Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "kitno.n"

Nazm MATCHES FOR "kitno.n"

Nazm

hum to majbur-e-wafa hain

tujh ko kitno.n kaa lahuu chaahiye ai arz-e-vatan
jo tire aariz-e-be-ra.ng ko gulnaar kare.n
kitnii aaho.n se kaleja tiraa ThanDaa hogaa
kitne aa.nsuu tire sahraa.o.n ko gulzaar kare.n

Faiz Ahmad Faiz
Nazm

barsat ki bahaaren

phuulo.n kii sej uupar sote hai.n kitne ban-ban
so hai.n gulaabii jo.De phuulo.n ke haar abran
kitno.n ke ghar hai khaanaa sonaa lage hai aa.ngan
kone me.n pa.D rahii hai.n sar mu.nh lapeT sogan
kyaa kyaa machii hai.n yaaro barsaat kii bahaare.n

Nazeer Akbarabadi
Nazm

mere pyare watan

mere vatan, pyaare vatan
raahat ke gahvaare vatan
har dil ke ujyaare vatan
har aa.nkh ke taare vatan
gul-posh terii vaadiyaa.n
farhat-nishaa.n raahat-rasaa.n
tere chaman-zaaro.n pe hai
gulzaar-e-jannat kaa gumaa.n
har shaaKH phuulo.n kii chha.Dii
har naKHl-e-tuubaa hai yahaa.n
kausar ke chashme jaa-ba-jaa
tasniim har aab-e-ravaa.n
har barg ruuh-e-taazgii
har phuul jaan-e-gulsitaa.n
har baaG baaG-e-dil-kashii
har baaG baaG-e-be-KHizaa.n
dilkash charaagaahe.n tirii
Dhoro.n ke jin me.n kaarvaa.n
anjum-sifat gulhaa-e-nau
har taKHta-e-gul aasmaa.n
naqsh-e-surayyaa jaa-ba-jaa
har har ravish ik kahkashaa.n
terii bahaare.n daa.imii
terii bahaare.n jaavedaa.n
tujh me.n hai ruuh-e-zindagii
paiham ravaa.n paiham davaa.n
dariyaa vo tere tund-KHuu
jhiile.n vo terii be-karaa.n
shaam-e-avadh ke lab pe hai
husn-e-azal kii daastaa.n
kahtii hai raaz-e-sarmadii
sub.h-e-banaras kii zabaa.n
u.Dtaa hai haft-aflaak par
un kaar-KHaano.n kaa dhu.aa.n
jin me.n hai.n laakho.n mehnatii
san.at-garii ke paasbaa.n
terii banaras kii zarii
rashk-e-hariir-o-parniyaa.n
biidar kii fankaarii me.n hai.n
san.at kii sab baariikiyaa.n
azmat tire iqbaal kii
tere pahaa.Do.n se ayaa.n
dariyaa.o.n kaa paanii, tarii
taqdiis kaa andaaza-daa.n
kyaa 'bhaarte.ndu' ne kiyaa
ga.ngaa kii lahro.n kaa bayaa.n
'iqbaal' aur chakbast hai.n
azmat ke terii naGma-KHvaa.n
'josh' o 'firaaq' o 'pant' hai.n
tere adab ke tarjumaa.n
'tulsii' o 'KHusrav' hai.n terii
taariif me.n ratb-ul-lisaa.n
gaate hai.n naGma mil ke sab
uu.nchaa rahe teraa nishaa.n
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
tere nazaaro.n ke nagii.n
duniyaa kii KHaatam me.n nahii.n
saare jahaa.n me.n muntaKHab
kashmiir kii arz-e-hasii.n
fitrat kaa ra.ngii.n mo.ajaza
firdaus bar-ruu-e-zamii.n
firdaus bar-ruu-e-zamii.n
haa.n haa.n hamii.n ast o hamii.n
sarsabz jis ke dasht hai.n
jis ke jabal hai.n surmagii.n
meve ba-kasrat hai.n jahaa.n
shiirii.n misaal-e-a.ngbii.n
har za.afaraa.n ke phuul me.n
aks-e-jamaal-e-huura.ii.n
vo maalve kii chaa.ndnii
gum jis me.n ho.n duniyaa-o-dii.n
is KHitta-e-naira.ng me.n
har ik fazaa husn-aafrii.n
har shai me.n husn-e-zindagii
dilkash makaa.n dilkash zamii.n
har mard mard-e-KHuub-ruu
har ek aurat naaznii.n
vo taaj kii KHush-paikarii
har zaaviye se dil-nashii.n
san.at-garo.n ke daur kii
ik yaadgaar-e-marmarii.n
hotii hai jo har shaam ko
faiz-e-shafaq se ahmarii.n
dariyaa kii maujo.n se alag
yaa ik bat-e-nazzaara-bii.n
yaa taa.er-e-nuurii ko.ii
parvaaz karne ke qarii.n
yaa ahl-e-duniyaa se alag
ik aabid-e-uzlat-guzii.n
naqsh-e-ajantaa kii qasam
jachtaa nahii.n arzha.ng-e-chii۔n
shaan-e-ellora dekh kar
jhuktii hai aazar kii jabii.n
chittau.D ho yaa aagara
aise nahii.n qil.e kahii.n
but-gar ho yaa naqqaash ho
tuu sab kii azmat kaa amii.n
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
dilkash tire dasht o chaman
ra.ngii.n tire shahr o chaman
tere javaa.n raa.anaa javaa.n
tere hasii.n gul pairahan
ik anjuman duniyaa hai ye
tuu is me.n sadr-e-anjuman
tere muGannii KHush-navaa
shaa.er tire shiirii.n-suKHan
har zarra ik maah-e-mubii.n
har KHaar rashk-e-nastarii.n
Guncha tire sahraa kaa hai
ik naafa-e-mushk-e-KHutan
ka.nkar hai.n tere be-bahaa
patthar tire laal-e-yaman
bastii se jangal KHuub-tar
baaGo.n se husn afroz ban
vo mor vo kabk-e-darii
vo chauk.Dii bharte hiran
ra.ngii.n-adaa vo titliyaa.n
baa.nbnii me.n vo naago.n ke phan
vo sher jin ke naam se
larze me.n aa.e ahrman
kheto.n kii barkat se ayaa.n
faizaan-e-rabb-e-zul-minan
chashmo.n ke shiirii.n aab se
lazzat-kashaa.n kaam-o-dahan
taabinda teraa ahd-e-nau
raushan tiraa ahd-e-kuhan
kitno.n ne tujh par kar diyaa
qurbaan apnaa maal dhan
kitne shahiido.n ko mile
tere liye daar-o-rasan
kitno.n ko teraa ishq thaa
kitno.n ko thii terii lagan
tere jafaa-kash mehnatii
rakhte hai.n azm-e-kohkan
tere sipaahii suurmaa
be-misl yaktaa-e-zaman
'bhisham' saa jin me.n hausla
'arjun' saa jin me.n baa.nkpan
aalim jo faKHr-e-ilm hai.n
fankaar naazaa.n jin pe fan
'raa.e' o 'bos' o 'shergil'
'dinkar,' 'jigar' 'maithli-sharan'
'vallathol' 'maahir', bhaartii
'bachchan', 'mahaadevii' 'suman'
'krishnan', 'niraalaa', 'prem-chand'
'tagore' o 'aazaad' o 'raman'
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
khetii tirii har ik harii
dilkash tirii KHush-manzarii
terii bisaat-e-KHaak ke
zarre hai.n mahr-o-mushtarii
jhelum kaveri naag vo
ga.ngaa kii vo ga.ngotarii
vo narbadaa kii tamkanat
vo shaukat-e-godaavarii
paakiizgii sarjuu kii vo
jamunaa kii vo KHush-gauharii
dullarba aab-e-niil-guu.n
kashmiir kii niilam-parii
dilkash papiihe kii sadaa
koyal kii taane.n mad-bharii
tiitar kaa vo haq sirrahu
tuutii kaa vo vird-e-harii
suufii tire har daur me.n
karte rahe paiGambarii
'chishtii' o 'nanak' se milii
faqr-o-Ginaa ko bartarii
adl-e-jahaa.ngiirii me.n thii
muzmar re.aayaa-parvarii
vo nau-ratan jin se hu.ii
tahziib-e-daur-e-akbarii
rakhte the afGaan-o-muGal
ik saulat-e-askandarii
raanaa.on ke iqbaal kii
hotii hai kis se ham-sarii
saava.nt vo yodhdhaa tire
tere jiyaale vo jarii
niiatii vidur kii aaj tak
kartii hai terii rahbarii
ab tak hai mash.huur-e-zamaa.n
'chanakya' kii daanish-varii
vayaas aur vishvamitr se
muniyo.n kii shaan-e-qaisarii
paatanjalii o saa.nkh se
rishiyo.n kii hikmat-parvarii
baKHshe tujhe in.aam-e-nau
har daur charKH-e-chambarii
KHush-gauharii de aab ko
aur KHaak ko KHush-jauharii
zarro.n ko mahr-afshaaniyaa.n
qatro.n ko dariyaa-gustarii
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
tuu rahbar-e-nau-e-bashar
tuu amn kaa paiGaam-bar
paale hai.n tuu ne god me.n
saahib-KHirad saahib-e-nazar
afzal-tarii.n in sab me.n hai
baapuu kaa naam-e-mo'tabar
har lafz jis kaa dil-nashii.n
har baat jis kii pur-asar
jis ne lagaayaa dahr me.n
na.ara ye be-KHauf-o-KHatar
be-kaar hai.n tiir-o-sinaa.n
be-suud hai.n teG-o-tabar
hinsaa kaa rasta jhuuT hai
haq hai ahinsaa kii Dagar
darmaa.n hai ye har dard kaa
ye har maraz kaa chaara-gar
ja.ngaah-e-aalam me.n ko.ii
is se nahii.n behtar sipar
kartaa huu.n mai.n tere liye
ab ye du.aa-e-muKHtasar
raunaq pe ho.n tere chaman
sarsabz ho.n tere shajar
naKHl-e-umiid-e-behtarii
har fasl me.n ho baarvar
koshish ho duniyaa me.n ko.ii
KHitta na ho zer-o-zabar
teraa har ik baasii rahe
neko-sifat neko-siyar
har zan saliiqa-ma.nd ho
har mard ho saahib-hunar
jab tak hai.n ye arz o falak
jab tak hai.n ye shams o qamar
mere vatan, pyaare vatan
raahat ke gahvaare vatan
har dil ke ujyaare vatan
har aa.nkh ke taare vatan

Arsh Malsiyani
Nazm

pyara hindostan

parbat kitnaa jam ke a.De hai.n
kaise kaise bhiim kha.De hai.n
jharne gir gir paa.nv pa.De hai.n

Nazeer Banarasi
Nazm

zindagi

tiir-e-iflaas se kitno.n ke kaleje hai.n figaar
kitne siino.n me.n hai ghuTtii hu.ii aaho.n kaa Gubaar
kitne chehre nazar aate hai.n tabassum kaa mazaar

Jan Nisar Akhtar
Nazm

aur bhi gham hain zamane mein

tujh ko ma.aluum hai kuchh ai mirii KHushiyo.n kii rafiiq
Gam-e-dauraa.n mirii tanhaa.ii se kyaa kahtaa hai
jin hasii.n lamho.n se ham bunte hai.n KHushiyaa.n apnii
in me.n kitno.n kii tamannaa.o.n kaa KHuu.n bahtaa hai

Ali Minai
Nazm

salgirah

kaun gustaaKH hai kyaa naam hai kyuu.n aayaa hai
pahre vaalo use KHanjar kii anii se roko
apnii banduuqo.n kii naalii se Daraa.o us ko
aur us par jo na maane use topo.n kii salaamii de do
jashn kaa din hai mirii saalgirah kaa din hai
aaj mahlo.n me.n jale.nge mah-o-anjum ke charaaG
aaj bujhte hu.e chehro.n kii zaruurat kyaa hai
aaj maayuus nigaaho.n kii zaruurat kyaa hai
kaun bebaak hai ba.Dhtaa hii chalaa aataa hai
pahre vaalo use KHanjar kii anii se roko
aadmii hai ki miraa vahm hai aaseb hai ye
us ke chehre pe to zaKHmo.n ke nishaa.n tak bhii nahii.n
goliyaa.n us ke siyah siine se Takraa ke chalii aatii hai.n
us ke ho.nTo.n pe tabassum hai ki mu.nh khole hu.e
azhdahaa taKHt nigalne ko chalaa aataa hai
maut kis bhes me.n aa.ii hai mujhe lene ko
aaj kyuu.n aa.ii hai kyuu.n aa.ii hai kyuu.n aa.ii hai
mai.n tujhe gauhar-o-almaas diye detaa huu.n
tere ThiThure hu.e haatho.n ko haraarat duu.ngaa
jashn kaa din hai mirii saalgirah kaa din hai
kaun ho kaun ho tum
ai Gariibo.n ke KHudaavand amiiro.n ke rafiiq
mai.n samajhtaa thaa mujhe aap na pahchaane.nge
mai.n ne a.ngrez kii jailo.n me.n javaanii kaaTii
mai.n ne ThiThure hu.e haatho.n se jalaa.e hai.n diye
jin kii lau aaj bhii tuufaano.n se Takraatii hai
jin ko a.ngrez kii phuu.nko.n ne bujhaanaa chaahaa
aur KHud un kii zabaa.n jal ke siyah-faam hu.ii
vo diye aaj bhii bar-lauu.n kii chiiKHo.n se la.De jaate hai.n
aap ko yaad na hogaa shaayad
kaun ho kaun ho tum
mai.n ne taariiKH kii lahro.n me.n ravaanii de dii
mai.n ne buu.Dho.n kii rag-o-pai me.n javaanii de dii
mai.n ne jhukte hu.e shaano.n ko tavaanaa.ii dii
kaar-KHaane mirii aavaaz se bedaar hu.e
aur ik merii hii aavaaz nahii.n guu.njii thii
saik.Do.n vaqt se haare hu.e insaan uThe
kuhra-e-vaqt pe chhaane ke liye
kaun ho kaun ho tum
auraaq me.n hii nahii.n aayaa huu.n
saik.Do.n vaqt ke maare hu.e insaan bhii hai.n
saik.Do.n vaqt pe chhaa.e hu.e insaan bhii hai.n
kaun ho kaun ho tum
aaj bhii ketiyo.n me.n bhuuk ugaa kartii hai
kaar-KHaano.n me.n dhu.e.n ke baadal
tauq aur aahanii zanjiiro.n me.n Dhal jaate hai.n
kaun ho kaun ho tum
aap insaan kii azmat pe yaqii.n rakhte hai.n
aap ke hukm ne kitno.n kii zabaane.n sii dii.n
aap kii mumlikat adl me.n kitne biimaar
qaid-e-tanhaa.ii me.n dam to.D chuke
kaun ho kaun ho tum
aap kii be.Diyaa.n afraad ko paaband banaa saktii hai.n
aap kii be.Diyaa.n insaan ko paaband nahii.n kar saktii.n
kal yahii sham.a jo siine me.n farozaa.n hai aaj
aap ke saare tilismaat jalaa Daalegii
kal unhii.n kheto.n me.n uj.De hu.e khaliyaano.n me.n
saal-haa-saal kii paamaal zamii.n
apne siine ke KHazaano.n ko luTaatii hogii
kaar-KHaane bhii siyahkaar KHudaa.o.n se rihaa.ii paa kar
laakho.n insaano.n kii taskiin kaa saamaa.n ho.nge
ik na.e ahd na.ii ziist kaa unvaa.n ho.nge
aur phir vaqt kaa bebaak mo.arriKH aa kar
surKH parcham ko salaamii degaa
kaun ho kaun ho tum
bhaardvaaj

Akhtar Payami
Nazm

ziyarat

kuchh aaise bhii ki jin ko zinda rakhnaa chaahaa mai.n ne apnii palko.n par
magar KHud ko jinho.n ne merii nazro.n se giraa kar KHud-kushii kar lii
bachaa paayaa na mai.n kitno.n ko saarii koshisho.n par bhii
rahe biimaar muddat tak mire baatin ke bistar par
bil-aaKHir faut ho baiThe

Abdul Ahad Saaz
Nazm

siyasi maslahat

zindagii me.n mil ga.e kitno.n ko sarkaarii KHitaab
muft me.n in ko KHariidaa muft me.n bechaa gayaa

Ghaus Khah makhah Hyderabadi
Nazm

is waqt ghazal ki baat na kar

santaan ha.nse to kaise ha.nse
is vaqt hai maataa KHatre me.n
sansaar ke parbat kaa raaja
hai apnaa himaala KHatre me.n
hai saamnaa kitne KHatro.n kaa
hai desh kii siimaa KHatre me.n
ai dost vatan se ghaat na kar
is vaqt Gazal kii baat na kar

Nazeer Banarasi
Nazm

chhoTe baDe

chhoTaa saa ek biij agar hai to kyaa hu.aa
kitnaa ba.Daa daraKHt hai is me.n chhupaa hu.aa
dhartii me.n Daal detaa hai jab vaqt par kisaan
phir dekhne kii hotii hai is biij kii uThaan
sansaar jii rahaa hai isii kaam-kaaj se
kitno.n ke peT bharte hai.n is ke anaaj se
chhoTe se til me.n aa.nkh ke itnii ba.Daa.ii hai
dariyaa ho.n yaa pahaa.D ho.n sab kii samaa.ii hai
phuulo.n kaa aur chaa.nd sitaaro.n kaa rang ruup
do aa.nkhe.n dekhtii hai.n hazaaro.n kaa rang ruup
phailaa hai saare ghar me.n ujaalaa charaaG ek
gun kitne hai.n dimaaG me.n aur hai dimaaG ek
mil-jul ke ek paanii kaa dariyaa bahaatii hai.n
buu.nde.n hai.n chhoTii chhoTii jo saagar banaatii hai.n
ye mez par tumhaarii jo chhoTii sii hai kitaab
chhoTii sii is kitaab me.n laakho.n kaa hai hisaab
chhoTaa saa dil hai is me.n umange.n ba.Dii ba.Dii
dil aur ba.Dh gayaa ko.ii mushkil jo aa pa.Dii
chhoTii sii umr me.n jo iraade rahe ka.De
duniyaa me.n tum bhii kaam karoge ba.De ba.De

Najm Aafandi
Nazm

raziya-sultana korangi, ke area

aur phir ek itvaar ko
us ke dono.n ba.De bhaa.iyo.n bhabiyo.n ne
hisaab aur chuulhe alag jab kiye
us ne ammaa.n ko KHud-e'timaadii se dekhaa
ki ab us ke apne dupaTTe qamiis aur shalvaar chappal ke jo.De
namak mirch aaluu maTar pyaaz lahsan chuqandar TamaaTar
podiina, ka.Dhii paat ziira, masaale,
chune muu.ng maash aur masur, saarii daale.n
mahiine me.n do baar qiima yaa murGii kaa saalan
chhaTii class me.n pa.Dhne vaale Gabii chhoTe bhaa.ii kii Tuition
kitaabo.n kaa KHarcha
ye sab us akelii kii hai zimmedaarii

Harris Khalique
Nazm

naya KHun

chaaraagar aa.e bahut ko.ii masiihaa na hu.aa
siina-e-arz ke zaKHmo.n kaa mudaavaa na hu.aa
karbalaa aaj bhii barpaa hai ba-andaaz-e-digar
dasht me.n raqs-e-shahiidaa.n kaa tamaasha na hu.aa
band hai aaj bhii kitno.n ke liye nahr-e-furaat
ma.arka ko.ii ba-zaahir lab-e-dariyaa na hu.aa
zainabe.n apne gharo.n me.n hai.n ridaa se mahruum
dasht-o-kohsaar me.n KHema kahii.n barpaa na hu.aa
raat piitii hii rahii chaa.nd-sitaaro.n kaa lahuu
vaqt kii tiira fazaa.o.n me.n ujaalaa na hu.aa
kaun saa vaqt hai phir ruuh kii bedaarii kaa
zaKHm-e-ehsaas agar aaj bhii taazaa na hu.aa

Qaisarul Jafri
Nazm

shikwa

mai.n huu.n tasviir-e-vafaa mujh se gurezaa.n kyo.n hai
ishq kii lauh pe kyaa mai.n huu.n ko.ii harf-e-Galat
tuu ne kitno.n ko navaazaa hai karam se apne
mai.n to rahtii huu.n yahaa.n suurat-e-aGyaar faqat

Sadiqa Fatimi
Nazm

husn-e-jaanan

tuu ki shahkaar-e-sannaa'-e-har-avvalii.n
tuu bayaa.n me.n nahii.n dastaras me.n nahii.n
husn kaafir tiraa aa.nkh tauba-shikan
daav par lag ga.e jaan-o-iimaan bhii
tuu daliil-e-sahar sham'-e-bahr-o-bar
raah-e-iimaan bhii rang-e-vijdaan bhii
terii aa.nkho.n me.n dair-o-haram qaid hai
jaam-e-gulfaam kyaa jaam-e-jam qaid hai
gaahe rang-e-Gilaaf-e-haram ho ga.ii.n
gaahe rang-e-hinaa dam-ba-dam ho ga.ii.n
gaahe kitno.n ko bhaTkaa diyaa raah se
gaahe ye manzilo.n kaa 'alam ho ga.ii.n
terii palke.n jhukii.n chaa.nd Dhalne lage
shaam hone lagii zaKHm jalne lage
saahira phir tiraa sehr hone lagaa
log girne lage hosh u.Dne lage
teraa ruKHsaar hai chaa.ndnii kii hayaa
duudh me.n jaise sinduur ghulne lagaa
tere ruKHsaar rang-e-shafaq ho ga.e
yaa'nii ye shaa'irii ke ufuq ho ga.e
kis ko tashbiih duu.n isti'aara karuu.n
lab ko lab ke liye hii gavaaraa karuu.n
ho.nT kyaa aayate.n hai.n ye qur.aan kii
jaan hai.n jaan-e-jaa.n ye tirii jaan kii
un se chhuu le.n to alfaaz KHushbuu bane.n
qahqahe nuur ban jaa.e.n jaaduu bane.n
shabnamii pankhu.Dii pankhu.Dii hai.n faqat
aur kyaa mai.n kahuu.n zindagii hai.n faqat
sochtaa huu.n to kuchh sochaa jaataa nahii.n
husn teraa to ab dekhaa jaataa nahii.n
yaa'nii 'jaaved-aKHtar’ ne sach hii kahaa
husn-e-jaanaa.n kii taa'riif mumkin nahii.n
husn-e-jaanaa.n kii taa'riif mumkin nahii.n

Noman Badr
Nazm

na-malum ka zarar

mai.n nahii.n jaantii
ki mujhe kyaa hu.aa hai
mujhe aisaa kuchh bhii
mere baare bataane se man.a kiyaa gayaa hai
shaayad
magar mai.n takliif me.n huu.n
ek anjaanii takliif
naa-chaahe jaane kii takliif
mai.n kisii kii zindagii kaa mehvar-o-markaz nahii.n kyuu.n
shaayad ye kyuu.n aur is se pahle kaa jumla faqat meraa vahm ho
yahii soch kar KHud ko tasallii denaa bhii
kis qadar achchhaa lagtaa hai
mere baa'd kitne log
merii maut kaa yaqiin na kar paa.e.nge
mere hote hu.e kitno.n ko mere zinda hone kaa yaqiin hai
kyaa ye yaqiin jhuuTaa nahii.n
kyaa har yaqiin jhuuTaa nahii.n
nahii.n sab sach hai
kabuutar kii tarah aa.nkhe.n muu.nd lene se kyaa hogaa
udaasii aur us kaa karb jaan levaa hai
zindagii har roz mujhe zaliil karne par tulii hai
sisaknaa bilaknaa aur qahqahe lagaanaa meraa vatiira ban gayaa hai
ko.ii hai jo mujhe KHvaabo.n se bedaar na kare
ko.ii hai
ko.ii nahii.n
mai.n KHud bhii nahii.n
tumhe.n pataa hai tumhaarii aa.nkhe.n
mere chehre par burii lagtii hai.n
par mai.n unhe.n lagaa.e ghuumtii huu.n
bhaddii lagne ke baavajuud
sirf is liye ki
tumhe.n mujh se shikaayat na ho
ye kaisaa zindaa.n hai jahaa.n aazaadii hii aazaadii hai aur ko.ii rok Tok nahii.n
sivaa.e sochne ke
kisii shai par paabandii nahii.n

Sidra Afzal
Nazm

dimagh le lo

dimaaG le lo dimaaG le lo
ba.Dii hii mehnat se parvarish kii hai saalahaa saal lag chuke hai.n
dimaaG ko ilm-o-fan diyaa aur
zehn ko paakiizgii ataa kii
samajhnaa aur sochnaa sikhaayaa
shu.uur baKHshaa dimaaG ko aagahii ataa kii
hisaab jaane kitaab jaane
pa.Dhaa likhaa hai
dimaaG ke paas tajraba hai
dimaaG le lo
suno suno aap ke ye uljhe hu.e masaa.il ko hal karegaa
miraa ye da.avaa hai aap kii zindagii nihaayat sahal karegaa
zaraa zaraa kar ke sub.h se shaam tak mai.n kitno.n ko bech aayaa dimaaG apnaa
miraa pasiina thaa jis kaa ii.ndhan vo sho.ala sho.ala charaaG apnaa
ye raat kaa kaun saa pahar hai
mai.n raasta bhuulne lagaa huu.n
ye saal kaa aaKHirii hai mausam
mai.n ThanD se kapkapaa rahaa huu.n

Zeeshaan sajid
Nazm

kiya kya ai sada tu ne bata aa kar zamane mein

gila kartaa rahaa tuu kaatib-e-taqdiir se naahaq
milaa hai jo tujhe kitno.n ko miltaa hai zamaane me.n

Sada Ambalvi
Nazm

race ka ghoDa

jaane kitno.n ne mujh par vishvaas kiyaa aur daav lagaa.e
baazii jiite
jashn manaa.e
kitne jockey merii piiTh pe baiTh ke
mujh ko e.D lagaa ke
tez bhagaa ke
avval aa.e
meDal jiite tamGe paa.e

Dr. Abdullah
Nazm

ramz

tum jab aa.ogii to khoyaa hu.aa paa.ogii mujhe
merii tanhaa.ii me.n KHvaabo.n ke sivaa kuchh bhii nahii.n
mere kamre ko sajaane kii tamannaa hai tumhe.n
mere kamre me.n kitaabo.n ke sivaa kuchh bhii nahii.n

Jaun Eliya
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now