Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "chuhaa"

Nazm MATCHES FOR "chuhaa"

Nazm

ek laDki shadan

ik la.Dkii thii chhoTii sii
dublii sii aur moTii sii
nannhii sii aur munnii sii
bilkul hii than mathnii sii
us ke baal the kaale se
siidhe ghu.nghraale se
mu.nh par us ke laalii sii
chaTTii sii maTyaalii sii
us kii naak pako.Dii sii
nokiilii sii chau.Dii sii
aa.nkhe.n kaalii niilii sii
surKH safed aur piilii sii
kap.De us ke thaile se
ujle se aur maile se
ye la.Dkii thii bholii sii
bii bii sii aur golii sii
har dam khel thaa kaam us kaa
shaadaa.n bii-bii naam thaa us kaa
ha.nstii thii aur rotii thii
jaagtii thii aur sotii thii
har dam us kii ammaa.n-jaan
khii.nchaa kartii us ke kaan
kahtii thii.n maktab ko jaa
khelo.n me.n mat vaqt ga.nvaa
ammii sab kuchh kahtii thii
shaadaa.n kheltii rahtii thii
ik din shaadaa.n khel me.n thii
aa.e us ke abbaa jii
vo lahore se aa.e the
chiize.n viize.n laa.e the
box me.n thii.n ye chiize.n sab
KHair tamaashaa dekho ab
abbaa ne aate hii kahaa
shaadaa.n aa kuchh pa.Dh ke sunaa
gum thii ik muddat se kitaab
kyaa detii is vaqt javaab
do bahne.n thii.n shaadaa.n kii
chhoTii nannhii munnii sii
naam thaa ma.njhlii kaa siimaa.n
gu.Diyaa sii nannhii naadaa.n
vo bolii ai abbaa jii
ab to pa.Dhtii huu.n mai.n bhii
billii hai c a T cat
chuhaa hai r a T rat
mu.nh mouth hai naak hai nose
aur gulaab kaa phuul hai rose
mai.n ne abbaa jii dekhaa
KHuub sabaq hai yaad kiyaa
shaadaa.n ne us vaqt kahaa
mai.n ne hii to sikhaayaa thaa
lekin abbaa ne chup chaap
kholaa box ko uTh kar aap
is me.n jo chiize.n nikle.n
saarii siimaa.n ko de de.n
ik chiinii kii gu.Diyaa thii
ik jaaduu kii pu.Diyaa thii
ik nannhii sii thii motor
aap hii chaltii thii far-far
ge.ndo.n kaa ik jo.Daa thaa
ik lak.Dii kaa gho.Daa thaa
ik siiTii thii ik baajaa
ek thaa miTTii kaa raajaa
shaadaa.n ko kuchh bhii na milaa
ya.anii khel kii paa.ii sazaa
ab vo Gaur se pa.Dhtii hai
puure taur se pa.Dhtii hai

Hafeez Jalandhari
Nazm

shayad

kuchh log
jo mere dil ko achchhe lagte the
umro.n ke rele me.n aa.e
aur jaa bhii chuke
kuchh dhando.n me.n masruuf hu.e
kuchh chuhaa-dau.D me.n jiite ga.e
kuchh haar ga.e
kuchh qatl hu.e
kuchh ba.Dhtii bhii.D me.n
apne-aap se duur hu.e
kuchh TuuT ga.e kuchh Duub ga.e

Balraj Komal
Nazm

chuha

ek bose ne
tumhe.n aurat banaa diyaa
aur use tabdiil kar diyaa
ek chuuhe me.n

Ahmad Azad
Nazm

aankh-micholi

bandar chuhaa aur KHargosh
ha.nste ha.nste the behosh
paas thii ek gilahrii bhii
thii chuuhe se moTii bhii
aur kuttaa thaa mu.nh khole
Taa.ngo.n me.n thaa nekar pahne
sab se ba.Dii thii lom.Dii
thii us kii moTii khopa.Dii
ye sab hii pyaar se rahte the
sab naachte gaate ha.nste the
ik din vo bole KHush ho ke
ham aa.nkh-miicholii khele.nge
jo pak.Daa jaa.e chor bane
us kii aa.ankho.n pe paTTii ba.ndhe
jo bhii pak.Daa na jaa.egaa
aaKHir raaja kahlaa.egaa
pahle kutte kii baaii thii
us kii sab se hii yaar thii
us ne sochaa kis ko pak.Duu.n
aaKHir mai.n kis ko chor kahuu.n
itne me.n bolaa bandar bhii
aa.e hai.n miyaa.n-chhachhuu.ndar bhii
kahte hai.n mai.n bhii kheluu.ngaa
mai.n aaKHir sab ko pak.Duu.ngaa
kutte ne kahaa aane do ise
haa.n chor zaraa ban.ne do ise
ye sun ke shaiKHii me.n aa ke
KHud aap chhachhuu.ndar ne ba.Dh ke
kutte se kahaa mujh ko pak.Do
mere mu.nh pe paTTii baa.ndho
mai.n har ek ko pak.Duu.ngaa
aaKHir raaja kahlaa.uu.ngaa
ahmaq the miyaa.n chhachhuu.ndar bhii
pa.Dhte the antar-mantar bhii
ko.ii bhii haath na aataa thaa
ko.ii bhii chor na bantaa thaa
thak thak ke haal KHaraab hu.aa
lekin na ko.ii kisii ko haath lagaa
achchhaa nahii.n shaiKHii me.n aanaa
achchhaa nahii.n hotaa itraanaa

Kishwar Naheed
Nazm

chuha

hai mire paas ik miraa chuhaa
KHuubsuurat saa dil-rubaa chuhaa
dum bhii chuuhe kii sar bhii chuuhe kaa
hai miraa chuhaa bas niraa chuhaa
billii ko bhii sabaq pa.Dhaataa hai
hai bahut hii pa.Dhaa-likhaa chuhaa
mere chuuhe ko ko.ii kuchh na kahe
miraa chuhaa hai laaDlaa chuhaa
so gayaa dekh kar vo billii ko
log samjhe ki mar gayaa chuhaa
harkate.n us kii sab dilero.n kii
kaam kaa sher naam kaa chuhaa
do hii chuuhe hai.n saarii duniyaa me.n
ik miraa chuhaa ik tiraa chuhaa
chuhaa dekhaa to ro pa.Dii billii
billii dekhii to ha.ns diyaa chuhaa
baat ik bhii sunii na billii ne
umr bhar chiiKHtaa rahaa chuhaa
jitne chuuhe hai.n mere chuuhe hai.n
ye miraa chuhaa vo miraa chuhaa
tere chuuhe ko khaa ga.ii billii
merii billii ko khaa gayaa chuhaa
kal la.Daa.ii hu.ii thii dono.n me.n
mar ga.ii billii bach gayaa chuhaa

Sufi Ghulam Mustafa Tabassum
Nazm

billi

dayaar-e-Gariibaa.n se aayaa hu.aa ik udhe.D umr chuhaa
jo bas rizq kii buu ko pahchaantaa hai
jo har vaqt biimaar har vaqt bezaar chuhiyaa se ta.ng aa chukaa hai
use dekh legaa to jii jaa.egaa
shauq-e-vaaraftagii tarz-e-aamaadgii
us ko billii ke nazdiik le jaa.egaa
lamha-e-qurb me.n
saa.at-e-vasl me.n
us hasiina ke naaKHun nikal aa.e.nge
us udhe.D umr chuuhe se shoKHii kare.nge
use haa.nptaa-kaa.nptaa adh-mu.aa chho.D kar
phir se malbuus-e-maKHmal me.n chhup jaa.e.nge

Zehra Nigaah
Nazm

abhi bhuk se ek chuha mara hai

na maTke me.n aaTaa na Dibbo.n me.n daale.n
bataa.e ko.ii log kis ko pakaa le.n
ye farmaan haakim hai kis tarah Taale.n
kahaa hai Gariibo.n se anguur khaa le.n
patiilii hai KHaalii vahaa.n kyaa dharaa hai
abhii bhuuk se ek chuhaa maraa hai

Mohammad Yusuf Papa
Nazm

shah-e-daula chuha

magar das baras tak
bhiik maa.ng maa.ng ke
thak chukaa thaa
hama-vaqt mu.nh khulaa rakhne
aur haath phailaane se
u.ngliyaa.n aur hatheliyaa.n
dikhne lagii thii.n
jab.De karaahne lage the

Saqi Faruqi
Nazm

shararat

bhayyaa se kahe.nge jaldii baahar chaliyegaa taar aayaa hai
shaayad sarkaar ne nau sau par fauran shimle bulvaayaa hai
ammii ne kahaa jab kuchh bhii nahii.n ik billaa chuuhaa laayaa hai
to ham khaane kii mez ke niiche chupke se chhup jaa.e.nge
aaj apne har ham-jolii ko ham ulluu KHuub banaa.e.nge

Ahmad Nadeem Qasmi
Nazm

billi

ba.Dii nasl kaa jab nazar aa.e chuhaa
to bach kar vahaa.n se guzartii hai billii

Shaheen Iqbal Asar
Nazm

kawwa aur koyal

kisii kavve ne ik koyal se puuchaa
bataa bahnaa ki hai ye maajraa kyaa
Gazab hai ye ki ham dono.n hai.n kaale
KHudaa ke fazl se hai.n aql vaale
magar duniyaa kare kyuu.n pyaar tujh se
rahe.n chhoTe ba.De bezaar mujh se
tiraa hii naam hai sab kii zabaa.n par
tiraa jaaduu to hai saare jahaa.n par
jo shaa.er hai.n likhe.n teraa taraana
bataa teraa hai kyuu.n aashiq zamaana
rahaa kartii hai tuu bachcho.n ke dil me.n
magar ik mai.n ki chuhaa jaise bil me.n
jahaa.n jaa kar karuu.n mai.n kaa.e.n kaa.e.n
vahaa.n se maar kar mujh ko bhagaa.e.n
nazar me.n tiir aur talvaar ban kar
khaTaktaa huu.n dilo.n me.n KHaar ban kar
jise dekho use mujh se hai vahshat
sabhii ko naam se mere hai nafrat
kahaa koyal ne kavve se ki bhaa.ii
na kyuu.n terii samajh me.n baat aa.ii
jise aatii na ho shiirii.n-bayaanii
kare kyaa vo dilo.n par hukmaraanii
hai.n sab us ke jo miiThe bol bole
jo lab khol to ras kaano.n me.n ghole
kahaa.n mai.n bolne me.n chuuktii huu.n
magar jab boltii huu.n kuuktii huu.n
mirii aavaaz me.n phuulo.n kii narmii
tirii aavaaz me.n sho.alo.n kii garmii
zabaa.n se mai.n banii aa.ankho.n kaa taaraa
magar terii zabaa.n ne tujh ko maaraa
tuu jis din siikh legaa KHush-kalaamii
milegii har jagah tujh ko salaamii

Zafar Kamali
Nazm

ajib KHwahishen

manaataa mauj gar chuuhaa mai.n hotaa
sahar se shaam tak phirtaa hii rahtaa
lage jab bhuuk mai.n miiThaa churaataa
maze se bil me.n baiThaa us ko khaataa
mohalle ke sabhii baavarchii-KHaane
bulaa.e.nge mujhe daavat u.Daane
maze se daavate.n har ghar me.n khaataa
dahii maska milaa.ii duudh u.Daataa
agar billii chalii aa.e jhapaT kar
to ghus jaa.uu.ngaa mai.n bil dubak kar

Vaqar Khaleel
Nazm

tabdili

ek thaa raaja ek thii raanii
kaun sunaa.e ab ye kahaanii
ab na sher ko jaal me.n pak.De
aur na chuhaa jaal ko katre
aur na jiite baazii kachhvaa
aur na rahe KHargosh bhii sotaa
chaa.nd kii bu.Dhiyaa chalii ga.ii hai
suut kaatnaa chho.D chukii hai
haatim-taa.ii aur alii-baabaa
sakhii saKHaavat aur marjiina
ko.ii sunaataa nahii.n kahaanii
na to daadaa aur na naanii
KHatm hu.e sab jaaduu Tone
qisse pariyo.n ke bhuuto.n ke
har dam T.v pesh-e-nazar hai
ab duniyaa kaa haal digar hai
T.v me.n cartoon aate hai.n
bachcho.n kaa dil bahlaate hai.n

Ameen Hazin
Nazm

salma ki guDiya

ye hai vo gu.Diyaa
aafat kii pu.Diyaa
salmaa ne jis ko
beTii banaayaa
ye hai vo chuuhaa
bhuuraa lanDuuraa
bhuukaa chaToraa
gu.Diyaa ko jis ne
chuTiyaa se khii.nchaa
panjo.n me.n bhii.nchaa
gu.Diyaa vo gu.Diyaa
aafat kii pu.Diyaa
salmaa ne jis ko
beTii banaayaa
ye hai vo billii
moTii muTallii
aa.nkho.n pe jis kii
chhaa.ii thii jhillii
nau sau vo chuuhe
khaa kar chalii thii
haj kar ke palTii
chuuhe ko dekhaa
lalchaa.ii jii me.n
tauba ko to.Daa
aa.ngan me.n rapTii
chuuhe pe jhapTii
chuuhaa banaa vo
bas ik nivaala
thii naa vo aaKHir
chuuho.n kii KHaala
chuuhaa vo chuuhaa
bhuuraa lanDuuraa
bhuukaa chaToraa
gu.Diyaa ko jis ne
chuTiyaa se khii.nchaa
panjo.n me.n bhii.nchaa
gu.Diyaa vo gu.Diyaa
aafat kii pu.Diyaa
salmaa ne jis ko
beTii banaayaa
ye hai vo kuttaa
kaalaa kaluuTaa
KHuu.n-KHaar nazre.n
khujlii kaa maaraa
billii ko jis ne
aa ke dabochaa
aur phir ragedaa
aur phir bha.nbho.Daa
billii vo billii
moTii muTallii
aa.nkho.n pe jis kii
chhaa.ii thii jhillii
nau sau vo chuuhe
khaa kar chalii thii
haj kar ke palTii
chuuhe ko dekhaa
lalchaa.ii jii me.n
tauba ko to.Daa
aa.ngan me.n rapTii
chuuhe pe jhapTii
chuuhaa banaa vo
bas ik nivaala
thii na vo aaKHir
chuuho.n kii KHaala
chuuhaa vo chuuhaa
bhuuraa lanDuuraa
bhuukaa chaToraa
gu.Diyaa ko jis ne
chuTiyaa se khii.nchaa
gu.Diyaa vo gu.Diyaa
aafat kii pu.Diyaa
beTii banaayaa

Ghulam Abbas
Nazm

chuhe ne chhapa aKHbar

ja.ngal jangal pa.Dii pukaar
chuuhe ne chhaapa aKHbaar
niile piile safhe chaar
tasviire.n chaaliis hazaar
us par KHabro.n kii bhar-maar
ek ke uupar ek savaar
rishte naato.n ke jhag.De
tote mainaa kii takraar
phuul sajaa.e bulbul ne
KHuub rahaa miinaa-baazaar
bandar kii tasviiro.n par
shahd kii makkhii kii yalGaar
giida.D ne elaan kiyaa
saaras gayaa samundar paar
zarraafe kii gardan me.n
khelo.n kii KHabro.n ke haar
haathii da.nggal jiit gayaa
sher chalaa karne ko shikaar
bakre dumbe aur hiran
kha.De hu.e hai.n numbar-daar
koyal saa.e me.n KHush hai
bhai.nse garmii se bezaar
mah.ngaa.ii me.n manda hai
bhaaluu seTh kaa kaarobaar
loma.D kho gayaa raste me.n
ammii ro.ii.n zaar-o-zaar
sahii mu.amma hal kar ke
bakrii jiitii paa.nch hazaar
lekin jangal me.n kyaa hai
gaahak aa.e bas do-chaar
kutar kutar kar khaa gayaa aaKHir
chuuhaa sab raddii aKHbaar
chuuhe ne chhaapa aKHbaar

Abid Hasan
Nazm

chiDiya-ghar ki sair

ham saare school ke bachche
chi.Diyaa ghar kii sair ko pahu.nche
us kaa har ik raaz nayaa hai
ja.ngal kaa andaaz nayaa hai
nevlaa chuuhaa bandar dekhaa
loma.D gho.Daa kuttaa dekhaa
ja.ngal ke raajaa ko dekhaa
pinjre me.n be-chaara baiThaa
saath hii ik taalaab ba.Daa thaa
us me.n magarmachh ek pa.Daa thaa
chhoTe chhoTe saath the phirte
ik duuje par aa aa girte
duur se ik chi.nghaa.D sii aa.ii
haathii ne phir shakl dikhaa.ii
kangaroo bhii ham ne dekhaa
uud-bilaa.o bhii achchhaa thaa
dekhaa ham ne bhaaluu aayaa
ghuum rahaa thaa kaalaa saayaa
kaalaa thaa yaa goraa goraa
aql se lekin thaa vo koraa
riichh ajab andaaz se aa.e
aa kar achchhe naach dikhaa.e
gen.De kii bhii baat ajab hai
Dhaal ajab hai chaal ajab hai
aahuu-e-taataar bhii dekhaa
baarasinghaa saath vahii.n thaa
bandar ke ausaaf ko dekhaa
ham ne phir giraffe ko dekhaa
saaras mor aur saa.np jahaa.n the
bakrii aur KHargosh vahaa.n the
totaa mainaa tiitar kavvaa
aur thii ra.ngaa-ra.ng kii chi.Diyaa
baaz bhii dekhaa chiil bhii dekhii
ham ne to abaabiil bhii dekhii
un se ham ne lutf uThaayaa
un ko dekh ke dil bahlaayaa
dekh ke chi.Diyaa-ghar jab aa.e
dil me.n KHushii ke phuul khile the

Betab Alipuri
Nazm

gar aisa ho jae

chi.Diyaa charKHaa kaate
chuuhaa motii Taa.nke
billii biin bajaa.e
kavvaa gaanaa gaa.e
murGii likkhe giit
ho kachhve kii jiit
titlii pa.Dhe kitaab
machhlii khaa.e kabaab
kuttaa bole myaa.un
mai.n chuuho.n ko khaa.uu.n
sher kabhii sharmaa.e
makkhii roz nahaa.e
imlaa likkhe bandar
pa.Dhne jaa.e kabuutar
gar aisaa ho jaa.e
ba.Daa mazaa phir aa.e

Raza Ali Abidi
Nazm

school jo hota

billii chuuhaa aur chhipkalii
aage pa.Dhne jaatii dillii

Ziyaurrahman Jafari
Nazm

kya kha gae

dau.Daa dau.Daa chuuhaa aayaa
aur KHargosh ko baiThaa paayaa
bolaa yuu.n aayaa huu.n bhaa.ii
baat zaruurii ik yaad aa.ii
jaante ho kyaa kar baiThe ho
tum jo abhii khaa kar baiThe ho
vo chhoTii sii sunahrii pu.Diyaa
ye bhii samjhe asl me.n thii kyaa
chau.nkaa kuchh kuchh kaano.n vaalaa
kuchh to zaruur hai daal me.n kaalaa
bolaa chuuhe kyaa kahtaa hai
aaKHir tere jii me.n kyaa hai
bolaa cholaa ho ki chhalaavaa
tum ho nire bachhiyaa ke baavaa
dekh ke khaate hai.n chiize.n bhayyaa
tum jo khaa ga.e thaa vo tatayyaa

Hamidullah Afsar
Nazm

kirae ka makan

ajab shai hai kiraa.e kaa makaa.n bhii
makaa.n bhii hai ye zaalim laa-makaa.n bhii
ba.Dii ujlat me.n banvaayaa gayaa hai
la.ii se chhat ko chipkaayaa gayaa hai
hai vaaq.e ek naalii ke kinaare
mayassar hai.n mujhe kyaa kyaa nazaare
naziir un kii jahaan-e-KHvaab me.n hai
bahaaraa.n kii shab-e-mahtaab me.n hai
na kyo.n ho jism meraa ranj se chuur
faqat do miil hai ye shahr se duur
yahaa.n aab-o-havaa kaa masKH chehra
milaa hargiz na mauqa dekhne kaa
ham aapas me.n bahut ghul-mil ga.e hai.n
mujhe jebo.n me.n chamgaada.D mile hai.n
hai.n baam-o-dar pe ye Gaarat-gar-e-hosh
bahaar-e-bistar-o-nau-roz-e-aaGosh
hamaarii ab ye haalat ho ga.ii hai
a.ndhero.n se mohabbat ho ga.ii hai
yahaa.n din ko bhii ulluu bolte hai.n
mire kaano.n me.n amras gholte hai.n
jo duniyaa me.n hai.n ye kii.De-mako.De
yahii.n pal kar javaa.n hote hai.n saare
Gubaar-aaluud yuu.n merii jabii.n hai
kahii.n sii.Dhii kahii.n kuchh bhii nahii.n hai
isii sii.Dhii kaa hai vo vaaqi.a bhii
lu.Dhak kar mar ga.ii jo saas merii
yahaa.n chuuho.n ke bil itne ba.De hai.n
ka.ii saabit qadam in me.n gire hai.n
mujhe bhii duur kii ik roz suujhii
kisii bil ko mai.n khoduu.n jii me.n aa.ii
jo khodaa chashm-e-hairaa.n ne ye dekhaa
ki ik leader numaa moTaa saa chuuhaa
dabaa.e mu.nh me.n ik KHaasa bataashaa
mire moze pahan kar jaa rahaa thaa
vahii.n ik chuhiyaa aa niklii kahii.n se
Tapaktaa naaz thaa us kii jabii.n se
basaa thaa itr me.n har resha us kaa
pare thaa arsh se andesha us kaa
bahut ban-Than ke niklii thii bichaarii
miyaa.n chuuhe ne fauran aa.nkh maarii
nigaah-e-Gair se sharmaa ga.ii vo
miyaa.n chuuhe se phir Takraa ga.ii vo
mile yuu.n taalib-o-matluub baaham
majaazii ishq kaa lahraayaa parcham
Garaz chuuhe qayaamat Dhaa rahe hai.n
dar-o-diivaar par ma.nDlaa rahe hai.n
mai.n laayaa thaa kahii.n se ek billii
paka.D kar le ga.e chuuhe use bhii

Qazi Ghulam Mohammad
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now