Search result for "ba-ma.a" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ba-ma.a"

Nazm MATCHES FOR "ba-ma.a"

Nazm

ye baaten jhuTi baaten hain

ye baat ajiib sunaate ho vo duniyaa se be-aas hu.e
ik naam sunaa aur Gash khaayaa ik zikr pe aap udaas hu.e
vo ilm me.n aflaatuun sune vo sher me.n tulsiidaas hu.e
vo tiis baras ke hote hai.n vo B-A M.A paas hu.e
ye baate.n jhuuTii baate.n hai.n ye logo.n ne phailaa.ii hai.n
tum 'inshaa'-jii kaa naam na lo kyaa 'inshaa'-jii saudaa.ii hai.n

Ibn۔e۔Insha

Nazm

kanTon se pyar ho jae

gulo.n ke saath jo kaa.nTo.n se pyaar ho jaa.e
KHizaa.n bhii apne chaman kii bahaar ho jaa.e
miraa chaman hai ki har rang me.n mujhe maqbuul
ye laala-zaar ho yaa KHaar-zaar ho jaa.e
hasiin vaadiyaa.n chashme ba-ma.a KHas-o-KHaashaak
tazaad-e-husn jo dekhe nisaar ho jaa.e
nazar milaa.o mirii aa.nkh me.n jo paanii hai
ruke to motii gire aabshaar ho jaa.e
KHataa vahii hai ki jo bhuul se ho ik do baar
ye kyaa KHataa hai ki jo baar baar ho jaa.e
ye sang-o-KHisht nahii.n dil hai dil me.n dha.Dkan hai
na chhe.Do is ko kahii.n daaG-daar ho jaa.e
kaho to kaisii rahii apnii daastaa.n 'hindii'
jo us kii surKHii hii siina-figaar ho jaa.e

Ram Lal Varma Hindi

Nazm

muskurahaT

dard ke laa-matanaahii sahraa se guzarne ke baad maa.n ne aa.nkhe.n kholii.n
dekhaa du.aa ke liye uThe haath gir chuke the kyuu.nki mai.n
ro rahii thii
mai.n rotii rahii aur maa.n muskuraa dii

Asim Badr

Nazm

nazm

vaqt-e-sahraa aur ta.ng hu.aa hai
be-mai sab kirkiraa mazaa hai

Ratan Nath Sarshar

Nazm

wa saKHKara lakum ma-fissamawati wa ma-fil-arz

tan-e-naazuk pe us ke pairahan hai sabz aur dhaanii
kahii.n par laajvardii surma.ii aur nuqra.ii zevar
tilaa.ii nag ja.De hai.n jaa-ba-jaa jin me.n
hathelii qurmuzii rangat
kahii.n par silsila-dar-silsila kohsaar
kha.De hai.n sar uThaa.e ek shaan-e-be-niyaazii se
kahii.n aaGosh me.n chashme
chhupaa hai zindagii kaa raaz jin me.n
KHutuut-e-dil-rubaa aise
ki sayyaar-o-savaabit kii hado.n ko naaptaa rahrau
bhii rasta bhuul baiThe dam-ba-KHud ho kar
nigah uTThii zaraa ThiThkii nigaah-e-shauq me.n badlii
palaTne se hu.ii munkir
chalo aavaara-gardii tark karte hai.n
yahii.n par KHema-zan ho kar
kisii ke chashm-o-abruu par
mataa-e-jaa.n ye faanii ziist ham qurbaan karte hai.n
magar kuchh pal hii guzre aur vo ziirak nigaahe.n
to.D kar vaaraftagii ke sehr ko
va saKHKHara kii na.ii taa'biir me.n mashGuul hai.n ab

Qamar Jahan Naseer

Nazm

ma-siwa

use mahsuus kartaa huu.n
nasiim-e-sub.h ke jho.nko.n me.n
sar sar ke thape.Do.n me.n
amaavas ke a.ndhero.n me.n
mah-e-kaamil ke shab-afroz ujaalo.n me.n

Arshad Kamal

Nazm

hifz-e-ma-taqaddam

kahaa ik bhe.D ne kuchh memano.n se
mire pyaaro hamesha saath reva.D ke raho
tumhaare daa.e.n baa.e.n aage piichhe ko.ii ho
jo Dhaal kii suurat muhaafiz ho

Basir Sultan Kazmi

Nazm

uTh

uTh ki KHurshiid aasmaa.n par jalva-afshaa.n ho gayaa
uTh ki goyaa terii bedaarii kaa saamaa.n ho gayaa

Amjad Najmi

Nazm

jhuTh

pareshaan mat ho
agar aaKHirii baar ham mil rahe hai.n
to ik duusre ko KHushii se ravaana kare.nge
pareshaan mat ho
mai.n ik zinda-dil aadmii huu.n
bichha.Dnaa burii baat hotii
to ham marne vaalo.n ko kyo.n jaane dete
pareshaan mat honaa mai.n Thiik huu.n
zindagii aise aise hii chal chaltii hai
mai.n ma-mai.n mai.n samajhtaa huu.n
zin-zindagii sukh dukh kaa hii naa-naam hai
ham ko har haal me.n is ko jii-jiinaa hotaa hai
zin-zinda rah-rahnaa hotaa hai
tum pa-pareshaan mat ho
tumhaare jajaane ke ba-baa’d apnaa KHayaal rakhuu.ngaa
de-dekho naa kaise mus-muskuraa raa-rahaa huu.n
chalo aaKHirii baar ik duusre ko gale laa-lagaa.e.n
mujhe ek ah-aham kaa-kaam yaad aa rahaa hai
mujhe jaldii jaa-jaanaa hogaa

Shahbaz Mehter

Nazm

ma-baad-ut-tabiat

Galat logo.n kii baarish ho rahii hai
paanii kii bajaa.e un kii nahuusat baras rahii hai
ek kuttaa raat aur din ke darmiyaan kha.Daa ro rahaa hai
Galat baarish nahuusat aur kutte kii aavaaz se
zindagii ke kisii bhii farsh par sulaane vaalii nii.nd laazim hai
magar nii.nd ko to aadmii kii aa.nkho.n ke uupar se uThaa liyaa gayaa hai
ya.anii ab qayaamat tak sirf jaagnaa hai
aur us ke sivaa maidaan-e-hashr ho bhii kyaa saktaa hai
ko.ii nahii.n jaantaa ki jaan.ne se pahle kis ne kitnaa jaanaa
kis ne azal aur abad ke tuul-o-arz ko jaanaa
yaa jaane baGair hii Galat zamiin kii Galat duniyaa me.n Galat zindagii guzrii ga.ii
to kyaa vo maut thii jo kisii ko zindagii se le jaane ke liye aa.ii yaa nahii.n aa.ii
magar ye jo saare manzar kisii nahuusat ne dikhaa.e
vo kis naam kii buniyaad se shuruu.a hu.ii
yaa shuruu.a na ho ke kis naam par KHatm hu.ii
KHatm hu.ii bhii yaa nahii.n
jhuuT ne sach se kyaa kahaa
yaa sach ne jhuuT se kyaa kahaa
hamaare hote hu.e jo bisaat-e-zindagii uThaa dii ga.ii
vo ab kaun bichhaa.e
havaa ne kabhii ko.ii diyaa raushan nahii.n kiyaa
hamaare hote hu.e jo bisaat-e-zindagii uThaa dii ga.ii
vo ab kaun bichhaa.e
havaa ne kabhii ko.ii diyaa raushan nahii.n kiyaa
to jab ham nahii.n ho.nge
phir hamaare banaa.e ho.e raasta par kaun chalegaa
mohabbat naam detii hai naam miTaatii nahii.n
to ab mohabbat ko mohabbat se KHatra laahaq hai
vahshat se kaho ki vo zaraa khi.Dkii khol kar dekhe
kahii.n duniyaa boliyo.n aur zabaano.n kaa malba ho chukii ho aur hame.n pata na chalaa ho
kahii.n malbe se Dhuu.nDh Dhuu.nDh ke tarah tarah ke baazaar nikaale aur lagaa.e jaa rahe huu.n
aur hame.n pata na chalaa ho
zaraa edison kii ruuh se puuchho
us ke bulb KHvaab-gaah aur murda-KHaane me.n ba-yak-vaqt kyuu.n raushan hote hai.n
mohabbat jab aavaaz banii
to aavaaz se boliyaa.n aur zabaane.n kab banii.n
kyaa zamiin par ko.ii ja.ng
zamiin ke baahar la.Dii ga.ii
agar nahii.n to kyaa zamiin par saato.n aasmaan naazil hu.e
agar nahii.n to zamiin par zamiin naazil hu.ii

Ahmad Hamesh

Nazm

aarzu

mohabbat ba-nau-e-digar chaahtaa huu.n
tujhii ko tiraa naama-bar chaahtaa huu.n
du.aa be-niyaaz-e-asar chaahtaa huu.n
Gam-e-dil Gam-e-mo'tabar chaahtaa huu.n
tamanna-e-jalva KHilaaf-e-KHirad hai
magar mai.n ba-zo'm-e-nazar chaahtaa huu.n
ye maanaa rag-e-jaa.n se nazdiik ho tum
mai.n is se bhii nazdiik-tar chaahtaa huu.n
vafaa aur tum ik fareb-e-vafaa hai
samajhtaa huu.n mai.n bhii magar chaahtaa huu.n
jahaa.n sirf tere hii naqsh-e-qadam ho.n
mohabbat kii vo rahguzar chaahtaa huu.n
vafaa.e.n tumhaarii ho.n yaa ho.n jafaa.e.n
ko.ii shai bhii ho mo'atabar chaahtaa huu.n
mohabbat bahar-gaam dushvaar-tar hai
vo khi.nchte hai.n mai.n jis qadar chaahtaa huu.n
unhe.n bhii nahii.n chaahtaa muztarib mai.n
aur aaho.n ko bhii baa-asar chaahtaa huu.n
mire dil kii naadaaniyaa.n ko.ii dekhe
unhe.n bhii ba-qadr-e-nazar chaahtaa huu.n
vo aaGaaz-e-ulfat vo pur-kaif lamhe
vahii fasl-e-diivaana-gar chaahtaa huu.n
tumhaarii KHabar kyaa bhalaa mujh ko hogii
mai.n apnii hii tum se KHabar chaahtaa huu.n
dil-e-bad-gumaa.n har tarah mutma.in hai
magar e'tibaar-e-nazar chaahtaa huu.n
jahaa.n maa-sivaa naqsh-e-baatil hai 'naKHshab'
usii rahguzar se guzar chaahtaa huu.n

Nakhshab Jaarchawi

Nazm

shairi

jab dil par choT lage gahrii
aur aa.nsuu piinaa mushkil ho
aasaan lage bas mar jaanaa
dukh sah kar jiinaa mushkil ho

Fahmida Riaz

Nazm

wahi kashf-e-zat ki aarzu

miraa dil giro mirii jaa.n giro
chalaa aa ki hai miraa dar khulaa
tuu miraa nasiib hai raah-rau
ye havaa ye barq ye ra.ad-o-abr ye tiirgii
rah-e-intizaar kii naarasii
mire jaan-o-dil pe hai.n lau buto
mire mehmaa.n mire raah-rau
ai gurez-paa tuu saraab-e-dasht KHalaa na ban
vo navaa na ban jo fareb-e-raah-guzaar ho
vo fusuun-e-arz-o-samaa na ban
jise dil-girafto.n se aar ho
jo tujhe bulaatii hai pai-ba-pai
vo sadaa jilaajal-e-jaa.n kii hai
vo sadaa muruur-e-zamaa.n kii hai
kise us sadaa se faraar ho
miraa dil giro mirii jaa.n giro
tirii kun-ma-kun tirii rau-ma-rau
mujhe baar-e-jaa.n
ki mai.n harf jis kaa bayaa.n hai tuu
mai.n vo jism jis kii ravaa.n hai tuu
tuu kalaam hai mai.n tirii zabaa.n
tuu vo sham.a hai ki mai.n jis kii lau
kisii naqsh-e-kaar kaa ik nafas
ka.ii suurate.n jo sadaa se tishna-e-ra.ng thii.n
hu.ii.n vasl-e-ma.anii se baarvar
kisii but-taraash kii ik nigah
ka.ii sa.ng-e-aziyat-e-yaas-o-marg
se bach ga.e
hu.e samt-e-raah se baa-KHabar
chalaa aa ki merii nidaa me.n bhii
vahii ruuyat-e-azalii ki hai
jise yaad Gaayat-e-ra.ng-o-buu
jise yaad raaz-e-mai-o-subuu
jise yaad vaada-e-taar-o-puu
chalaa aa ki merii nidaa me.n bhii
isii kashf-e-zaat kii aarzuu

Noon Meem Rashid

Nazm

tulu-e-islam

daliil-e-sub.h-e-raushan hai sitaaro.n kii tunuk-taabii
ufuq se aaftaab ubhraa gayaa daur-e-giraa.n-KHvaabii
uruuq-murda-e-mashriq me.n KHuun-e-zindagii dau.Daa
samajh sakte nahii.n is raaz ko siinaa o faaraabii
musalmaa.n ko musalmaa.n kar diyaa tuufaan-e-maGrib ne
talaatum-haa-e-dariyaa hii se hai gauhar kii sairaabii
ataa momin ko phir dargaah-e-haq se hone vaalaa hai
shikoh-e-turkamaanii zehn hindii nutq aaraabii
asar kuchh KHvaab kaa Guncho.n me.n baaqii hai tuu ai bulbul
navaa-raa talKH-tarmii zan chuu zauq-e-naGma kam-yaabii
ta.Dap sehn-e-chaman me.n aashiyaa.n me.n shaaKH-saaro.n me.n
judaa paare se ho saktii nahii.n taqdiir-e-siimaabii
vo chashm-e-paak hai.n kyuu.n ziinat-e-bar-gustavaa.n dekhe
nazar aatii hai jis ko mard-e-Gaazii kii jigar-taabii
zamiir-e-laala me.n raushan charaaG-e-aarzuu kar de
chaman ke zarre zarre ko shahiid-e-justujuu kar de
sarishk-e-chashm-e-muslim me.n hai naisaa.n kaa asar paidaa
KHaliilullaah ke dariyaa me.n ho.nge phir guhar paidaa
kitaab-e-millat-e-baizaa kii phir shiiraaza-bandii hai
ye shaaKH-e-haashmii karne ko hai phir barg-o-bar paidaa
rabuud aa.n turk shiiraazii dil-e-tabrez-o-kaabul raa
sabaa kartii hai buu-e-gul se apnaa ham-safar paidaa
agar usmaaniyo.n par koh-e-Gam TuuTaa to kyaa Gam hai
ki KHuun-e-sad-hazaar-anjum se hotii hai sahar paidaa
jahaa.nbaanii se hai dushvaar-tar kaar-e-jahaa.n-biinii
jigar KHuu.n ho to chashm-e-dil me.n hotii hai nazar paidaa
hazaaro.n saal nargis apnii be-nuurii pe rotii hai
ba.Dii mushkil se hotaa hai chaman me.n diida-var paidaa
navaa-pairaa ho ai bulbul ki ho tere tarannum se
kabuutar ke tan-e-naazuk me.n shaahii.n kaa jigar paidaa
tire siine me.n hai poshiida raaz-e-zindagii kah de
musalmaa.n se hadiis-e-soz-o-saaz-e-zindagii kah de
KHudaa-e-lam-yazal kaa dast-e-qudrat tuu zabaa.n tuu hai
yaqii.n paidaa kar ai Gaafil ki maGluub-e-gumaa.n tuu hai
pare hai charKH-e-niilii-faam se manzil musalmaa.n kii
sitaare jis kii gard-e-raah ho.n vo kaarvaa.n to hai
makaa.n faanii makii.n faanii azal teraa abad teraa
KHudaa kaa aaKHirii paiGaam hai tuu jaavedaa.n tuu hai
Hinaa-band-e-uruus-e-laala hai KHuun-e-jigar teraa
tirii nisbat baraahiimii hai memaar-e-jahaa.n tuu hai
tirii fitrat amii.n hai mumkinaat-e-zindagaanii kii
jahaa.n ke jauhar-e-muzmar kaa goyaa imtihaa.n to hai
jahaan-e-aab-o-gil se aalam-e-jaaved kii KHaatir
nubuvvat saath jis ko le ga.ii vo armuGaa.n tuu hai
ye nukta sarguzisht-e-millat-e-baizaa se hai paidaa
ki aqvaam-e-zamiin-e-asia kaa paasbaa.n tuu hai
sabaq phir pa.Dh sadaaqat kaa adaalat kaa shujaa.at kaa
liyaa jaa.egaa tujh se kaam duniyaa kii imaamat kaa
yahii maqsuud-e-fitrat hai yahii ramz-e-musalmaanii
uKHuvvat kii jahaa.ngiirii mohabbat kii faraavaanii
butaan-e-ra.ng-o-KHuu.n ko to.D kar millat me.n gum ho jaa
na tuuraanii rahe baaqii na iiraanii na afGaanii
miyaan-e-shaaKH-saaraa.n sohbat-e-murG-e-chaman kab tak
tire baazuu me.n hai parvaaz-e-shaahiin-e-qahastaanii
gumaa.n-aabaad hastii me.n yaqii.n mard-e-musalmaa.n kaa
bayaabaa.n kii shab-e-taariik me.n qindiil-e-rohbaanii
miTaayaa qaisar o kisraa ke istibdaad ko jis ne
vo kyaa thaa zor-e-haidar faqr-e-buu-zar sidq-e-salmaanii
hu.e ahraar-e-millat jaada-paimaa kis tajammul se
tamaashaa.ii shigaaf-e-dar se hai.n sadiyo.n ke zindaanii
sabaat-e-zindagii iimaan-e-mohkam se hai duniyaa me.n
ki almaanii se bhii paa.enda-tar niklaa hai tuuraanii
jab is a.ngaara-e-KHaakii me.n hotaa hai yaqii.n paidaa
to kar letaa hai ye baal-o-par-e-ruuh-ul-amii.n paidaa
Gulaamii me.n na kaam aatii hai.n shamshiire.n na tadbiire.n
jo ho zauq-e-yaqii.n paidaa to kaT jaatii hai.n zanjiire.n
ko.ii andaaza kar saktaa hai us ke zor-e-baazuu kaa
nigaah-e-mard-e-momin se badal jaatii hai.n taqdiire.n
vilaayat paadshaahii ilm-e-ashiyaa kii jahaa.ngiirii
ye sab kyaa hai.n faqat ik nukta-e-iimaa.n kii tafsiire.n
baraahiimii nazar paidaa magar mushkil se hotii hai
havas chhup chhup ke siino.n me.n banaa letii hai tasviire.n
tamiiz-e-bandaa-o-aaqaa fasaad-e-aadmiyat hai
hazar ai chiira-dastaa.n saKHt hai.n fitrat kii ta.aziire.n
haqiiqat ek hai har shai kii KHaakii ho ki nuurii ho
lahuu KHurshiid kaa Tapke agar zarre kaa dil chiire.n
yaqii.n mohkam amal paiham mohabbat faatah-e-aalam
jihaad-e-zindagaanii me.n hai.n ye mardo.n kii shamshiire.n
che baayad mard raa tab-e-buland mashrab-e-naabe
dil-e-garme nigaah-e-paak-biine jaan-e-betaabe
uqaabii shaan se jhapTe the jo be-baal-o-par nikle
sitaare shaam ke KHuun-e-shafaq me.n Duub kar nikle
hu.e madfuun-e-dariyaa zer-e-dariyaa tairne vaale
tamaa.nche mauj ke khaate the jo ban kar guhar nikle
Gubaar-e-rahguzar hai.n kiimiyaa par naaz thaa jin ko
jabiine.n KHaak par rakhte the jo iksiir-gar nikle
hamaaraa narm-rau qaasid payaam-e-zindagii laayaa
KHabar detii thii.n jin ko bijliyaa.n vo be-KHabar nikle
haram rusvaa hu.aa piir-e-haram kii kam-nigaahii se
javaanaan-e-tataarii kis qadar saahab-nazar nikle
zamii.n se nuuryaan-e-aasmaa.n-parvaaz kahte the
ye KHaakii zinda-tar paa.enda-tar taabinda-tar nikle
jahaa.n me.n ahl-e-iimaa.n suurat-e-KHurshiid jiite hai.n
idhar Duube udhar nikle udhar Duube idhar nikle
yaqii.n afraad kaa sarmaaya-e-taamiir-e-millat hai
yahii quvvat hai jo suurat-gar-e-taqdiir-e-millat hai
tuu raaz-e-kun-fakaa.n hai apnii aa.nkho.n par ayaa.n ho jaa
KHudii kaa raaz-daa.n ho jaa KHudaa kaa tarjumaa.n ho jaa
havas ne kar diyaa hai Tuk.De Tuk.De nau-e-insaa.n ko
uKHuvvat kaa bayaa.n ho jaa mohabbat kii zabaa.n ho jaa
ye hindii vo KHuraasaanii ye afGaanii vo tuuraanii
tuu ai sharminda-e-saahil uchhal kar be-karaa.n ho jaa
Gubaar-aaluuda-e-ra.ng-o-nasab hai.n baal-o-par tere
tuu ai murG-e-haram u.Dne se pahle par-fishaa.n ho jaa
KHudii me.n Duub jaa Gaafil ye sirr-e-zindagaanii hai
nikal kar halqa-e-shaam-o-sahar se jaavedaa.n ho jaa
masaaf-e-zindagii me.n siirat-e-faulaad paidaa kar
shabistaan-e-mohabbat me.n hariir o parniyaa.n ho jaa
guzar jaa ban ke sail-e-tund-rau koh o bayaabaa.n se
gulistaa.n raah me.n aa.e to juu-e-naGma-KHvaa.n ho jaa
tire ilm o mohabbat kii nahii.n hai intihaa ko.ii
nahii.n hai tujh se ba.Dh kar saaz-e-fitrat me.n navaa ko.ii
abhii tak aadmii said-e-zabuun-e-shahryaarii hai
qayaamat hai ki insaa.n nau-e-insaa.n kaa shikaarii hai
nazar ko KHiira kartii hai chamak tahziib-e-haazir kii
ye sannaa.ii magar jhuuTe niguu.n kii reza-kaarii hai
vo hikmat naaz thaa jis par KHirad-mandaan-e-maGrib ko
havas ke panja-e-KHuunii.n me.n teG-e-kaar-zaarii hai
tadabbur kii fusuu.n-kaarii se mohkam ho nahii.n saktaa
jahaa.n me.n jis tamaddun kii binaa sarmaaya-daarii hai
amal se zindagii bantii hai jannat bhii jahannam bhii
ye KHaakii apnii fitrat me.n na nuurii hai na naarii hai
KHarosh-aamoz bulbul ho girah Gunche kii vaa kar de
ki tuu is gulsitaa.n ke vaaste baad-e-bahaarii hai
phir uTThii asia ke dil se chi.ngaarii mohabbat kii
zamii.n jaulaa.n-gah-e-atlas qabaayaan-e-tataarii hai
bayaa paidaa KHariidaa raast jaan-e-naa-tavaan-e-raa
pas az muddat guzaar uftaad barmaa kaarvaane raa
bayaa saaqii navaa-e-murG-zaar az shaaKH-saar aamad
bahaar aamad nigaar aamad nigaar aamad qaraar aamad
kashiid abr-e-bahaarii KHema andar vaadii o sahraa
sadaa-e-aabshaaraa.n az faraaz-e-koh-saar aamad
sarat gardam toham qaanuun peshii.n saaz dah saaqii
ki KHail-e-naGma-pardaazaa.n qataar andar qataar aamad
kanaar az zaahidaa.n bar-giir o bebaakaana saaGar-kash
pas az muddat azii.n shaaKH-e-kuhan baa.ng-e-hazaar aamad
ba-mushtaaqaa.n hadiis-e-KHvaajaa-e-badro hunain aavar
tasarruf-haa-e-pinhaanash ba-chashm-e-aashkaar aamad
digar shaaKH-e-KHaliil az KHuun-e-maa namnaak mii gardad
ba-baazaar-e-mohabbat naqd-e-maa kaamil ayyaar aamad
sar-e-KHaak-e-shahiire barg-haa-e-laala mii paasham
ki KHuunash baa-nihaal-e-millat-e-maa saazgaar aamad
bayaa taa-gul baa-afmaishaaniim o mai dar saaGar andaazem
falak raa saqf ba-shagaafem o tarh-e-diigar andaazem

Allama Iqbal

Nazm

baDhe chalo

jahaa.n du.ii kii buu na ho
jahaa.n ko.ii 'aduu na ho
fareb-e-maa-o-tuu na ho
jahaa.n ho 'ishq hukmraa.n
ba.Dhe chalo ba.Dhe chalo

Masoom Sharqi

Nazm

raKHsh-e-umr

baiThaa thaa ek roz mai.n aa.ngan kii dhuup me.n
aalam tamaam halqa-e-daam-e-KHayaal thaa
sargoshiyo.n me.n vaqt sunaataa thaa baar baar
qisse qadiim qaisar-o-kisraa kii shaan ke
kartaa thaa varq varq har ik daastaan ke
mai.n ne kahaa ki ham-dam-o-ham-raaz-o-diida-var
maa-qissaa-e-sikandar-o-daaraa na KHvaanda-aim
kuchh zikr ho sabaa kaa gulo.n kaa shabaab kaa
saaGar kaa mai-kade kaa suraahii kaa naab kaa
kuchh baat ho bahaar kii baaraa.n kii dhuup kii
KHushbuu kii chaa.ndnii kii fazaa.o.n kii ruup kii
ho jaa.e kuchh mushaahida-e-haq kii guftuguu
kuchh bhuulne kii phir use paane kii justujuu
kuchh puuchh mujh se baabat-e-afkaar-e-dojahaa.n
ahvaal-o-iKHteyaar-o-shikaayaat-e-dostaa.n
jo jii me.n aa.e puuchh
magar itnaa yaad rakh
''az maa ba-juz hikaayat-e-mehr-o-vafaa mapurs''
bolaa ki tuu ''rahiin-e-sitam-haa-e-rozgaar''
kyaa jaantaa hai baabat-e-imkaan-e-zindagii
jiitaa hai zindagii se pashemaan-e-zindagii
kuchh apne dil kaa haal bhii ma.aluum hai tujhe
ye vahshate.n ye dard ye tanhaa.iyo.n kaa bojh
ye hijrate.n ye karb ye bezaariyo.n kaa rog
ye hasrate.n ye ranj ye afsurdagii ye sog
siina hai daaG daaG jigar laKHt laKHt hai
tuu KHud kahaa.n hai aur kahaa.n teraa baKHt hai
qulzum ko ek qatre kii KHaatir bahaa diyaa
jo vaqt ne diyaa tujhe sab kuchh ga.nvaa diyaa
ek baar mu.D ke dekh ki kyaa teraa kho gayaa
jaagaa tiraa nasiib to tuu KHud hii so gayaa
ab hijr na visaal na saudaa na suud hai
lamhe se bhii qaliil ye teraa vajuud hai
baaqii bachaa hai aur kyaa tere hisaab me.n
“nai haath baag par hai na paa hai rikaab me.n''

Salman Ansari

Nazm

ana aur mohabbat

ye mai.n ki mujh se chhin gayaa hai sar-basar
vo kaun hai ki jis kii dastaras me.n aa ke mai.n miraa nahii.n rahaa
mujhe to mai.n tamaam kaa.enaat se aziiz thaa
mirii anaa kii saltanat vasii.a thii ariiz thii aur us kaa narcissus thaa mai.n
vo saltanat jahaa.n pe sirf mai.n thaa meraa aks thaa
aur is ke maa-sivaa nafii kaa raqs thaa
mai.n apnii zaat par farefta rahaa
mai.n apne aap hii kaa shefta rahaa
na jaane kitne mehr-o-mah kii taabishe.n mirii tajalliyo.n kii zad pe aa ke KHaak ho ga.ii.n
mirii nazar ko ko.ii bhii mire sivaa jachaa nahii.n
magar vo ek shaam ajab tilism-rang-shaam thii
fusuu.n-taraaz saahira saraapaa rashk-e-jaam thii
vo saahira ki lashkar-e-jamaal-e-baa-kamaal us ke saath thaa
vo saahira ki qatl-e-aam ke tamaam aslaho.n se lais thii
balaa kii ja.ng chhi.D ga.ii
mirii anaa thii ik taraf aur us kaa husn ik taraf
vo yak-ba-yak shadiid yuurishe.n hu.ii.n
mire sabhii havaas us ke yarGamaal ho ga.e
tamaam KHud-pasandiyo.n kaa taKHt-o-taaj luT gayaa
mirii anaa kii saltanat tamaam uja.D ke rah ga.ii

Khalid Mubashshir

Nazm

devdas

ruuh kaa Gam ma-e-gulfaam se kam kyaa hotaa
ko.ii tiryaak ba-juz vasl-e-sanam kyaa hotaa

Anjum Azmi

Nazm

main hun

hujuum-e-aarzuu hai aur mai.n huu.n
kisii kii justujuu hai aur mai.n huu.n
udhar hai aaqibat kii fikr Gaalib
idhar jaam-o-subuu hai aur mai.n huu.n
hu.aa hai shauq-e-baada jab se mujh ko
usii kii guftuguu hai aur mai.n huu.n
zabaa.n par hai.n mohabbat ke taraane
kanaar-e-aabjuu hai aur mai.n huu.n
umiid-e-rahmat-e-haq hai vagarna
gunah kii merii KHuu hai aur mai.n huu.n
haqiiqat gul kii khultii bhii to kaise
hijaab-e-rang-o-buu hai aur mai.n huu.n
kitaabo.n ne sikhaayaa KHaak mujh ko
KHayaal-e-maa-o-tuu hai aur mai.n huu.n
chalaa mai.n do qadam raah-e-mohabbat
ki charchaa kuu-ba-kuu hai aur me.n huu.n
zaraa tham tham ke chal ai baad-e-hasrat
charaaG-e-aarzuu hai aur mai.n huu.n
vo shaayad mere hii dil me.n nihaa.n ho
ki jis kii justujuu hai aur mai.n huu.n

Narayan Das Puri

Nazm

basanti tarana

lo phir basant aa.ii
phuulo.n pe rang laa.ii
chalo be-dara.ng
lab-e-aab-e-ga.ng
baje jal-tara.ng
man par uma.ng chhaa.ii
phuulo.n pe rang laa.ii
lo phir basant aa.ii

Hafeez Jalandhari

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now