Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "vaqf-e-Gam"

Nazm MATCHES FOR "vaqf-e-Gam"

Nazm

kaghaz ke phul

dil me.n ik vaqt-e-tarab-naak kaa armaan liye
KHud ko yuu.n vaqf-e-Gam-o-gardish-e-haalaat na kar
jin kaa da.avaa hai ki hai.n tere muqaddar ke KHudaa
merii KHaatir to kabhii un se ko.ii baat na kar

Fareed Ishrati
Nazm

phir sham hui

ko.ii dekhe ye majbuuriyaa.n duuriyaa.n
ek hii shahr me.n ham kahaa.n tum kahaa.n
dosto.n ne bhii chho.Dii hai.n dil-daariyaa.n
aaj vaqf-e-Gam-e-ulfat-e-raa.egaa.n
ham jo phirte hai.n vahshat-zada sargiraa.n
the kabhii saahib-e-aabruu shahr me.n
log taano.n se kyaa kyaa jataate nahii.n
aise raahii to manzil ko paate nahii.n
jii se ik duusre ko bhulaate nahii.n
saamne bhii magar aate jaate nahii.n
aur jaa.e.n to aa.nkhe.n milaate nahii.n
haa.e kyaa kyaa nahii.n guftuguu shahr me.n

Ibn۔e۔Insha
Nazm

fikr

ba-ii.n in.aam-e-vafaa uf ye taqaaza-e-hayaat
zindagii vaqf-e-Gam-e-KHaak-nashiina.n kar de
KHuun-e-dil kii ko.ii qiimat jo nahii.n hai to na ho
KHuun-e-dil nazr-e-chaman-bandi-e-dauraa.n kar de

Asrarul Haq Majaz
Nazm

dil pit ki aag mein jalta hai

dil piit kii aag me.n jaltaa hai haa.n jaltaa hai ise jalne do
is aag se tum to duur raho ThanDii na karo pa.nkhaa na jhalo
har mahfil me.n ham dono.n kii kyaa kyaa nahii.n baate.n hotii hai.n
in baato.n kaa mafhuum hai kyaa tum kyaa samjho tum kyaa jaano
dil chal ke labo.n tak aa na sakaa lab khul na sake Gam jaa na sakaa
apnaa to bas itnaa qissa thaa tum apnii sunaa.o apnii kaho
vo shaam kahaa.n vo raat kahaa.n vo vaqt kahaa.n vo baat kahaa.n
jab marte the marne na diyaa ab jiite hai.n ab jiine do

Ibn۔e۔Insha
Nazm

katik ka chand

chaa.nd kab se hai sar-e-shaaKH-e-sanobar aTkaa
ghaas shabnam me.n sharaabor hai shab hai aadhii
baam suunaa hai, kahaa.n Dhuu.nDe.n kisii kaa chehraa
(log samjhe.nge ki be-rabt hai.n baate.n apnii)
sher ugte hai.n dukhii zehn se ko.npal ko.npal
kaun mausam hai ki bharpuur hai.n Gam kii bele.n
duur pahu.nche hai.n sarakte hu.e uude baadal
chaa.nd tanhaa hai (agar us kii balaa.e.n le le.n?)
dosto jii kaa ajab haal hai, lenaa ba.Dhnaa
chaa.ndnii raat hai kaatik kaa mahiina hogaa
miir-e-maGfuur ke ash.aar na paiham pa.Dhnaa
jiine vaalo.n ko abhii aur bhii jiinaa hogaa
chaa.nd ThiThkaa hai sar-e-shaaKH-e-sanobar kab se
kaun saa chaa.nd hai kis rut kii hai.n raate.n logo
dhund u.Dne lagii bun.ne lagii kyaa kyaa chehre
achchhii lagtii hai.n divaano.n kii sii baate.n logo
bhiigtii raat me.n dubkaa hu.aa jhii.ngar bolaa
kasmasaatii kisii jhaa.Dii me.n se KHushbuu lapkii
ko.ii kaakul ko.ii daaman, ko.ii aa.nchal hogaa
ek duniyaa thii magar ham se sameTii na ga.ii

Ibn۔e۔Insha
Nazm

bhikari

ai bhikaarii tujhe kaahe ko yaqii.n aa.egaa
mai.n bhii terii hii tarah vaqf-e-Gam-e-dauraa.n huu.n
yaar tuu bhii nigah-e-qahr kaa maaraa hai magar
kam se kam tere liye raunaq-e-baazaar to hai
mere aa.nsuu hii to hai.n mere liye la.al-o-gohar
tere kashkol me.n kuchh sikko.n kii jhankaar to hai

Iqbal Umar
Nazm

KHatun-e-mashriq

husn ho jaa.egaa jab auro.n kaa vaqf-e-KHaas-o-aam
diidanii hogaa tire KHalvat-kade kaa ehtimaam

Josh Malihabadi
Nazm

afkar-e-pareshan

ye zamaana kaisaa badal gayaa na vo valvale na vo hausle
kisii vaqt the jo sanam-shikan vo hai.n aaj vaqf-e-sanam-girii

Amjad Najmi
Nazm

kahan hai aa ja

raahat-e-banda-e-be-daam kahaa.n hai aa jaa
paikar-e-husn sar-e-baam kahaa.n hai aa jaa
raunaq-e-bazm hai o jaam kahaa.n hai aa jaa
ziinat-e-jalva-gah-e-aam kahaa.n hai aa jaa
ai umiid-e-dil-e-naa-kaam kahaa.n hai aa jaa
terii furqat KHalal-andaaz-e-sukuun-e-paiham
terii furqat dil-e-maayuus pe ik turfa sitam
terii furqat sabab-e-kaavish-o-bedaarii-e-Gam
tuu nahii.n hai to phir aaraam kahaa.n hai aa jaa
shaahid-e-aur-e-siyah-baKHt o shab-e-taar huu.n mai.n
KHuugar-e-naala-e-lazzat-kash-e-aavaaz huu.n mai.n
daam-e-tuufaan-e-havaadis me.n giraftaar huu.n mai.n
roz-o-shab muntazir-e-diid-e-ruKH-e-yaar huu.n mai.n
dil hai vaqf-e-Gam-e-aalaam kahaa.n hai aa jaa
sho.ala-e-bar-kaf-e-gul daaG-e-jigar tere baGair
KHaar-bardosh hai daamaan-e-nazar tere baGair
KHuu.n-fishaa.n hai shab-e-Gam diida-e-tar tere baGair
chalan aataa hii nahii.n shaam-o-sahar tere baGair
muntazir huu.n sahar-o-shaam kahaa.n hai aa jaa
daur-e-taariikii-e-Gam se shab-e-tanhaa.ii se
dam-ba-dam josh-e-junuu.n kii sitam-aaraa.ii se
ka.aba-o-dair-o-kaliisaa kii jabii.n-saa.ii se
KHauf-e-majbuurii-o-naakaamii-o-rusvaa.ii se
ishq hai larza-bar-andaam kahaa.n hai aa jaa
muntashir hone lagii anjuman-e-naaz-e-hayaat
ban gayaa KHvaab har ik manzar-e-aaGaaz-e-hayaat
dam-shikasta saa nazar aane lagaa saaz-e-hayaat
ab ko.ii dam me.n hu.aa jaataa hai vaa raaz-e-hayaat
aa gayaa naza.a kaa ha.ngaam kahaa.n hai aa jaa

Shakeel Badayuni
Nazm

zindagi

zindagii qurb-e-kaniiz-e-KHuub-ruu
zindagii aaha.ng-o-aab-e-aatishii.n
zindagii vaqf-e-suruud-o-husn-o-mai
zindagii kaa lamha lamha dil-nashii.n

Mohammad Tanviruzzaman
Nazm

hilal-e-id

fazaao.n ke samundar me.n talaatum ho gayaa barpaa
mah-e-nau kii sunahrii naav uchhlii khaa ke hachkolaa
nazar niichii kiye mahmil se baahar aa ga.ii lailaa
tabassum aate aate ruk gayaa sharmaa ga.ii lailaa
kan-a.nkhiyo.n kaa ishaara shoKHiyaa.n kartaa hai ghuu.nghaT me.n
sharaarat ke 'anaasir mil ga.e hai.n muskuraahaT me.n
hilaal-e-'iid ko kyo.n KHanjar-e-naaz-o-adaa kahiye
buraa kyaa hai jo mehraab-e-jabiin-e-dil-rubaa kahiye
mubaarak ho sameTii lailaa-e-shab ne ridaa apnii
‘uruus-e-'iid ne parde se dikhlaa.ii adaa apnii
masaajid me.n mo.azzin kii sadaa.e.n bahkii jaatii hai.n
lab-e-zaahid ko jumbish hai du'aa.e.n bahkii jaatii hai.n
tamannaa.o.n kii kaliyaa.n khil rahii hai.n dil ke daaman me.n
taraana hai masarrat kaa fazaa ke dil kii dha.Dkan me.n
bahaar-e-‘iid aa.ii husn kii raunaq ba.Dhaane ko
javaa.n beva ke dil me.n sham’-e-hasrat ko jalaane ko
bahaar-e-‘iid hasrat kii KHalish dil me.n jagaatii hai
yatiimo.n kii nazar ko siskiyaa.n lenaa sikhaatii hai
bahaar-e-‘iid kyaa haijaan-e-jazbaat-e-tamannaa.ii
bahaar-e-‘iid kyaa daulat kii ik be-kaif ang.Daa.ii
dhu.aa.n uTThe na kyo.n shaa'ir ke qalb-e-zaar-o-sozaa.n se
ki khelii jaa rahii hai.n holiyaa.n KHuun-e-Gariibaa.n se
vo dekho ho rahii hai raushnii aivaan-e-daulat me.n
lahuu dahqaa.n kaa jaltaa hai charaaG-e-bazm-e-'ishrat me.n
hilaal-e-'iid KHuun-e-aarzuu rangiiniyaa.n terii
yatiimo.n kii nigaah-e-be-zabaa.n afsaana-KHvaa.n terii
qasam hai ai hilaal-e-'iid ashko.n kii ravaanii kii
qasam hai ai hilaal-e-'iid beva kii javaanii kii
qasam un kaarvaano.n kii jo luT jaa.e.n sar-e-manzil
qasam un kashtiyo.n kii Duub jaa.e.n jo lab-e-saahil
qasam un surKH aa.nkho.n kii ho taarii jin pe be-hoshii
qasam us nutq kii jo ho gayaa ho nazr-e-KHaamoshii
qasam un zard ho.nTo.n kii banii jin ke liye narmii
qasam un sard boso.n kii nahii.n jin me.n zaraa garmii
qasam us naala-e-shab kii nahii.n jis kaa kahii.n maaman
qasam us chashm-e-tar kii jis kii qismat me.n nahii.n daaman
qasam hai us jamaahii kii jo ho rusvaa-kun-e-mastii
qasam hai us javaanii kii jo ho vaqf-e-Gam-e-hastii
qasam hai ai hilaal-e-'iid saa.il kii nigaaho.n kii
qasam hai kaj-kulaahii kii qasam hai kaj-kulaaho.n kii
ki raunaq tujh se ho saktii hai 'ishrat ke dayaaro.n me.n
magar kyaa KHaak hogii raushnii dil ke mazaaro.n me.n

Ahsan Ahmad Ashk
Nazm

bahut ghuTan hai

vo falsafe jo har ik aastaa.n ke dushman the
amal me.n aa.e to KHud vaqf-e-aastaa.n nikle

Sahir Ludhianvi
Nazm

diwali

hosh me.n aa KHvaab se bedaar ho ai vaqf-e-naum
mulk par tere hukuumat kar rahii hai Gair qaum

Shatir Hakeemi
Nazm

bulbul

tujhe bahaar kaa ik murG-e-KHush-navaa samjhuu.n
ki dard-ma.nd dilo.n kii ko.ii sadaa samjhuu.n
sivaa ik aah ke saamaan-e-hast-o-buud hai kyaa
tuu hii bataa tiraa sarmaaya-e-vajuud hai kyaa
vo naqd-e-jaa.n hai ki hai naala-e-hazii.n teraa
nishaan-e-hastii-e-mauhuum kuchh nahii.n teraa
use bhii vaqf-e-tamanna-e-yaar kar denaa!
nisaar-e-jalva-e-gul jaan-e-zaar kar denaa!

Majnoon Gorakhpuri
Nazm

lazzat-e-irfan

ra.ng-e-fitrat hai vaj.h-e-hairaanii
aql hai aur hayaa-e-naadaanii
raaz-daa.n mudda.aa ko kahte hai.n
husn ulfat kaa daaG-e-peshaanii
husn-e-baaqii ne dil ko khii.nch liyaa
ruKHsat ai husn-e-hastii-e-faanii
dil hai vaqf-e-rajaa-e-rahm-o-karam
jaa.n hai nazr-e-razaa-e-rabbaanii
ab mai.n samjhii ki hai fanaa-e-KHudii
imbisaat-e-bahisht-e-laafaanii
Gam na kar hai naqiib-e-abr-e-bahaar
KHushkii-e-mausam-e-zamistaanii
dil-e-sad-paara ke alam gin luu.n
dekhii jaa.egii sub.ha-gardaanii
kar sake tai na mulk-e-irfaa.n ko
ruumii o maGribii o kirmaanii
duuruu-e-bazm-e-dost ke Gam me.n
mahv-e-afGaa.n hai ik afGaanii
arsh ke ka.ngare pe taa.ir-e-quds
raat kartaa thaa yuu.n KHush-ilhaanii
ki hai insaa.n tilism-e-shaan-e-KHudaa
qadr apnii na is ne pahchaanii
band kii.n us ne jab zaraa aa.nkhe.n
khul gayaa raaz-e-bazm-e-imkaanii
chaara-e-ruuh falsafii hai na shaiKH
ek vahmii hai ek KHafaqaanii
kasrat-e-iin-o-aa.n me.n vahdat-e-dost
kunj-e-naayaab kii faraavaanii
shaiKH ra.nj-e-bayaa.n kaa Dar na kare
laa-bayaa.n hai ye kaif-e-vajdaanii
mutashakkik hai aur shikaayat-e-hijr
nuzhat aur shukr-e-lutf-e-pinhaanii

Ze Khe Sheen
Nazm

main kaun hun

zindagii vahm hai haqiiqat hai
shajar-e-dard-e-saaya-e-Gam hai

Muslim Shameem
Nazm

etiraf

kuchh vaqf-e-tabassum ho.nT bhii hai.n, kuchh rasta taktii aa.nkhe.n bhii
kuchh vo hai.n jin se milne ko be-taab ho.n merii baa.nhe.n bhii
par, ek KHalish sii rahtii hai

Anjum Khaleeq
Nazm

Diary

qaid-o-hayaat-o-band-e-Gam asl me.n dono.n ek hai.n
maut se pahle aadmii Gam se najaat paa.e kyuu.n

Deepti Mishra
Nazm

muhasara

qalb-e-paivandi-e-Gam to hogii
shahr me.n ko.ii dha.Daktaa hu.aa dil
dil... kii ko.ii taaza qalam to hogii

Saqi Faruqi
Nazm

ummid

zindagii tiira Gaar ke maanind
aur mai.n raushnii kaa shaidaa.ii
kaa.nptii uu.nghtii sii diivaare.n
pattharo.n par sajii hu.ii kaa.ii
giilii giilii siyah chaTaano.n par
girtii buu.ndo.n kii naGma-pairaa.ii
tiirgii aur hazaar aavaaze.n
dil rahiin-e-fareb-e-tanhaa.ii
har qadam laGzisho.n kaa afsaana
har nafas vaqf-e-naa-shakebaa.ii
duur lekin vo nuur kaa nuqta
paikar-e-siim-guu.n kii ra.anaa.ii
tasht-e-garduu.n me.n jaise najm-e-sahar
shab kii aa.nkho.n me.n jaise biinaa.ii

Wazir Agha
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now