کی تلاش کا نتیجه | موضو - نظم, صفحہ matvaale

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "matvaale"

نظم کے متعلقہ نتیجہ "matvaale"

نظم

اے دل اے بندۂ وطن ہوشیار
خواب غفلت سے ہو ذرا بیدار
او شراب خودی کے متوالے
گھر کی چوکھٹ کے چومنے والے
نام ہے کیا اسی کا حب وطن
جس کی تجھ کو لگی ہوئی ہے لگن
کبھی بچوں کا دھیان آتا ہے
کبھی یاروں کا غم ستاتا ہے
یاد آتا ہے اپنا شہر کبھی
لو کبھی اہل شہر کی ہے لگی
نقش ہیں دل پہ کوچہ و بازار
پھرتے آنکھوں میں ہیں در و دیوار
کیا وطن کیا یہی محبت ہے
یہ بھی الفت میں کوئی الفت ہے
اس میں انساں سے کم نہیں ہیں درند
اس سے خالی نہیں چرند و پرند
ٹکڑے ہوتے ہیں سنگ غربت میں
سوکھ جاتے ہیں روکھ فرقت میں
جا کے کابل میں آم کا پودا
کبھی پروان چڑھ نہیں سکتا
آ کے کابل سے یاں بہی و انار
ہو نہیں سکتے بارور زنہار
مچھلی جب چھوٹتی ہے پانی سے
ہاتھ دھوتی ہے زندگانی سے
آگ سے جب ہوا سمندر دور
اس کو جینے کا پھر نہیں مقدور
گھوڑے جب کھیت سے بچھڑتے ہیں
جان کے لالے ان کے پڑتے ہیں
گائے، بھینس اونٹ ہو یا بکری
اپنے اپنے ٹھکانے خوش ہیں سبھی
کہیے حب وطن اسی کو اگر
ہم سے حیواں نہیں ہیں کچھ کم تر
ہے کوئی اپنی قوم کا ہمدرد
نوع انساں کا سمجھیں جس کو فرد
جس پہ اطلاق آدمی ہو صحیح
جس کو حیواں پہ دے سکیں ترجیح
قوم پر کوئی زد نہ دیکھ سکے
قوم کا حال بد نہ دیکھ سکے
قوم سے جان تک عزیز نہ ہو
قوم سے بڑھ کے کوئی چیز نہ ہو
سمجھے ان کی خوشی کو راحت جاں
واں جو نو روز ہو تو عید ہو یاں
رنج کو ان کے سمجھے مایۂ غم
واں اگر سوگ ہو تو یاں ماتم
بھول جائے سب اپنی قدر جلیل
دیکھ کر بھائیوں کو خوار و ذلیل
جب پڑے ان پہ گردش افلاک
اپنی آسائشوں پہ ڈال دے خاک

الطاف حسین حالی

نظم

جب ماہ اگھن کا ڈھلتا ہو تب دیکھ بہاریں جاڑے کی
اور ہنس ہنس پوس سنبھلتا ہو تب دیکھ بہاریں جاڑے کی
دن جلدی جلدی چلتا ہو تب دیکھ بہاریں جاڑے کی
اور پالا برف پگھلتا ہو تب دیکھ بہاریں جاڑے کی
چلا غم ٹھونک اچھلتا ہو تب دیکھ بہاریں جاڑے کی
تن ٹھوکر مار پچھاڑا ہو اور دل سے ہوتی ہو کشتی سی
تھر تھر کا زور اکھاڑا ہو بجتی ہو سب کی بتیسی
ہو شور پھپو ہو ہو کا اور دھوم ہو سی سی سی سی کی
کلے پہ کلا لگ لگ کر چلتی ہو منہ میں چکی سی
ہر دانت چنے سے دلتا ہو تب دیکھ بہاریں جاڑے کی
ہر ایک مکاں میں سردی نے آ باندھ دیا ہو یہ چکر
جو ہر دم کپ کپ ہوتی ہو ہر آن کڑاکڑ اور تھر تھر
پیٹھی ہو سردی رگ رگ میں اور برف پگھلتا ہو پتھر
جھڑ باندھ مہاوٹ پڑتی ہو اور تس پر لہریں لے لے کر
سناٹا باؤ کا چلتا ہو تب دیکھ بہاریں جاڑے کی
ہر چار طرف سے سردی ہو اور صحن کھلا ہو کوٹھے کا
اور تن میں نیمہ شبنم کا ہو جس میں خس کا عطر لگا
چھڑکاؤ ہوا ہو پانی کا اور خوب پلنگ بھی ہو بھیگا
ہاتھوں میں پیالہ شربت کا ہو آگے اک فراش کھڑا
فراش بھی پنکھا جھلتا ہو تب دیکھ بہاریں جاڑے کی
جب ایسی سردی ہو اے دل تب روز مزے کی گھاتیں ہوں
کچھ نرم بچھونے مخمل کے کچھ عیش کی لمبی راتیں ہوں
محبوب گلے سے لپٹا ہو اور کہنی، چٹکی، لاتیں ہوں
کچھ بوسے ملتے جاتے ہوں کچھ میٹھی میٹھی باتیں ہوں
دل عیش وطرب میں پلتا ہو تب دیکھ بہاریں جاڑے کی
ہو فرش بچھا غالیچوں کا اور پردے چھوٹے ہوں آ کر
اک گرم انگیٹھی جلتی ہو اور شمع ہو روشن اور تس پر
وہ دلبر، شوخ، پری، چنچل، ہے دھوم مچی جس کی گھر گھر
ریشم کی نرم نہالی پر سو ناز و ادا سے ہنس ہنس کر
پہلو کے بیچ مچلتا ہو تب دیکھ بہاریں جاڑے کی
ترکیب بنی ہو مجلس کی اور کافر ناچنے والے ہوں
منہ ان کے چاند کے ٹکڑے ہوں تن ان کے روئی کے گالے ہوں
پوشاکیں نازک رنگوں کی اور اوڑھے شال دو شالے ہوں
کچھ ناچ اور رنگ کی دھومیں ہوں عیش میں ہم متوالے ہوں
پیالے پر پیالہ چلتا ہو تب دیکھ بہاریں جاڑے کی
ہر ایک مکاں ہو خلوت کا اور عیش کی سب تیاری ہو
وہ جان کہ جس سے جی غش ہو سو ناز سے آ جھنکاری ہو
دل دیکھ نظیرؔ اس کی چھب کو ہر آن ادا پر واری ہو
سب عیش مہیا ہو آ کر جس جس ارمان کی باری ہو
جب سب ارمان نکلتا ہو تب دیکھ بہاریں جاڑے کی

نظیر اکبرآبادی

نظم

اپنی سوئی ہوئی دنیا کو جگا لوں تو چلوں
اپنے غم خانے میں اک دھوم مچا لوں تو چلوں
اور اک جام مئے تلخ چڑھا لوں تو چلوں
ابھی چلتا ہوں ذرا خود کو سنبھالوں تو چلوں
جانے کب پی تھی ابھی تک ہے مئے غم کا خمار
دھندلا دھندلا نظر آتا ہے جہان بیدار
آندھیاں چلتی ہیں، دنیا ہوئی جاتی ہے غبار
آنکھ تو مل لوں ذرا ہوش میں آ لوں تو چلوں
وہ مرا سحر وہ اعجاز کہاں ہے لانا
میری کھوئی ہوئی آواز کہاں ہے لانا
مرا ٹوٹا ہوا وہ ساز کہاں ہے لانا
اک ذرا گیت بھی اس ساز پہ گا لوں تو چلوں
میں تھکا ہارا تھا، اتنے میں جو آئے بادل
کسی متوالے نے چپکے سے بڑھا دی بوتل
اف وہ رنگین پر اسرار خیالوں کے محل
ایسے دو چار محل اور بنا لوں تو چلوں
مجھ سے کچھ کہنے کو آئی ہے مرے دل کی جلن
کیا کیا میں نے زمانے میں نہیں جس کا چلن
آنسوؤ تم نے تو بے کار بھگویا دامن
اپنے بھیگے ہوئے دامن کو سکھا لوں تو چلوں
میری آنکھوں میں ابھی تک ہے محبت کا غرور
میرے ہونٹوں کو ابھی تک ہے صداقت کا غرور
میرے ماتھے پہ ابھی تک ہے شرافت کا غرور
ایسے وہموں سے ذرا خود کو نکالوں تو چلوں

معین احسن جذبی

نظم

کچھ آزادی کے متوالے، جاں کف پہ لیے میداں میں گئے
ہر سو دشمن کا نرغہ تھا، کچھ بچ نکلے، کچھ کھیت رہے
عالم میں ان کا شہرہ ہے
شوپیںؔ کا نغمہ بجتا ہے

فیض احمد فیض

نظم

عشق میں اس کی کہاں ہے مہلت
کچھ بھی سوچے سنے دیکھے بھالے
کیا بھلا سمجھیں وہ اس کی حالت
اس کی مے سے جو نہ ہوں متوالے

عظیم الدین احمد

نظم

ہندو مسلم گورے کالے
پریم کی دارو کے متوالے

آرزو لکھنوی

نظم

زنداں میں شہیدوں کا وہ سردار آیا
شیدائے وطن پیکر ایثار آیا
ہے دار و رسن کی سرفرازی کا دن
سردار بھگت سنگھ سردار آیا
تا دار و رسن شوق سے اٹھلا کے گیا
تو شان شہادت اپنی دکھلا کے گیا
ٹکڑے ہوتا ہے دل ترے ماتم میں
لاشے کا انگ انگ کٹوا کے گیا
پی کر مئے شوق جھومنا وہ تیرا
بے پروایانہ گھومنا وہ تیرا
ہے نقش ترے اہل وطن کے دل پر
پھانسی کی رسن کو چومنا وہ تیرا
جام حب وطن کے اے متوالے
اے پیکر ناموس حمیت والے
ہو عالم ارواح میں شاداں کہ نہیں
اب تیرے وطن میں وہ حکومت والے

تلوک چند محروم

نظم

آئی دوالی آئی دوالی گیت خوشی کے گاؤ
اندھیارے کو دور کرو تم گھر گھر دیپ جلاؤ
سیتا رام کی راہوں کو اب پھولوں سے مہکاؤ
چودہ برس میں لوٹے گھر کو لچھمن سیتا رام
آج ہر اک نر ناری کے لب پر ہے انہیں کا نام
بازاروں میں لگا ہوا ہے دیوالی کا میلہ
کوئی خریدے برتن بھانڈے کوئی شال دوشالا
کوئی خریدے آتش بازی کوئی گلوں کی مالا
چودہ برس میں لوٹے گھر کو لچھمن سیتا رام
آج ہر اک نر ناری کے لب پر ہے انہیں کا نام
دلہن کی مانند سجے ہیں مندر اور شوالے
پوجا کا سامان سجائے آئے ہیں متوالے
دیا دھرم کا دان کریں گے آج یہاں دل والے
چودہ برس میں لوٹے گھر کو لچھمن سیتا رام
آج ہر اک نر ناری کے لب پر ہے انہیں کا نام
ہر مذہب ہر دھرم کے بندے گلے ملن کو آئیں
ذات پات کے مت بھیدوں کو دل سے آج مٹائیں
ایک ہیں سارے بھارت واسی دنیا کو دکھلائیں
چودہ برس میں لوٹے گھر کو لچھمن سیتا رام
آج ہر اک نر ناری کے لب پر ہے انہیں کا نام

مسعودہ حیات

نظم

لو گھنٹہ بجا انٹرول کا
اب وقت آیا ہے ہلچل کا
اب جو چاہے وہ شور کرے
اب ہر لڑکا خود ٹیچر ہے
جس چیز کو پایا توڑ دیا
ہاتھوں میں سب کے سنیچر ہے
گو آج کا دن ہے منگل کا
لو گھنٹہ بجا انٹرول کا
دیکھو اک چھوٹے بچے سے
وہ چھین رہا ہے لنچ کوئی
کرسی کو پٹخ کر کرسی پر
وہ پھینک رہا ہے بنچ کوئی
اسکول بنا گھر پاگل کا
لو گھنٹہ بجا انٹرول کا
کچھ اپنی صحت پر نازاں
گاما کی طرح سے اکڑتے ہیں
کچھ تال ٹھونک کر میداں میں
رستم کی طرح سے لڑتے ہیں
ہر سمت ہے منظر دنگل کا
لو گھنٹہ بجا انٹرول کا
کچھ موسیقی کے متوالے
کچھ فلمی گانے گاتے ہیں
کچھ میر کے شعروں کے رسیا
کچھ قومی ترانے گاتے ہیں
کچھ قصہ آلھا اودل کا
لو گھنٹہ بجا انٹرول کا
کچھ چاٹ کی دوکانوں میں کھڑے
پتوں میں کچالو کھاتے ہیں
کچھ گرم پکوڑی کے طالب
کچھ تازہ آلو کھاتے ہیں
کچھ پاپڑ کھاتے ہیں کل کا
لو گھنٹہ بجا انٹرول کا
کچھ دولت مندوں کے لڑکے
کھاتے ہیں اپنی بریانی
کچھ بھوکے مفلس بچوں کے
منہ میں بھر آتا ہے پانی
ہے شوق کسی کو چاول کا
لو گھنٹہ بجا انٹرول کا
اس نیم کے نیچے میداں میں
موسم ہے جہاں ٹھنڈا ٹھنڈا
اک گروہ کھلاڑی لڑکوں کا
ہے کھیل رہا گلی ڈنڈا
یہ لطف ہے بس پل دو پل کا
لو گھنٹہ بجا انٹرول کا

کیف احمد صدیقی

نظم

جھگیوں پر ٹاٹ کے پردے پڑے تھے
فٹ پاتھ پر قطار پہ قطار ڈھانچے پڑے تھے
کالے پیلے آسیب زدہ چہرے کھڑے تھے
پھٹے پرانے جسم پر لتے پڑے تھے
دھول سے ان کے چہرے اٹے پڑے تھے
ہاتھ خالی
پیٹ خالی
روٹیوں کے لالے پڑے تھے
میرے ملک کے یہ بچے متوالے بڑے تھے
بھارت ماں کی جے کے نعرے لگے تھے
کہ یہ بچے
جشن آزادی منا رہے تھے

نگار عظیم

نظم

کلیوں کا ارمان ہیں ہم سب
غنچوں کی مسکان ہیں ہم سب
ہم نے گلوں کو خوشبو دی ہے
گلزاروں کی جان ہیں ہم سب
چاند کی دنیا سے بھی آگے
اک دن اڑ کر ہم جائیں گے
سینے پر اب نیل گگن کے
پرچم اپنا لہرائیں گے
مسجد مندر گرجا والے
دھرم کی دیوی کے رکھوالے
نفرت اپنی حد تک رکھیں
ہم ہیں الفت کے متوالے
دھرتی کے ہم چاند ستارے
کندن اور پکھراج کے ٹکڑے
سورج بننے والے ذرے
دنیا بھر کے سارے بچے
سنگم گنگا جمنا کا ہیں
رام محمد ڈیسوزا ہیں

بزمی بھارتی

نظم

دھوبی نائی شیخ وڈیرے کرسی کے متوالے دیکھے
اشرافوں کی بات نہ پوچھو سب کے منہ پر تالے دیکھے

ابوالفطرت میر زیدی

نظم

ایکتا میں طاقت ہے
ایکتا محبت ہے
اتحاد و یکجہتی
وقت کی ضرورت ہے
اتحاد کی طاقت
فرق سب مٹاتی ہے
نفرتوں کی دیواریں
راہ سے ہٹاتی ہے
چیتنا کی چنگاری
نور کی کرن بن کر
تیرگی مٹاتی ہے
روشنی اگاتی ہے
انقلاب کے سورج
جگمگانے لگتے ہیں
زندگی کے متوالے
گنگنانے لگتے ہیں
امن کے ترانوں کو
مل کے گانے لگتے ہیں
اترے اترے سے چہرے
مسکرانے لگتے ہیں

وقار صدیقی

نظم

ہم ہیں بھارت کے سنتان
ہندو ہوں یا مسلمان
سکھ ہوں چاہے ہوں عیسائی
آپس میں ہیں بھائی بھائی
بھارت پیارا دیش ہمارا
ہم سب کی آنکھوں کا تارا
اس کی گود میں گنگا جمنا
جو ساکار کریں سب سپنا
گاندھی نہرو اور آزاد
دیتے تھے یہ آشرواد
بچے پھولیں پھلیں ہمارے
نقش قدم پر چلیں ہمارے
ہوں آزادی کے متوالے
بھارت کے ہوں یہ رکھوالے
دشمن سے جب وہ ٹکرائیں
اپنے دیش کی شان بڑھائیں
آؤ مل کر پیار کریں ہم
بھارت کا اپکار کریں ہم

فضل حق عظیم آبادی

نظم

دھن کے متوالے ہیں ہم حرص و ہوس میں چور ہیں
اصل میں اپنی حقیقت ہی سے کوسوں دور ہیں

پریم پال اشک

نظم

بھکر کے بازار کو دیکھا
صحرا میں گلزار کو دیکھا
مجبوروں کے پیٹ کو دیکھا
قائد اعظم گیٹ کو دیکھا
کیا سمجھے کیا جانے دیکھا
سب کو سینہ تانے دیکھا
شلواروں سے عاری دیکھا
تہ بندوں کو جاری دیکھا
کلیوں کو شرماتے دیکھا
کھل کر ڈھولا گاتے دیکھا
ہوٹل والے عرش پہ دیکھے
ہوٹل سارے فرش پہ دیکھے
گاہک اور بیوپاری دیکھے
دبلے دیکھے بھاری دیکھے
صاف اور پھیلے پھیلے دیکھے
کپڑے میلے میلے دیکھے
لڑکے چھیل چھبیلے دیکھے
ہر سو ریت کے ٹیلے دیکھے
ٹوٹے پھوٹے نالے دیکھے
مخلص تانگے والے دیکھے
بستی رستی بستی دیکھی
ملکوں کی بھی ہستی دیکھی
گلی گلی دل افزا دیکھی
تھل والوں کی دنیا دیکھی
مزدوروں کی محفل دیکھی
دور سے کپڑے کی مل دیکھی
بیگم دیکھی باندی دیکھی
دھن والوں کی چاندی دیکھی
دولت عزت والی دیکھی
جیب غریب کی خالی دیکھی
رحم کے طالب بندے دیکھے
زرداروں کے پھندے دیکھے
علم و ادب کے پالے دیکھے
شہرت کے متوالے دیکھے
شاعر شعر سناتے دیکھے
سامع سردی کھاتے دیکھے
دل بڑھتے دل گھٹتے دیکھے
مرغ بٹیرے بٹتے دیکھے
حال میں دونگڑا پڑتے دیکھے
بھوکے شیر کو لڑتے دیکھے
اک تصویر نرالی دیکھی
دانے بھوننے والی دیکھی
شعلہ دیکھا شبنم دیکھی
پھولوں میں خوشبو کم دیکھی
دنیا آنکھیں ملتے دیکھی
وقت کی چکی چلتے دیکھی
ناسوروں کو رستے دیکھا
انسانوں کو پستے دیکھا
کچھ شطرنج کی بازی دیکھی
کچھ مہمان نوازی دیکھی

ابوالفطرت میر زیدی

نظم

نوحے لکھتے لکھتے یہ دل تھک جاتا ہے
بکھرے ہوئے ہیں سب دل والے
ہم متوالے تنہا ہیں
روشنیوں کے بیٹے تاریکی میں آ کر چمکیں
ہم راہوں میں تیار ملیں گے
جو یلغار یہاں بھی ہوگی
ہم اپنے خوں کے فواروں کو عام کریں گے
ایک چراغاں کوچۂ رسوائی میں
اک بالائے بام کریں گے
ان روزوں میں یہ دل تھک کر سو بھی چکے تو
ہم خوش ہوں گے
بادل کے تکیے پہ بہت آرام کریں گے

یحییٰ امجد

نظم

ہے شکستہ دلی پھیلتی رات ہے
اور فرقوں زبانوں کی بہتات ہے
کھوئی رنگ و نسل میں ہر اک ذات ہے
اور انسانیت کو ہوئی مات ہے
اس خرابے میں شمع جلائے ہوئے
سرکشی کے ہیں پرچم اٹھائے ہوئے
حوصلوں سے سروں کو اٹھائے ہوئے
روح ملت سے خود کو جگائے ہوئے
ہر عداوت کو دل سے مٹائے ہوئے
اپنی منزل کا رستہ بنائے ہوئے
عہد نو کے ہیں متوالے آئے ہوئے
لب کی جنبش سے توڑی گئیں بیڑیاں
اور زنداں میں کھولی گئیں کھڑکیاں

حمیرا گل تشنہ

نظم

مگر آہنگ میرا کھو گیا شاید کہاں جانے
کوئی موج ۔۔۔کوئی موج شمال جاوداں جانے
شمال جاوداں کے اپنے ہی قصے تھے جو گزرے
وہ ہو گزرے تو پھر خود میں نے بھی جانا وہ ہو گزرے
شمال جاوداں اپنا شمال جاودان جاں
ہے اب بھی اپنی پونجی اک ملال جاودان جاں

جون ایلیا

نظم

میرے خوابوں کے جھروکوں کو سجانے والی
تیرے خوابوں میں کہیں میرا گزر ہے کہ نہیں
پوچھ کر اپنی نگاہوں سے بتا دے مجھ کو
میری راتوں کے مقدر میں سحر ہے کہ نہیں

ساحر لدھیانوی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے