کی تلاش کا نتیجه | موضو - نظم, صفحہ vaqf-e-Gam

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "vaqf-e-Gam"

نظم کے متعلقہ نتیجہ "vaqf-e-Gam"

نظم

دل میں اک وقت طرب ناک کا ارمان لیے
خود کو یوں وقف غم و گردش حالات نہ کر
جن کا دعویٰ ہے کہ ہیں تیرے مقدر کے خدا
میری خاطر تو کبھی ان سے کوئی بات نہ کر

فرید عشرتی

نظم

کوئی دیکھے یہ مجبوریاں دوریاں
ایک ہی شہر میں ہم کہاں تم کہاں
دوستوں نے بھی چھوڑی ہیں دال داریاں
آج وقف غم الفت رائیگاں
ہم جو پھرتے ہیں وحشت زدہ سرگراں
تھے کبھی صاحب آبرو شہر میں
لوگ طعنوں سے کیا کیا جتاتے نہیں
ایسے راہی تو منزل کو پاتے نہیں
جی سے اک دوسرے کو بھلاتے نہیں
سامنے بھی مگر آتے جاتے نہیں
اور جائیں تو آنکھیں ملاتے نہیں
ہائے کیا کیا نہیں گفتگو شہر میں

ابن انشا

نظم

بہ ایں انعام وفا اف یہ تقاضائے حیات
زندگی وقف غم خاک نشیناں کر دے
خون دل کی کوئی قیمت جو نہیں ہے تو نہ ہو
خون دل نذر چمن بندئ دوراں کر دے

اسرار الحق مجاز

نظم

دل پیت کی آگ میں جلتا ہے ہاں جلتا ہے اسے جلنے دو
اس آگ سے تم تو دور رہو ٹھنڈی نہ کرو پنکھا نہ جھلو
ہر محفل میں ہم دونوں کی کیا کیا نہیں باتیں ہوتی ہیں
ان باتوں کا مفہوم ہے کیا تم کیا سمجھو تم کیا جانو
دل چل کے لبوں تک آ نہ سکا لب کھل نہ سکے غم جا نہ سکا
اپنا تو بس اتنا قصہ تھا تم اپنی سناؤ اپنی کہو
وہ شام کہاں وہ رات کہاں وہ وقت کہاں وہ بات کہاں
جب مرتے تھے مرنے نہ دیا اب جیتے ہیں اب جینے دو

ابن انشا

نظم

چاند کب سے ہے سر شاخ صنوبر اٹکا
گھاس شبنم میں شرابور ہے شب ہے آدھی
بام سونا ہے، کہاں ڈھونڈیں کسی کا چہرا
(لوگ سمجھیں گے کہ بے ربط ہیں باتیں اپنی)
شعر اگتے ہیں دکھی ذہن سے کونپل کونپل
کون موسم ہے کہ بھرپور ہیں غم کی بیلیں
دور پہنچے ہیں سرکتے ہوئے اودے بادل
چاند تنہا ہے (اگر اس کی بلائیں لے لیں؟)
دوستو جی کا عجب حال ہے، لینا بڑھنا
چاندنی رات ہے کاتک کا مہینہ ہوگا
میر مغفور کے اشعار نہ پیہم پڑھنا
جینے والوں کو ابھی اور بھی جینا ہوگا
چاند ٹھٹھکا ہے سر شاخ صنوبر کب سے
کون سا چاند ہے کس رت کی ہیں راتیں لوگو
دھند اڑنے لگی بننے لگی کیا کیا چہرے
اچھی لگتی ہیں دوانوں کی سی باتیں لوگو
بھیگتی رات میں دبکا ہوا جھینگر بولا
کسمساتی کسی جھاڑی میں سے خوشبو لپکی
کوئی کاکل کوئی دامن، کوئی آنچل ہوگا
ایک دنیا تھی مگر ہم سے سمیٹی نہ گئی

ابن انشا

نظم

اے بھکاری تجھے کاہے کو یقیں آئے گا
میں بھی تیری ہی طرح وقف غم دوراں ہوں
یار تو بھی نگہ قہر کا مارا ہے مگر
کم سے کم تیرے لئے رونق بازار تو ہے
میرے آنسو ہی تو ہیں میرے لئے لعل و گہر
تیرے کشکول میں کچھ سکوں کی جھنکار تو ہے

اقبال عمر

نظم

حسن ہو جائے گا جب اوروں کا وقف خاص و عام
دیدنی ہوگا ترے خلوت کدے کا اہتمام

جوش ملیح آبادی

نظم

یہ زمانہ کیسا بدل گیا نہ وہ ولولے نہ وہ حوصلے
کسی وقت تھے جو صنم شکن وہ ہیں آج وقف صنم گری

امجد نجمی

نظم

راحت بندۂ بے دام کہاں ہے آ جا
پیکر حسن سر بام کہاں ہے آ جا
رونق بزم ہے او جام کہاں ہے آ جا
زینت جلوہ گہ عام کہاں ہے آ جا
اے امید دل نا کام کہاں ہے آ جا
تیری فرقت خلل انداز سکون پیہم
تیری فرقت دل مایوس پہ اک طرفہ ستم
تیری فرقت سبب کاوش و بیداریٔ غم
تو نہیں ہے تو پھر آرام کہاں ہے آ جا
شاہد دور سیہ بخت و شب تار ہوں میں
خوگر نالۂ لذت کش آواز ہوں میں
دام طوفان حوادث میں گرفتار ہوں میں
روز و شب منتظر دید رخ یار ہوں میں
دل ہے وقف غم آلام کہاں ہے آ جا
شعلۂ بر کف گل داغ جگر تیرے بغیر
خار بردوش ہے دامان نظر تیرے بغیر
خوں فشاں ہے شب غم دیدۂ تر تیرے بغیر
چلن آتا ہی نہیں شام و سحر تیرے بغیر
منتظر ہوں سحر و شام کہاں ہے آ جا
دور تاریکیٔ غم سے شب تنہائی سے
دم بدم جوش جنوں کی ستم آرائی سے
کعبہ و دیر و کلیسا کی جبیں سائی سے
خوف مجبوری و ناکامی و رسوائی سے
عشق ہے لرزہ بر اندام کہاں ہے آ جا
منتشر ہونے لگی انجمن ناز حیات
بن گیا خواب ہر اک منظر آغاز حیات
دم شکستہ سا نظر آنے لگا ساز حیات
اب کوئی دم میں ہوا جاتا ہے وا راز حیات
آ گیا نزع کا ہنگام کہاں ہے آ جا

شکیل بدایونی

نظم

زندگی قرب کنیز خوبرو
زندگی آہنگ‌ و آب آتشیں
زندگی وقف سرود و حسن و مے
زندگی کا لمحہ لمحہ دل نشیں

محمد تنویرالزماں

نظم

فضاؤں کے سمندر میں تلاطم ہو گیا برپا
مہ نو کی سنہری ناؤ اچھلی کھا کے ہچکولا
نظر نیچی کئے محمل سے باہر آ گئی لیلیٰ
تبسم آتے آتے رک گیا شرما گئی لیلیٰ
کن انکھیوں کا اشارہ شوخیاں کرتا ہے گھونگھٹ میں
شرارت کے عناصر مل گئے ہیں مسکراہٹ میں
ہلال عید کو کیوں خنجر ناز و ادا کہئے
برا کیا ہے جو محراب جبین دل ربا کہئے
مبارک ہو سمیٹی لیلائے شب نے ردا اپنی
عروس عید نے پردے سے دکھلائی ادا اپنی
مساجد میں موذن کی صدائیں بہکی جاتی ہیں
لب زاہد کو جنبش ہے دعائیں بہکی جاتی ہیں
تمناؤں کی کلیاں کھل رہی ہیں دل کے دامن میں
ترانہ ہے مسرت کا فضا کے دل کی دھڑکن میں
بہار عید آئی حسن کی رونق بڑھانے کو
جواں بیوہ کے دل میں شمع حسرت کو جلانے کو
بہار عید حسرت کی خلش دل میں جگاتی ہے
یتیموں کی نظر کو سسکیاں لینا سکھاتی ہے
بہار عید کیا ہیجان جذبات تمنائی
بہار عید کیا دولت کی اک بے کیف انگڑائی
دھواں اٹھے نہ کیوں شاعر کے قلب زار و سوزاں سے
کہ کھیلی جا رہی ہیں ہولیاں خون غریباں سے
وہ دیکھو ہو رہی ہے روشنی ایوان دولت میں
لہو دہقاں کا جلتا ہے چراغ بزم عشرت میں
ہلال عید خون آرزو رنگینیاں تیری
یتیموں کی نگاہ بے زباں افسانہ خواں تیری
قسم ہے اے ہلال عید اشکوں کی روانی کی
قسم ہے اے ہلال عید بیوہ کی جوانی کی
قسم ان کاروانوں کی جو لٹ جائیں سر منزل
قسم ان کشتیوں کی ڈوب جائیں جو لب ساحل
قسم ان سرخ آنکھوں کی ہو طاری جن پہ بے ہوشی
قسم اس نطق کی جو ہو گیا ہو نذر خاموشی
قسم ان زرد ہونٹوں کی بنی جن کے لئے نرمی
قسم ان سرد بوسوں کی نہیں جن میں ذرا گرمی
قسم اس نالۂ شب کی نہیں جس کا کہیں مامن
قسم اس چشم تر کی جس کی قسمت میں نہیں دامن
قسم ہے اس جماہی کی جو ہو رسواکن مستی
قسم ہے اس جوانی کی جو ہو وقف غم ہستی
قسم ہے اے ہلال عید سائل کی نگاہوں کی
قسم ہے کج کلاہی کی قسم ہے کج کلاہوں کی
کہ رونق تجھ سے ہو سکتی ہے عشرت کے دیاروں میں
مگر کیا خاک ہوگی روشنی دل کے مزاروں میں

احسن احمد اشک

نظم

وہ فلسفے جو ہر اک آستاں کے دشمن تھے
عمل میں آئے تو خود وقف آستاں نکلے

ساحر لدھیانوی

نظم

ہوش میں آ خواب سے بیدار ہو اے وقف نوم
ملک پر تیرے حکومت کر رہی ہے غیر قوم

شاطرحکیمی

نظم

تجھے بہار کا اک مرغ خوش نوا سمجھوں
کہ درد مند دلوں کی کوئی صدا سمجھوں
سوا اک آہ کے سامان ہست و بود ہے کیا
تو ہی بتا ترا سرمایۂ وجود ہے کیا
وہ نقد جاں ہے کہ ہے نالۂ حزیں تیرا
نشان ہستیٔ موہوم کچھ نہیں تیرا
اسے بھی وقف تمنائے یار کر دینا!
نثار جلوۂ گل جان زار کر دینا!

مجنوں گورکھپوری

نظم

رنگ فطرت ہے وجہ حیرانی
عقل ہے اور حیائے نادانی
رازداں مدعا کو کہتے ہیں
حسن الفت کا داغ پیشانی
حسن باقی نے دل کو کھینچ لیا
رخصت اے حسن ہستئ فانی
دل ہے وقف رجائے رحم و کرم
جاں ہے نذر رضائے ربانی
اب میں سمجھی کہ ہے فنائے خودی
انبساط بہشت لافانی
غم نہ کر ہے نقیب ابر بہار
خشکیٔ موسم زمستانی
دل صد پارہ کے الم گن لوں
دیکھی جائے گی سبحہ گردانی
کر سکے طے نہ ملک عرفاں کو
رومی و مغربی و کرمانی
دورئ بزم دوست کے غم میں
محو افغاں ہے اک افغانی
عرش کے کنگرے پہ طائر قدس
رات کرتا تھا یوں خوش الحانی
کہ ہے انساں طلسم شان خدا
قدر اپنی نہ اس نے پہچانی
بند کیں اس نے جب ذرا آنکھیں
کھل گیا راز بزم امکانی
چارۂ روح فلسفی ہے نہ شیخ
ایک وہمی ہے ایک خفقانی
کثرت این و آں میں وحدت دوست
کنج نایاب کی فراوانی
شیخ رنج بیاں کا ڈر نہ کرے
لا بیاں ہے یہ کیف وجدانی
متشکک ہے اور شکایت ہجر
نزہت اور شکر لطف پنہانی

ز خ ش

نظم

زندگی وہم ہے حقیقت ہے
شجر درد سایۂ غم ہے

مسلم شمیم

نظم

کچھ وقف تبسم ہونٹ بھی ہیں، کچھ رستہ تکتی آنکھیں بھی
کچھ وہ ہیں جن سے ملنے کو بے تاب ہوں میری بانہیں بھی
پر، ایک خلش سی رہتی ہے

انجم خلیق

نظم

قید حیات و بند غم اصل میں دونوں ایک ہیں
موت سے پہلے آدمی غم سے نجات پائے کیوں

دپتی مشرا

نظم

قلب پیوندئ غم تو ہوگی
شہر میں کوئی دھڑکتا ہوا دل
۔۔۔دل کی کوئی تازہ قلم تو ہوگی

ساقی فاروقی

نظم

زندگی تیرہ غار کے مانند
اور میں روشنی کا شیدائی
کانپتی اونگھتی سی دیواریں
پتھروں پر سجی ہوئی کائی
گیلی گیلی سیہ چٹانوں پر
گرتی بوندوں کی نغمہ پیرائی
تیرگی اور ہزار آوازیں
دل رہین فریب تنہائی
ہر قدم لغزشوں کا افسانہ
ہر نفس وقف ناشکیبائی
دور لیکن وہ نور کا نقطہ
پیکر سیم گوں کی رعنائی
طشت گردوں میں جیسے نجم سحر
شب کی آنکھوں میں جیسے بینائی

وزیر آغا

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے