کی تلاش کا نتیجه | موضو - نظم, صفحہ jaa.ii

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "jaa.ii"

نظم کے متعلقہ نتیجہ "jaa.ii"

نظم

کل واشنگٹن شہر کی ہم نے سیر بہت کی یار
گونج رہی تھی سب دنیا میں جس کی جے جے کار
ملکوں ملکوں ہم گھومے تھے بنجاروں کی مثل
لیکن اس کی سج دھج سچ مچ دل داروں کی مثل
روشنیوں کے رنگ بہیں یوں رستہ نظر نہ آئے
من کی آنکھوں والا بھی یاں اندھا ہو ہو جائے
اونچے بام چراغاں رستے روپ بھرے بازار
جاگتی آنکھوں سے دیکھا ہے خوابوں کا سنسار
ایک سفید عمارت جس کی نگر نگر میں دھوم
اندر دنیا بھر کی کالک باہر سے معصوم
یہی سفید عمارت جس میں بہت بڑی سرکار
یہیں کریں سوداگر چھوٹی قوموں کا بیوپار
یہیں پہ جادو گر بیٹھا جب کہیں کی ڈور ہلائے
ہر بستی ناگا ساکی ہیروشیما بن جائے
اسی عمارت سے کچھ دور ہی اک کالی دیوار
لوگوں کا میلہ ایسا لگا تھا جیسے کوئی تیوہار
اس کالی دیوار پہ کندہ دیکھے ہزاروں نام
ان ناموں کے بیچ لکھا تھا شہدائے وتنام
آس پاس تو جمع ہوا تھا خلقت کا انبوہ
سب کی آنکھوں میں سناٹا چہروں پر اندوہ
بیکل بہنیں گھائل مائیں اور دکھی بیوائیں
ساجن تم کس دیس سدھارے سوچیں محبوبائیں
اپنے پیاروں دل داروں کا اوجھل مکھڑا ڈھونڈیں
اس کالی دیوار پہ ان کے نام کا ٹکڑا ڈھونڈیں
دلوں میں دکھ آنکھوں میں شبنم ہاتھوں میں پھول اٹھائے
اس ناموں کے قبرستان کا بھید کوئی کیا پائے
نا تربت نا کتبہ کوئی نا ہڈی نا ماس
پھر بھی پاگل نیناں کو تھی پیا ملن کی آس
کہیں کہیں اس کالی سل پر کوئی سفید گلاب
یوں بے تاب پڑا تھا جیسے اندھی آنکھ کا خواب
کانٹا بن کر سبھی کے دل میں کھٹکے ایک سوال
کس کارن مٹی میں ملائے ہیروں جیسے لال
ہوچی من کے دیس میں ہم نے کیا کیا ستم نہ ڈھائے
اس کے جیالے تو آزادی کا سورج لے آئے
لیکن اتنے چاند گنوا کر ہم نے بھلا کیا پایا
ہم بد قسمت ایسے جن کو دھوپ ملی نا سایا
مکھ موتی دے کر حاصل کی یہ کالی دیوار
یہ کالی دیوار جو ہے بس اک خالی دیوار
یہ کالی دیوار جو ہے ناموں کا قبرستان
واشنگٹن کے شہر میں دفن ہیں کس کس کے ارمان

احمد فراز

نظم

برسو رام دھڑاکے سے
بڑھیا مر گئی فاقے سے
کل جگ میں بھی مرتی ہے ست جگ میں بھی مرتی تھی
یہ بڑھیا اس دنیا میں سدا ہی فاقے کرتی تھی
جینا اس کو راس نہ تھا
پیسا اس کے پاس نہ تھا
اس کے گھر کو دیکھ کے لکشمی مڑ جاتی تھی ناکے سے
برسو رام دھڑاکے سے
جھوٹے ٹکڑے کھا کے بڑھیا تپتا پانی پیتی تھی
مرتی ہے تو مر جانے دو پہلے بھی کب جیتی تھی
جے ہو پیسے والوں کی
گیہوں کے دلالوں کی
ان کا حد سے بڑھا منافع کچھ ہی کم ہے ڈاکے سے
برسو رام دھڑاکے سے

ساحر لدھیانوی

نظم

بھارت کے اے سپوتو ہمت دکھائے جاؤ
دنیا کے دل پہ اپنا سکہ بٹھائے جاؤ
مردہ دلی کا جھنڈا پھینکو زمین پر تم
زندہ دلی کا ہر سو پرچم اڑائے جاؤ
لاؤ نہ بھول کر بھی دل میں خیال پستی
خوش حالئ وطن کا بیڑا اٹھائے جاؤ
تن من مٹائے جاؤ تم نام قومیت پر
راہ وطن میں اپنی جانیں لڑائے جاؤ
کم ہمتی کا دل سے نام و نشاں مٹا دو
جرأت کا لوح دل پر نقشہ جمائے جاؤ
اے ہندوؤ مسلماں آپس میں ان دنوں تم
نفرت گھٹائے جاؤ الفت بڑھائے جاؤ
بکرمؔ کی راج نیتی اکبرؔ کی پالیسی کی
سارے جہاں کے دل پر عظمت بٹھائے جاؤ
جس کشمکش نے تم کو ہے اس قدر مٹایا
تم سے ہو جس قدر تم اس کو مٹائے جاؤ
جن خانہ جنگیوں نے یہ دن تمہیں دکھائے
اب ان کی یاد اپنے دل میں بھلائے جاؤ
بے خوف گائے جاؤ ''ہندوستاں ہمارا''
اور ''وندے ماترم'' کے نعرے لگائے جاؤ
جن دیش سیوکوں سے حاصل ہے فیض تم کو
ان دیش سیوکوں کی جے جے منائے جاؤ
جس ملک کا ہو کھاتے دن رات آب و دانہ
اس ملک پر سروں کی بھیٹیں چڑھائے جاؤ
پھانسی کا جیل کا ڈر دل سے فلکؔ مٹا کر
غیروں کے منہ پہ سچی باتیں سناتے جاؤ

لال چند فلک

نظم

بارشوں نے جب اس کا
رنگ و روپ دھو ڈالا
میں نے ڈرتے ڈرتے پھر
اس کو غور سے دیکھا
سیدھا سادہ چہرہ تھا
بھولا بھالا نقشہ تھا
رنگ کم سنی جس پر
کیسے دھل کے آیا تھا
زرد پھول سا پتا
گیسوؤں میں الجھا تھا
شبنمی سا اک قطرہ
آنکھ پر لرزتا تھا
راکھ کی جگہ اس جا
اک دیا سا جلتا تھا

زہرا نگاہ

نظم

ہم پڑاؤ کو سمجھے منزل
لکچھ ہوا آنکھوں سے اوجھل
ورتمان کے موہ جال میں آنے والا کل نہ بھلائیں
آؤ پھر سے دیا جلائیں

اٹل بہاری واجپائی

نظم

کہو ہندوستاں کی جے
کہو ہندوستاں کی جے
قسم ہے خون سے سینچے ہوئے رنگیں گلستاں کی
قسم ہے خون دہقاں کی قسم خون شہیداں کی
یہ ممکن ہے کہ دنیا کے سمندر خشک ہو جائیں
یہ ممکن ہے کہ دریا بہتے بہتے تھک کے سو جائیں
جلانا چھوڑ دیں دوزخ کے انگارے یہ ممکن ہے
روانی ترک کر دیں برق کے دھارے یہ ممکن ہے
زمین پاک اب ناپاکیوں کو ڈھو نہیں سکتی
وطن کی شمع آزادی کبھی گل ہو نہیں سکتی

مخدومؔ محی الدین

نظم

جگ سے بھلا سنسار سے پیارا
دل کی ٹھنڈک آنکھ کا تارا
سب سے انوکھا سب سے نیارا
دنیا کے جینے کا سہارا
پیارا بھارت دیس ہمارا

احمق پھپھوندوی

نظم

نور سے کچھ اس طرح ہے چشم تیری تر بہ تر
چاندنی کا عکس جوں اترا ہو سطح آب پر
پتلیاں دونوں تری آنکھوں میں دو نیلم لگے
اور تری آنکھوں کا پانی مجھ کو جام جم لگے
وقت صبح یہ عالم سیماب ہے چہرہ ترا
کیا کہوں بس منظر نایاب ہے چہرہ ترا

جے راج سنگھ جھالا

نظم

دیوالی کے دیپ جلے ہیں
یار سے ملنے یار چلے ہیں
چاروں جانب دھوم دھڑاکا
چھوٹے راکٹ اور پٹاخہ
گھر میں پھلجھڑیاں چھوٹے
من ہی من میں لڈو پھوٹے
دیپ جلے ہیں گھر آنگن میں
اجیارا ہو جائے من میں
اپنوں کی تو بات الگ ہے
آج تو سارے غیر بھلے ہیں
دیوالی کے دیپ جلے ہیں
رام کی جے جے کار ہوئی ہے
راون کی جو ہار ہوئی ہے
سچے کا ہر بول ہے بالا
جھوٹے کا منہ ہوگا کالا
سچائی کا ڈنکا باجے
سچ کے سر پر صحرا ساجے
جھوٹ کی لنکا خاک بنا کے
رام اجودھیا لوٹ چلے ہیں
دیوالی کے دیپ جلے ہیں
ہندو مسلم سکھ عیسائی
مل کر کھائیں یار مٹھائی
بھول کے شکوے اور گلے سب
ہنستے گاتے آج ملے سب
کہنے کو ہر دھرم جدا ہے
لیکن سب کا ایک خدا ہے
اک ماٹی کے پتلے حیدرؔ
اس سانچے میں خوب ڈھلے ہیں
دیوالی کے دیپ جلے ہیں

حیدر بیابانی

نظم

میں کون ہوں ماں تری جائی ہوں
پر بھیس نئے سے آئی ہوں
میں رمتی پہنچی اپنوں تک
پر پریت پرائی لائی ہوں

فہمیدہ ریاض

نظم

ہر مذہب سے اونچی ہے قیمت انسانی جان کی
بچو تم تقدیر ہو کل کے ہندوستان کی

ساحر لدھیانوی

نظم

پتیاں کتنی بھی آئیں جائیں
سوتنترتا دیوس کی ہاردک شبھ کامنائیں
دیش کا کوئی بھی گلی کوچہ رہے
ترنگا ہمیشہ سب سے اونچا رہے
ترنگے میں کیسریا سفید ہرا رنگ ہیں
ترنگے کے رنگ ہمارے دیش کے انگ ہیں
کیسریا سوریہ ہرا وکاس کا پرتیک
سفید شانتی اور دھرم نربھیک
تینوں سے مل کر ترنگا بنتا ہے
سنتلن بنائے رکھنے کے لیے سرکار جنتا ہے
بس ایک رنگ کو گر زیادہ مہتو دیں گے
تو دیش کا سنتلن بگاڑ لیں گے
جب جنتا سرکار ہی سنتلن بگاڑنے لگ جائے
تو پھر دیش کو بس جے شری رام ہی بچائے
سہی کو سہی غلط کو غلط کہنا
دیش بھکتی ذمہ داری کا ہے گہنا
یدی ہم انیتک کو انیتک نہ کہہ پائیں
تو اس سے اچھا ہے کہ ہم گونگے ہو جائیں
آئیے کوشش کریں کی ذمے دار بنیں
آئیے کوشش کریں کی ایمان دار بنیں
دیش زندہ باد ہی رہے گا گر ہم ذمے دار نہ بنیں
دیش زندہ باد ہی رہے گا گر ہم ایمان دار نہ بنیں
دیش زندہ باد ہی رہے گا گر ہم کچھ بھی نہ بنیں
گر کچھ بھی نہ کر سکیں تو بس اتنا کریں
ہم مانوتا کے وردھ کبھی ہتھیار نہ بنیں
وپتیاں کتنی بھی آئیں جائیں
سوتنترتا دیوس کی ہاردک شبھ کامنائیں

سچن دیو ورما

نظم

جب خورشید آزادی کی پھوٹی تھی کرن وہ دن آیا
چمکے تھے ضیائے خاص سے جب کہسار و دمن وہ دن آیا
جب قید قفس سے چھوٹے تھے مرغان چمن وہ دن آیا
بے تیغ و سناں جب بدلی تھی تقدیر وطن وہ دن آیا
ہنگام طرب ہے اہل وطن ہنگام طرب ہے غم نہ کرو
آہستہ روی ہی منزل ہے منزل کا یوں ہی ماتم نہ کرو
بیمار وطن نے پائی ہے مشکل سے دوائے آزادی
کانوں کو سنائی دیتی ہے ہر سمت ندائے آزادی
ہر خورد و کلاں ہر پیر و جواں ہے آج ندائے آزادی
یہ کوشش سب پر لازم ہے دائم ہو بقائے آزادی
آزادی نو مولود کو اب پروان چڑھاؤ تو جانیں
مشکل ہے بڑی اس مشکل کو آسان بناؤ تو جانیں
اغیار کی تعلیمات پہ تو سر دھننا کار طفلاں ہے
آوارہ مزاجی کے صدقے آوارہ مزاجی آساں ہے
رہ پر خار عمل میں جو پا مرد رہے وہ انساں ہے
ساحل سے اسے کچھ کام نہیں جو واقف عشرت طوفاں ہے
اس یوم مبارک پر مل کر جے ہند پکارو اہل وطن
جو جذبۂ خدمت سست ہے اب پھر اس کو ابھارو اہل وطن

عرش ملسیانی

نظم

رام کے ہجر میں اک روز بھرت نے یہ کہا
قلب مضطر کو شب و روز نہیں چین ذرا
دل میں ارماں ہے کہ آ جائیں وطن میں رگھبر
یاد میں ان کی کلیجے میں چبھے ہیں نشتر
کوئی بھائی سے کہے زخم جگر بھر دیں مرا
خانۂ دل کو زیارت سے منور کر دیں
رام آئیں تو دیے گھی کے جلاؤں گھر گھر
دیپ مالا کا سماں آج دکھاؤں گھر گھر
تیغ فرقت سے جگر پاش ہوا جاتا ہے
دل غم رنج سے پامال ہوا جاتا ہے
داغ ہیں میرے جلے دل پہ ہزاروں لاکھوں
غم کے نشتر جو چلے دل پہ ہزاروں لاکھوں
کہہ رہے تھے یہ بھرت جبکہ سری رام آئے
دھوم دنیا میں مچی نور کے بادل چھائے
عرش تک فرش سے جے جے کی صدا جاتی تھی
خرمی اشک ہر اک آنکھ سے برساتی تھی
جلوۂ رخ سے ہوا رام کے عالم روشن
پر امیدوں کے گلوں سے ہوا سب کا دامن
موہنی شکل جو رگھبر کی نظر آتی تھی
آنکھ تعظیم سے خلقت کی جھکی جاتی تھی
مدتوں بعد بھرت نے یہ نظارہ دیکھا
کامیابی کے فلک پر تھا ستارہ چمکا
دل خوشی سے کبھی پہلو میں اچھل پڑتا تھا
ہو مبارک یہ کبھی منہ سے نکل پڑتا تھا
ہوتے روشن ہیں چراغ آج جہاں میں یکساں
گل ہوا آج ہی پر ایک چراغ تاباں
ہے مراد اس سے وہ بھارت کا چراغ روشن
نام ہے جس کا دیانند جو تھا فخر وطن
جس دیانند نے بھارت کی پلٹ دی قسمت
جس دیانند نے دنیا کی بدل دی حالت
جس دیانند نے گلزار بنائے جنگل
جس دیانند نے قوموں میں مچا دی ہلچل
آج وہ ہند کا افسوس دلارا نہ رہا
غم نصیبوں کے لئے کوئی سہارا نہ رہا
یاد ہے اس کی زمانے میں ہر اک سو جاری
اس کی فرقت کی لگی تیغ جگر پر کاری
دل یہ کہتا ہے کہ اس وقت زبانیں کھولیں
آؤ مل مل کے دیانند کی ہم جے بولیں

آفتاب رئیس پانی پتی

نظم

در دیوار دریچے آنگن
دہلیزیں دالان اور کمرے
سارے روپ یہ کتنے نازک
سوچو تو مٹی کے کھلونے
میرے لیے یہ کنج عبادت
میرے لیے یہ کوہ صداقت
میرے لیے یہ منزل وعدہ
خلد تحفظ قصر رفاقت
جس کے راج سنگھاسن بیٹھی
میں رانی ہوں میں بیچاری
باہر چاہے طوفاں آئیں
لیکن یاں سب چین سے سوئیں
جب جاگیں تب سورج نکلے
سو جائیں تب چاندنی مہکے
میرے گھر والے جپتے ہیں
میرے نام کی جے مالائیں
لکشمی چھایا جانیں مجھ کو
سرسوتی سا مانیں مجھ کو
چاند دیکھ کے مجھ کو دیکھیں
ہریالی پر مجھے چلائیں
اپنا تخت اور تاج سنبھالے
شال دوشالے کاندھوں ڈالے
بال بال موتی پرواؤں!
پور پور میں ہیرے پہنوں
کام کاج کا پلو ڈالے!
دن بھر گھر سے الجھوں سلجھوں
رات کو لیکن آنکھیں موندے
پچھلی رت کا ساون دیکھوں
ہیرے لعل بکھرتے جائیں
محل دو محلے ہٹتے جائیں
چھوٹا آنگن نیچے کمرے!
دور دور سے ہاتھ ہلائیں
بیتے لمحے جگنو ایسے
اڑتے اور چمکتے آئیں
مٹھی باندھ کے ان کو دیکھوں
چمپا پھول مہکتے جائیں
جگمگ جگمگ سونے جیسا
گھر سب کی نظروں میں آیا
بھیگا آنچل پھیلا کاجل
کس نے دیکھا کس نے چھپایا

زہرا نگاہ

نظم

رگ رگ میں لہو کو گرماتے جاتے ہیں وطن کی جے گاتے
ہم عہد جوانی کے ماتے بوڑھوں کا زمانہ کیا جانیں

شمیم کرہانی

نظم

فتح نصرت کی دعاؤں سے ہوا معمور ہے
نعرۂ جے ہند سے ساری فضا معمور ہے

جگن ناتھ آزاد

نظم

گاؤ جے جے گان ترنگا جھنڈے کا
اونچا رہے نشان ترنگے جھنڈے کا

عطاء الرحمٰن طارق

نظم

یہ سب
ہنستے ہوئے لب، روتی آنکھیں
حنجرے کے جوف سے لہرا کے نکلی ساری آوازیں
یہ گاتے ناچتے لوگوں کے جھرمٹ
عشوہ و ناز و ادا سے کھینچتے پیکر
یہ ساری سیر بینی خود فریبی ہے
یہ ساری یار باشی اور سب صحرا نشینی خود فریبی ہے
میں اپنی ماں کے پہلے دودھ سے درد تہ ہر جام تک
تنہائی کے اک خط پہ چلتا جا رہا ہوں
میں اکیلا ہوں
میں بزم دوستاں کے قہقہوں کے گونج میں ڈوبے
سرابی دشت کی لرزش میں پانی ڈھونڈتا ہوں
میں اکیلا ہوں

وحید احمد

نظم

ہندی زبان کی جے
اردو زبان کی جے
ہندوستان کی جے
سارے جہان کی جے

کوثر صدیقی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے