Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "nuur-e-aariz-e-rashk-e-qamar"

نظم کے متعلقہ نتیجہ "nuur-e-aariz-e-rashk-e-qamar"

نظم

اول
حلقۂ یاراں میں کنعاں رات کے پچھلے پہر
بستیوں سے دور نہروں کے کنارے خیمہ زن
وہ درختوں کی ہواؤں میں ستارے خیمہ زن
بستیوں سے دور صحرا کے نظارے خیمہ زن
حلقۂ یاراں میں کتنے نازنیں نازک کمر
دوم
رقص کے ہنگام کتنے بازوؤں کا پیچ و خم
دیکھنے والوں کی نظروں میں اتر آنے کو ہے
یہ بدن کا لوچ جیسے روح بل کھانے کو ہے
یہ نظر کے سامنے کتنے ہی عالم خواب سے
رقص کے ہنگام ابھر آتے ہیں کتنے شوخ رنگ
اور کتنے تیز ہو جاتے ہیں نظروں کے خدنگ
یہ خیالوں کے گلستاں یہ نگاہوں کے قفس
رقص کے یہ دائرے شعلہ بداماں ہر نفس
سویم
رسم ادا ہونے نہ پائی تھی کہ خیموں کے قریب
شہ نشیں کی سمت دوڑے اس طرح وحشی نقیب
کتنے ارماں کتنے غم اشکوں میں ڈھل کر رہ گئے
عین جشن رسم کے ہنگام کنعاں کا گریز
کتنے منظر عارض و لب کے پگھل کر رہ گئے
کتنے لب حسرت چشیدہ کتنی آنکھیں اشک ریز
جیسے ساغر آئیں ہاتھوں میں مگر ٹوٹے ہوئے
چھیڑیو مت زندگی کے بال و پر ٹوٹے ہوئے
تار ہیں اس ساز کے اے نغمہ گر ٹوٹے ہوئے
چہارم
یہ قبیلوں کے شیوخ پختہ عمر و سخت کوش
وادیٔ دجلہ کے شہری کرد کے خانہ بدوش
لڑ رہے ہیں اپنی اپنی کج کلاہی کے لیے
کون دارو بن کے آئے کم نگاہی کے لیے
گرمئ گفتار سے ممکن نہیں دل کا رفو
گفتگو سے اور بڑھ جاتا ہے جوش گفتگو

قمر جمیل
نظم

ظلمت یاس میں مضطر دل و دیدہ کے لئے
شام گیسو لئے آتی ہے رہی پیغام سحر
بارہا تیری نگاہوں کا فسوں جاگ اٹھا
جھلملاتے ہوئے تاروں میں مری رشک قمر
کیا بتاؤں تری الفت میں مری جان وفا
میں نے ہنس ہنس کے اٹھائے ہیں زمانے کے ستم
آج لیکن مجھے حالات نے مجبور کیا
میں بھٹکتا ہوں پریشان لئے بار الم

نظم

وہ کہتے ہیں کل مرتا ہو تو آج ہی مر جائے
مرنے سے مگر پہلے ادھر ٹیکس وہ دھر جائے
مل جائے ترے کوچہ میں رہنے کو اگر جائے
مرنے کے لیے خلد میں پھر کون بشر جائے
ہم سبز قدم آپ کو سمجھیں گے چچا جب
ویرانہ نظر آئے جدھر اپنی نظر جائے
سب وقتوں سے اچھا ہے غنیمت ہے وہی وقت
جو وقت کے ہنس بول کے یاروں میں گزر جائے
کیا خاک وہ پھر قافلہ پہنچے سر منزل
جب قافلہ سالار ہی رستہ میں گزر جائے
اس کان سنو بات تو اس کان اڑا دو
یہ کام کی ہے بات ادھر آئے ادھر جائے
ہم صفحۂ ہستی پہ رہے اس طرح باقی
تفریق میں جس طرح صفر میں سے صفر جائے
فتنے ہیں بپا کوچۂ جاناں میں غضب کے
ممکن نہیں کوچہ سے سلامت جو گزر جائے
روزی کے لیے پھرتے ہیں ہم سارے جہاں میں
جس شخص کو روزی نہ ملے پھر وہ کدھر جائے
امید کے رشتہ کی درازی رہے کب تک
مقراض اجل جامۂ ہستی نہ کتر جائے
وہ رشک قمر شب کو جہاں جلوا فزا ہو
اس رات کے روشن کے لیے نور سحر جائے
کہتے ہیں وہ تن تن کے کہ ہم سر کے ہیں شیدا
ہم سر کو نہ چھوڑیں گے اگر تن سے یہ سر جائے
اس رنگ کا عصمتؔ ہے ترا رنگ تغزل
کانوں میں ادھر پہنچے ادھر دل میں اتر جائے

عصمت اللہ عصمت بیگ
نظم

ایبسٹریکٹ آرٹ کی دیکھی تھی نمائش میں نے
کی تھی از راہ مروت بھی ستائش میں نے
آج تک دونوں گناہوں کی سزا پاتا ہوں
لوگ کہتے ہیں کہ کیا دیکھا تو شرماتا ہوں
صرف کہہ سکتا ہوں اتنا ہی وہ تصویریں تھیں
یار کی زلف کو سلجھانے کی تدبیریں تھیں
ایک تصویر کو دیکھا جو کمال فن تھی
بھینس کے جسم پر اک اونٹ کی سی گردن تھی
ٹانگ کھینچی تھی کہ مسواک جسے کہتے ہیں
ناک وہ ناک خطرناک جسے کہتے ہیں
نقش محبوب مصور نے سجا رکھا تھا
مجھ سے پوچھو تو تپائی پہ گھڑا رکھا تھا
بولی تصویر جو میں نے اسے الٹا پلٹا
میں وہ جامہ ہوں کہ جس کا نہیں سیدھا الٹا
اس کو نقاد تو اک چشمۂ حیواں سمجھا
میں اسے حضرت مجنوں کا گریباں سمجھا
ایک تصویر کو دیکھا کہ یہ کیا رکھا ہے
ورق صاف پہ رنگوں کو گرا رکھا ہے
آڑی ترچھی سی لکیریں تھیں وہاں جلوہ فگن
جیسے ٹوٹے ہوئے آئینے پہ سورج کی کرن
تھا کیوب ازم میں کاغذ پہ جو اک رشک قمر
مجھ کو اینٹیں نظر آتی تھیں اسے حسن بشر
بولا نقاد نظر آتے یہی کچھ ہم تم!
خلد میں حضرت آدم جو نہ کھاتے گندم
ایبسٹریکٹ آرٹ کے ملبے سے یہ دولت نکلی
جس کو سمجھا تھا انناس وہ عورت نکلی
ایبسٹریکٹ آرٹ کی اس چیز پہ دیکھی ہے اساس
''تن کی عریانی سے بہتر نہیں دنیا میں لباس''
اس نمائش میں جو اطفال چلے آتے تھے
ڈر کے ماؤں کے کلیجوں سے لپٹ جاتے تھے

سید محمد جعفری
نظم

کراہتے رہے راہی پکارتے رہے خضر
ٹھہر سکا نہ مگر کاروان نجم و قمر
زمیں پہ آدم و حوا کے خون کا ماتم
مگر افق کی جبیں پر وہی ہے نور سحر

منظور حسین شور
نظم

خوب پہچان لو اسرار ہوں میں
جنس الفت کا طلب گار ہوں میں
عشق ہی عشق ہے دنیا میری
فتنۂ عقل سے بیزار ہوں میں
خواب عشرت میں ہیں ارباب خرد
اور اک شاعر بیدار ہوں میں
چھیڑتی ہے جسے مضراب الم
ساز فطرت کا وہی تار ہوں میں
رنگ نظارۂ قدرت مجھ سے
جان رنگینئ کہسار ہوں میں
نشۂ نرگس خوباں مجھ سے
غازۂ عارض و رخسار ہوں میں
عیب جو حافظ و خیام میں تھا
ہاں کچھ اس کا بھی گنہ گار ہوں میں
زندگی کیا ہے گناہ آدم
زندگی ہے تو گنہ گار ہوں میں
رشک صد ہوش ہے مستی میری
ایسی مستی ہے کہ ہشیار ہوں میں
لے کے نکلا ہوں گہر ہائے سخن
ماہ و انجم کا خریدار ہوں میں
دیر و کعبہ میں مرے ہی چرچے
اور رسوا سر بازار ہوں میں
کفر و الحاد سے نفرت ہے مجھے
اور مذہب سے بھی بیزار ہوں میں
اہل دنیا کے لیے ننگ سہی
رونق انجمن یار ہوں میں
عین اس بے سر و سامانی میں
کیا یہ کم ہے کہ گہر بار ہوں میں
میری باتوں میں مسیحائی ہے
لوگ کہتے ہیں کہ بیمار ہوں میں
مجھ سے برہم ہے مزاج پیری
مجرم شوخئ گفتار ہوں میں
حور و غلماں کا یہاں ذکر نہیں
نوع انساں کا پرستار ہوں میں
محفل دہر پہ طاری ہے جمود
اور وارفتۂ رفتار ہوں میں
اک لپکتا ہوا شعلہ ہوں میں
ایک چلتی ہوئی تلوار ہوں میں

اسرار الحق مجاز
نظم

چاند نے مجھ سے کہا اے شاعر فکر ازل
میرے بارے میں بھی لکھ دے کوئی سنجیدہ غزل
ہر تعلق توڑ رکھا ہے ہلال عید سے
تجھ کو فرصت ہی نہیں ہے مہ وشوں کی دید سے
رسم دیدار ہلال عید افسانہ ہوئی
بام پر اس دم چڑھے، جس وقت فرزانہ ہوئی
لے کے نذرانہ کمیٹی نے اجالا ہے مجھے
گر نہیں نکلا، زبردستی نکالا ہے مجھے
میں جو بے مرضی نکل آیا تو ڈانٹا ہے بہت
مولوی نے مختلف خانوں میں بانٹا ہے بہت
اس کو مت فالو کرو، اس کی طریقت ماند ہے
تم بریلی کے ہو اور یہ دیوبندی چاند ہے
یہ جو خوں آلود ہے، افغانیوں کا چاند ہے
مختلف ٹکڑوں میں پاکستانیوں کا چاند ہے
اک کراچی سے ہے نکلا اک پس لاہور ہے
سندھ کا چاند اور ہے پنجاب کا چاند اور ہے
وہ جو ہمسائے کی بیوی ہے غزالہ چاند ہے
اور اس کے ساتھ جو رہتا ہے کالا چاند ہے
شاعروں نے اپنے شعروں میں بہت پیلا مجھے
میرؔ و غالبؔ نے بھی سمجھا خاک کا ڈھیلا مجھے
شعر میں، رشک قمر لیلیٰ کو فرمانے لگے
ٹیوب لائٹ کو ہلال عید بتلانے لگے
اپنی بیوی سے کہا انتیسویں کا چاند ہو
اور پڑوسن سے کہا تم چودھویں کا چاند ہو
عام سی عورت کو مہ پارہ بنا کر رکھ دیا
چاند کو ٹوٹا ہوا تارہ بنا کر رکھ دیا
چاند پر جس دن سے انساں کے قدم پڑنے لگے
چاندنی جن سے ہو ایسے بلب کم پڑنے لگے
میں زمیں سے دور ہوں لیکن بہت نزدیک ہوں
اے زمیں والو میں تم سے دور رہ کر ٹھیک ہوں
میں زمیں پر آ گیا تو ہر بشر لے جائے گا
سب سے پہلے ٹین پرسینٹ اپنے گھر لے جائے گا

خالد عرفان
نظم

جوانی کیا ہے تم سے کیا کہیں ہم
جوانی کا ہے اب پیری میں ماتم
جوانی شعلۂ آتش فشاں ہے
جوانی زیست کا راز نہاں ہے
جوانی ہے جواب خندۂ گل
جوانی اہتمام ساغر و مل
جوانی اضطراب زندگی ہے
جوانی پیچ و تاب زندگی ہے
جوانی زندگی کا اک تبسم
جوانی زندگی کا اک ترنم
جوانی مطلع نور سحر ہے
جوانی رشک خورشید و قمر ہے
جوانی زندگی کا خون تازہ
جوانی چہرۂ انساں کا غازہ
جوانی کیا شراب زندگی ہے
جوانی التہاب زندگی ہے
جوانی گرمیٔ بازار عالم
جوانی گیسوئے خم دار عالم
جوانی خامشی کی گفتگو ہے
جوانی خوبصورت خوب رو ہے
جوانی ہے بہار زندگانی
جوانی لالہ زار زندگانی
جوانی میں عجب اک دل کشی ہے
جوانی میں عجب اک مہ وشی ہے
جوانی زندگی کا نقش اول
جوانی ایک شورش ایک ہلچل
جوانی سایۂ بال ہما ہے
جوانی میں جہاں بھی زیر پا ہے
جوانی جیسے پانی کی روانی
جوانی میں ہر اک غم پانی پانی
جوانی میں نہاں اک بانکپن ہے
جوانی زندگانی کی دلہن ہے
جوانی ابتدائے ذوق پرواز
جوانی انتہائے شوق پرواز
جوانی ایک حرف دل نشیں ہے
جوانی زیست کا تاج و نگیں ہے
جوانی زندگانی کا ہے دم خم
جوانی طاقت سہراب و رستم
جوانی آسمان زندگی ہے
جوانی ہی نشان زندگی ہے
جوانی کوہکن کا زور بازو
جوانی ایک افسوں ایک جادو
جوانی جوشش کردار پیہم
جوانی گرمیٔ رفتار پیہم
جوانی مخزن حرف و حکایات
جوانی مرکز کشف و کرامات
جوانی چشمۂ تسنیم و کوثر
جوانی آب رحمت کا سمندر
جوانی لغزش مستانۂ عشق
جوانی بازیٔ طفلانۂ عشق
جوانی داستان قیس و لیلیٰ
جوانی قصۂ یوسف زلیخا
جوانی کیا ہے برق طور گویا
جوانی کیا جمال حور گویا
جوانی سوزش روز قیامت
جوانی ایک حدت اک حرارت
جوانی خودستائی خود نمائی
جوانی جنگ جوئی کج ادائی
جوانی زندگی کا زمزمہ ہے
جوانی زندگی کا طنطنہ ہے
مگر اب زندگی کو ساتھ لے کر
جوانی جا چکی پیری کو دے کر
جوانی کو نہ پوچھو اب کہاں ہے
جوانی شمع کشتہ کا دھواں ہے

امجد نجمی
نظم

محتسب کے ہوش اڑانے کا زمانہ آ گیا
بے جھجک پینے پلانے کا زمانہ آ گیا
جام آتش زیر پا کی اوٹ لے کر ساقیا
بوتلوں میں ڈوب جانے کا زمانہ آ گیا
کائنات ہوش پر کالی گھٹائیں چھا گئیں
یوم شب تابی منانے کا زمانہ آ گیا
پھر خیال عارض تاباں نے لیں انگڑائیاں
رات کو پھر دن بنانے کا زمانہ آ گیا
مست پھاگن کے جلو میں سرپھرے دن آ گئے
عقل کو پاگل بنانے کا زمانہ آ گیا
یہ گھٹائیں یہ بہاریں اور یہ تنہائیاں
پھر کسی کے یاد آنے کا زمانہ آ گیا
میرے گلزار تصور میں بہاریں آ گئیں
ان کو پھولوں میں بسانے کا زمانہ آ گیا
مہرباں اب دوش پر آنچل ٹھہر سکتا نہیں
ولولوں کے سر اٹھانے کا زمانہ آ گیا
بے سبب ہی چیں بہ جبیں ہونے کی گھڑیاں آ گئیں
بے ارادہ مسکرانے کا زمانہ آ گیا
جوش پر آئی جوانی کھل اٹھے آنچل کے پھول
آگ پانی میں لگانے کا زمانہ آ گیا
ان کی زلف عنبریں کے سایۂ پر نور میں
نیند کی قسمت جگانے کا زمانہ آ گیا
شاہدان شعلہ رو کو لے اڑا غازے کا شوق
آگ پر پانی چڑھانے کا زمانہ آ گیا
روٹھنے والے بہ پاس وقت و آداب شباب
پچھلی باتیں بھول جانے کا زمانہ آ گیا
داغ دل فاروقؔ دکھلا کر سر بزم جمال
ان کو آئینہ بنانے کا زمانہ آ گیا

شمیم فاروق بانس پاری
نظم

عارض پر نور جھلکا گیسوئے شب رنگ سے
جوئے بار‌ ساز دل نکلی سکوت سنگ سے

میکش اکبرآبادی
نظم

ہمارے شمس و قمر اس سے نور پاتے ہیں
سحر کی جوت تجلیٔ شام ہے اردو

ذکیہ سلطانہ نیر
نظم

نیا نور چشم فلک میں ہے
نئی آب شمس و قمر میں ہے
ہوئی خیرہ خیرہ مری نظر
مرے ساتھ چل مرے ساتھ چل

سلمیٰ حجاب
نظم

میں اردو زباں ہوں
مجھے آریاؤں نے پالا
مری اصل ہندوستاں ہے
کہ میرے لہو سے ہی ویدوں کی آیات لکھی گئی ہیں
یہ رام اور سیتا کی عظمت کے قصے رمائن کتھائیں
کرشن اور رادھا کے رنگیں فسانے
ہر اک لفظ کی روح نغمہ سرا ہے
میں اردو زباں ہوں
وہ گوتم کہ جس نے محبت کی پیغمبری سے جہنم کو جنت بنایا
مگر کس زباں میں
ذرا سوچئے کس زباں میں
وہ پالی جو میرے گھرانے کی پالی ہوئی تھی
میں اردو زباں ہوں
مجھے دیکھنا چاہتے ہو تو آؤ
اجنتا ایلورا کے غاروں میں دیکھو
یہ میں ہوں
مرا حسن میری کشش ہے ابد تک
مجھے دیکھنا چاہتے ہو تو آؤ
اشوکا کی لاٹوں میں کندہ حروف مقدس میں دیکھو
یہ میں ہوں
صداقت عدالت کی تحریر محکم
میں اردو زباں ہوں
محبت کی من موہنی داستاں ہوں
مری وسعتیں بے کراں ہیں
یہ اتر یہ دکھن یہ پورب یہ پچھم
ہر اک سمت میرے نشاں ہیں
دکن جو کبھی رنگ و حرف و ادا اور چنگ و صدا سے بنا ایک قوس قزح تھا
تمہیں کچھ خبر ہے وہ کیا سلسلہ تھا
مؤرخ سے پوچھو وہ میرا ہی جادو مرا معجزہ تھا
میں خسروؔ کی پیاری ولیؔ کی نیاری قلیؔ کی دلاری
خدائے سخن میرؔ کے سوز پنہاں کی میں راز داں ہوں
وہ دیوان غالب وہ شہکار‌ تخلیق آدم
مگر اس کا ہر شعر کہتا ہے پیہم
میں اردو زباں ہوں
وہ اقبالؔ جو عظمت آدمیت کا پیغامبر ہے
لہو کے جمود اور دل کے تغافل کا جو نوحہ گر ہے
وہ جس کی نظر بال جبریل کی ہم سفر ہے
وہ جس کی صدا خواب غفلت میں بد مست انسانیت کے لئے ایک بانگ درا ہے
وہ جس کی خودی دور حاضر کی فرعونیت کے لئے بحر قلزم کے ساحل پہ ضرب کلیمیؑ کی نعم البدل ہے
وہ جس نے دیار غزل سے لب و عارض و زلف جیسے عناصر کو باہر نکالا
وہ اقبالؔ بھی میری زلفوں کا قیدی رہا ہے
میں اردو زباں ہوں
وہ آزادؔ آزادی ہند کا ایک عاشق
وہ آزادؔ جس کی فغاں سوز و ستی
وہ آزادؔ جس کی صدا ساز ہستی
وہ آزادؔ جس کا سخن قول فیصل
مگر قول فیصل کا یہ فیصلہ ہے
میں اردو زباں ہوں
میں تاریخ و تہذیب ہندوستاں ہوں
میں ہندوستانی ہوں رشک جہاں ہوں
جہان محبت کی میں پاسباں ہوں
مگر پاسبان وطن مجھ کو غدار کہنے لگے ہیں
تو غدار کہنے کا مطلب مسلماں ہوں میں بھی
مسلمان یعنی کہ دہشت جہالت غلاظت کی پہچان ہوں میں
یہ پہچان میری عجب سانحہ ہے
مگر سانحہ مادر ہند کا ہے یہ میرا نہیں ہے
میں کچھ بھی نہیں ہوں
مجھے آریاؤں نے پالا
مری اصل ہندوستاں ہے
میں ہندوستانی ہوں ہندوستاں ہوں
مگر میرے اہل وطن مجھ کو غدار کہنے لگے ہیں
بظاہر تو ہے گرچہ یہ میری ذلت
مگر اصل میں مادر ہند کی ہی یہ عصمت دری ہے
میں اردو زباں ہوں
مجھے آریاؤں نے پالا
مری اصل ہندوستاں ہے

خالد مبشر
نظم

اے فقیر نیم عریاں اے وطن کے پاسباں
منزل آسودہ ہوا تیرے کرم سے کارواں
رشک صد شمشیر تھا تیرا عصائے بے ضرر
اس کے ڈر سے کانپتے تھے سامراجی حکمراں
سحر تھا تیرا تکلم معجزہ تیرا سکوت
تیری ہر تحریر میں تھا غیب کا فرماں نہاں
قوم کی مردہ رگوں میں تو نے دوڑایا لہو
ہندیوں کی پست ہمت کو کیا پھر سے جواں
تھا خزاں کا دور دورہ خیمہ زن صیاد تھے
تیرے دم سے بن گیا صحن چمن رشک جناں
ہند کیا تیری بدولت ایشیا بیدار ہے
ایک دنیا مانتی ہے تیرا احسان گراں
تھی فرشتوں سے بھی برتر پاک دامانی تری
نور باطن سے ترے روشن ہوئے کون و مکاں
آدمی نے تجھ سے سیکھا احترام آدمی
غیریت کا ہند سے تو نے مٹا ڈالا نشاں
دو جہاں میں آدمی کا بول بالا کر دیا
آدمیت کے لئے قربان کر کے نقد جاں
ہم کو تیری رہنمائی کی ضرورت تھی ابھی
اور ادھر تکتے تھے تیری راہ اہل آسماں
اک ستم تھا راہیٔ ملک عدم ہونا ترا
غم سے سر پیٹا زمیں نے خون رویا آسماں

صابر ابو ہری
نظم

میرؔ نے دل کی دھڑکن دی اقبالؔ نے فکر کا نور دیا
غالبؔ نے آغوش کو اس کی حسن قریب و دور دیا
جس پہ خزینوں کو رشک آئے اردو کی وہ جھولی ہے
اردو پیار کی بولی ہے

حرمت الااکرام
نظم

یوم جمہور تیرے آنے پر
ناچ اٹھے ہیں مسرتوں کے پیام
ان اجالوں میں ظلمتیں تو نہیں
سوچتے ہیں مرے وطن کے عوام
جگمگاتا ہے وقت کا چہرہ
بے بسوں پر جہان ہنستا ہے
اپنے رخ پر نہیں ہے موجۂ نور
جھونپڑی کس طرح ہو رشک محل
جام جمہوریت تو پیتے ہیں
حسرتیں دم جو توڑ دیں گھٹ کر
لیکن اس میں نہیں ہے کیف و سرور
زندگی کیوں نہ ہو شکار اجل
اپنے حسرت بھرے مقدر کا
اس طرح ہم مذاق اڑاتے ہیں
خود ہی روتے ہیں وقت کا رونا
اور پھر خود ہی مسکراتے ہیں

چرخ چنیوٹی
نظم

اک کہارن جا رہی تھی ہاتھ میں گاگر لئے
زیر لب کچھ گنگناتی کچھ نظر نیچی کیے
مست تھی اس کی ادائیں خوب تھا اس کا شباب
آنکھیں نرگس زلف سنبل عارض رنگیں گلاب
آ کے پنگھٹ پر کسی سے گفتگو کرنے لگی
ڈال کر رسی کو پانی کھینچ کر بھرنے لگی
ناز سے گاگر کمر پر رکھ کے گھر کو جب چلی
اک صدا آئی کہاں جاتی ہے اے ننھی کلی
سن کے یہ آواز فوراً جوش اس کو آ گیا
عالم حسن و ادا اس قہر سے تھرا گیا
کچھ سیاہی چھا رہی تھی کچھ اجالا تھا ابھی
یہ سماں دیکھا نہ تھا میری نگاہوں نے کبھی

وفا براہی
نظم

لفظ ہی روح کا دانائے سبل
لفظ ہے اس کا جمال
لفظ ہے اس کا جلال
لفظ موجود بھی ہے غیب بھی ہے
لفظ ہے حامل اسرار و رموز
لفظ نمرود کی آتش میں گل افشاں
لفظ سے وادیٔ سینا بھی ہوئی بقعۂ نور
ید بیضا بھی ہے لفظ
دم عیسیٰ بھی ہے لفظ
لفظ ہی شق قمر
لفظ براق ہے معراج کی شب
لفظ ہی روح امیں
۲
میں بھی اک لفظ ہی تھا
مگر اب بکھرا ہوا حرفوں میں
حرف ظلمات میں محصور ہوئے
منتظر ہوں
دم عیسیٰ
ید بیضا
ان کو پھر لفظ بنا دے

اعجاز فاروقی
نظم

یہی وقت تھا
ہاں یہی وقت تھا
بلکہ تاریخ بھی تو یہی تھی
جب اک مہرباں ہاتھ نے
جانے کیا سوچ کر بس اچانک
مری روح کو تھپتھپایا
مرے دل کو تھاما
عجب ایک وارفتگی سے
اور کچھ پر فسوں آگہی سے
مرے سن رسیدہ
دل و جاں کو اس نے
حیات آفریں لمس سے بھر دیا
اپنی نظروں میں خود معتبر کر دیا
سوچتا ہوں انوکھی تھیں وہ ساعتیں کس قدر
کیا عجب میری عقل و خرد پر اثر تھا
زمانوں جہانوں سے میں بے خبر تھا
ستارے زمیں آسماں کہکشاں سب مرے پاؤں کی دھول تھے
ہوا بھی کہ جس سمت چلتی مرے حکم سے
اور خوشبو کہ پہلو بدلتی مرے حکم سے
میں کہ مصروف تھا روز و شب بادلوں کے سفر میں
میں دل تھا نظر تھا ہوا تھا خدا تھا کسی کی نظر میں
کہ بے مثل یکتا یگانہ تھا میں اپنے ہر اک ہنر میں
مری تابناکی مرا نور کامل تھا شمس و قمر میں
مگر ایک دن پھر اچانک
عجب سانحہ ہو گیا
اور جیسے مرا بخت ہی سو گیا
اختیار و تفاخر کا وہ سلسلہ کھو گیا
اب تو بس میں ہوں اور ماتم آرزو
زندگی کچھ نہیں ماسوا ہا و ہو
دم بہ دم دم بہ دم ہارتی جستجو
ایک آواز ایسے میں آتی ہوئی
دل کی ہمت دوبارہ بندھاتی ہوئی
کہہ رہی ہے مسلسل کہ یہ خواب ہے
خوف ہے وہم ہے سحر ہے
اس کو ہرگز حقیقت نہ جان
اور میں زندگی موت کے درمیاں
تا بہ حد کراں بے اماں بے اماں بے اماں

مبین مرزا
نظم

ہوتا ہوں جب میں تنہا یہ سوچتا ہوں اکثر
آبادیاں ہیں اچھی یا جنگلوں کے منظر
شاعر ہوں میں مرا ہو مسکن الگ جہاں سے
شہروں کے شور و غل سے تاریک آسماں سے
سائے میں پیڑ کے میں بستر لگاؤں اپنا
ٹھنڈی ہوا ہو آتی بہتا ہو صاف دریا
رنگینیاں شفق کی دل کو مرے لبھائیں
شمس و قمر جہاں کے قصے نئے سنائیں
قدرت کا ہم زباں ہوں اور اس کے بھید پاؤں
گہرائیوں میں اس کی گویا اتر میں جاؤں
2
پر عقل کا ہے کہنا یہ سب غلط ہے ناداں
گونگی ہے تیری قدرت منظر ہیں اس کے بے جاں
بیکار ہے اگر تو دشت و جبل بسائے
بے صرفہ ہے اگر تو ہمدم انہیں بنائے
شاعر تجھے ہیں کہتے ہے عشق تیرا جینا
فطرت ہے پاک تیری ہے قلب طور سینا
تو نور سرمدی کی ہے جھلکیاں دکھاتا
انساں کو آسماں کی سیریں ہے تو کراتا
تیرا قلم جہاں میں ہلچل سی ڈالتا ہے
ڈوبے ابھارتا ہے گرتے سنبھالتا ہے
3
پر کیوں تجھے اے شاعر بستی سے ہے کدورت
آبادیوں میں پل کر آبادیوں سے نفرت
انساں اور اس کی فطرت پرکھی نہیں ہے تو نے
عالم اور اس کی وسعت پائی نہیں ہے تو نے
ماتم کہیں بپا ہے خوشیاں کہیں ہیں ہوتی
اقبال ہے کہیں تو قسمت کہیں ہے سوتی
جو اک طرف قضا کے طوفان آ رہے ہیں
تو اک طرف سحاب رحمت بھی چھا رہے ہیں
تیرا ہے رتبہ عالی اس بزم زندگی میں
آ آ شریک ہو جا اس رزم زندگی میں
آلام کو گھٹا دے آسائشیں بڑھا دے
شمع سخن جلا کر سب ظلمتیں ہٹا دے
آ کب سے منتظر ہے آدم کا یہ گھرانا
آباد اس میں ہو جا تیری یہی ہے دنیا

امیر اورنگ آبادی
Load More
Best poetry resource in urdu
تلاش
Get App
URD
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
بولیے