke shaiKHii me.n aa ke
KHud aap chhachhuu.ndar ne ba.Dh ke
kutte se kahaa mujh ko pak.Do
mere mu.nh pe paTTii baa.ndho
mai.n har ek ko pak.Duu.ngaa
aaKHir raaja kahlaa.uu.ngaa
ahmaq the miyaa.n chhachhuu.ndar bhii
pa.Dhte the antar-mantar bhii
ko.ii bhii haath na aataa thaa
ko.ii bhii chor na bantaa thaa
thak thak ke haal KHaraab hu.aa
lekin na ko.ii kisii ko haath lagaa
achchhaa nahii.n shaiKHii me.n aanaa
achchhaa nahii.n hotaa itraanaa

Kishwar Naheed

Nazm

chuha

hai mire paas ik miraa chuhaa
KHuubsuurat saa dil-rubaa chuhaa
dum bhii chuuhe kii sar bhii chuuhe kaa
hai miraa chuhaa bas niraa chuhaa
billii ko bhii sabaq pa.Dhaataa hai
hai bahut hii pa.Dhaa-likhaa chuhaa
mere chuuhe ko ko.ii kuchh na kahe
miraa chuhaa hai laaDlaa chuhaa
so gayaa dekh kar vo billii ko
log samjhe ki mar gayaa chuhaa
harkate.n us kii sab dilero.n kii
kaam kaa sher naam kaa chuhaa
do hii chuuhe hai.n saarii duniyaa me.n
ik miraa chuhaa ik tiraa chuhaa
chuhaa dekhaa to ro pa.Dii billii
billii dekhii to ha.ns diyaa chuhaa
baat ik bhii sunii na billii ne
umr bhar chiiKHtaa rahaa chuhaa
jitne chuuhe hai.n mere chuuhe hai.n
ye miraa chuhaa vo miraa chuhaa
tere chuuhe ko khaa ga.ii billii
merii billii ko khaa gayaa chuhaa
kal la.Daa.ii hu.ii thii dono.n me.n
mar ga.ii billii bach gayaa chuhaa

Sufi Ghulam Mustafa Tabassum

Nazm

billi

dayaar-e-Gariibaa.n se aayaa hu.aa ik udhe.D umr chuhaa
jo bas rizq kii buu ko pahchaantaa hai
jo har vaqt biimaar har vaqt bezaar chuhiyaa se ta.ng aa chukaa hai
use dekh legaa to jii jaa.egaa
shauq-e-vaaraftagii tarz-e-aamaadgii
us ko billii ke nazdiik le jaa.egaa
lamha-e-qurb me.n
saa.at-e-vasl me.n
us hasiina ke naaKHun nikal aa.e.nge
us udhe.D umr chuuhe se shoKHii kare.nge
use haa.nptaa-kaa.nptaa adh-mu.aa chho.D kar
phir se malbuus-e-maKHmal me.n chhup jaa.e.nge

Zehra Nigaah

Nazm

abhi bhuk se ek chuha mara hai

na maTke me.n aaTaa na Dibbo.n me.n daale.n
bataa.e ko.ii log kis ko pakaa le.n
ye farmaan haakim hai kis tarah Taale.n
kahaa hai Gariibo.n se anguur khaa le.n
patiilii hai KHaalii vahaa.n kyaa dharaa hai
abhii bhuuk se ek chuhaa maraa hai

Mohammad Yusuf Papa

Nazm

shah-e-daula chuha

magar das baras tak
bhiik maa.ng maa.ng ke
thak chukaa thaa
hama-vaqt mu.nh khulaa rakhne
aur haath phailaane se
u.ngliyaa.n aur hatheliyaa.n
dikhne lagii thii.n
jab.De karaahne lage the

Saqi Faruqi

Nazm

shararat

bhayyaa se kahe.nge jaldii baahar chaliyegaa taar aayaa hai
shaayad sarkaar ne nau sau par fauran shimle bulvaayaa hai
ammii ne kahaa jab kuchh bhii nahii.n ik billaa chuuhaa laayaa hai
to ham khaane kii mez ke niiche chupke se chhup jaa.e.nge
aaj apne har ham-jolii ko ham ulluu KHuub banaa.e.nge

Ahmad Nadeem Qasmi

Nazm

billi

ba.Dii nasl kaa jab nazar aa.e chuhaa
to bach kar vahaa.n se guzartii hai billii

Shaheen Iqbal Asar

Nazm

kawwa aur koyal

kisii kavve ne ik koyal se puuchaa
bataa bahnaa ki hai ye maajraa kyaa
Gazab hai ye ki ham dono.n hai.n kaale
KHudaa ke fazl se hai.n aql vaale
magar duniyaa kare kyuu.n pyaar tujh se
rahe.n chhoTe ba.De bezaar mujh se
tiraa hii naam hai sab kii zabaa.n par
tiraa jaaduu to hai saare jahaa.n par
jo shaa.er hai.n likhe.n teraa taraana
bataa teraa hai kyuu.n aashiq zamaana
rahaa kartii hai tuu bachcho.n ke dil me.n
magar ik mai.n ki chuhaa jaise bil me.n
jahaa.n jaa kar karuu.n mai.n kaa.e.n kaa.e.n
vahaa.n se maar kar mujh ko bhagaa.e.n
nazar me.n tiir aur talvaar ban kar
khaTaktaa huu.n dilo.n me.n KHaar ban kar
jise dekho use mujh se hai vahshat
sabhii ko naam se mere hai nafrat
kahaa koyal ne kavve se ki bhaa.ii
na kyuu.n terii samajh me.n baat aa.ii
jise aatii na ho shiirii.n-bayaanii
kare kyaa vo dilo.n par hukmaraanii
hai.n sab us ke jo miiThe bol bole
jo lab khol to ras kaano.n me.n ghole
kahaa.n mai.n bolne me.n chuuktii huu.n
magar jab boltii huu.n kuuktii huu.n
mirii aavaaz me.n phuulo.n kii narmii
tirii aavaaz me.n sho.alo.n kii garmii
zabaa.n se mai.n banii aa.ankho.n kaa taaraa
magar terii zabaa.n ne tujh ko maaraa
tuu jis din siikh legaa KHush-kalaamii
milegii har jagah tujh ko salaamii

Zafar Kamali

SEARCH RESULTS

POETS/AUTHORS/ARTISTS

MOST RELEVANT MATCHES FOR "chuhaa"

Qadir Nama

Mirza Ghalib

Nazm

Hafeez Jalandhari

Nazm

Balraj Komal

Short story

Saadat Hasan Manto

Mazahiya

Zareef Lakhnavi

DICTIONARY MATCHES

REKHTA DICTIONARY

chaahaa

chuuhaa

chhupaa

chha

BOOKS MATCHES FOR "chuhaa"

MORE MATCHES FOR "chuhaa"

Translated Poetry

Pablo Neruda

Nazm

Ahmad Azad

Nazm

Kishwar Naheed

Nazm

Sufi Ghulam Mustafa Tabassum

Nazm

Zehra Nigaah

Nazm

Mohammad Yusuf Papa

Nazm

Saqi Faruqi

Nazm

Ahmad Nadeem Qasmi

Nazm

Shaheen Iqbal Asar

Nazm

Zafar Kamali

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books