Search result for

SEARCH RESULTS

Showing search results for "latak"

See All

POETS/AUTHORS/ARTISTS

1929 - 2022

Dr Lata Kishinchand Tahilani

Author

Lata Tandon

Artist

Lata Offset Printing Press, Hyderabad

Publisher

MOST RELEVANT MATCHES FOR "latak"

Ghazal

kitne hii log hirs-e-shohrat me.n
daar par KHud laTak ga.e ho.nge

Jaun Eliya

Nazm

online aashiq

text jab aashiq-e-barqii kaa aTak jaataa hai
taalib-e-shauq to suulii pe laTak jaataa hai

Khalid Irfan

Ghazal

saudaa.iyaan-e-zulf me.n kuchh to laTak bhii ho
jannat me.n jaa.iye to pareshaan jaa.iye

Dagh Dehlvi

Ghazal

ik chaa.nd saliib-e-shaaKH-e-gul par
baalii kii tarah laTak rahaa hai

Parveen Shakir

Nazm

parchhaiyan

1
ye shaam ik aa.iina-e-niil-guu.n ye nam ye mahak
ye manzaro.n kii jhalak khet baaG dariyaa gaa.nv
vo kuchh sulagte hu.e kuchh sulagne vaale alaav
siyaahiyo.n kaa dabe-paa.nv aasmaa.n se nuzuul
laTo.n ko khol de jis tarah shaam kii devii
puraane vaqt ke bargad kii ye udaas jaTaa.e.n
qariib o duur ye go dhuul kii ubhartii ghaTaa.e.n
ye kaa.enaat kaa Thahraa.o ye athaah sukuut
ye niim-tiirah fazaa roz-e-garm kaa taabuut
dhu.aa.n dhu.aa.n sii zamii.n hai ghulaa ghulaa saa falak
2
ye chaa.ndnii ye havaa.e.n ye shaaKH-e-gul kii lachak
ye daur-e-baada ye saaz-e-KHamosh fitrat ke
sunaa.ii dene lagii jagmagaate siino.n me.n
dilo.n ke naazuk o shaffaaf aabgiino.n me.n
tire KHayaal kii pa.Dtii hu.ii kiran kii khanak
3
ye raat chhantii havaa.o.n kii so.ndhii so.ndhii mahak
ye khet kartii hu.ii chaa.ndnii kii narm damak
sugandh raat kii raanii kii jab machaltii hai
fazaa me.n ruuh-e-tarab karvaTe.n badaltii hai
ye ruup sar se qadam tak hasiin jaise gunaah
ye aarizo.n kii damak ye fusuun-e-chashm-e-siyaah
ye dhaj na de jo ajantaa kii san.ato.n ko panaah
ye siina pa.D hii ga.ii dev lok kii bhii nigaah
ye sar-zamiin se aakaash kii parastish-gaah
utaarte hai.n tirii aartii sitaara o maah
sajal badan kii bayaa.n kis tarah ho kaifiyyat
sarasvatii ke bajaate hu.e sitaar kii gat
jamaal-e-yaar tire gulsitaa.n kii rah rah ke
jabiin-e-naaz tirii kahkashaa.n kii rah rah ke
dilo.n me.n aa.iina-dar-aa.iina suhaanii jhalak
4
ye chhab ye ruup ye joban ye saj ye dhaj ye lahak
chamakte taaro.n kii kirno.n kii narm narm phuvaar
ye rasmasaate badan kaa uThaan aur ye ubhaar
fazaa ke aa.iina me.n jaise lahlahaa.e bahaar
ye be-qaraar ye be-iKHtiyaar josh-e-numuud
ki jaise nuur kaa favvaara ho shafaq-aaluud
ye jalve paikar-e-shab-taab ke ye bazm-e-shohuud
ye mastiyaa.n ki mai-e-saaf-o-durd sab be-buud
KHajil ho laal-e-yaman uzv uzv kii vo Dalak
5
bas ik sitaara-e-shi.ngaraf kii jabii.n pe jhamak
vo chaal jis se labaalab gulaabiyaa.n chhalke.n
sakuu.n-numaa KHam-e-abru ye adh-khulii.n palke.n
har ik nigaah se aiman kii bijliyaa.n lapke.n
ye aa.nkh jis me.n ka.ii aasmaa.n dikhaa.ii pa.De.n
u.Daa de.n hosh vo kaano.n kii saada saada lave.n
ghaTaa.e.n vajd me.n aa.e.n ye gesu.o.n kii laTak
6
ye kaif-o-ra.ng-e-nazaara ye bijliyo.n kii lapak
ki jaise krishn se raadhaa kii aa.nkh ishaare kare
vo shoKH ishaare ki rabbaaniyat bhii jaa.e jhapak
jamaal sar se qadam tak tamaam sho.ala hai
sukuun jumbish o ram tak tamaam sho.ala hai
magar vo sho.ala ki aa.nkho.n me.n Daal de ThanDak
7
ye raat nii.nd me.n Duube hu.e se hai.n diipak
fazaa me.n bujh ga.e u.D u.D ke jugnu.o.n ke sharaar
kuchh aur taaro.n kii aa.nkho.n kaa ba.Dh chalaa hai KHumaar
fasurda chhiTkii hu.ii chaa.ndnii kaa dhundlaa Gubaar
ye bhiigii bhiigii uudaahaT ye bhiigaa bhiigaa nuur
ki jaise chashma-e-zulmaat me.n jale kaafuur
ye Dhaltii raat sitaaro.n ke qalb kaa ye gudaaz
KHunuk fazaa me.n tiraa shabnamii tabassum-e-naaz
jhalak jamaal kii ta.abiir KHvaab aa.iina-saaz
jahaa.n se jism ko dekhe.n tamaam naaz-o-niyaaz
jahaa.n nigaah Thahar jaa.e raaz-andar-raaz
sukuut-e-niim-shabii lahlahe badan kaa nikhaar
ki jaise nii.nd kii vaadii me.n jaagtaa sansaar
hai bazm-e-maah ki parchhaa.iyo.n kii bastii hai
fazaa kii oT se vo KHaamushii barastii hai
ki buu.nd buu.nd se paidaa ho gosh o dil me.n khanak
8
kisii KHayaal me.n hai Garq chaa.ndnii kii chamak
havaa.e.n nii.nd ke kheto.n se jaise aatii ho.n
hayaat o maut me.n sargoshiyaa.n sii hotii hai.n
karo.Do.n saal ke jaage sitaare nam-diida
siyaah gesu.o.n ke saa.np niim-KHvaabiida
ye pichhlii raat ye rag rag me.n narm narm kasak

Firaq Gorakhpuri

See All

DICTIONARY MATCHES

REKHTA DICTIONARY

lataa

लताلَتا

Sanskrit

vine, hanging branch of a creeper

laTaa

लटाلَٹا

Sanskrit

thin, lean, reduced (by sickness), emaciated, weak, impoverished

laTak

लटकلٹک

Hindi

swing

laTkaa

लटकाلَٹْکا

Hindi

a quack medicine or nostrum, simple remedy

See All

BOOKS MATCHES FOR "latak"

Lata Se Haya Tak

Lata Haya

Majmua

Inhiraaf

Sri Lata

Majmua

MORE MATCHES FOR "latak"

Mazahiya

KHushii kaa jazba ubhartaa to dum uchak jaatii
ko.ii udaas jo hotaa to dum laTak jaatii
kisii pe dho.ns jamaataa to dum uThaa letaa
kisii se dho.ns jo khaataa to dum dabaa letaa

Adil Lakhnavi

Nazm

guman ka mumkin- jo tu hai main hun

ye jhiil vo hai ki jis ke uupar
hazaaro.n insaa.n
ufuq ke mutavaazii chal rahe hai.n
ufuq ke mutavaazii chalne vaalo.n ko paar laatii hai.n
vaqt lahre.n
jinhe.n tamannaa, magar, samaavii KHiraam kii ho
inhii ko paataal zamzamo.n kii sadaa sunaatii hai.n
vaqt lahre.n
unhe.n Dubotii hai.n vaqt lahre.n!
tamaam mallaah us sadaa se sadaa hiraasaa.n, sadaa gurezaa.n
ki jhiil me.n ik umuud kaa chor chhup ke baiThaa hai
us ke gesuu ufuq kii chhat se laTak rahe hai.n
pukaartaa hai: ''ab aa.o, aa.o!
azal se mai.n muntazir tumhaaraa
mai.n gumbado.n ke tamaam raazo.n ko jaantaa huu.n
daraKHt miinaar burj ziine mire hii saathii
mire hii mutavaazii chal rahe hai.n
mai.n har havaa.ii-jahaaz kaa aaKHirii baseraa
samundaro.n par jahaaz-raano.n kaa mai.n kinaaraa
ab aa.o, aa.o!
tumhaare jaise ka.ii fasaano.n ko mai.n ne un ke
abad ke aaGosh me.n utaaraa''
tamaam mallaah is kii aavaaz se gurezaa.n
ufuq kii shaah-raah-e-mubtazil par tamaam sahme hu.e KHiraamaa.n
magar samaavii KHiraam vaale
jo past o baalaa ke aastaa.n par jame hu.e hai.n
umuud ke is tanaab hii se utar rahe hai.n
isii ko thaame hu.e bulandii pe cha.Dh rahe hai.n!

Noon Meem Rashid

Ghazal

bhare joban pe itraatii jhamak a.ngiyaa kii dikhlaatii
kamar laha.nge se bal khaatii laTak ghuu.nghaT kii bhaarii hai

Nazeer Akbarabadi

Nazm

judai

shajar hajar pe hai.n Gam kii ghaTaa.e.n chhaa.ii hu.ii
subuk-KHiraam havaa.o.n ko nii.nd aa.ii hu.ii
rage.n zamii.n ke manaazir kii pa.D chalii.n Dhiilii
ye KHasta-haalii ye darmaandagii ye sannaaTaa
fazaa-e-niim-shabii bhii hai sansanaaii hu.ii
dhu.aa.n dhu.aa.n se manaazir hai.n shabnamistaa.n ke
sayyaara raat kii zulfe.n hai.n rasmasaa.ii hu.ii
ye rang taaro.n bharii raat ke tanaffus kaa
ki buu-e-dard me.n har saa.ns hai basaa.ii hu.ii
KHunuk udaas fazaa.o.n kii aa.nkho.n me.n aa.nsuu
tire firaaq kii ye Tiis hai uThaa.ii hu.ii
sukuut-e-niim-shabii gahraa hotaa jaataa hai
rage.n hai.n siina-e-hastii kii tilmilaa.ii hu.ii
hai aaj saaz-e-navaa-haa-e-KHuu.n-chakaa.n ai dost
hayaat terii judaa.ii kii choT khaa.ii hu.ii
mirii in aa.nkho.n se ab nii.nd parda kartii hai
jo tere panja-e-ra.ngii.n kii thii.n jagaa.ii hu.ii
sarishk paale hu.e tere narm daaman ke
nashaat tere tabassum se jagmagaa.ii hu.ii
laTak vo gesu.o.n kii jaise pech-o-taab-e-kamand
lachak bhavo.n kii vo jaise kamaa.n jhukaa.ii hu.ii
sahar kaa jaise tabassum damak vo maathe kii
kiran suhaag kii bi.ndii kii lahlahaa.ii hu.ii
vo a.nkh.Diyo.n kaa fusuu.n ruup kii vo deviyyat
vo siina ruuh-e-numuu jis me.n kanmanaa.ii hu.ii
vo sej saa.ns kii KHushbuu ko jis pe nii.nd aa.e
vo qad gulaab kii ik shaaKH lahlahaa.ii hu.ii
vo jhilmilaate sitaare tire pasiine ke
jabiin-e-shaam-e-javaanii thii jagmagaa.ii hu.ii
ho jaise but-kada aazar kaa bol uThne ko
vo ko.ii baat sii goyaa labo.n tak aa.ii hu.ii
vo dhaj vo dilbarii vo kaam-ruup aa.nkho.n kaa
sajal adaa.o.n me.n vo raagnii rachaa.ii hu.ii
ho KHvaab-gaah me.n sho.alo.n kii karvaTe.n dam-e-sub.h
vo bhairvii.n tirii bedaariyo.n kii gaa.ii hu.ii
vo muskuraatii hu.ii lutf-e-diid kii sub.he.n
tirii nazar kii shu.aa.o.n kii gudgudaa.ii hu.ii
lagii jo tere tasavvur ke narm sho.alo.n se
hayaat-e-ishq se us aa.nch kii tipaa.ii hu.ii
hanuuz vaqt ke kaano.n me.n chahchahaahaT hai
vo chaap tere qadam kii sunii-sunaa.ii hu.ii
hanuuz siina-e-maazii me.n jagmagaahaT hai
damakte ruup kii diipaavlii jalaa.ii hu.ii
lahuu me.n Duubii uma.ngo.n kii maut rok zaraa
hariim-e-dil me.n chalii aatii hai DhiTaa.ii hu.ii
rahegii yaad javaa.n-bevgii mohabbat kii
suhaag raat kii vo chuu.Diyaa.n ba.Dhaa.ii hu.ii
ye merii pahlii mohabbat na thii magar ai dost
ubhar ga.ii hai.n vo choTe.n dabii-dabaa.ii hu.ii
supurdagii o KHuluus-e-nihaa.n ke parde me.n
jo terii narm-nigaahii kii thii.n bi.Thaa.ii hu.ii
uThaa chukaa huu.n mai.n pahle bhii hijr ke sadme
vo saa.ns dukhtii hu.ii aa.nkh DabDabaa.ii hu.ii
ye haadsa hai ajab tujh ko paa ke kho denaa
ye saaneha hai Gazab terii yaad aa.ii hu.ii
ajiib dard se ko.ii pukaartaa hai tujhe
galaa rundhaa hu.aa aavaaz thar tharraa.ii hu.ii
kahaa.n hai aaj tuu ai ra.ng-o-nuur kii devii
a.ndherii hai mirii duniyaa luTii-luTaa.ii hu.ii
pahu.nch sakegii bhii tujh tak mirii navaa-e-firaaq
jo kaa.enaat ke ashko.n me.n hai nahaa.ii hu.ii

Firaq Gorakhpuri

Ghazal

khajuurii choTii adaa me.n moTii jafaa me.n lambii vafaa me.n chhoTii
hai aisii khoTii ki dil har ik kaa har ek laT me.n laTak rahaa hai

Nazeer Akbarabadi

Sher

chhat se kuchh qahqahe abhii tak
jaalo.n kii tarah laTak rahe hai.n

Ahmad Mushtaq

Ghazal

laTak me.n bando.n kii dil jo aave to KHair bande hii us ko le le.n
vagarna aave to phir na chho.De udhar se baalaa jhamak dikhaa kar

Nazeer Akbarabadi

Ghazal

laTak ga.e diivaar se ham
sii.Dhii vaale utar ga.e

Azhar Faragh

Ghazal

us ne maa.n-baap kaa chup-chaap kahaa maan liyaa
mai.n to samjhaa thaa ki pa.nkhe se laTak jaa.egii

Hasan Zaheer Raja

Mazahiya

bus me.n laTak rahaa thaa ko.ii haar kii tarah
ko.ii pa.Daa thaa saaya-e-diivaar kii tarah
sahmaa hu.aa thaa ko.ii gunaahgaar kii tarah
ko.ii pha.nsaa thaa murG-e-giraftaar kii tarah

Dilawar Figar

SEARCH RESULTS

POETS/AUTHORS/ARTISTS

MOST RELEVANT MATCHES FOR "latak"

Ghazal

Jaun Eliya

Nazm

online aashiq

Khalid Irfan

Ghazal

Dagh Dehlvi

Ghazal

Parveen Shakir

Nazm

parchhaiyan

Firaq Gorakhpuri

DICTIONARY MATCHES

REKHTA DICTIONARY

lataa

laTaa

laTak

laTkaa

BOOKS MATCHES FOR "latak"

MORE MATCHES FOR "latak"

Mazahiya

Adil Lakhnavi

Nazm

guman ka mumkin- jo tu hai main hun

Noon Meem Rashid

Ghazal

Nazeer Akbarabadi

Nazm

judai

Firaq Gorakhpuri

Ghazal

Nazeer Akbarabadi

Sher

Ahmad Mushtaq

Ghazal

Nazeer Akbarabadi

Ghazal

Azhar Faragh

Ghazal

Hasan Zaheer Raja

Mazahiya

Dilawar Figar

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books