کی تلاش کا نتیجه | موضو - نظم, صفحہ vaqf

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "vaqf"

نظم کے متعلقہ نتیجہ "vaqf"

نظم

سوچتا ہوں کہ بہت سادہ و معصوم ہے وہ
میں ابھی اس کو شناسائے محبت نہ کروں
روح کو اس کی اسیر غم الفت نہ کروں
اس کو رسوا نہ کروں وقف مصیبت نہ کروں

ن م راشد

نظم

ہم بھی حب وطن میں ہیں گو غرق
ہم میں اور ان میں ہے مگر یہ فرق
ہم ہیں نام وطن کے دیوانے
وہ تھے اہل وطن کے پروانے
جس نے یوسف کی داستاں ہے سنی
جانتا ہوگا روئداد اس کی
مصر میں قحط جب پڑا آ کر
اور ہوئی قوم بھوک سے مضطر
کر دیا وقف ان پہ بیت المال
لب تک آنے دیا نہ حرف سوال
کھتیاں اور کوٹھے کھول دیے
مفت سارے ذخیرے تول دیے
قافلے خالی ہاتھ آتے تھے
اور بھرپور یاں سے جاتے تھے
یوں گئے قحط کے وہ سال گزر
جیسے بچوں کی بھوک وقت سحر

الطاف حسین حالی

نظم

وہ فلسفے جو ہر اک آستاں کے دشمن تھے
عمل میں آئے تو خود وقف آستاں نکلے

ساحر لدھیانوی

نظم

آج کی رات بہت راتوں کے بعد آئی ہے
کتنی فرخندہ ہے شب کتنی مبارک ہے سحر
وقف ہے میرے لیے تیری محبت کی نظر
آج کی رات نہ جا

مخدومؔ محی الدین

نظم

حسن ہو جائے گا جب اوروں کا وقف خاص و عام
دیدنی ہوگا ترے خلوت کدے کا اہتمام

جوش ملیح آبادی

نظم

آسماں جان طرب کو وقف رنجوری کرے
صنف نازک بھوک سے تنگ آ کے مزدوری کرے

جوش ملیح آبادی

نظم

کوئی دیکھے یہ مجبوریاں دوریاں
ایک ہی شہر میں ہم کہاں تم کہاں
دوستوں نے بھی چھوڑی ہیں دال داریاں
آج وقف غم الفت رائیگاں
ہم جو پھرتے ہیں وحشت زدہ سرگراں
تھے کبھی صاحب آبرو شہر میں
لوگ طعنوں سے کیا کیا جتاتے نہیں
ایسے راہی تو منزل کو پاتے نہیں
جی سے اک دوسرے کو بھلاتے نہیں
سامنے بھی مگر آتے جاتے نہیں
اور جائیں تو آنکھیں ملاتے نہیں
ہائے کیا کیا نہیں گفتگو شہر میں

ابن انشا

نظم

یوں وقت گزرتا ہے
فرصت کی تمنا میں
جس طرح کوئی پتا
بہتا ہوا دریا میں
ساحل کے قریب آ کر
چاہے کہ ٹھہر جاؤں
اور سیر ذرا کر لوں
اس عکس مشجر کی
جو دامن دریا پر
زیبائش دریا ہے
یا باد کا وہ جھونکا
جو وقف روانی ہے
اک باغ کے گوشے میں
چاہے کہ یہاں دم لوں
دامن کو ذرا بھر لوں
اس پھول کی خوشبو سے
جس کو ابھی کھلنا ہے
فرصت کی تمنا میں
یوں وقت گزرتا ہے

حفیظ جالندھری

نظم

صدا آ رہی ہے مرے دل سے پیہم
کہ ہوگا ہر اک دشمن جاں کا سر خم
نہیں ہے نظام ہلاکت میں کچھ دم
ضرورت ہے انسان کی امن عالم
فضاؤں میں لہرائے گا سرخ پرچم
صدا آ رہی ہے مرے دل سے پیہم
نہ ذلت کے سائے میں بچے پلیں گے
نہ ہاتھ اپنے قسمت کے ہاتھوں ملیں گے
مساوات کے دیپ گھر گھر جلیں گے
سب اہل وطن سر اٹھا کے چلیں گے
نہ ہوگی کبھی زندگی وقف ماتم
فضاؤں میں لہرائے گا سرخ پرچم

حبیب جالب

نظم

تکتے رہنا ہائے وہ پہروں تلک سوئے قمر
وہ پھٹے بادل میں بے آواز پا اس کا سفر
پوچھنا رہ رہ کے اس کے کوہ و صحرا کی خبر
اور وہ حیرت دروغ مصلحت آمیز پر
آنکھ وقف‌ دید تھی لب مائل گفتار تھا
دل نہ تھا میرا سراپا ذوق استفسار تھا

علامہ اقبال

نظم

دیوالی
رگھبر کی پاک یاد کا عنواں لیے ہوئے
ظلمت کے گھر میں جلوۂ تاباں لیے ہوئے
تاریکیوں میں نور کا ساماں لیے ہوئے
آئی ہے اپنے ساتھ چراغاں لیے ہوئے
اللہ رے یہ تاب یہ تنویر یہ جمال
خورشید کی نظر بھی ہے جمنی یہاں محال
طاری ہے زاہدوں پہ بھی عالم سرور کا
اب کس لیے خیال ہو حور و قصور کا
عالم تو دیکھیے شب یلدا پہ نور کا
جلتے ہیں یہ چراغ کہ جلوہ ہے طور کا
منظر بہشت کا ہے یہ شب ہے شب برات
تنویر آفتاب کا پرتو ہے آج رات
وہ رام جو کہ کامل صدق و صفا رہا
وہ رام جو کہ سالک راہ ہدیٰ رہا
وہ رام جو کہ آئینۂ حق نما رہا
وہ رام جو کہ قاطع جور و جفا رہا
یہ رات یادگار ہے اس نیک ذات کی
اس پیکر خلوص کی والا صفات کی
چودہ برس کے بعد جو آیا وطن میں رام
ہر لب تھا وقف نغمہ تو ہر دل تھا شاد کام
تھی رشک نور صبح بنارس اودھ کی شام
اہل اجودھیا کی زباں پر تھا یہ کلام
ہم بے بسوں کا قافلہ سالار آ گیا
بن باسیوں کی فوج کا سردار آ گیا

عرش ملسیانی

نظم

بہ ایں انعام وفا اف یہ تقاضائے حیات
زندگی وقف غم خاک نشیناں کر دے
خون دل کی کوئی قیمت جو نہیں ہے تو نہ ہو
خون دل نذر چمن بندئ دوراں کر دے

اسرار الحق مجاز

نظم

راحت بندۂ بے دام کہاں ہے آ جا
پیکر حسن سر بام کہاں ہے آ جا
رونق بزم ہے او جام کہاں ہے آ جا
زینت جلوہ گہ عام کہاں ہے آ جا
اے امید دل نا کام کہاں ہے آ جا
تیری فرقت خلل انداز سکون پیہم
تیری فرقت دل مایوس پہ اک طرفہ ستم
تیری فرقت سبب کاوش و بیداریٔ غم
تو نہیں ہے تو پھر آرام کہاں ہے آ جا
شاہد دور سیہ بخت و شب تار ہوں میں
خوگر نالۂ لذت کش آواز ہوں میں
دام طوفان حوادث میں گرفتار ہوں میں
روز و شب منتظر دید رخ یار ہوں میں
دل ہے وقف غم آلام کہاں ہے آ جا
شعلۂ بر کف گل داغ جگر تیرے بغیر
خار بردوش ہے دامان نظر تیرے بغیر
خوں فشاں ہے شب غم دیدۂ تر تیرے بغیر
چلن آتا ہی نہیں شام و سحر تیرے بغیر
منتظر ہوں سحر و شام کہاں ہے آ جا
دور تاریکیٔ غم سے شب تنہائی سے
دم بدم جوش جنوں کی ستم آرائی سے
کعبہ و دیر و کلیسا کی جبیں سائی سے
خوف مجبوری و ناکامی و رسوائی سے
عشق ہے لرزہ بر اندام کہاں ہے آ جا
منتشر ہونے لگی انجمن ناز حیات
بن گیا خواب ہر اک منظر آغاز حیات
دم شکستہ سا نظر آنے لگا ساز حیات
اب کوئی دم میں ہوا جاتا ہے وا راز حیات
آ گیا نزع کا ہنگام کہاں ہے آ جا

شکیل بدایونی

نظم

تجھے بہار کا اک مرغ خوش نوا سمجھوں
کہ درد مند دلوں کی کوئی صدا سمجھوں
سوا اک آہ کے سامان ہست و بود ہے کیا
تو ہی بتا ترا سرمایۂ وجود ہے کیا
وہ نقد جاں ہے کہ ہے نالۂ حزیں تیرا
نشان ہستیٔ موہوم کچھ نہیں تیرا
اسے بھی وقف تمنائے یار کر دینا!
نثار جلوۂ گل جان زار کر دینا!

مجنوں گورکھپوری

نظم

رہا مزاج میں سودائے قوم خو ہو کر
وطن کا عشق رہا دل کی آرزو ہو کر
بدن میں جان رہی وقف آبرو ہو کر
رگوں میں جوش محبت رہے لہو ہو ہو کر
خدا کے حکم سے جب آب و گل بنا تیرا
کسی شہید کی مٹی سے دل بنا تیرا

چکبست برج نرائن

نظم

زندگی قرب کنیز خوبرو
زندگی آہنگ‌ و آب آتشیں
زندگی وقف سرود و حسن و مے
زندگی کا لمحہ لمحہ دل نشیں

محمد تنویرالزماں

نظم

بس اتنی روداد ہے میری
عشق میں خانہ خراب ہوا میں
ان کی آنکھوں کا تھا اشارہ
وقف جام و شراب ہوا میں

عزیز قیسی

نظم

جاں وقف تپش ہو جاتی ہے اور عزم بغاوت کرتی ہے
اس وقت اک سیل ارادوں کی سینوں سے ہو کے گزرتی ہے
دنیا کو خلد بنانے کا جو دھیان سا دل میں آتا ہے
ایسی خبروں کے سننے سے وہ اور قوی ہو جاتا ہے
جب خط میں تم لکھ دیتی ہو کچھ حال اپنی بیماری کا
میں بیٹھ کے تنہائی میں جانے کیا کیا سوچا کرتا ہوں

سید احتشام حسین

نظم

بے نوا سست قدم واماندہ
سال آتے تھے چلے جاتے تھے
وقت کے دامن خوش رنگ پہ کالے دھبے
خشک لب ہانپتے بے بس ایام
راہ کے بیچ میں الجھے ہوئے رہ جاتے تھے سستانے کو
گھبرائے ہوئے
اب تو ہر سانس دہکتا ہوا انگارہ ہے
دل کہ برفاب تھے اب آتش سیال کا فوارہ ہیں
برق رفتار ہے وقت
اور ہم وقف سے دو چار قدم آگے ہیں
چیخ اٹھیں قرنائیں
جھانجھ بجیں
دھوم ہو نقاروں کی
مسکراتے ہوئے گاتے ہوئے بڑھتے جاؤ
پھینکتے ہیں ہمیں تاروں پہ کمند
خیمہ زن ہونا ہے مریخ کے میدانوں میں

تصدق حسین خالد

نظم

ہوش میں آ خواب سے بیدار ہو اے وقف نوم
ملک پر تیرے حکومت کر رہی ہے غیر قوم

شاطرحکیمی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے