Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "amiT"

Nazm MATCHES FOR "amiT"

Nazm

kaun dekhega

is apnii miTTii me.n jo kuchh amiT hai miTTii hai
jo din in aa.nkho.n ne dekhaa hai kaun dekhegaa

Majeed Amjad
Nazm

padash

kabhii is subuk-rau nadii ke kinaare ga.e hii nahii.n ho
tumhe.n kyaa KHabar hai
vahaa.n an-ginat khurdure pattharo.n ko
sajal paaniyo.n ne
mulaa.em rasiile, madhur giit gaa kar
amiT chiknii golaa.iyo.n ko adaa sau.np dii hai
vo patthar nahii.n thaa
jise tum ne be-Dol, an-gha.D samajh kar
puraanii chaTaano.n se Takraa ke to.Daa
ab us ke sulagte taraashe
agar paa.nv me.n chubh ga.e hai.n to kyuu.n chiiKHte ho?

Shakeb Jalali
Nazm

ehsas

ehsaas kii mah.ngaa.ii bahut ba.Dh ga.ii hai
aaj kal ko.ii nazme.n KHariidne nahi.n aataa
tumhaare sirhaane mere haatho.n kii lakiire.n rakkhii hai.n
yaqiin nahii.n to TaTol kar dekh lenaa
ye vaqt kii hii gustaaKHii hai jo guzarne se kabhii ba.az nahii.n aataa
agar mai.n Thahraa hu.aa na hotaa to na jaane vaqt kaise guzartaa
is KHaalii ashtray me.n tere naam vaale ehsaas ko
kash maar kar bujhaa diyaa hai ham ne
tumhaare ishq ke maathe par ye kaisii jhurriyaa.n pa.D ga.ii hai.n
bu.Dhaape ke alaava aur kyaa haasil hu.aa
ek buu.Dhaa nadii ke kinaare kha.Daa suuryaast dekh rahaa thaa
kuchh logo.n ke na ghar me.n aa.iina hotaa hai aur na zindagii me.n

Amit Brij sha
Nazm

jagmaga uTTha hai rang manch

aa.o zindagii zindagii khele.n
ye jhuuT hai ki mai.n tumhaare liye chaa.nd to.D ke laa saktaa huu.n
par is KHayaal kii sachchaa.ii ko hii ishq kahte hai.n
ruuh jab jaltii hai to kundan bantaa hai
terii bevafaa.ii kii is se achchhii vaj.h aur kyaa ho saktii hai
sub.h se roTii kamaane me.n lagaa hu.aa huu.n
ab jab shaam ho ga.ii hai to sharaab piine kaa man hotaa hai
mere daaG-e-dil me.n ek charaaG aisaa bhii hai
jo amaavas kii raat me.n merii bujhtii saa.nso.n ko garmaahaT detaa hai
aadmii kii khudaa.ii kaa vaqt kyuu.n nahii.n aataa
duniyaa mar rahii hai ko.ii use bachaane kyuu.n nahii.n aataa
tere aane se vo tamaam adhuure KHvaab puure ho ga.e
jinhe.n dekhnaa naa merii taqdiir me.n thaa aur naa tadbiir me.n
mai.n ek mash.huur shaa.ir nahii.n
par us se merii shaa.erii me.n dard kam to nahii.n ho jaataa
kore kaaGaz par bhii kuchh shabd baste hai.n
ham bas unhe.n pa.Dh nahii.n paate
kaun kis ke KHilaaf gavaahii de
sab ke man me.n ek chor to hai hii
merii gavaahii us kii jaan le saktii hai
gavaahii naa dii to meraa zamiir mujhe maar degaa
chand dosto.n ke afsaane ab paraa.e ho ga.e hai.n
ab khoTe sikke jeb me.n rakhne kaa man nahii.n hotaa
jab bhii kisii shamshaan ke paas se guzartaa huu.n
apnii auqaat pata lag jaatii hai
kal raat aa.iina dekh kar kyuu.n nahii.n soyaa
sub.h apne hii ghar me.n paraayaa ban gayaa
har shahr har galii me.n sirf logo.n kii chiiKHe.n sunaa.ii detii.n hai.n
raam rahiim ke is jhag.De me.n un dono.n ke alaava sab hai.n

Amit Brij sha
Nazm

KHush-chashm

tumhaarii aa.nkhe.n kitnii KHuub-suurat hai.n
hai dil-aavez nuqta-e-nazar bhii
har ik shai ko tumhaaraa dekhne kaa zaaviya kitnaa judaa hai
magar ik baat jo sab se ziyaada KHaas hai
vo ye
ki ye 'ainak bhii aa.nkho.n par tumhaarii KHuub jachtii hai

Amit Goswami
Nazm

zina zina

january kaa sard din thaa
yaad hai
ham garm chaa.e kii talab me.n
restaurant kii sii.Dhiyaa.n jab cha.Dh rahe the
tab tumhaare adh-khule juute ke tasme baa.ndhne ke vaaste
tum ruk ga.ii.n thii.n
rukii aur jhuk ke tasme baa.ndh kar
phir sii.Dhiyaa.n cha.Dhne ko thii.n
tab ek lamhe ke liye tum ne tavaazun kho diyaa thaa
aur sa.nbhalne ke liye kaa.ndhe pe mere haath rakhaa thaa

Amit Goswami
Nazm

mukammal sher

ba-mushkil milne vaale
qurb ke lamho.n ko
yakjaa jo.D kar jo thii sajaa.ii
us pighaltii shaam
maddham raushnii me.n
restaurant kii mez par
jab chaa.nd mere saath baiThaa thaa
masaala chaa.e kii chuskii pe
us ke ju.Dvaa.n lab ik duusre se mil rahe the
tab hamaare hijr kii majbuuriyaa.n misro.n me.n lipTaa kar
use ik sher mai.n ne yuu.n sunaayaa thaa

Amit Goswami
Nazm

be-nam nazmen

aKHbaar ke bikhre hu.e panno.n me.n
yaa shaayad
whatsapp ke kisii group me.n kahii.n
us ne pa.Dhii thii.n
kuchh dard me.n Duubii Gam-e-hijraa.n se mo.attar
maanuus se alfaaz me.n pahchaanii sii satre.n
be-naam sii nazme.n
jin me.n kahii.n shaa.ir kaa ko.ii naam nahii.n thaa

Amit Goswami
Nazm

wallpaper

saath me.n dono.n kii
bas ye aaKHirii tasviir hai
vaqt-e-ruKHsat
aaKHirii lamho.n kaa
ko.ii bojh le kar lauTnaa
aasaa.n nahii.n thaa
is liye mai.n ne bhii
kuchh kuchh be-yaqiinii se hii puuchhaa thaa
chalo naa saath me.n tasviir lete hai.n
guzishta vaqt kii
ko.ii kuduurat
dil me.n le kar lauTnaa
achchhaa na hotaa
is liye
tum ne bhii shaayad
yuu.n hii aadhe man se
khi.nchvaa lii thii ye tasviir
jis me.n
haath to kaa.ndho.n pe hai.n ik duusre ke
par hamaare darmiyaa.n kaa faasla
between the lines
saaf likkhaa dikh rahaa hai
saath me.n dono.n kii
bas ye aaKHirii tasviir hai
jo wallpaper me.n mire
ab bhii lagii hai

Amit Goswami
Nazm

abhi kuchh aur Thahar

mujhe ye shaam bhii tujh sii hasiin lagtii hai
guzartii shaam ke sandal se aasmaan pe dekh
palaT ke jaane se pahle sunahre suuraj ne
ghane daraKHt pe maathaa Tikaa diyaa apnaa
mire bhii kaa.ndhe pe tuu sar Tikaa ke baiTh zaraa
kuchh aur der mire paas aa ke baiTh zaraa

Amit Goswami
Nazm

shab-e-raegan

mujh ko kal raat us kii hathelii me.n meh.ndii lagaanii thii
meh.ndii se bele.n banaanii thii.n buuTe sajaane the
gul naqsh karne the
aur darmiyaan un gulo.n ke
mere naam kaa harf-e-avval bhii likhnaa thaa
tho.Daa saa pinhaa.n bhii tho.Daa numaayaa.n bhii
rang-e-hinaa se lakiire.n hamaare muqaddar kii
us kii hathelii me.n phir se banaanii thii.n
kuchh yuu.n ki us kii hathelii kii rekhaa.e.n
merii hathelii me.n paivast ho jaa.e.n

Amit Goswami
Nazm

nishan

mohabbato.n ke nishaa.n der tak nahii.n jaate

Amit Goswami
Nazm

password

zamaana ek vo bhii thaa
ki mere raaste me.n aa bhii jaatii gar ko.ii mushkil
to teraa naam hii mere liye mushkil-kushaa thaa
jaise ko.ii qufl-e-abjad
jis se khul jaate the
saare band darvaaze
vo darvaaze
ki jin se ho ke jaate the
mirii duniyaa ke sab raste
masarrat kii sabhii raahe.n
mohabbat kii guzargaahe.n

Amit Goswami
Nazm

siDhiyon par do shamen

us sunahrii shaam jab mandir kii sii.Dhii par
bichhaa.e dhuup o.Dhe chhaa.nv
ham tum saath baiThe the
bahut kuchh kah rahaa thaa mai.n
bahut kuchh kah rahii thii.n tum
bahut kuchh sun rahe the ham
hamaarii piiTh ke piichhe to suuraj Dhal rahaa thaa
par mire shaane pe ik suuraj Tikaa thaa
jis kii jagmag raushnii me.n
aasmaa.n apne varaq par
phir ko.ii dilkash kahaanii likh rahaa thaa

Amit Goswami
Nazm

rasm-e-ijra

kisii din mere baare me.n
kisii aKHbaar me.n
yaa phir risaale me.n
zaraa saa zikr hotaa hai
to apne aap par kuchh faKHr hotaa hai
dikhaataa phirtaa huu.n sab ko mai.n aKHbaaro.n risaalo.n me.n chhapii KHabre.n
bahut maGruur rahtaa huu.n mai.n kuchh din

Amit Goswami
Nazm

intizar

tum aglii baar jab aanaa muqarrar vaqt par aanaa
tumhaaraa muntazir kab se
mai.n jis Table pe baiThaa huu.n
vahaa.n se baa.e.n jaanib glass window se
mai.n ab tak gin chukaa huu.n
pichhle das minto.n me.n baavan gaa.Diyaa.n niklii hai.n
in me.n do safaari paa.nch audi das innova aaTh honda das dzire aur satrah chhoTii care.n thii.n
sa.Dak par aatii jaatii gaa.Diyaa.n ginte hu.e bhii
vaqt kaTtaa hii nahii.n Thahraa hu.aa saa hai

Amit Goswami
Nazm

minnat

kisii mandir me.n
yaa dargaah me.n
mai.n ne kabhii mannat nahii.n maa.ngii
ko.ii dhaagaa nahii.n baa.ndhaa
mirii jitnii bhii minnat aur mannat hai.n
tumhii.n se hai.n

Amit Goswami
Nazm

KHub-surat moD

chalo ik baar phir se ajnabii ban jaa.e.n ham dono.n
na mai.n tum se ko.ii ummiid rakhuu.n dil-navaazii kii
na tum merii taraf dekho Galat-andaaz nazro.n se
na mere dil kii dha.Dkan la.Dkha.Daa.e merii baato.n se
na zaahir ho tumhaarii kashmakash kaa raaz nazro.n se

Sahir Ludhianvi
Nazm

shikwa

kyuu.n ziyaa.n-kaar banuu.n suud-faraamosh rahuu.n
fikr-e-fardaa na karuu.n mahv-e-Gam-e-dosh rahuu.n
naale bulbul ke sunuu.n aur hama-tan gosh rahuu.n
ham-navaa mai.n bhii ko.ii gul huu.n ki KHaamosh rahuu.n
jur.at-aamoz mirii taab-e-suKHan hai mujh ko
shikva allaah se KHaakam-ba-dahan hai mujh ko
hai bajaa sheva-e-tasliim me.n mash.huur hai.n ham
qissa-e-dard sunaate hai.n ki majbuur hai.n ham
saaz KHaamosh hai.n fariyaad se maamuur hai.n ham
naala aataa hai agar lab pe to ma.azuur hai.n ham
ai KHudaa shikva-e-arbaab-e-vafaa bhii sun le
KHuugar-e-hamd se tho.Daa saa gila bhii sun le
thii to maujuud azal se hii tirii zaat-e-qadiim
phuul thaa zeb-e-chaman par na pareshaa.n thii shamiim
shart insaaf hai ai saahib-e-altaaf-e-amiim
buu-e-gul phailtii kis tarah jo hotii na nasiim
ham ko jam.iiyat-e-KHaatir ye pareshaanii thii
varna ummat tire mahbuub kii diivaanii thii
ham se pahle thaa ajab tere jahaa.n kaa manzar
kahii.n masjuud the patthar kahii.n ma.abuud shajar
KHuugar-e-paikar-e-mahsuus thii insaa.n kii nazar
maantaa phir ko.ii an-dekhe KHudaa ko kyuu.nkar
tujh ko ma.aluum hai letaa thaa ko.ii naam tiraa
quvvat-e-baazu-e-muslim ne kiyaa kaam tiraa
bas rahe the yahii.n saljuuq bhii tuuraanii bhii
ahl-e-chii.n chiin me.n iiraan me.n saasaanii bhii
isii maamuure me.n aabaad the yuunaanii bhii
isii duniyaa me.n yahuudii bhii the nasraanii bhii
par tire naam pe talvaar uThaa.ii kis ne
baat jo big.Dii hu.ii thii vo banaa.ii kis ne
the hamii.n ek tire maarka-aaraa.o.n me.n
KHushkiyo.n me.n kabhii la.Dte kabhii dariyaa.o.n me.n
dii.n azaane.n kabhii europe ke kaliisaa.o.n me.n
kabhii africa ke tapte hu.e sahraa.o.n me.n
shaan aa.nkho.n me.n na jachtii thii jahaa.n-daaro.n kii
kalma pa.Dhte the hamii.n chhaa.nv me.n talvaaro.n kii
ham jo jiite the to jango.n kii musiibat ke liye
aur marte the tire naam kii azmat ke liye
thii na kuchh teGzanii apnii hukuumat ke liye
sar-ba-kaf phirte the kyaa dahr me.n daulat ke liye
qaum apnii jo zar-o-maal-e-jahaa.n par martii
but-faroshii ke evaz but-shikanii kyuu.n kartii
Tal na sakte the agar jang me.n a.D jaate the
paa.nv shero.n ke bhii maidaa.n se ukha.D jaate the
tujh se sarkash hu.aa ko.ii to biga.D jaate the
teG kyaa chiiz hai ham top se la.D jaate the
naqsh-e-tauhiid kaa har dil pe biThaayaa ham ne
zer-e-KHanjar bhii ye paiGaam sunaayaa ham ne
tuu hii kah de ki ukhaa.Daa dar-e-KHaibar kis ne
shahr qaisar kaa jo thaa us ko kiyaa sar kis ne
to.De maKHluuq KHudaa-vando.n ke paikar kis ne
kaaT kar rakh diye kuffaar ke lashkar kis ne
kis ne ThanDaa kiyaa aatish-kada-e-iiraa.n ko
kis ne phir zinda kiyaa tazkira-e-yazdaa.n ko
kaun sii qaum faqat terii talabgaar hu.ii
aur tere liye zahmat-kash-e-paikaar hu.ii
kis kii shamshiir jahaa.ngiir jahaa.n-daar hu.ii
kis kii takbiir se duniyaa tirii bedaar hu.ii
kis kii haibat se sanam sahme hu.e rahte the
mu.nh ke bal gir ke huu-allahu-ahad kahte the
aa gayaa ain la.Daa.ii me.n agar vaqt-e-namaaz
qibla-ruu ho ke zamii.n-bos hu.ii qaum-e-hijaaz
ek hii saf me.n kha.De ho ga.e mahmuud o ayaaz
na ko.ii banda rahaa aur na ko.ii banda-navaaz
banda o saahab o mohtaaj o Ganii ek hu.e
terii sarkaar me.n pahu.nche to sabhii ek hu.e
mahfil-e-kaun-o-makaa.n me.n sahar o shaam phire
mai-e-tauhiid ko le kar sifat-e-jaam phire
koh me.n dasht me.n le kar tiraa paiGaam phire
aur ma.aluum hai tujh ko kabhii naakaam phire
dasht to dasht hai.n dariyaa bhii na chho.De ham ne
bahr-e-zulmaat me.n dau.Daa diye gho.De ham ne
safha-e-dahr se baatil ko miTaayaa ham ne
nau-e-insaa.n ko Gulaamii se chhu.Daayaa ham ne
tere ka.abe ko jabiino.n se basaayaa ham ne
tere qur.aan ko siino.n se lagaayaa ham ne
phir bhii ham se ye gila hai ki vafaadaar nahii.n
ham vafaadaar nahii.n tuu bhii to dildaar nahii.n
ummate.n aur bhii hai.n un me.n gunahgaar bhii hai.n
ijz vaale bhii hai.n mast-e-mai-e-pindaar bhii hai.n
un me.n kaahil bhii hai.n Gaafil bhii hai.n hushyaar bhii hai.n
saik.Do.n hai.n ki tire naam se be-zaar bhii hai.n
rahmate.n hai.n tirii aGyaar ke kaashaano.n par
barq girtii hai to bechaare musalmaano.n par
but sanam-KHaano.n me.n kahte hai.n musalmaan ga.e
hai KHushii un ko ki ka.abe ke nigahbaan ga.e
manzil-e-dahr se uu.nTo.n ke hudii-KHvaan ga.e
apnii baGlo.n me.n dabaa.e hu.e qur.aan ga.e
KHanda-zan kufr hai ehsaas tujhe hai ki nahii.n
apnii tauhiid kaa kuchh paas tujhe hai ki nahii.n
ye shikaayat nahii.n hai.n un ke KHazaane maamuur
nahii.n mahfil me.n jinhe.n baat bhii karne kaa shu.uur
qahr to ye hai ki kaafir ko mile.n huur o qusuur
aur bechaare musalmaa.n ko faqat vaada-e-huur
ab vo altaaf nahii.n ham pe inaayaat nahii.n
baat ye kyaa hai ki pahlii sii mudaaraat nahii.n
kyuu.n musalmaano.n me.n hai daulat-e-duniyaa naayaab
terii qudrat to hai vo jis kii na had hai na hisaab
tuu jo chaahe to uThe siina-e-sahraa se habaab
rah-rav-e-dasht ho sailii-zada-e-mauj-e-saraab
taan-e-aGyaar hai rusvaa.ii hai naadaarii hai
kyaa tire naam pe marne kaa evaz KHvaarii hai
banii aGyaar kii ab chaahne vaalii duniyaa
rah ga.ii apne liye ek KHayaalii duniyaa
ham to ruKHsat hu.e auro.n ne sa.nbhaalii duniyaa
phir na kahnaa hu.ii tauhiid se KHaalii duniyaa
ham to jiite hai.n ki duniyaa me.n tiraa naam rahe
kahii.n mumkin hai ki saaqii na rahe jaam rahe
terii mahfil bhii ga.ii chaahne vaale bhii ga.e
shab kii aahe.n bhii ga.ii.n sub.h ke naale bhii ga.e
dil tujhe de bhii ga.e apnaa sila le bhii ga.e
aa ke baiThe bhii na the aur nikaale bhii ga.e
aa.e ushshaaq ga.e vaada-e-fardaa le kar
ab unhe.n Dhuu.nD charaaG-e-ruKH-e-zebaa le kar
dard-e-lailaa bhii vahii qais kaa pahluu bhii vahii
najd ke dasht o jabal me.n ram-e-aahuu bhii vahii
ishq kaa dil bhii vahii husn kaa jaaduu bhii vahii
ummat-e-ahmad-e-mursil bhii vahii tuu bhii vahii
phir ye aazurdagi-e-Gair sabab kyaa ma.anii
apne shaidaa.o.n pe ye chashm-e-Gazab kyaa ma.anii
tujh ko chho.Daa ki rasuul-e-arabii ko chho.Daa
but-garii pesha kiyaa but-shikanii ko chho.Daa
ishq ko ishq kii aashufta-sarii ko chho.Daa
rasm-e-salmaan o uvais-e-qaranii ko chho.Daa
aag takbiir kii siino.n me.n dabii rakhte hai.n
zindagii misl-e-bilaal-e-habashii rakhte hai.n
ishq kii KHair vo pahlii sii adaa bhii na sahii
jaada-paimaali-e-tasliim-o-razaa bhii na sahii
muztarib dil sifat-e-qibla-numaa bhii na sahii
aur paabandi-e-aa.iin-e-vafaa bhii na sahii
kabhii ham se kabhii Gairo.n se shanaasaa.ii hai
baat kahne kii nahii.n tuu bhii to harjaa.ii hai
sar-e-faaraa.n pe kiyaa diin ko kaamil tuu ne
ik ishaare me.n hazaaro.n ke liye dil tuu ne
aatish-andoz kiyaa ishq kaa haasil tuu ne
phuu.nk dii garmi-e-ruKHsaar se mahfil tuu ne
aaj kyuu.n siine hamaare sharer-aabaad nahii.n
ham vahii soKHta-saamaa.n hai.n tujhe yaad nahii.n
vaadii-e-najd me.n vo shor-e-salaasil na rahaa
qais diivaana-e-nazzaara-e-mahmil na rahaa
hausle vo na rahe ham na rahe dil na rahaa
ghar ye uj.Daa hai ki tuu raunaq-e-mahfil na rahaa
ai KHushaa aa.n roz ki aa.ii o ba-sad naaz aa.ii
be-hijaabaana suu-e-mahfil-e-maa baaz aa.ii
baada-kash Gair hai.n gulshan me.n lab-e-juu baiThe
sunte hai.n jaam-ba-kaf naGma-e-kuu-kuu baiThe
daur ha.ngaama-e-gulzaar se yaksuu baiThe
tere diivaane bhii hai.n muntazir-e-huu baiThe
apne parvaano.n ko phir zauq-e-KHud-afrozii de
barq-e-deriina ko farmaan-e-jigar-sozii de
qaum-e-aavaara inaa.n-taab hai phir suu-e-hijaaz
le u.Daa bulbul-e-be-par ko mazaaq-e-parvaaz
muztarib-e-baaG ke har Gunche me.n hai buu-e-niyaaz
tuu zaraa chhe.D to de tishna-e-mizraab hai saaz
naGme betaab hai.n taaro.n se nikalne ke liye
tuur muztar hai usii aag me.n jalne ke liye
mushkile.n ummat-e-marhuum kii aasaa.n kar de
mor-e-be-maaya ko ham-dosh-e-sulaimaa.n kar de
jins-e-naayaab-e-mohabbat ko phir arzaa.n kar de
hind ke dair-nashiino.n ko musalmaa.n kar de
juu-e-KHuu.n mii chakad az hasrat-e-dairiina-e-maa
mii tapad naala ba-nishtar kada-e-siina-e-maa
buu-e-gul le ga.ii bairuun-e-chaman raaz-e-chaman
kyaa qayaamat hai ki KHud phuul hai.n Gammaaz-e-chaman
ahd-e-gul KHatm hu.aa TuuT gayaa saaz-e-chaman
u.D ga.e Daaliyo.n se zamzama-pardaaz-e-chaman
ek bulbul hai ki mahv-e-tarannum ab tak
us ke siine me.n hai naGmo.n kaa talaatum ab tak
qumriyaa.n shaaKH-e-sanobar se gurezaa.n bhii hu.ii.n
pattiyaa.n phuul kii jha.D jha.D ke pareshaa.n bhii hu.ii.n
vo puraanii raushe.n baaG kii viiraa.n bhii hu.ii.n
Daaliyaa.n pairahan-e-barg se uryaa.n bhii hu.ii.n
qaid-e-mausam se tabii.at rahii aazaad us kii
kaash gulshan me.n samajhtaa ko.ii fariyaad us kii
lutf marne me.n hai baaqii na maza jiine me.n
kuchh maza hai to yahii KHuun-e-jigar piine me.n
kitne betaab hai.n jauhar mire aa.iine me.n
kis qadar jalve ta.Dapte hai.n mire siine me.n
is gulistaa.n me.n magar dekhne vaale hii nahii.n
daaG jo siine me.n rakhte ho.n vo laale hii nahii.n
chaak is bulbul-e-tanhaa kii navaa se dil ho.n
jaagne vaale isii baa.ng-e-daraa se dil ho.n
ya.anii phir zinda na.e ahd-e-vafaa se dil ho.n
phir isii baada-e-dairiina ke pyaase dil ho.n
ajamii KHum hai to kyaa mai to hijaazii hai mirii
naGma hindii hai to kyaa lai to hijaazii hai mirii

Allama Iqbal
Nazm

mujhse pahle

mujh se pahle tujhe jis shaKHs ne chaahaa us ne
shaayad ab bhii tiraa Gam dil se lagaa rakkhaa ho
ek be-naam sii ummiid pe ab bhii shaayad
apne KHvaabo.n ke jaziiro.n ko sajaa rakkhaa ho

Ahmad Faraz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now