کی تلاش کا نتیجه | موضو - نظم, صفحہ kitno.n

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "kitno.n"

نظم کے متعلقہ نتیجہ "kitno.n"

نظم

تجھ کو کتنوں کا لہو چاہیئے اے ارض وطن
جو ترے عارض بے رنگ کو گلنار کریں
کتنی آہوں سے کلیجہ ترا ٹھنڈا ہوگا
کتنے آنسو ترے صحراؤں کو گل زار کریں

فیض احمد فیض

نظم

پھولوں کی سیج اوپر سوتے ہیں کتنے بن بن
سو ہیں گلابی جوڑے پھولوں کے ہار ابرن
کتنوں کے گھر ہے کھانا سونا لگے ہے آنگن
کونے میں پڑ رہی ہیں سر منہ لپیٹ سوگن
کیا کیا مچی ہیں یارو برسات کی بہاریں

نظیر اکبرآبادی

نظم

میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن
گل پوش تیری وادیاں
فرحت نشاں راحت رساں
تیرے چمن زاروں پہ ہے
گلزار جنت کا گماں
ہر شاخ پھولوں کی چھڑی
ہر نخل طوبیٰ ہے یہاں
کوثر کے چشمے جا بجا
تسنیم ہر آب رواں
ہر برگ روح تازگی
ہر پھول جان گلستاں
ہر باغ باغ دلکشی
ہر باغ باغ بے خزاں
دل کش چراگاہیں تری
ڈھوروں کے جن میں کارواں
انجم صفت گلہائے نو
ہر تختۂ گل آسماں
نقش ثریا جا بجا
ہر ہر روش اک کہکشاں
تیری بہاریں دائمی
تیری بہاریں جاوداں
تجھ میں ہے روح زندگی
پیہم رواں پیہم دواں
دریا وہ تیرے تند خو
جھیلیں وہ تیری بے کراں
شام اودھ کے لب پہ ہے
حسن ازل کی داستاں
کہتی ہے راز سرمدی
صبح بنارس کی زباں
اڑتا ہے ہفت افلاک پر
ان کارخانوں کا دھواں
جن میں ہیں لاکھوں محنتی
صنعت گری کے پاسباں
تیری بنارس کی زری
رشک حریر و پرنیاں
بیدر کی فن کاری میں ہیں
صنعت کی سب باریکیاں
عظمت ترے اقبال کی
تیرے پہاڑوں سے عیاں
دریاؤں کا پانی، تری
تقدیس کا اندازہ داں
کیا بھارتیندوؔ نے کیا
گنگا کی لہروں کا بیاں
اقبالؔ اور چکبستؔ ہیں
عظمت کے تیری نغمہ خواں
جوشؔ و فراقؔ و پنتؔ ہیں
تیرے ادب کے ترجماں
تلسیؔ و خسروؔ ہیں تیری
تعریف میں رطب اللساں
گاتے ہیں نغمہ مل کے سب
اونچا رہے تیرا نشاں
میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن
تیرے نظاروں کے نگیں
دنیا کی خاتم میں نہیں
سارے جہاں میں منتخب
کشمیر کی ارض حسیں
فطرت کا رنگیں معجزہ
فردوس بر روئے زمیں
فردوس بر روئے زمیں
ہاں ہاں ہمیں است و ہمیں
سر سبز جس کے دشت ہیں
جس کے جبل ہیں سرمگیں
میوے بہ کثرت ہیں جہاں
شیریں مثال انگبیں
ہر زعفراں کے پھول میں
عکس جمال حورعیں
وہ مالوے کی چاندنی
گم جس میں ہوں دنیا و دیں
اس خطۂ نیرنگ میں
ہر اک فضا حسن آفریں
ہر شے میں حسن زندگی
دل کش مکاں دل کش زمیں
ہر مرد مرد خوب رو
ہر ایک عورت نازنیں
وہ تاج کی خوش پیکری
ہر زاویے سے دل نشیں
صنعت گروں کے دور کی
اک یادگار مرمریں
ہوتی ہے جو ہر شام کو
فیض شفق سے احمریں
دریا کی موجوں سے الگ
یا اک بط نظارہ بیں
یا طائر نوری کوئی
پرواز کرنے کے قریں
یا اہل دنیا سے الگ
اک عابد عزلت گزیں
نقش اجنتا کی قسم
جچتا نہیں ارژنگ چیں
شان ایلورا دیکھ کر
جھکتی ہے آذر کی جبیں
چتوڑ ہو یا آگرہ
ایسے نہیں قلعے کہیں
بت گر ہو یا نقاش ہو
تو سب کی عظمت کا امیں
میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن
دل کش ترے دشت و چمن
رنگیں ترے شہر و چمن
تیرے جواں رعنا جواں
تیرے حسیں گل پیرہن
اک انجمن دنیا ہے یہ
تو اس میں صدر انجمن
تیرے مغنی خوش نوا
شاعر ترے شیریں سخن
ہر ذرہ اک ماہ مبیں
ہر خار رشک نستریں
غنچہ ترے صحرا کا ہے
اک نافۂ مشک ختن
کنکر ہیں تیرے بے بہا
پتھر ترے لعل یمن
بستی سے جنگل خوب تر
باغوں سے حسن افروز بن
وہ مور وہ کبک دری
وہ چوکڑی بھرتے ہرن
رنگیں ادا وہ تتلیاں
بابنی میں وہ ناگوں کے پھن
وہ شیر جن کے نام سے
لرزے میں آئے اہرمن
کھیتوں کی برکت سے عیاں
فیضان رب ذو المنن
چشموں کے شیریں آب سے
لذت کشاں کام و دہن
تابندہ تیرا عہد نو
روشن ترا عہد کہن
کتنوں نے تجھ پر کر دیا
قربان اپنا مال دھن
کتنے شہیدوں کو ملے
تیرے لیے دار و رسن
کتنوں کو تیرا عشق تھا
کتنوں کو تھی تیری لگن
تیرے جفا کش محنتی
رکھتے ہیں عزم کوہ کن
تیرے سپاہی سورما
بے مثل یکتائے زمن
بھیشمؔ سا جن میں حوصلہ
ارجنؔ سا جن میں بانکپن
عالم جو فخر علم ہیں
فن کار نازاں جن پہ فن
رائےؔ و بوسؔ و شیرؔگل
دنکرؔ، جگرؔ متھلیؔ شرن
ولاٹھولؔ، ماہرؔ، بھارتی
بچنؔ، مہادیویؔ، سمنؔ
کرشننؔ، نرالاؔ، پریمؔ چند
ٹیگورؔ و آزادؔ و رمنؔ
میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن
کھیتی تری ہر اک ہری
دل کش تری خوش منظری
تیری بساط خاک کے
ذرے ہیں مہر و مشتری
جہلم کاویری ناگ وہ
گنگا کی وہ گنگوتری
وہ نربدا کی تمکنت
وہ شوکت گوداوری
پاکیزگی سرجو کی وہ
جمنا کی وہ خوش گوہری
دلربہ آب نیلگوں
کشمیر کی نیلم پری
دل کش پپیہے کی صدا
کوئل کی تانیں مد بھری
تیتر کا وہ حق سرہ
طوطی کا وہ ورد ہری
صوفی ترے ہر دور میں
کرتے رہے پیغمبری
چشتیؔ و نانکؔ سے ملی
فقر و غنا کو برتری
عدل جہانگیری میں تھی
مضمر رعایا پروری
وہ نورتن جن سے ہوئی
تہذیب دور اکبری
رکھتے تھے افغان و مغل
اک صولت اسکندری
راناؤں کے اقبال کی
ہوتی ہے کس سے ہم سری
ساونت وہ یودھا ترے
تیرے جیالے وہ جری
نیتی ودر کی آج تک
کرتی ہے تیری رہبری
اب تک ہے مشہور زماں
چانکیہؔ کی دانش وری
ویاس اور وشوامتر سے
منیوں کی شان قیصری
پاتنجلی و سانکھ سے
رشیوں کی حکمت پروری
بخشے تجھے انعام نو
ہر دور چرخ چنبری
خوش گوہری دے آب کو
اور خاک کو خوش جوہری
ذروں کو مہر افشانیاں
قطروں کو دریا گستری
میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن
تو رہبر نوع بشر
تو امن کا پیغام بر
پالے ہیں تو نے گود میں
صاحب خرد صاحب نظر
افضل تریں ان سب میں ہے
باپو کا نام معتبر
ہر لفظ جس کا دل نشیں
ہر بات جس کی پر اثر
جس نے لگایا دہر میں
نعرہ یہ بے خوف و خطر
بے کار ہیں تیر و سناں
بے سود ہیں تیغ و تبر
ہنسا کا رستہ جھوٹ ہے
حق ہے اہنسا کی ڈگر
درماں ہے یہ ہر درد کا
یہ ہر مرض کا چارہ گر
جنگاہ عالم میں کوئی
اس سے نہیں بہتر سپر
کرتا ہوں میں تیرے لیے
اب یہ دعائے مختصر
رونق پہ ہوں تیرے چمن
سرسبز ہوں تیرے شجر
نخل امید بہتری
ہر فصل میں ہو بارور
کوشش ہو دنیا میں کوئی
خطہ نہ ہو زیر و زبر
تیرا ہر اک باسی رہے
نیکو صفت نیکو سیر
ہر زن سلیقہ مند ہو
ہر مرد ہو صاحب ہنر
جب تک ہیں یہ ارض و فلک
جب تک ہیں یہ شمس و قمر
میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن

عرش ملسیانی

نظم

پربت کتنا جم کے اڑے ہیں
کیسے کیسے بھیم کھڑے ہیں
جھرنے گر گر پاؤں پڑے ہیں

نذیر بنارسی

نظم

تیر افلاس سے کتنوں کے کلیجے ہیں فگار
کتنے سینوں میں ہے گھٹتی ہوئی آہوں کا غبار
کتنے چہرے نظر آتے ہیں تبسم کا مزار

جاں نثار اختر

نظم

تجھ کو معلوم ہے کچھ اے مری خوشیوں کی رفیق
غم دوراں مری تنہائی سے کیا کہتا ہے
جن حسیں لمحوں سے ہم بنتے ہیں خوشیاں اپنی
ان میں کتنوں کی تمناؤں کا خوں بہتا ہے

علی مینائی

نظم

کون گستاخ ہے کیا نام ہے کیوں آیا ہے
پہرے والو اسے خنجر کی انی سے روکو
اپنی بندوقوں کی نالی سے ڈراؤ اس کو
اور اس پر جو نہ مانے اسے توپوں کی سلامی دے دو
جشن کا دن ہے مری سالگرہ کا دن ہے
آج محلوں میں جلیں گے مہ و انجم کے چراغ
آج بجھتے ہوئے چہروں کی ضرورت کیا ہے
آج مایوس نگاہوں کی ضرورت کیا ہے
کون بے باک ہے بڑھتا ہی چلا آتا ہے
پہرے والو اسے خنجر کی انی سے روکو
آدمی ہے کہ مرا وہم ہے آسیب ہے یہ
اس کے چہرے پہ تو زخموں کے نشاں تک بھی نہیں
گولیاں اس کے سیہ سینے سے ٹکرا کے چلی آتی ہیں
اس کے ہونٹوں پہ تبسم ہے کہ منہ کھولے ہوئے
اژدہا تخت نگلنے کو چلا آتا ہے
موت کس بھیس میں آئی ہے مجھے لینے کو
آج کیوں آئی ہے کیوں آئی ہے کیوں آئی ہے
میں تجھے گوہر و الماس دئے دیتا ہوں
تیرے ٹھٹھرے ہوئے ہاتھوں کو حرارت دوں گا
جشن کا دن ہے مری سالگرہ کا دن ہے
کون ہو کون ہو تم
اے غریبوں کے خداوند امیروں کے رفیق
میں سمجھتا تھا مجھے آپ نہ پہچانیں گے
میں نے انگریز کی جیلوں میں جوانی کاٹی
میں نے ٹھٹھرے ہوئے ہاتھوں سے جلائے ہیں دئے
جن کی لو آج بھی طوفانوں سے ٹکراتی ہے
جن کو انگریز کی پھونکوں نے بجھانا چاہا
اور خود ان کی زباں جل کے سیہ فام ہوئی
وہ دیے آج بھی برلاؤں کی چیخوں سے لڑے جاتے ہیں
آپ کو یاد نہ ہوگا شاید
کون ہو کون ہو تم
میں نے تاریخ کی لہروں میں روانی دے دی
میں نے بوڑھوں کی رگ و پے میں جوانی دے دی
میں نے جھکتے ہوئے شانوں کو توانائی دی
کارخانے مری آواز سے بیدار ہوئے
اور اک میری ہی آواز نہیں گونجی تھی
سیکڑوں وقت سے ہارے ہوئے انسان اٹھے
کہرۂ وقت پہ چھانے کے لئے
کون ہو کون ہو تم
اوراق میں ہی نہیں آیا ہوں
سیکڑوں وقت کے مارے ہوئے انسان بھی ہیں
سیکڑوں وقت پہ چھائے ہوئے انسان بھی ہیں
کون ہو کون ہو تم
آج بھی کھیتیوں میں بھوک اگا کرتی ہے
کارخانوں میں دھوئیں کے بادل
طوق اور آہنی زنجیروں میں ڈھل جاتے ہیں
کون ہو کون ہو تم
آپ انسان کی عظمت پہ یقیں رکھتے ہیں
آپ کے حکم نے کتنوں کی زبانیں سی دیں
آپ کی مملکت عدل میں کتنے بیمار
قید تنہائی میں دم توڑ چکے
کون ہو کون ہو تم
آپ کی بیڑیاں افراد کو پابند بنا سکتی ہیں
آپ کی بیڑیاں انسان کو پابند نہیں کر سکتیں
کل یہی شمع جو سینے میں فروزاں ہے آج
آپ کے سارے طلسمات جلا ڈالے گی
کل انہیں کھیتوں میں اجڑے ہوئے کھلیانوں میں
سالہا سال کی پامال زمیں
اپنے سینے کے خزانوں کو لٹاتی ہوگی
کارخانے بھی سیہ کار خداؤں سے رہائی پا کر
لاکھوں انسانوں کی تسکین کا ساماں ہوں گے
اک نئے عہد نئی زیست کا عنواں ہوں گے
اور پھر وقت کا بے باک مورخ آ کر
سرخ پرچم کو سلامی دے گا
کون ہو کون ہو تم
بھاردواج

اختر پیامی

نظم

کچھ ایسے بھی کہ جن کو زندہ رکھنا چاہا میں نے اپنی پلکوں پر
مگر خود کو جنہوں نے میری نظروں سے گرا کر خود کشی کر لی
بچا پایا نہ میں کتنوں کو ساری کوششوں پر بھی
رہے بیمار مدت تک مرے باطن کے بستر پر
بالآخر فوت ہو بیٹھے

عبد الاحد ساز

نظم

زندگی میں مل گئے کتنوں کو سرکاری خطاب
مفت میں ان کو خریدا مفت میں بیچا گیا

غوث خواہ مخواہ حیدرآبادی

نظم

سنتان ہنسے تو کیسے ہنسے
اس وقت ہے ماتا خطرے میں
سنسار کے پربت کا راجہ
ہے اپنا ہمالہ خطرے میں
ہے سامنا کتنے خطروں کا
ہے دیش کی سیما خطرے میں
اے دوست وطن سے گھات نہ کر
اس وقت غزل کی بات نہ کر

نذیر بنارسی

نظم

چھوٹا سا ایک بیج اگر ہے تو کیا ہوا
کتنا بڑا درخت ہے اس میں چھپا ہوا
دھرتی میں ڈال دیتا ہے جب وقت پر کسان
پھر دیکھنے کی ہوتی ہے اس بیج کی اٹھان
سنسار جی رہا ہے اسی کام کاج سے
کتنوں کے پیٹ بھرتے ہیں اس کے اناج سے
چھوٹے سے تل میں آنکھ کے اتنی بڑائی ہے
دریا ہوں یا پہاڑ ہوں سب کی سمائی ہے
پھولوں کا اور چاند ستاروں کا رنگ روپ
دو آنکھیں دیکھتی ہیں ہزاروں کا رنگ روپ
پھیلا ہے سارے گھر میں اجالا چراغ ایک
گن کتنے ہیں دماغ میں اور ہے دماغ ایک
مل جل کے ایک پانی کا دریا بہاتی ہیں
بوندیں ہیں چھوٹی چھوٹی جو ساگر بناتی ہیں
یہ میز پر تمہاری جو چھوٹی سی ہے کتاب
چھوٹی سی اس کتاب میں لاکھوں کا ہے حساب
چھوٹا سا دل ہے اس میں امنگیں بڑی بڑی
دل اور بڑھ گیا کوئی مشکل جو آ پڑی
چھوٹی سی عمر میں جو ارادے رہے کڑے
دنیا میں تم بھی کام کرو گے بڑے بڑے

نجم آفندی

نظم

اور پھر ایک اتوار کو
اس کے دونوں بڑے بھائیوں بھابیوں نے
حساب اور چولھے الگ جب کیے
اس نے اماں کو خود اعتمادی سے دیکھا
کہ اب اس کے اپنے دوپٹے قمیص اور شلوار چپل کے جوڑے
نمک مرچ آلو مٹر پیاز لہسن چقندر ٹماٹر
پودینہ، کڑھی پات زیرہ، مسالے،
چنے مونگ ماش اور مسر، ساری دالیں
مہینے میں دو بار قیمہ یا مرغی کا سالن
چھٹی کلاس میں پڑھنے والے غبی چھوٹے بھائی کی ٹیوشن
کتابوں کا خرچہ
یہ سب اس اکیلی کی ہے ذمہ داری

حارث خلیق

نظم

چارہ گر آئے بہت کوئی مسیحا نہ ہوا
سینۂ ارض کے زخموں کا مداوا نہ ہوا
کربلا آج بھی برپا ہے بہ انداز دگر
دشت میں رقص شہیداں کا تماشہ نہ ہوا
بند ہے آج بھی کتنوں کے لئے نہر فرات
معرکہ کوئی بظاہر لب دریا نہ ہوا
زینبیں اپنے گھروں میں ہیں ردا سے محروم
دشت و کہسار میں خیمہ کہیں برپا نہ ہوا
رات پیتی ہی رہی چاند ستاروں کا لہو
وقت کی تیرہ فضاؤں میں اجالا نہ ہوا
کون سا وقت ہے پھر روح کی بیداری کا
زخم احساس اگر آج بھی تازا نہ ہوا

قیصر الجعفری

نظم

میں ہوں تصویر وفا مجھ سے گریزاں کیوں ہے
عشق کی لوح پہ کیا میں ہوں کوئی حرف غلط
تو نے کتنوں کو نوازا ہے کرم سے اپنے
میں تو رہتی ہوں یہاں صورت اغیار فقط

صادقہ فاطمی

نظم

تو کہ شہکار صناع ہر اولیں
تو بیاں میں نہیں دسترس میں نہیں
حسن کافر ترا آنکھ توبہ شکن
داؤ پر لگ گئے جان و ایمان بھی
تو دلیل سحر شمع بحر و بر
راہ ایمان بھی رنگ وجدان بھی
تیری آنکھوں میں دیر و حرم قید ہے
جام گلفام کیا جام جم قید ہے
گاہے رنگ غلاف حرم ہو گئیں
گاہے رنگ حنا دم بہ دم ہو گئیں
گاہے کتنوں کو بھٹکا دیا راہ سے
گاہے یہ منزلوں کا علم ہو گئیں
تیری پلکیں جھکیں چاند ڈھلنے لگے
شام ہونے لگی زخم جلنے لگے
ساحرہ پھر ترا سحر ہونے لگا
لوگ گرنے لگے ہوش اڑنے لگے
تیرا رخسار ہے چاندنی کی حیا
دودھ میں جیسے سندور گھلنے لگا
تیرے رخسار رنگ شفق ہو گئے
یعنی یہ شاعری کے افق ہو گئے
کس کو تشبیہ دوں استعارہ کروں
لب کو لب کے لیے ہی گوارا کروں
ہونٹ کیا آیتیں ہیں یہ قرآن کی
جان ہیں جان جاں یہ تری جان کی
ان سے چھو لیں تو الفاظ خوشبو بنیں
قہقہے نور بن جائیں جادو بنیں
شبنمی پنکھڑی پنکھڑی ہیں فقط
اور کیا میں کہوں زندگی ہیں فقط
سوچتا ہوں تو کچھ سوچا جاتا نہیں
حسن تیرا تو اب دیکھا جاتا نہیں
یعنی جاوید اخترؔ نے سچ ہی کہا
حسن جاناں کی تعریف ممکن نہیں
حسن جاناں کی تعریف ممکن نہیں

نعمان بدر

نظم

میں نہیں جانتی
کہ مجھے کیا ہوا ہے
مجھے ایسا کچھ بھی
میرے بارے بتانے سے منع کیا گیا ہے
شاید
مگر میں تکلیف میں ہوں
ایک انجانی تکلیف
نا چاہے جانے کی تکلیف
میں کسی کی زندگی کا محور و مرکز نہیں کیوں
شاید یہ کیوں اور اس سے پہلے کا جملہ فقط میرا وہم ہو
یہی سوچ کر خود کو تسلی دینا بھی
کس قدر اچھا لگتا ہے
میرے بعد کتنے لوگ
میری موت کا یقین نہ کر پائیں گے
میرے ہوتے ہوئے کتنوں کو میرے زندہ ہونے کا یقین ہے
کیا یہ یقین جھوٹا نہیں
کیا ہر یقین جھوٹا نہیں
نہیں سب سچ ہے
کبوتر کی طرح آنکھیں موند لینے سے کیا ہوگا
اداسی اور اس کا کرب جان لیوا ہے
زندگی ہر روز مجھے ذلیل کرنے پر تلی ہے
سسکنا بلکنا اور قہقہے لگانا میرا وطیرہ بن گیا ہے
کوئی ہے جو مجھے خوابوں سے بیدار نہ کرے
کوئی ہے
کوئی نہیں
میں خود بھی نہیں
تمہیں پتا ہے تمہاری آنکھیں
میرے چہرے پر بری لگتی ہیں
پر میں انہیں لگائے گھومتی ہوں
بھدی لگنے کے باوجود
صرف اس لئے کہ
تمہیں مجھ سے شکایت نہ ہو
یہ کیسا زنداں ہے جہاں آزادی ہی آزادی ہے اور کوئی روک ٹوک نہیں
سوائے سوچنے کے
کسی شے پر پابندی نہیں

سدریٰ افضل

نظم

دماغ لے لو دماغ لے لو
بڑی ہی محنت سے پرورش کی ہے سالہا سال لگ چکے ہیں
دماغ کو علم و فن دیا اور
ذہن کو پاکیزگی عطا کی
سمجھنا اور سوچنا سکھایا
شعور بخشا دماغ کو آگہی عطا کی
حساب جانے کتاب جانے
پڑھا لکھا ہے
دماغ کے پاس تجربہ ہے
دماغ لے لو
سنو سنو آپ کے یہ الجھے ہوئے مسائل کو حل کرے گا
مرا یہ دعویٰ ہے آپ کی زندگی نہایت سہل کرے گا
ذرا ذرا کر کے صبح سے شام تک میں کتنوں کو بیچ آیا دماغ اپنا
مرا پسینہ تھا جس کا ایندھن وہ شعلہ شعلہ چراغ اپنا
یہ رات کا کون سا پہر ہے
میں راستہ بھولنے لگا ہوں
یہ سال کا آخری ہے موسم
میں ٹھنڈ سے کپکپا رہا ہوں

ذیشان ساجد

نظم

گلہ کرتا رہا تو کاتب تقدیر سے ناحق
ملا ہے جو تجھے کتنوں کو ملتا ہے زمانے میں

صدا انبالوی

نظم

جانے کتنوں نے مجھ پر وشواس کیا اور داؤ لگائے
بازی جیتے
جشن منائے
کتنے جاکی میری پیٹھ پہ بیٹھ کے
مجھ کو ایڑ لگا کے
تیز بھگا کے
اول آئے
میڈل جیتے تمغے پائے

ڈاکٹر عبدالله

نظم

تم جب آؤگی تو کھویا ہوا پاؤگی مجھے
میری تنہائی میں خوابوں کے سوا کچھ بھی نہیں
میرے کمرے کو سجانے کی تمنا ہے تمہیں
میرے کمرے میں کتابوں کے سوا کچھ بھی نہیں

جون ایلیا

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے