Search result for "abr-e-ashk" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "abr-e-ashk"

Nazm MATCHES FOR "abr-e-ashk"

Nazm

talKH haqiqat

haqiiqat talKH hai aur talKH-tar hai.n is kii tadbiire.n
Duboyaa mujh ko hone ne na hotaa mai.n to kyaa hotaa
agar is bahr-e-tuufaanii me.n honaa hii muqaddar thaa
to apnii kashtii-e-jazbaat kaa KHud naaKHudaa hotaa
kabhii maujo.n se Takraataa kabhii lahro.n pe lahraataa
halaakat-KHez girdaabo.n kaa siina rau.ndtaa hotaa
nasiim-e-sub.h ban kar shoKHiyaa.n kartaa gulistaa.n me.n
gulo.n ko gudgudaataa ko.npalo.n ko chhe.Dtaa hotaa
gharo.n me.n yaas ke kartaa umiido.n ke ka.nval raushan
kisii biimaar-e-Gam kaa muunis-e-shaam-e-balaa hotaa
ik aisii baa.nsurii hotaa ki jis ke kaif-e-naGma se
jhapaktii aa.nkh taaro.n kii zamaana jhuumtaa hotaa
quluub-e-saKHt kii sangiin diivaaro.n se Takraataa
sukuut-e-shab me.n ik TuuTe hu.e dil kii sadaa hotaa
Dubo kar kashtii-e-sarmaaya-daarii qa'r-e-dariyaa me.n
mai.n maGruuro.n kii hasrat kaa tamaashaa dekhtaa hotaa
Gariibo.n ke mohallo.n me.n charaaG-e-rah-guzar ban kar
a.ndhere jho.npa.Do.n ko bhiik apnii de rahaa hotaa
charaaG-e-rahguzaar-e-be-kasii jis ke ujaale me.n
kisii mazduur faaqa-kash kaa bachcha kheltaa hotaa
bahisht-e-qaisar-o-faGfuur ke sunsaan kha.nDaro.n me.n
tabaahii aur baGaavat kaa taraana gaa rahaa hotaa
patango.n ko haraarat sham' ko sozish 'ataa kartaa
agar jalnaa hii thaa dil ko to ik aatish-kada hotaa
magar afsos fitrat ne mujhe shaa'ir banaa Daalaa
nahii.n to 'ashk' apnii aarzuu.o.n kaa KHudaa hotaa

Ahsan Ahmad Ashk

Nazm

shair ki tamannaen

agar ai sham'-e-dil jalnaa hii thaa tujh ko to jalnaa thaa
kisii bekas kii turbat par charaaG-e-niim-jaa.n ho kar
ye hasrat thii ki maujo.n ke talaatum me.n bahaa jaataa
mai.n apnii kashtii-e-be-baadbaa.n kaa paasbaa.n ho kar
bataataa haalat-e-raftaar-e-shab sahraa-nashiino.n ko
nujuum-e-charKH ban kar kaarvaa.n-dar-kaarvaa.n ho kar
thake-maa.nde musaafir ko sulaa detaa lab-e-dariyaa
havaa-e-sarv ban kar mauja-e-‘ambar-fashaa.n ho kar
guzar jaataa fuGaa.n kartaa hu.aa sunsaan vaadii se
fazaa.o.n ko jagaa detaa daraa-e-kaarvaa.n ho kar
umiid-o-biim ke jhag.De miTaa detaa zamaane se
KHudii kaa devtaa ban kar KHudaa kaa tarjumaa.n ho kar
fareb-e-husn detaa diida-e-kor-e-tamanna ko
nigaah-e-dil-nashii.n ban kar adaa-e-dilsitaa.n ho kar
kisii kii aarzuu karnii hii thii to 'umr bhar kartaa
javaanii me.n havas ban kar bu.Dhaape me.n javaa.n ho kar
taraqqii munhasir 'isyaa.n pe hai maqsuud-e-fitrat kii
ta.Daptaa siina-haa-e-shauq me.n raaz-e-ziyaa.n ho kar
ye hasrat thii ki ‘aalamgiir hotii raushnii dil kii
ye hasrat thii ki chhaa jaataa zamii.n par aasmaa.n ho kar
magar kyaa kiijiye jab faisla ye hai mashiyyat kaa
ki mai.n fitrat kii aa.nkho.n se giruu.n ashk-e-ravaa.n ho kar

Ahsan Ahmad Ashk

Nazm

gulha-e-aqidat

qumriyaa.n miiThe suro.n ke saaz le kar aa ga.ii.n
bulbule.n mil-jul ke aazaadii ke gun gaane lagii.n
gul se apnii nisbat-e-deriina kii khaa kar qasam
ahl-e-dil ko ishq ke andaaz samjhaane lagii.n

Syeda Shan-e-Meraj

Nazm

chand ke tamannai

aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii.n hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pahnaa.ii
aur chaa.nd raato.n me.n
chaa.ndnii ke shaidaa.ii
har bahaane nikle.nge
aazmaane nikle.nge
aarzuu kii gahraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
jaa.n-gudaaz tanhaa.ii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai
sad-hazaar baate.n thii.n
hiila-e-shakebaa.ii
suurato.n kii zebaa.ii
qaamato.n kii ra.anaa.ii
un siyaah raato.n me.n
ek bhii na yaad aa.ii
jaa-ba-jaa bhaTakte hai.n
kis kii raah takte hai.n
chaa.nd ke tamannaa.ii
ye nagar kabhii pahle
is qadar na viiraa.n thaa
kahne vaale kahte hai.n
qarya-e-nigaaraa.n thaa
KHair apne jiine kaa
ye bhii ek saamaa.n thaa
aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pinhaa.ii
aur chaa.nd-raato.n me.n
chaa.ndnii ke shaidaa.ii
har bahaane nikle.nge
aarzuu kii giiraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha

Nazm

dil-ashob

tirii chaah me.n dekhaa ham ne ba-haal-e-KHaraab ise
par ishq o vafaa ke yaad rahe aadaab ise
tiraa naam o maqaam jo puuchhaa, ha.ns kar Taal gayaa

Ibn۔e۔Insha

Nazm

sham hai dhuan dhuan

kyo.n shaam kaa aa.nchal mailaa hai
har samt dhu.aa.n saa phailaa hai
maaduum hu.e aasaar sabhii
kaliyo.n kii chanchal aa.nkhe.n
jhukii jhukii sii muu.nde palke.n
gul-badan sar niguu.n ho ga.e
KHushbuu bhii u.Dii
aur gesuu-e-shab me.n jaa uljhii

Rukhsana Nikhat Lari Umm-e-Hani

Nazm

tauq-o-dar ka mausam

hadiis-e-baada-o-saaqii nahii.n to kis masraf
KHiraam-e-abr-e-sar-e-kohsaar kaa mausam

Faiz Ahmad Faiz

Nazm

maulana mohammad-ali marhum jauhar

falak par lukka-e-abr-e-subuk-raftaar raqsaa.n thaa
bahisht-e-husn thaa duniyaa kii barnaa.ii kaa har zarra

Shatir Hakeemi

Nazm

barsat ka mausam

ai naazish-e-kaunain sitam-kesh-o-sitam-gaar
ai KHuunr-e-rag-e-abr-e-ravaa.n jaan-e-chaman-zaar
ai saaz-e-mohabbat kii machaltii hu.ii jhankaar
meraa ko.ii saathii hai na hamdam hai na Gam-KHvaar

Izhaar Malihabadi

Nazm

shikast

regzaaro.n me.n baguulo.n ke sivaa kuchh bhii nahii.n
saaya-e-abr-e-gurezaa.n se mujhe kyaa lenaa

Sahir Ludhianvi

Nazm

mahawir

abr-e-gauhar-baar ban kar hind me.n aaya thaa tuu
ahl-e-duniyaa ke liye paiGaam-e-haq laayaa thaa tuu

Sudarshan Kumar Vuggal

Nazm

lekin baDi der ho chuki thi

simTii hu.ii us ke baazu.o.n me.n
taa-der mai.n sochtii rahii thii
kis abr-e-gurez-paa kii KHaatir
mai.n kaise shajar se kaT ga.ii thii
kis chhaa.nv ko tark kar diyaa thaa

Parveen Shakir

Nazm

ehsas-e-firaq

maah-o-anjum ka.nval sitaare suno
jab vo mah-vash nahii.n hai apne paas
baad-e-abr-e-bahaar hai be-kaif
chaa.ndnii muzmahil hai chaa.nd udaas
us kii furqat kaa kis qadar ehsaas

Pasha Rahman

Nazm

husn-e-qudrat

husn hai maujuud har jaa chashm-e-biinaa chaahiye
diida-e-dil khol kar haa.n us ko dekhaa chaahiye
us kaa jalva hai ayaa.n gul-haa-e-rangaa-rang se
sabze me.n shaaKHo.n me.n ghar us ne kiyaa sau Dhang se
jaaguzii.n hai raat din ye bahr-o-bar ke des me.n
shahr me.n aataa hai ye la.al-o-gohar ke bhes me.n
husn-e-qudrat munhasir kuchh chhoTii chiizo.n par nahii.n
balki ye jalva-numaa hai har jahaa.n me.n har kahii.n
koh-o-raaG-o-abr-o-baad-o-mahr-o-mah jinn-o-bashar
nuur-e-husn-e-haq se hai.n ye sab munavvar sar-basar
hai jahaa.n saaraa munavvar aur mandar husn kaa
dekhiye jo ghar nazar aataa hai vo ghar husn kaa
aashnaa hai.n jo vajuud-e-husn-e-qudrat se vo sab
jaante hai.n aap ko mahsuur-e-nuur-e-husn-e-rab
dil agar daanaa buvad dar har-suKHan asraar hast
chashm gar biinaa buvad yuusuf ba-har-baazaar hast

Hamid Hasan Qadri

Nazm

kohr ke us par dekh

hazrat-e-bal kii kahaanii baabarii masjid kaa rog
baKHsh de tuu laGzishe.n sab bhej de abr-e-karam

Farrukh Zohra Gilani

Nazm

lucknow

mutrib bhii hai sharaab bhii abr-e-bahaar bhii
shiiraaz ban gayaa hai shabistaan-e-lucknow

Asrarul Haq Majaz

Nazm

shair

mast ho jaataa hai tuu abr-e-siyah ko dekh kar
chashmako.n se barq kii letaa hai tuu kyaa kyaa asar

Saqib Kanpuri

Nazm

KHatun-e-mashriq

aaKHir is andaaz par rahmat ko pyaar aa hii gayaa
mai-kade par jhuum kar abr-e-bahaar aa hii gayaa

Josh Malihabadi

Nazm

mohabbat ab nahin hogi

sitaare jo damakte hai.n
kisii kii chashm-e-hairaa.n me.n
mulaaqaate.n jo hotii hai.n
jamaal-e-abr-o-baaraa.n me.n
ye naa-aabaad vaqto.n me.n
dil-e-naashaad me.n hogii
mohabbat ab nahii.n hogii
ye kuchh din baa'd me.n hogii
guzar jaa.e.nge jab ye din
ye un kii yaad me.n hogii

Muneer Niyazi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now