کی تلاش کا نتیجه | موضو - نظم, صفحہ daaman-e-manzil

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "daaman-e-manzil"

نظم کے متعلقہ نتیجہ "daaman-e-manzil"

نظم

دامن دل پہ غبار رہ منزل ہے ابھی
پائے افکار میں دیرینہ سلاسل ہے ابھی
تیرگی شعلۂ احساس کا حاصل ہے ابھی
روشنی قید میں دن کاٹ رہی ہے اب تک
تشنگی دل کا لہو چاٹ رہی ہے اب تک

قیصر الجعفری

نظم

اپنا احساس یہ کاوش یہ تفکر یہ سمجھ
ہم سے ہی وقت کی یہ ساری مسیحائی ہے
اپنے ہی نقش قدم سنگ نشان منزل
اپنے ہی دم سے بصیرت ہے یہ بینائی ہے

نور شمع نور

نظم

وقت کی گرد چھٹے گی تو بعنوان سحر
منزل شوق کی راہوں کا تعین ہوگا
اک نئے دور کی تعمیر کریں گے ہم سب
چاند تاروں سے سجا اپنا نشیمن ہوگا

نور شمع نور

نظم

یہی وہ منزل مقصود ہے کہ جس کے لئے
بڑے ہی عزم سے اپنے سفر پہ نکلے تھے
اسی گھڑی کی تمنا میں جانے کتنے لوگ
جو بے خطا تھے مگر سولیوں پہ لٹکے تھے

سیدہ شانِ معراج

نظم

مجھے تیرے تصور سے خوشی محسوس ہوتی ہے
دل مردہ میں بھی کچھ زندگی محسوس ہوتی ہے
یہ تاروں کی چمک میں ہے نہ پھولوں ہی کی خوشبو میں
تری تصویر میں جو دل کشی محسوس ہوتی ہے
تجھے میں آج تک مصروف درس و وعظ پاتا ہوں
تری ہستی مکمل آگہی محسوس ہوتی ہے
یہ کیا ممکن نہیں تو آ کے خود اب اس کا درماں کر
فضائے دہر میں کچھ برہمی محسوس ہوتی ہے
اجالا سا اجالا ہے تری شمع ہدایت کا
شب تیرہ میں بھی اک روشنی محسوس ہوتی ہے
میں آؤں بھی تو کیا منہ لے کے آؤں سامنے تیرے
خود اپنے آپ سے شرمندگی محسوس ہوتی ہے
تخیل میں ترے نزدیک جب میں خود کو پاتا ہوں
مجھے اس وقت اک طرفہ خوشی محسوس ہوتی ہے
تو ہی جانے کہاں لے آئی مجھ کو آرزو تیری
یہ منزل اب سراپا بے خودی محسوس ہوتی ہے
کنولؔ جس وقت کھو جاتا ہوں میں اس کے تصور میں
مجھے تو زندگی ہی زندگی محسوس ہوتی ہے

کنول ایم۔اے

نظم

تجھ سے جو میں نے پیار کیا ہے تیرے لیے؟ نہیں اپنے لیے
وقت کی بے عنوان کہانی کب تک بے عنوان رہے
اے مرے سوچ نگر کی رانی اے مرے خلد خیال کی حور
اتنے دنوں جو میں گھلتا رہا ہوں تیرے بنا یونہی دور ہی دور
سوچ تو کیا پھل مجھ کو ملا میں من سے گیا پھر تن سے گیا
شہر وطن میں اجنبی ٹھہرا آخر شہر وطن سے گیا
روح کی پیاس بجھانی تھی پر یہاں ہونٹوں کی پیاس بھی بجھ نہ سکی
بچتے سنبھلتے بھی ایک سلگتا روگ بنی مرے جی کی لگی
دور کی بات نہ سوچ ابھی مرے ہات میں تو ذرا ہات تو دے
تجھ سے جو میں نے پیار کیا ہے تیرے لیے؟ نہیں اپنے لیے
باغ میں ہے اک بیلے کا تختہ بھینی ہے اس بیلے کی سگندھ
اے کلیو کیوں اتنے دنوں تم رکھے رہیں اسے گود میں بند
کتنے ہی ہم سے روپ کے رسیا آئے یہاں اور چل بھی دیئے
تم ہو کہ اتنے حسن کے ہوتے ایک نہ دامن تھام سکے
صحن چمن پر بھونروں کے بادل ایک ہی پل کو چھائیں گے
پھر نہ وہ جا کر لوٹ سکیں گے پھر نہ وہ جا کر آئیں گے
اے مرے سوچ نگر کی رانی وقت کی باتیں رنگ اور بو
ہر کوئی ساتھ کسی کا ڈھونڈے گل ہوں کہ بیلے میں ہوں کہ تو
جو کچھ کہنا ہے ابھی کہہ لے جو کچھ سننا ہے سن لے
تجھ سے جو میں نے پیار کیا ہے تیرے لیے؟ نہیں اپنے لیے

ابن انشا

نظم

چاند کب سے ہے سر شاخ صنوبر اٹکا
گھاس شبنم میں شرابور ہے شب ہے آدھی
بام سونا ہے، کہاں ڈھونڈیں کسی کا چہرا
(لوگ سمجھیں گے کہ بے ربط ہیں باتیں اپنی)
شعر اگتے ہیں دکھی ذہن سے کونپل کونپل
کون موسم ہے کہ بھرپور ہیں غم کی بیلیں
دور پہنچے ہیں سرکتے ہوئے اودے بادل
چاند تنہا ہے (اگر اس کی بلائیں لے لیں؟)
دوستو جی کا عجب حال ہے، لینا بڑھنا
چاندنی رات ہے کاتک کا مہینہ ہوگا
میر مغفور کے اشعار نہ پیہم پڑھنا
جینے والوں کو ابھی اور بھی جینا ہوگا
چاند ٹھٹھکا ہے سر شاخ صنوبر کب سے
کون سا چاند ہے کس رت کی ہیں راتیں لوگو
دھند اڑنے لگی بننے لگی کیا کیا چہرے
اچھی لگتی ہیں دوانوں کی سی باتیں لوگو
بھیگتی رات میں دبکا ہوا جھینگر بولا
کسمساتی کسی جھاڑی میں سے خوشبو لپکی
کوئی کاکل کوئی دامن، کوئی آنچل ہوگا
ایک دنیا تھی مگر ہم سے سمیٹی نہ گئی

ابن انشا

نظم

کوئی دیکھے یہ مجبوریاں دوریاں
ایک ہی شہر میں ہم کہاں تم کہاں
دوستوں نے بھی چھوڑی ہیں دال داریاں
آج وقف غم الفت رائیگاں
ہم جو پھرتے ہیں وحشت زدہ سرگراں
تھے کبھی صاحب آبرو شہر میں
لوگ طعنوں سے کیا کیا جتاتے نہیں
ایسے راہی تو منزل کو پاتے نہیں
جی سے اک دوسرے کو بھلاتے نہیں
سامنے بھی مگر آتے جاتے نہیں
اور جائیں تو آنکھیں ملاتے نہیں
ہائے کیا کیا نہیں گفتگو شہر میں

ابن انشا

نظم

آوارہ و سرگرداں کفنی بہ گلو پیچاں
داماں بھی دریدہ ہے گدڑی بھی سنبھالی ہے

ابن انشا

نظم

کیا دل فریب اس کی ہیں رنگیں ادائیاں
پھولوں سے ہے بھرا ہوا دامان صبح عید

ماسٹر باسط بسوانی

نظم

علاج تنگیٔ دامان یاراں چاہتا ہوں میں
نفاق کفر و ایماں کو گریزاں چاہتا ہوں میں

عبدالقیوم زکی اورنگ آبادی

نظم

ہے خزاں نا آشنا تیرے گلستاں کی بہار
تجھ پہ ہے سایہ فگن دامان لطف کردگار

میکش اکبرآبادی

نظم

ہم تصوف کے نہاں خانوں میں بسنے والے
اپنی پامالی کے افسانوں پہ ہنسنے والے
ہم سمجھتے ہیں نشان سر منزل پایا

ن م راشد

نظم

مثال زینۂ منزل بکار شوق آیا
ہر اک مقام کہ ٹوٹی جہاں جہاں پہ کمند

فیض احمد فیض

نظم

گھروں کے صحنوں میں کلکاریاں ہیں بچوں کی
محبتوں کے دیے ہیں ہر اک شبستاں میں
وہ دیکھو چوم رہا ہے فلک کو ماہ تمام
ابھی بھی خواب ہیں دامان نوع انساں میں

رحمان فارس

نظم

بہت قریب سے آئی ہوائے دامن گل
کسی کے روئے بہاریں نے حال دل پوچھا

مصطفی زیدی

نظم

انگلیوں میں بال کو لپیٹنا
دامن خیال کو لپیٹنا

محبوب خزاں

نظم

اس دن
جھیل کے آئینے میں
اپنے جسم کو دیکھا تھا
اب ہر ملبوس میں
عریاں ہونے کی لاچاری ہے
میں خود سے ہی
بھاگ رہا ہوں
مجھ کو روکو زنجیر کرو
آداب راہ و منزل سے
بیگانہ ہوتا جاتا ہوں!

حامدی کاشمیری

نظم

یہ ہجوم رنگ و بو
یہ ہنگامۂ حیات
یہ تماشائے روز و شب
کوئی بازیچۂ اطفال ہو کہ نہ ہو
خواب کسی دیوانے کا ہو کہ نہ ہو
مگر
ایک گلیشئر ہے دیو قامت سا
پانیوں پہ سمندروں کے
تیرتا ہوا آن سے شان سے
ڈوبا ڈوبا سا
ابھرا ابھرا سا
بے نام بستیوں سے آتا ہے
اور بہتا رہتا ہے دھیرے دھیرے
ان دیکھی منزلوں کی طرف
مگر
گرمیٔ قرب نشان منزل سے
چٹخ جاتا ہے
پگھل جاتا ہے
پھر پانیوں سے مل کر ہو جاتا ہے پانی پانی
بے رنگ و بو بے نام درد

ابوالفیض سحر

نظم

ہے ضرورت قدم ملا کے چلو
عزم منزل کو کامراں کر لو

زبیر احمد ہلال

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے