Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ".gjma"

Nazm MATCHES FOR ".gjma"

Nazm

us aangan ka chand

jag ke chaaro.n kuuT me.n ghuumaa sailaanii hairaa.n ho kar
is bastii ke is kuuche ke is aa.ngan me.n aisaa chaa.nd

Ibn۔e۔Insha
Nazm

KHuda

puure kaa puuraa aakaash ghumaa kar baazii dekhii mai.n ne!

Gulzar
Nazm

wo hansti hai to uske hath rote hain

kisii ke ba.ad
apne haatho.n kii bad-suuratii me.n kho ga.ii hai vo
mujhe kahtii hai 'taabish'! tum ne dekhaa mere haatho.n ko
bure hai.n naa.n?
agar ye KHuubsuurat the to in me.n ko.ii bosa kyuu.n nahii.n Thahraa''
ajab la.Dkii hai
puure jism se kaT kar faqat haatho.n me.n zinda hai
suraahii-daar gardan narm ho.nTo.n tez nazro.n se vo bad-zan hai
ki in apno.n ne hii us ko sar-e-baazaar phe.nkaa thaa
kabhii aa.nkho.n me.n Duubii
aur kabhii bistar pe silvaT kii tarah ubhrii
ajab la.Dkii hai
KHud ko Dhuu.nDtii hai
apne haatho.n kii lakiiro.n me.n
jahaa.n vo thii na hai, aa.inda bhii shaayad nahii.n hogii
vo jab u.nglii ghumaa kar
'faiz' kii nazme.n sunaatii hai
to is ke haath se puure badan kaa dukh jhalaktaa hai
vo ha.nstii hai to us ke haath rote hai.n
ajab la.Dkii hai
puure jism se kaT kar faqat haatho.n me.n zinda hai
mujhe kahtii hai '''taabish'! tum ne dekhaa mere haatho.n ko
bure hai.n naa.n''?
mai.n shaayad gir chukaa huu.n apnii nazro.n se
mai.n chhupnaa chaahtaa huu.n us ke thaile me.n
jahaa.n cigarette hai.n maachis hai
jo us kaa haal maazii aur mustaqbil!

Abbas Tabish
Nazm

pas hue

jii-jaan se ham ne mehnat kii aur avval-number paas hu.e
school se ham ne ulfat kii ham avval-number paas hu.e
picture bhii nahii.n dekhii ham ne hokey bhii nahii.n khelii ham ne
le le ke kitaabe.n pa.Dhte rahe aur KHuub pa.Dhaa.ii kii ham ne
ustaad kii ham ne izzat kii ham avval-number paas hu.e
jii-jaan se ham ne mehnat kii ham avval-number paas hu.e
din-raat jo khelaa karte the vo bhaa.ii hamaare fail hu.e
din-raat jo ghuumaa karte the vo bhaa.ii hamaare fail hu.e
us khel se ham ne nafrat kii ham avval-number paas hu.e
jii-jaan se ham ne mehnat kii ham avval-number paas hu.e
ab pyaar se ammii kahtii hai.n ik suiT tumhe.n banvaa de.nge
ab pyaar se paapaa kahte hai.n dillii se khilaunaa laa de.nge
maa.n-baap kii ham ne KHidmat kii ham avval-number paas hu.e
jii-jaan se ham ne mehnat kii ham avval-number paas hu.e
har saal rahe.nge ham avval aur aage ba.Dhte jaa.e.nge
is desh ke nanhe munne hai.n ham apne hunar dikhlaa.e.nge
kyaa baat hamaarii himmat kii ham avval-number paas hu.e
jii-jaan se ham ne mehnat kii ham avval-number paas hu.e

Hasrat Jaipuri
Nazm

zarurat-e-ittihad

yaa KHudaa hind par karam farmaa
is kii takliif kal-adam farmaa
hai.n pareshaa.n bahut havaas is ke
nahii.n hamdard ko.ii paas is ke
faqr-o-faaqa se paa.emaal hai ab
qarz me.n is kaa baal baal hai ab
na hii san.at na ab tijaarat hai
saarii aasuudgii vo Gaarat hai
ilm-o-fan se hai is kaa ghar KHaalii
aql o idraak se hai sar KHaalii
achchhe atvaar miT ga.e is ke
nek kirdaar miT ga.e is ke
KHulq hai ab na mehr-o-ulfat hai
aatishii hai na ab uKHuvvat hai
ra.ng bilkul hai mulk kaa badlaa
saaraa paanii hai chaah kaa gadlaa
har taraf jahl hai la.Daa.ii hai
dushman aapas me.n bhaa.ii bhaa.ii hai
na mohabbat hai ab na hamdardii
na dilerii na ab javaa.n-mardii
na ravaa-daarii o sharaafat hai
na ab amn-o-amaan o raahat hai
har taraf hai fasaad ha.ngaama
ko.ii rustam hai aur ko.ii gaamaa
ab kahaa.n sulh-o-KHair kii baate.n
jab hai.n kaano.n me.n Gair kii baate.n
john-bill kii hai.n saazishe.n jaarii
mulk par hai.n navaazishe.n jaarii
ek se hai kabhii shanaasaa.ii
duusre ke liye kabhii saa.ii
kabhii in ko la.Daa diyaa sab se
kabhii un ko bhi.Daa diyaa sab se
kabhii in ko police o thaana hai
aur kabhii un ko jail-KHaana hai
yahii manzar yahaa.n hai shaam-o-sahar
bas yahii ho rahaa hai aaTh pahar
jaantaa hai har ik ye sab baate.n
phir bhii KHaalii nahii.n havaalaate.n
vahii ja.ng-o-jadal vahii jhag.De
vahii buGz-o-enaad ke rag.De
yaa KHudaa de hame.n vo aql-e-saliim
ki samajh ham sake.n har ik scheme
pa.D sake phir na ko.ii zad ham par
khul sake.n saare nek-o-bad ham par
KHatm kar de.n ye tafraqa-saazii
aag me.n jho.nk de.n tabar-yaazii
sab kare.n mil ke mulk kii KHidmat
duur ho is kii usrat-o-nakbat
hikmat o fan vatan me.n phailaa.e.n
shaahraahe.n masal kii khul jaa.e.n
ilm o science mulk me.n bhar de.n
is zamii.n ko ham aasmaa.n kar de.n
ham pe khul jaa.e.n sab vo aql ke raaz
ho is kaa europe ke turra-e-e.azaaz
san.ato.n kii ho garm-baazaarii
gaa.nv gaa.nv me.n ho.n mile.n jaarii
rail, motor, jahaaz, tayyaare
KHud ye tayaar ham kare.n saare
kabhii sahraa ho mustaqar apnaa
ho kabhii Taapuu.o.n me.n ghar apnaa
manchester pe KHaak Daale.nge
ghar se jaapaan ko nikaale.n ham
na rahe.n ham kisii ke bhii muhtaaj
mulk apnaa ho aur apnaa raaj
ham me.n gar ittihaad ho jaa.e
mulk aabaad shaad ho jaa.e

Ahmaq Phaphoondvi
Nazm

saDak

sa.Dak masaafat kii ujlato.n me.n
ghire hu.e sab musaafiro.n ko
ba-Gaur fursat se dekhtii hai
kisii ke chehre pe surKH vahshat chamak rahii hai
kisii ke chehre se zard hairat chhalak rahii hai
kisii kii aa.nkhe.n harii-bharii hai.n
kabiir had se ubhar rahaa hai
saGiir qad se guzar rahaa hai
kisii kaa tyre kisii ke pahiye ko khaa rahaa hai
kisii kaa juutaa kisii kii chappal chabaa rahaa hai
kisii ke pairo.n me.n aa rahaa hai kisii kaa bachcha
kisii kaa bachcha kisii ke shaane pe jaa rahaa hai
ko.ii Thikaane pe ko.ii khaane pe jaa rahaa hai
habiib dast-e-raqiib thaame
Gariib-KHaane pe jaa rahaa hai
amiir pi.njra banaa rahaa hai
Gulaam kartab dikhaa rahaa hai
aur apne beTe ke saath chhat par
amiin kunDaa lagaa rahaa hai
nizaam Taa.nga chalaa rahaa hai
kisii kalaa.ii pe jagmagaatii hu.ii gha.Dii hai
magar abhii vo rukii hu.ii hai
kisii ke chehre pe baara bajne me.n paa.nch second rah ga.e hai.n
kisii kii haathii-numaa prado
sa.Dak se aise guzar rahii hai
sivaa.e is ke kahii.n bhii jaise ko.ii nahii.n ho
kisii kii mo.nchhe.n jhukii hu.ii hai.n
kisii kii baa.nchhe.n khilii hu.ii hai.n
kisii kii taxi kisii kii foksii milii hu.ii hai.n
kisii ke lab aur kisii kii aa.nkhe.n silii hu.ii hai.n
kisii ke kap.De phaTe hu.e hai.n
kisii kii pag.Dii chamak rahii hai
kisii kii ra.ngat kisii kii Topii u.Dii hu.ii hai
shariif nazre.n uThaa uThaa kar
kamaan jismo.n pe apnii vahshat ke tiir kab se chalaa rahaa hai
naziir nazre.n churaa rahaa hai
nafiis apne cluff kii shikno.n ko ro rahaa hai
hakiim apne matab ke shiisho.n ko dho rahaa hai
kisii kii aa.nkho.n ke dhu.ndle shiisho.n me.n us ke maazii kii jhalkiyaa.n hai.n
kisii kii aa.nkho.n me.n aane vaale hasiin lamho.n kii mastiyaa.n hai.n
kisii kii aa.nkho.n me.n rat-jago.n kii kuchh arGavaanii sii Doriyaa.n hai.n
kisii ke kaa.ndhe pe us ke KHvaabo.n kii boriyaa.n hai.n
kabaa.D-KHaane pe baasii Tuk.Do.n kii or kitaabo.n kii boriyaa.n hai.n
buzurg bargad ke niiche buu.Dhaa kha.Daa hu.aa hai
aur us ke haatho.n me.n tape lipTii hu.ii chha.Dii hai
police kii gaa.Dii pikiT lagaa kar
sa.Dak pe tirchhii kha.Dii hu.ii hai
aur ek mazduur apnaa daaman uThaa.e be-bas kha.Daa hu.aa hai
aur ik sipaahii ki us ke nefe me.n u.ngliyo.n ko ghumaa rahaa hai
vahii.n pe shaahid siyaah chashma lagaa ke KHud ko chhupaa rahaa hai
news channel kii chhoTii gaa.Dii ba.Dii KHabar kii talaash me.n hai
do sabzii vaale bhii apnii pherii lagaa rahe hai.n
to phuul vaale ke sar pe phuulo.n kii Tokarii hai
kisii kii aa.nkho.n me.n naukrii hai
kisii kii aa.nkho.n me.n chhokrii hai
vaqaar sar ko jhukaa rahaa hai
faraaz khaa.ii me.n jaa rahaa hai
to giilii cigarette ke kash lagaa kar
navaab rickshaw chalaa rahaa hai
saliim kannii ghumaa rahaa hai
vakiil vardii me.n jaa rahaa hai
zamiir baGle.n bajaa rahaa hai
aur ek vaa.iz bataa rahaa hai
KHudaa ko naaraaz karne vaale jahannamii hai.n
KHudaa ko raazii karo KHudaaraa
KHudaa ko raazii karo KHudaaraa
aur us ke aage nasiir akmal kamaal shaadaab Gulaam saare
nazar jhukaa.e kha.De hu.e hai.n
ki chashm-e-biinaa agar kahii.n hai
to samjho paataal tak ga.Dhii hai
kisii ko a-c KHariidnaa hai
kisii ko pii sii KHariidnaa hai
kisii kii bas aur kisii kii bii-sii nikal rahii hai
aqiila KHaala ke dono.n haatho.n me.n aaTh thaile laTak rahe hai.n
aur aate jaate sabhii musaafir
unhe.n musalsal khaTak rahe hai.n
ziyaa a.ndhere me.n jaa rahaa hai
gulaab kachraa jalaa rahaa hai
aziim makkhii a.Daa rahaa hai
kaliim guTkaa chabaa rahaa hai
to ghanTa-package pe jaane kab se
fahiim gappe.n la.Daa rahaa hai
sabaq musaavaat kaa sikhaane
vaziir gaa.Dii me.n jaa rahaa hai
sanaa nidaa ko na.e latiife sunaa rahii hai
hinaa hathelii ko takte takte puraane raste se aa rahii hai
aur apnii bhaavaj kaa haath thaame
zubaida check-up ko jaa rahii hai
vo apnii nazre.n kabhii idhar ko kabhii adhar ko gumaa rahii hai
magar ko.ii shai use musalsal bulaa rahii rahii hai
ajiib ujlat ajiib vahshat ajiib Gaflat kaa maajraa hai
kahuu.n mai.n kis se mire KHudaayaa ye kaisii KHilqat kaa maajraa hai
ki apnii mastii me.n mast ho kar
ye sab musaafir guzar rahe
na.e musaafir ubhar rahe hai.n
sa.Dak jahaa.n thii vahii.n kha.Dii hai
magar haqiiqat bahut ba.Dii hai
sa.Dak pe billii marii pa.Dii hai

Imran Shamshad Narmi
Nazm

karachi ka mawasalati mushaira

kahte the pahle sher ko misra uThaa ke pa.Dh
aur ab ye kah rahe hai.n ki Da.el ghumaa ke pa.Dh

Khalid Irfan
Nazm

jadid-tarin aadmi-nama

rocket u.Daa rahaa hai so hai vo bhii aadmii
motor chalaa rahaa hai so hai vo bhii aadmii
bas me.n jo jaa rahaa hai so hai vo bhii aadmii
pedal ghumaa rahaa hai so hai vo bhii aadmii
paidal jo aa rahaa hai so hai vo bhii aadmii

Sarfaraz Shahid
Nazm

balle-baz

jab pa.Dhaa.ii karte karte bor ho jaataa huu.n mai.n
daab kar ballaa baGal me.n field par aataa huu.n mai.n
phir nahii.n duniyaa-o-maa-fiihaa kaa kuchh rahtaa KHayaal
kheltaa jaataa huu.n mai.n bas kheltaa jaataa huu.n mai.n
dead pitch ho yaa slow bowler to mere aish hai.n
fast pitch aur tez bowler ho to ghabraataa huu.n mai.n
in cutter out cutter se ho ke bilkul be-niyaaz
band kar ke aa.nkh bas ballaa ghumaa jaataa huu.n mai.n
jab mai.n chhakkaa maartaa huu.n aur vo ho jaataa hai catch
apnii is diivaangii par jhe.np saa jaataa huu.n mai.n
forward jaataa huu.n mai.n guglii uThaane ke liye
aqab me.n apne magar wickete.n girii paataa huu.n mai.n
century kaa garche le kar dil me.n jaataa huu.n KHayaal
lekin aksar le kar anDa hii palaT aataa huu.n mai.n
ho ke ab mohtaat mai.n kheluu.ngaa agle match me.n
har dafa ye kah ke apne dil ko samajhtaa huu.n mai.n

Inayat Ali Khan
Nazm

khilaune

(tiisrii duniyaa ke tamaam logo.n ke naam)
ajab haadsa hai
ki bachpan me.n ham jin khilauno.n se khele the
ab vo khilaune
hamaare hii haalaat se khelte hai.n
vo naazuk mujassame
vo ra.ngiin gu.Diyaa.e.n
tayyaare pistol
faujii sipaahii
kabhii jo hamaare ishaaro.n ke mohtaaj the
aafrii.n tujh pe meyaar-e-gardish
ki ab vo khilaune
hame.n chaabiyaa.n bhar rahe hai.n
hamaare maveshii hamaare hii baaGaat ko char rahe hai.n
khilauno.n ke is khel me.n
ham to yuu.n kho ga.e hai.n
ki har kaam kii ham se ummiid rakh lo
agar ko.ii taqve kii chaabii ghumaa de
to daa.Dhii ba.Dhaa le.n
agar ko.ii tho.Dii sii qiimat lagaa kar
kisii shaKHs kaa ghar bataa de
to agle hii pal me.n us kii gardan u.Daa de.n

Waheed Ahmad
Nazm

hamare ma-bain

ek KHvaab se jab tum duusre KHvaab me.n qadam rakho
to ye KHayaal rahe
ek zamiin tumhaare andar bhii apne liye zamiin banaa chukii hai
jis par hazaaro.n
nannhii nannhii du.aa.o.n kii baaliyaa.n phuuTe.ngii
tum un du.aa.o.n kii zabaan samajhnaa
un lafzo.n ko sun.naa
jinhe.n tum ne
safar ke guzishta marhale me.n idhar udhar ghumaa diyaa thaa

Ateequllah
Nazm

shikast

mujhe apne bairuun kii justujuu thii
ki vo aa.nkh se apnii dekhaa thaa mai.n ne
jazaa.er
vo sab reKHta naa-rasiida jazaa.er
KHalaa.o.n me.n bikhre gire
ziist-aasaar ke shaa.ebe jin me.n the
ab mirii justujuu yaa havas kaa
hadaf ban ga.e the
mai.n un kii tamannaa liye
dilkash o mast raaho.n me.n
ik umr ghuumaa kiyaa
maah-o-anjum ko chuumaa kyaa

Shahram Sarmadi
Nazm

interwal

lo ghanTa bajaa interval kaa
ab vaqt aayaa hai halchal kaa
ab jo chaahe vo shor kare
ab har la.Dkaa KHud teacher hai
jis chiiz ko paayaa to.D diyaa
haatho.n me.n sab ke saniichar hai
go aaj kaa din hai ma.ngal kaa
lo ghanTa bajaa interval kaa
dekho ik chhoTe bachche se
vo chhiin rahaa hai lunch ko.ii
kursii ko paTaKH kar kursii par
vo phe.nk rahaa hai bench ko.ii
school banaa ghar paagal kaa
lo ghanTa bajaa interval kaa
kuchh apnii sehat par naazaa.n
gaamaa kii tarah se aka.Dte hai.n
kuchh taal Tho.nk kar maidaa.n me.n
rustam kii tarah se la.Dte hai.n
har samt hai manzar da.ngal kaa
lo ghanTa bajaa interval kaa
kuchh mausiiqii ke matvaale
kuchh filmii gaane gaate hai.n
kuchh miir ke shero.n ke rasiyaa
kuchh qaumii taraane gaate hai.n
kuchh qissa aalhaa udal kaa
lo ghanTa bajaa interval kaa
kuchh chaaT kii duukaano.n me.n kha.De
patto.n me.n kachaaluu khaate hai.n
kuchh garm pako.Dii ke taalib
kuchh taaza aaluu khaate hai.n
kuchh paapa.D khaate hai.n kal kaa
lo ghanTa bajaa interval kaa
kuchh daulat-mando.n ke la.Dke
khaate hai.n apnii biryaanii
kuchh bhuuke muflis bachcho.n ke
mu.nh me.n bhar aataa hai paanii
hai shauq kisii ko chaaval kaa
lo ghanTa bajaa interval kaa
is niim ke niiche maidaa.n me.n
mausam hai jahaa.n ThanDaa ThanDaa
ik giroh khilaa.Dii la.Dko.n kaa
hai khel rahaa gillii Da.nDaa
ye lutf hai bas pal do pal kaa
lo ghanTa bajaa interval kaa

Kaif Ahmed Siddiqui
Nazm

pyara watan hamara

godii me.n jis kii ab tak gaamaa saa pahlvaa.n hai
nazro.n me.n kal jahaa.n kii jo rustam-e-zamaa.n hai

Lala Anoop Chand Aaftab Panipati
Nazm

barish mein

saare gaamaa paa dhaanii
puuraa saptak baarish me.n

Ataur Rahman Tariq
Nazm

machchhar se jang

sunaa.uu.n mai.n apnii shujaa.at kaa qissa
dilerii kaa qissa himaaqat kaa qissa
masahrii pe leTaa jo sone kii KHaatir
hu.aa ek machchhar mire paas haazir
mujhe filmii gaane sunaane lagaa vo
mirii nii.nd gaa kar u.Daane lagaa vo
kahaa mai.n ne machchhar miyaa.n rahne do bas
kahii.n aur gaa.o mujhe sone do bas
ye sun kar vo itnaa hu.aa garm mujh par
ki fauran hii chehre pe aayaa jhapaT kar
mire gaal pe us ne zoro.n se kaaTaa
ki takliif se mai.n bahut tilmilaayaa
do-hattha.D jo machchhar ke Gussa se maaraa
paka.D kar mire pair vo phir pukaaraa
nahii.n maarnaa itnaa aasaan mujh ko
tiraa KHuun pii kar hii chho.Duu.ngaa tujh ko
ye kah kar mire paa.nv par kaaT khaayaa
mai.n ik baar phir dard se tilmilaayaa
ka.ii haath maare magar vaare machchhar
lagaa ha.nsne kamre kaa chakkar lagaa kar
Guruur us kaa mujh se na dekhaa gayaa jab
miraa Gussa had se sivaa ho gayaa jab
to mai.n ne bhii chupke se hokey uThaa kar
nazar apnii machchhar kii jaanib uThaa kar
ghumaa kar zaraa mai.n ne hokey jo maarii
hu.ii jaan machchhar kii allaah ko pyaarii

Maqbool Ahmad Dehlvi
Nazm

murti

mai.n aksar sochtaa huu.n
kyaa kahuu.n mai.n kyaa likhuu.n tujh ko
hai ko.ii apsaraa tuu yaa ki phir hai ruup kii devii
tuu jo bhii hai
haqiiqat me.n hai ik shahkaar qudrat kaa
ka.ii sadiyaa.n safar kar ke
taKHayyul yuu.n nikhartaa hai
yuu.nhii pal me.n tire jaisii ko.ii muurat nahii.n bantii
chamelii motiyaa nargis gul-e-laala ka.nval sandal
sabhii kaa ras nicho.Daa aur milaa kar bhurnhurii miTTii
ghuumaa kar chaak kaa pahiya
taraashaa ik hasii.n paikar
tabhii phuulo.n kii KHushbuu se
mahaktaa hai badan teraa
labo.n kii pa.nkhu.Dii us ne
banaa.ii hai gulaabo.n se
ye kaalii reshmii zulfe.n
hazaaro.n saal tak resham
jam.a kar ke bunii us ne
katar kar pa.nkh moro.n ke
tirii palke.n tanii us ne
phir is ke baad kun kah kar
mukammal kar diyaa tujh ko

Arshad Mahmood Arshad
Nazm

nanha sayyah

mai.n huu.n ik nanhaa sayyaah
mai.n huu.n ik nanhaa sayyaah
kashtii le kar la.ngar le kar
kashtii biich samundar le kar
mai.n ghuumuu.ngaa duniyaa duniyaa
london paris qustuntuniya
sair karuu.ngaa dhiire dhiire
mai.n Dhuu.nDuu.ngaa na.e jaziire
mai.n huu.n ik nanhaa sayyaah
mai.n huu.n ik nanhaa sayyaah
mujh me.n hai kaafii bal buutaa
mai.n huu.n nanhaa ibn-e-batuta
mai.n paakistaanii albelaa
vasco da gama kaa chelaa
america kii sair karuu.ngaa
africa kii sair karuu.ngaa
mai.n huu.n ik nanhaa sayyaah
mai.n huu.n ik nanhaa sayyaah
Dhuu.nDuu.ngaa vo KHitta ko.ii
naam nahii.n hai jis kaa ko.ii
saKHt vahaa.n ke saude ho.nge
gho.De jaise paude ho.nge
raqs karuu.ngaa un yaaro.n me.n
rahte ho.nge jo Gaaro.n me.n
mai.n huu.n ik nanhaa sayyaah
mai.n huu.n ik nanhaa sayyaah
likkhuu.ngaa mai.n niil ke qisse
baate.n kartii chiil ke qisse
congo aur katanga jaa kar
jangal jangal patte khaa kar
niile patthar le aa.uu.ngaa
pariyo.n ke par le aa.uu.ngaa
mai.n huu.n ik nanhaa sayyaah
mai.n huu.n ik nanhaa sayyaah
rocket par jaanaa hai mujh ko
chaa.nd nagar jaanaa hai mujh ko
utregii jab chaa.nd pe gaa.Dii
chaal chaluu.ngaa aa.Dii aa.Dii
chaa.nd kii miTTii bhar laa.uu.ngaa
chaa.nd ke patthar laa.uu.ngaa
mai.n huu.n ik nanhaa sayyaah
mai.n huu.n ik nanhaa sayyaah

Shabnam Rumani
Nazm

isi hawa-e-bahaar mein tum se phir milunga

gha.Dii kii suu.ii ghumaa sako to
sadii kii
fasl-e-bahaar mausam ke dar pe roko
jahaa.n havaa ne badan chhu.aa thaa
to dast-e-jaanaa.n kii guu.ndhii miTTii
mahak uThii thii

Anwar Shamim
Nazm

ruswai

Tiikaa lagaa.uu.n maa.ng bhii sandal se bhar chukuu.n
dulhan banuu.n to chaahiye jo.Daa suhaag kaa
meh.ndii rachegii poro.n kahii.n jaa ke dair me.n
ka.nghii karuu.n to cha.Dhtii hai kaalo.n kii aur lahr
afshaa.n hai baKHt bhii ki rahaa un ke pher me.n
kahtii hai saa.njh bhor ke ab ghaaT utar chukuu.n
tum baiTho mai.n to aa.ii pe jii se guzar chukuu.n
itne dino.n to dil kii lagii ne KHudaa.ii kii
paa.el baje to bansii kii dhun naach naach uThe
bad-naamiyaa.n karishme mire devtaa ke hai.n
diide ghumaa ghumaa ke kahii.n kyuu.n na gopiyaa.n
un ke chalan to big.De hu.e ibtidaa ke hai.n
biptaa na hogii kal se lagaa.ii bujhaa.ii kii
dahke shafaq tuu dahke chitaa jag ha.nsaa.ii kii
2
chiiKHe.n sun sun ke sabhii nii.nd ke maate jaage
saamne dahkii hu.ii aag kaa paikar dekhaa
chal ke do-chaar qadam phir se palaT kar jaulaa.n
chiiKHe.n sho.alo.n ke dahakne pe lapak uThtii thii.n
duud ke halqe ravaa.n ho.e falak charKH zanaa.n
sab ye samjhe ki ko.ii Guul-e-bayaabaanii hai
yuu.nhii luukaa jo lagaane ko nikal aayaa yahaa.n
baad-paa aag thii yaa laal rasiilii saa.Dii
chhaayaa kaalo.n kii thii sho.alo.n kii zabaano.n kaa dhu.aa.n
yak-ba-yak kundanii baahe.n bhii uThii.n chiiKH ke saath
kaa.npte aa.e nazar phuul se meh.ndii bhare haath
ek ne ba.Dh ke vahii.n aag pe Daalaa paanii
aag yuu.n paanii kii shah paa.e to dozaKH na bane
jiite-jii ashko.n se kyaa dil kii lagii bujhtii thii
aag paanii me.n la.Daa.ii jo chitaa par bhii Thane
KHaak Daalii to hu.ii.n phir kahii.n maddham aa.nche.n
baKHt rusvaa ho to rusvaa.ii binaa kaise mane
puuchho jalne kii to jaane vahii jis tan laage
chiiKHe.n sun sun ke

Mukhtar Siddiqui
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now