کی تلاش کا نتیجه | موضو - نظم, صفحہ chuus

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "chuus"

نظم کے متعلقہ نتیجہ "chuus"

نظم

خوں چوس رہا ہے پودوں کا اک پھول جو خنداں ہوتا ہے
پامال بنا کر سبزوں کو اک سرو خراما ہوتا ہے

نشور واحدی

نظم

کلیجہ پھنک رہا ہے اور زباں کہنے سے عاری ہے
بتاؤں کیا تمہیں کیا چیز یہ سرمایہ داری ہے
یہ وہ آندھی ہے جس کی رو میں مفلس کا نشیمن ہے
یہ وہ بجلی ہے جس کی زد میں ہر دہقاں کا خرمن ہے
یہ اپنے ہاتھ میں تہذیب کا فانوس لیتی ہے
مگر مزدور کے تن سے لہو تک چوس لیتی ہے
یہ انسانی بلا خود خون انسانی کی گاہک ہے
وبا سے بڑھ کے مہلک موت سے بڑھ کر بھیانک ہے
نہ دیکھے ہیں برے اس نے نہ پرکھے ہیں بھلے اس نے
شکنجوں میں جکڑ کر گھونٹ ڈالے ہیں گلے اس نے
بلائے بے اماں ہے طور ہی اس کے نرالے ہیں
کہ اس نے غیظ میں اجڑے ہوئے گھر پھونک ڈالے ہیں
قیامت اس کے غمزے جان لیوا ہیں ستم اس کے
ہمیشہ سینۂ مفلس پہ پڑتے ہیں قدم اس کے
کہیں یہ خوں سے فرد مال و زر تحریر کرتی ہے
کہیں یہ ہڈیاں چن کر محل تعمیر کرتی ہے
غریبوں کا مقدس خون پی پی کر بہکتی ہے
محل میں ناچتی ہے رقص گاہوں میں تھرکتی ہے
بظاہر چند فرعونوں کا دامن بھر دیا اس نے
مگر گل باغ عالم کو جہنم کر دیا اس نے
درندے سر جھکا دیتے ہیں لوہا مان کر اس کا
نظر سفاک تر اس کی نفس مکروہ تر اس کا
جدھر چلتی ہے بربادی کے ساماں ساتھ چلتے ہیں
نحوست ہم سفر ہوتی ہے شیطاں ساتھ چلتے ہیں
یہ اکثر لوٹ کر معصوم انسانوں کو راہوں میں
خدا کے زمزمے گاتی ہے چھپ کر خانقاہوں میں
یہ ڈائن ہے بھری گودوں سے بچے چھین لیتی ہے
یہ غیرت چھین لیتی ہے حمیت چھین لیتی ہے
یہ انسانوں سے انسانوں کی فطرت چھین لیتی ہے
یہ آشوب ہلاکت فتنۂ اسکندر و دارا
زمیں کے دیوتاؤں کی کنیز انجمن آرا
ہمیشہ خون پی کر ہڈیوں کے رتھ میں چلتی ہے
زمانہ چیخ اٹھتا ہے یہ جب پہلو بدلتی ہے
گرجتی گونجتی یہ آج بھی میداں میں آتی ہے
مگر بد مست ہے ہر ہر قدم پر لڑکھڑاتی ہے
مبارک دوستو لبریز ہے اب اس کا پیمانہ
اٹھاؤ آندھیاں کمزور ہے بنیاد کاشانہ

اسرار الحق مجاز

نظم

میں تجھے پھول کہوں اور کہوں بھنوروں سے
آؤ اس پھول کا رس چوس کے ناچو‌‌ جھومو
میں تجھے شمع کہوں اور کہوں پروانو
آؤ اس شمع کے ہونٹوں کو خوشی سے چومو

حبیب جالب

نظم

خوش فکروں کا ابر بہاراں
جھوم پڑا تھا مے خانوں پر
بادہ کشوں کا رنگیں جھرمٹ
ٹوٹ پڑا تھا پیمانوں پر
ساز کی لے میں تیزی آئی
نشۂ مے کی انگڑائی نے
اپنا حسیں پرچم لہرایا
چپہ چپہ ذرہ ذرہ
قطرہ قطرہ رقص میں آیا
نغموں کے بے تاب بھنور کو
لب کے ٹکڑے چوم رہے تھے
رقص کے بیکل گردابوں میں
جسم کے طوفاں گھوم رہے تھے

علی سردار جعفری

نظم

کتنی سنجیدہ بیٹھی ہے یہ احباب کی ٹولی
کتنے اوج بلاغت پر ہے خاموشی کی بولی
ساری قوت چوس چکی دن بھر کی شہر نوردی
ماتھوں میں سے جھانک رہی ہے مرتی دھوپ کی زردی

احمد ندیم قاسمی

نظم

کتنے انسان محبت کا لبادہ اوڑھے
میرے عارض کے سبو پی کے مجھے چھوڑ گئے
کتنے ہاتھوں نے نچوڑا ہے مری زلفوں کو
کتنے بھونرے مرا رس چوس کے منہ موڑ گئے

نریش کمار شاد

نظم

ہر زباں کا لفظ کھپ جائے یہ وسعت اس میں ہے
ہر لغت کے جذب کر لینے کی طاقت اس میں ہے
برج بھاشا میں ہے جو لذت وہ لذت اس میں ہے
صاف قند فارسی کی بھی حلاوت اس میں ہے
راس جز شیر و شکر کوئی نہیں اس کو خورش
دو زبانیں چوس کر پائی ہے اس نے پرورش

صفی لکھنوی

نظم

کچھ اندھے کوڑی دیوانے آنکھوں میں سمانے لگتے ہیں
کچھ قحط زدہ بھوکے پیاسے جاں خاموشی سے دے دے کر
دنیا میں مفلس رہنے کی تعزیریں پانے لگتے ہیں
کٹتے ہیں جن کے شام و سحر اک قابل نفرت خواری سے
جو مرتے ہیں آسانی سے اور جیتے ہیں دشواری سے
خوں چوس لیا ہے غیروں نے بیمار بھی ہیں نادان بھی ہیں
جینے کی تمنا دل میں ہے اور جینے سے بیزار بھی ہیں

سید احتشام حسین

نظم

اس نے مجھ سے محبت کی
میں نے اسے اپنا سینہ چھونے کو کہا
اس نے میرا دل چوم کر
مجھے امر کر دیا

زاہد امروز

نظم

ہاں یہ کم سخن لڑکا
بھیگتی مسوں کے ساتھ
گھر سے جب نکلتا ہے
عمر کی حدیں ساری
یوں پھلانگ جاتا ہے
مفلسی ہوس پیشہ
پھول جیسے گالوں کا
رنگ چوس لیتی ہے
بھولی بھالی باتوں سے
رس نچوڑ لیتی ہے
اور پھر زمانے کے
بیچ چھوڑ دیتی ہے
پیٹ بے حیا دلال
در بدر پھراتا ہے
سو جتن سکھاتا ہے

عشرت آفریں

نظم

میں اوس بن کے برس جاؤں تیرے سبزے پر
میں گیت بن کے تری وادیوں میں کھو جاؤں
بس ایک بار بلا لے مجھے وطن میرے
کہ تیری خاک کے دامن میں چھپ کے سو جاؤں

شفیق فاطمہ شعریٰ

نظم

چھٹیاں ہیں میں ہوں میٹھا آم ہے
اور اب میرا بھلا کیا کام ہے
مینگو کھانا اور پینا ملک شیک
شغل اب اپنا یہ صبح و شام ہے
گرمیاں ہیں گرمیاں ہیں گرمیاں
آم ہے اور آم ہے اور آم ہے
ناشتہ کھانا ڈنر یا لنچ ہو
آم کے موسم میں نذر آم ہے
میں نہیں چھوڑوں گا اب لنگڑے کی ٹانگ
چوس لوں گا چوسا ایسا آم ہے
آم کہتا ہے جسے سارا جہاں
غالباً جنت کے پھل کا نام ہے
اس کی قوت کا بھلا کیا پوچھنا
فوق صدہا پستہ و بادام ہے
شوق جس کو آم کھانے کا نہیں
ذوق میں وہ ہم سر انعام ہے
سب پھلوں کا جب تقابل ہو اثرؔ
آم ہی بس قابل انعام ہے

شاہین اقبال اثر

نظم

جا رہی ہوں میں
کر رہی ہوں تمہارا گھر تمہارے حوالے
خالی ہو جائے گی ہر وو جگہ
جو میرے اشکوں سے بھری ہے ابھی
لے جاؤں گی ہر اشک اپنے ساتھ سمیٹ کر
کچھ گملوں کے پھول پہ
اوس سے چمک رہے ہوں گے
کچھ سج دھج کے بیٹھے ہوں گے دہلیز پہ
زرد تھے جو کچھ جانے اڑ کے کہاں گرے ہوں گے
کچھ مٹی کے اندر بیج بن کر گرے تھے
اب وہ کیا بن کے اگے ہوں گے
میرے ہونٹوں سے لپٹے تھے جو
اب بھی ٹنگے ہوں گے وہاں تالے بن کر
کچھ تمہارے کاندھے تک پہنچ پانے کی
جد و جہد میں جوجھ رہے ہوں گے
کچھ پوجا گھر کے دیئے کے ساتھ جل رہے ہوں گے
کچھ کتابوں کے دھلے ہوئے شبدوں کی
سیاہی سے جا ملے ہوں گے
کچھ دھار بن کر میرے کانوں سے گزرے ہوں گے
پیچھے سے بالوں میں جا چھپے ہوں گے
کچھ تکیے کی نرم روئی نے چوس لئے ہوں گے
رسوئی گھر کی بھاپ میں تو کچھ
برتنوں میں سڑے پڑے ہوں گے
کچھ معصوم سہمے ہوئے چھپ کے بیٹھے ہوں گے
کچھ بے فکر حقیقت سے ٹہل رہے ہوں گے
کچھ بوڑھے اشک نئے جنموں کو آسرا دے رہے ہوں گے
کچھ تمہاری خدمت سے تھکے
زمین پہ سو رہے ہوں گے
تپن سے جنمے کچھ ڈھونڈھ رہے ہوں گے ٹھنڈک سی
کچھ دیوار پہ لگی ہماری تصویر تک رہے ہوں گے
باغی سے کچھ تمہیں چھوڑنے کی ضد پہ اڑے ہوں گے
کچھ تیری ایک نظر کی پیاس لیے
نظر انداز کھڑے ہوں گے
کچھ ذہن میں ہوں گے میرے جو بہنا نہیں جانتے
کچھ ہے ایسے جنہیں ٹھہرنا نہیں آتا
انہیں پیا ہے جیا ہے میں نے
قسطوں میں ملے تھے مجھے
ایک ساتھ کیسے لے جاؤں گی
آنگن بہہ جائے گا تمہارا
راستے بھی یہ بہا دیں گے
پر میرے اپنے ہے یہ یقین ہے مجھے
میرے آخری مقام تک پہنچا دیں گے

درشکا وسانی

نظم

کمرے کی دیوار توڑ کر میرے سامنے آیا تھا
اپنا سینہ چیر کے مجھ کو اپنا خون پلایا تھا
چمگادڑ سا اڑا کھلی کھڑکی سے باہر پہنچا تھا
آنکھ سے اوجھل ہوا نہیں اور میرے اندر پہنچا تھا
اس کے لیے میں روز رات کو خون چوس کر لاتا ہوں

محمد علوی

نظم

ہم پہ بیداد وہ کرتے ہیں تو حیرت کیسی
عشق ہے جس کو وطن سے اسے راحت کیسی
خون رگ رگ میں تڑپتا تھا نکلنے کے لئے
تیغ قاتل نے نکالی مری حسرت کیسی
جو گدایان وطن ہیں انہیں آرام کہاں
عیش مقسوم میں ان کے کہاں عشرت کیسی
جن کے دل درد وطن سے سدا ناشاد رہے
کیا خبر ان کو کہ ہوتی ہے مسرت کیسی
غیر خوں چوس رہے تھے ہمیں معلوم نہ تھا
سونے والوں پہ تھی چھائی ہوئی غفلت کیسی
ہر نفس اپنا شرر بار ہے دشمن کے لئے
مشتعل دل میں ہوئی آتش غیرت کیسی
ٹھان لی قید غلامی سے نکل جانے کی
دل جو آزاد ہے صیاد حراست کیسی
خدمت ملک کی خاطر جو ہو نازل ہم پر
یہ تو آرام ہے راحت ہے مصیبت کیسی
جان دینے کو جو تیار ہیں بھارت کے لئے
ان کو تلوار کا ڈر دار کی دہشت کیسی
دیش بھگتی کا جو صابرؔ نے ترانہ گایا
کیا کہیں ہم کو میسر ہوئی فرحت کیسی

نوبہار صابر

نظم

تسلیم کہ ٹوٹا ہے ستون در ظلمت
تسلیم کہ صدیوں کا اندھیرا ہوا زخمی
دھرتی کی رگوں سے جو لہو چوس رہا تھا
وہ سانپ وہ اژدر وہ سپیرا ہوا زخمی

ظہور نظر

نظم

تیرے پچکے ہوئے رخسار یہ ویراں آنکھیں
ہونٹ پژمردہ کہیں ساری کہانی تیری
ایک بھونرے نے ترے حسن کا رس چوس لیا
اک ستم کیش نے لوٹی ہے جوانی تیری

اصغر علی تبسم

نظم

ایک مچھر کاغذ پہ لکھی تحریر کا خون چوس رہا ہے
تم نہیں دیکھتے
کیسے کوئی مچھر اہل محنت کی جد و جہد کا خون چوس کر اپنے حرام و جود کا مظاہرہ کرتا ہے
کر سکو تو کرو
یہ فضا اتنی تعفن کیوں ہے
میں تو ہر جگہ ٹھہرا ہوا غلط خون دیکھ رہی ہوں

انجلا ہمیش

نظم

میں صبح تازگی اوڑھے ہوئے
گھر سے نکلتا
شام اپنے جسم کو لادے ہوئے
جب گھر میں آتا تھا
میرا بیٹا
مرقع میری خوشیوں کا
مری آواز سنتے ہی
خوشی سے چیختا کہتا
کہ ابا آ گئے میرے مرے ابا مرے ابا
اچکتا بے تحاشا دوڑ کر
وہ مجھ کو چھو لینے کی خواہش میں
لپکتا میری ٹانگوں سے لپٹ کر
سر اٹھاتا اور پھر ہاتھوں کو پھیلا کر
بڑی بے تابیوں کے ساتھ
میری گود میں آتا
مجھے اک لمس دے کر
جسم کی ساری تھکن کو چوس لیتا تھا
مگر اب وہ مرے قد کے برابر
میرے ارمانوں کا پیکر میری ڈھارس ہے
میں کب گھر سے نکلتا ہوں
کب اپنے گھر میں آتا ہوں
اسے معلوم ہوتا ہے
مگر وہ بھی تھکے ماندے بدن سے چور ہوتا ہے
میں اس کو دیکھتا ہوں جب
وہی معصوم سی صورت
مری آنکھوں میں پھرتی ہے
محبت سے بھرا طوفان
میرے دل میں اٹھتا ہے
میں اس کو پیار کرنے کی تمنا میں
قدم جیسے بڑھاتا ہوں
کوئی حد
کوئی سرحد درمیاں محسوس ہوتی ہے

حیات لکھنوی

نظم

خواہش کا اک سمندر
میرے دل میں
دور تک اپنی جڑیں پھیلائے
مجھ کو اپنے گھیرے میں لیے
اپنی موجوں کے سہارے
چوس لینا چاہتا ہے سب لہو
غالباً
اک آکٹوپس کے
گھنے پنجوں کی زد میں ہوں میں عادلؔ

عادل حیات

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے