Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "halve"

MOST RELEVANT MATCHES FOR "halve"

Nazm

hubb-e-watan

ai dil ai banda-e-vatan hoshiyaar
KHvaab-e-Gaflat se ho zaraa bedaar
o sharaab-e-KHudii ke matvaale
ghar kii chaukhaT ke chuumne vaale
naam hai kyaa isii kaa hubb-e-vatan
jis kii tujh ko lagii hu.ii hai lagan
kabhii bachcho.n kaa dhyaan aataa hai
kabhii yaaro.n kaa Gam sataataa hai
yaad aataa hai apnaa shahr kabhii
lau kabhii ahl-e-shahr kii hai lagii
naqsh hai.n dil pe kuucha-o-baazaar
phirte aa.nkho.n me.n hai.n dar-o-diivaar
kyaa vatan kyaa yahii mohabbat hai
ye bhii ulfat me.n ko.ii ulfat hai
is me.n insaa.n se kam nahii.n hai.n darind
is se KHaalii nahii.n chairnd o parind
Tuk.De hote hai.n sang Gurbat me.n
suukh jaate hai.n ruukh furqat me.n
jaa ke kaabul me.n aam kaa paudaa
kabhii parvaan cha.Dh nahii.n saktaa
aa ke kaabul se yaa.n bihii-o-anaar
ho nahii.n sakte baarvar zinhaar
machhlii jab chhuuTtii hai paanii se
haath dhotii hai zindagaanii se
aag se jab hu.aa samundar duur
us ko jiine kaa phir nahii.n maqduur
gho.De jab khet se bichha.Dte hai.n
jaan ke laale un ke pa.Dte hai.n
gaa.e, bhai.ns uu.nT ho yaa bakrii
apne apne Thikaane KHush hai.n sabhii
kahiye hubb-e-vatan isii ko agar
ham se haivaa.n nahii.n hai.n kuchh kam-tar
hai ko.ii apnii qaum kaa hamdard
nau-e-insaa.n kaa samjhe.n jis ko fard
jis pe itlaaq-e-aadmii ho sahiih
jis ko haivaa.n pe de sake.n tarjiih
qaum par ko.ii zad na dekh sake
qaum kaa haal-e-bad na dekh sake
qaum se jaan tak aziiz na ho
qaum se ba.Dh ke ko.ii chiiz na ho
samjhe un kii KHushii ko raahat-e-jaa.n
vaa.n jo nau-roz ho to iid ho yaa.n
ra.nj ko un ke samjhe maaya-e-Gam
vaa.n agar sog ho to yaa.n maatam
bhuul jaa.e sab apnii qadr-e-jaliil
dekh kar bhaa.iyo.n ko KHvaar-o-zaliil
jab pa.De un pe gardish-e-aflaak
apnii aasaa.isho.n pe Daal de KHaak

Altaf Hussain Hali
Nazm

bachchon ki qawwali

halve ke liye phir aaj bhii ham ik aas lagaa.e baiThe hai.n
jo baat zabaa.n par laa na sake vo dil me.n chhupaa.e baiThe hai.n
tho.Dii sii miThaa.ii taaq pe thii muTThii me.n churaa.e baiThe hai.n
abbuu ke bhagaa.e bhaage the ammii ke bulaa.e baiThe hai.n
kuchh bach bhii ga.ii hai.n piTne se kuchh maar bhii khaa.e baiThe hai.n
tujh se to hame.n ko.ii shikva ai KHaaliq-e-sub.h-o-shaam nahii.n
school hii aisaa hai ki jahaa.n kuchh chain nahii.n aaraam nahii.n
is vaqt agarche sar me.n kisii ke dard baraa.e naam nahii.n
har vaqt magar pa.Dhte rahnaa kam-umro.n kaa to kaam nahii.n
sab apnii apnii kursii par sudh-budh bisraa.e baiThe hai.n
ik baar kahii.n se mil jaataa ham sab ko charaaG-e-chain agar
bas saal me.n ik din pa.Dh lete darje kii kitaabe.n far far far
phir KHvaab hii dilchaspii rahtii phir KHuub maza aataa din bhar
school me.n jaanaa kyuu.n hotaa har roz ye rahtaa kyuu.n chakkar
ummiid nahii.n lekin phir bhii ummiid lagaa.e baiThe hai.n
lekin ye zamaana ilm kaa hai ye vaqt hai aage ba.Dhne kaa
mil-jul ke kare.nge gar mehnat ho jaa.egaa har sapnaa puuraa
himmat se hu.ii hai.n taamiire.n jur.at se hu.aa hai kaam nayaa
jab azm-o-amal achchhaa hogaa achchhaa hii natiija bhii hogaa
ham log yahaa.n halva khaa kar ik sham.a jalaa.e baiThe hai.n

Shaukat Pardesi
Nazm

kale safed paron wala parinda aur meri ek sham

jab din Dhal jaataa hai, suuraj dhartii kii oT me.n ho jaataa hai
aur bhi.Do.n ke chhatte jaisii bhin-bhin
baazaaro.n kii garmii, afraa-tafrii
motor, bas, barqii railo.n kaa ha.ngaama tham jaataa hai
chaa.e-KHaano.n naach-gharo.n se kam-sin la.Dke
apne ham-sin maashuuqo.n ko
jin kii jinsii KHvaahish vaqt se pahle jaag uThii hai
le kar jaa chukte hai.n
ba.Dhtii phailtii uu.nchii himaala jaisii ta.amiiro.n par KHaamoshii chhaa jaatii hai
theater tafriih-gaaho.n me.n taale pa.D jaate hai.n
aur ba-zaahir duniyaa so jaatii hai
mai.n apne kamre me.n baiThaa sochaa kartaa huu.n
kutto.n kii dum Te.Dhii kyuu.n hotii hai
ye chitkabrii duniyaa jis kaa ko.ii bhii kirdaar nahii.n hai
ko.ii falsafa ko.ii paa.inda aqdaar nahii.n, me.aar nahii.n hai
is par ahl-e-daanish vidvaan, falsafii
moTii moTii adaq kitaabe.n kyuu.n likkhaa karte hai.n?
'furqat' kii maa.n ne shauhar ke marne par kitnaa kohraam machaayaa thaa
lekin iddat ke din puure hone se ik hafta pahle
'niilam' ke maamuu.n ke saath badaun jaa pahu.nchii thii
bii-bii kii sehnak ko.nDe faatiha-KHvaanii
ja.ng-e-siffiin, jamal aur badar ke qisso.n
siirat-e-nabvii tark-e-duniyaa aur maulvii-saahab ke halve maa.nDe me.n kyaa rishta hai?

Akhtarul Iman
Nazm

shab-baraat

kyuu.nkar kare na apnii numuudaarii shab-baraat
chilpak chapaatii halve se hai bhaarii shab-baraat
zindo.n kii hai zabaa.n kii mazedaarii shab-baraat
murdo.n kii ruuh kii hai madad-gaarii shab-baraat
lagtii hai sab ke dil ko Garaz pyaarii shab-baraat

Nazeer Akbarabadi
Nazm

ab aur tab

na puuchh ai ham-nashii.n college me.n aa kar ham ne kyaa dekhaa
zamii.n badlii hu.ii dekhii falak badlaa hu.aa dekhaa
na vo pahlii sii mahfil hai na miinaa hai na saaqii hai
kutub-KHaane me.n lekin ab talak talvaar baaqii hai
vahii talvaar jo baabar ke vaqto.n kii nishaanii hai
vahii marhuum baabar yaad jis kii Gair faanii hai
zamii.n par lecturer kuchh tairte phirte nazar aa.e
aur un kii ''gaun'' se kandho.n pe do shahpar nazar aa.e
magar in me.n mire ustaad-e-deriina bahut kam the
jo do ik the bhii vo masruuf-e-sad-afkaar-e-paiham the
vo ziine hii me.n Takraane kii hasrat rah ga.ii dil me.n
sunaa one-way traffic ho ga.ii uupar kii manzil me.n
agarche aaj-kal college me.n vaaqif hai.n hamaare kam
hame.n diivaar-o-dar pahchaante hai.n aur un ko ham
bulandii par alag sab se kha.Daa ''tower'' ye kahtaa hai
badaltaa hai zamaana meraa andaaz ek rahtaa hai
fanaa ta.aliim dars-e-be-KHudii huu.n is zamaane se
ki majnuu.n laam alif likhtaa thaa diivaar-e-dabistaa.n par
magar ''tower'' kii saa.at ke bhii baazuu KHuub chalte hai.n
kabuutar baiTh kar suu.iyo.n pe vaqt us kaa badalte hai.n
usii maalik ko phir halve kii daavat par bulaate hai.n
vo halva KHuub khaate hai.n use bhii kuchh khilaate hai.n
agar vo ye kahe is me.n to zahriilii davaa.ii hai
miraa dil jaantaa hai is me.n anDe kii miThaa.ii hai
phir is ke baa'd bahr-e-KHud-kushii tayyaar hote hai.n
vo halva biich me.n aur gard us ke yaar hote hai.n
vo puuchhe gar kahaa.n se kis tarah aayaa hai ye halva
to Dabbaa pesh kar ke kah diyaa is kaa hai sab jalva
kisii kanjuus ke kamre me.n jaa kar baiTh jaate hai.n
aur us ke naam par Tuk shaap se chiize.n ma.ngaate hai.n
bichaara 'ja.afarii' muddat ke baa'd aayaa hai college me.n
izaafa chaahtaa hai apnii a.ngrezii kii knowledge me.n
tire siine pe jab yaaraa-n-KHush aa.e.n kii mahfil ho
to ai 'oval' use mat bhuul jaanaa vo bhii shaamil ho

Syed Mohammad Jafri

PAGE MATCHES FOR "halve"

Collection

50 Best Sad Ghazals

Sadness is a season of human existence. Life is punctuated by sadness off and on. In classical poetry, sadness has most often been the result of disappointment in love. But there are many other shades of sadness as well. In reality, sadness is an integral part of living that helps us known life in full. Some verses that express various conditions are collected here for your perusal. You may like to have a look.
Ebook

Books Illuminated by Ghalib’s Verses

Many Urdu writers and poets have named their books after lines from Mirza Ghalib’s poetry. These books cover different themes, but their titles are inspired by the beauty and popularity of Ghalib’s words. A special collection of such books is available on the Rekhta Digital Library, where you can explore and enjoy them with ease.
Collection

10 Ghazals enlivened by magical voices

Here is a collection of 10 Urdu Ghazals sung wonderfully by some celebrated singers. So far, you have only been listening to these Ghazals soaked with high emotions; you may now read them here.
See All

DICTIONARY MATCHES

REKHTA DICTIONARY

have

havehave

maalik

halve

halvehalve

adhiyaanaa

halve

हल्वेحَلْوے

Arabic

sweet dish, sweetmeat, a kind of pudding made of flour, ghī, and sugar, or of sūjī, ghī, sirup, dried cocoa-nut, and spices, —an electuary

jalve

जल्वेجَلْوے

Arabic

appearances, effulgence

See All

BOOKS MATCHES FOR "halve"

Khwab Mein Hazrat-e-Zohra Ko Jo hur Ne Dekha

Qamar Jalalvi

Marsiya

Hall-e-Tarkeeb-e-Kafiya

Burhanuddin

Language

Haal-e-Shahadat Maula-e-Kainat

Abdul Waheed

Farhang-e-Naseeriya

Hakeem Mohammad Naseer

Dictionary

Hall-e-Ilm-ul-Hisab

Unknown Author

Mathematics

Hall-e-Tarkeeb

Syed Mohammad Husaini

Halwa-e-Danish-o-Surma-e-Beenish

Hakeem Bhagat Ram

Medicine

Alfaiz-ut-Taqi fi Halle Mushkilat Ibn-ul-Arabi

Hafiz Shah Ali Anwar

Halwa-e-Danish-o-Surma-e-Beenish

Hakeem Bhagat Ram

Others

Shumara Number-002

Jamuna Das Akhtar

Oct 1986Hal-e-Hind

Dua Ibadat Bhi Hal-e-Mushkilat Bhi

Asrarul Haq Qasmi

Islamiyat

Rubaiyaat-e-Hakeem Umar Khayyam

Fareed Rukh Rozan

Quatrain

Abdullah Haal-e-Review

Neelam Farzana

Magazines

Hall-e-Nikat-e-Bedil

Faiz Ameem

Philosophy of Sufism

Umdat-ul-Sahaif Fi Hal-e-Ahal-ul-Kashaf Wal-Maarif

Mohammad Abdul Kareem

MORE MATCHES FOR "halve"

Ghazal

batlaa rahii hai shaiKH kii taqriir-e-muzmahil
kuchh aaj halve-maa.nDe kaa saamaa.n na ho sakaa

Shauq Bahraichi
Nazm

aisa kash abhi ho jae

belo.n par toffee khil jaa.e
chaa.e coffee nal se aa.e
biscuit Daalii Daalii jhuule
bachcha bachcha jis ko chhuu le
bagiyaa hogii kitnii pyaarii
laDDuu ho.n jab kyaarii kyaarii
buu.nde.n Tapke buu.ndii.n ban kar
barfii phaile ghar kii chhat par
halve kaa baadal ghar aa.e
aisaa kaash kabhii ho jaa.e
pe.Do.n par pe.De lag jaa.e.n
jab chaahe.n ham to.D ke khaa.e.n
har jaanib sohan halva ho
baaluushaahii kaa jalva ho
jharnaa KHair kaa bahtaa jaa.e
KHuub jalebii tairtii aa.e
berii par jab maare.n patthar
khiil bataashe Tapke.n din bhar
bachcha khaa.e buu.Dhaa khaa.e
aisaa kaash kabhii ho jaa.e
qulfii kaa miinaar kha.Daa ho
har taare me.n cake ju.Daa ho
nikle.n jab sa.Dko.n par ghar se
motii-chuur ke laDDuu barse
miiThe duudh kii barsaate.n ho.n
peThe kii sab sauGaate.n ho.n
faaluude se hauz bharaa ho
lassii kaa dariyaa bahtaa ho
baarish aa kar ras barsaa.e
aisaa kaash kabhii ho jaa.e
nafrat ho ka.Dvii bolii se
ulfat ho har ham-jolii se
shiirii.n kar de.n duniyaa saarii
pyaar se bhar de.n duniyaa saarii
duniyaa me.n har kaam ho shiirii.n
avval aaKHir naam ho shiirii.n
sab se 'haidar' bolo miiThaa
miiThaa khaa kar bolo miiThaa
shiiriinii ho.nTo.n par chhaa.e
aisaa kaash abhii ho jaa.e

Haidar Bayabani
Nazm

jaDe ki dhup

pe.Do.n se jab niiche utre
baal sukhaane aa.e dhuup
uun ke golo.n se jaa lipTe
chaa.e pilaane aa.e dhuup
kamro.n me.n phir Dupkii Dupkii
aag jalaane aa.e dhuup
ruuTh ga.ii hai.n naanii ammaa.n
un ko manaane aa.e dhuup
halve khaane ke din aa.e
sehat banaane aa.e dhuup
khel ke maidaano.n me.n jaa pahu.nche
shor machaane aa.e dhuup
diivaaro.n par rang bikhere
aatii hai vo dhiire dhiire

Sitvat Rasool
Nazm

ji han piTe hain

gu.Diyaa kii aa.nkh pho.Dii
guDDe kii Taa.ng to.Dii
vo ham pe ha.ns rahii thii
gardan zaraa maro.Dii
munnii ne kii shikaayat
yuu.n ham ne maar khaa.ii
ammii ne kii piTaa.ii
school se to bhaage
Daale gale me.n basta
raajuu ke saath dekhaa
bandar kaa bas tamaashaa
ghar par ye baat pahu.nchii
ham ne na kii pa.Dhaa.ii
ammii ne kii piTaa.ii
halve kii baat chho.Do
kyaa seb kaa murabba
ras-gulle aur barfii
makkhan kaa saaraa Dabbaa
jo chiiz bhii ki dekhii
ham ne churaa ke khaa.ii
ammii ne kii piTaa.ii
sab saamne the baiThe
Dhe.nchuu.n kaa raag gaayaa
paapaa ke dosto.n ko
phir ham ne mu.nh chi.Dhaayaa
itnii sii dil lagii par
shaamat hamaarii aa.ii
ammii ne kii piTaa.ii
bhayyaa to so rahe the
pa.nkhe ko off kar ke
ham ho ga.e ravaana
jebo.n ko saaf kar ke
chhoTii sii ye sharaarat
ham ko na raas aa.ii
ammii ne kii piTaa.ii

Mukhtar Tonki
Nazm

miThe sapne

ammii ne jo din me.n diye
un sikko.n ko liye hu.e
mai.n nii.ndo.n me.n Duub gayaa
duudh kii nahre.n bahne lagii.n
shahd ke jharne girne lage
miiThe ras kii baarish hai
barfii kii ii.nTo.n ke makaa.n
halve kii diivaare.n hai.n
merii jeb me.n sikko.n kii
khanak sunii to sapne me.n
yuu.nhii duniyaa-daarii me.n
miiThe ban kar aa.e hai.n
paiso.n par lalchaa.e hai.n

Ahmad Wasi
Ghazal

halve maa.nDe sab miiThe the khaa pii kar vo bhuul ga.e
talKH anaasir kaa sangam thaa rag rag me.n rah gayaa namak

Ram Parkash Rahi
Nazm

kishmish

fiber se bharpuur hai kishmish
sustii kartii duur hai kishmish
nazar ko behtar kar detii hai
jism ko gosht se bhar detii hai
KHushk ho.n jab anguur hai bantii
kaafii 'arsa hai phir chaltii
rangat is kii sabz sunahrii
kahii.n dikhe ye bhuurii gahrii
tho.Dii sii rozaana khaa.o
faa.eda is kaa phir tum paa.o
daliye me.n yaa halve andar
dekho is ke jalve andar
tez buKHaar ko halkaa kar de
jism me.n fauran chustii bhar de
motii jaise daa.nt ho.n is se
saaf hamaarii aa.nt ho is se
kamii lahuu kii duur kare to
kaam me.n ye majbuur kare to
shab bhar paanii me.n ye Daalo
sub.h savere is ko khaa lo

Yasir Farooq
Ghazal

aage aatii thii haal-e-dil pe ha.nsii
ab kisii baat par nahii.n aatii

Mirza Ghalib
Ghazal

tujh ko jab tanhaa kabhii paanaa to az-raah-e-lihaaz
haal-e-dil baato.n hii baato.n me.n jataanaa yaad hai

Hasrat Mohani
Ghazal

haal-e-dil ham bhii sunaate lekin
jab vo ruKHsat hu.aa tab yaad aayaa

Nasir Kazmi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now