Search result for "be-adab" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "be-adab"

Nazm MATCHES FOR "be-adab"

Nazm

be-adab sitaron ne

be-adab sitaaro.n ne
nii.nd me.n muKHil ho kar
tum se kuchh kahaa hogaa
lekin un kii baato.n kaa
tum yaqiin mat karnaa
aa.o aa ke KHud dekho
muztarib kahaa.n huu.n mai.n

Mazhar Imam

Nazm

urdu zaban

ye hai tahziib kii devii ye adiibo.n kii zabaa.n
be-adab kaise bhalaa jaane.nge shaan-e-urdu

Javed Rasheed Amir

Nazm

kya chahta hun

nahii.n hogaa ko.ii bashar shoKH itnaa
ko.ii be-adab is qadar shoKH itnaa
na muusaa hu.e tuur par shoKH itnaa
zaraa saa to dil huu.n magar shoKH itnaa
vahii lan-taraanii sunaa chaahtaa huu.n

Asghar Hasan Mujibi

Nazm

zindagi to nahin

aur aisii hii rut me.n
kabhii man-chalii
narm-o-naazuk havaa
gudgudaatii to hogii
tumhe.n merii jaa.n
aur ik be-adab
sar-phiraa naujavaa.n
yaad aataa to hogaa tumhe.n naa-gahaa.n

Rana Sahri

Nazm

pahle fan dast-o-gareban hain karan-ta-ba-karan

numbero.n se aur gosho.n se rasaa.il bhar ga.e
is zavaal-e-ilm se KHud ilm vaale Dar ga.e
naql ne baazaar luuTaa asl apne ghar ga.e
be-adab logo.n ne kholii hai adab kii ik dukaa.n
sar-niguu.n baiThii hu.ii hai KHaak par urdu zabaa.n

Nusrat Mehdi

Nazm

euphemism

ham shariif insaano.n
kii ajiib aadat hai
ham libaas vaalo.n ko
nange-pan se nafrat hai
sach ko sach nahii.n kahte
jhuuT bhii chhupaate hai.n
nange rahne vaalo.n ko
be-adab bataate hai.n
ham adhuurii chaahat ko
KHvaab naam dete hai.n
maut kii haqiiqat ko
ik pa.Daav kahte hai.n
jyuu.n kaa tyuu.n nahii.n kahte
isti.aare laate hai.n
be-vaj.h sajaate hai.n

Vikram

Nazm

urdu ke nam

ishq kaa raag jo gaanaa ho mai.n urdu boluu.n
kisii ruuThe ko manaanaa ho mai.n urdu boluu.n
baat nafrat kii ho karnii to zabaane.n kitnii
jab mujhe pyaar jataanaa ho mai.n urdu boluu.n
kisii murjhaate hu.e baaG me.n Gazle.n pa.Dh kar
jab mujhe phuul khilaanaa ho mai.n urdu boluu.n
is kii KHushbuu se chalaa aa.egaa khi.nch kar ko.ii
jab use paas bulaanaa ho mai.n urdu boluu.n
be-adab bazm me.n shaa.ista bayaanii kar ke
sham.a-e-tahziib jalaanaa ho mai.n urdu boluu.n
ek KHaamosh sii mahfil me.n bhii lafzo.n se 'sahaab'
jab mujhe aag lagaanaa ho mai.n urdu boluu.n

Ajay Sahaab

Nazm

pas-e-parda

zabaa.n hilii ki giraa sar pe jhuultaa KHanjar
mu.aaf ho na sakegii KHataa-e-shoKH-labii
salaamtii hai isii me.n ki be-adab na bano
ba.De jatan se ye mahfil sajaa.ii jaatii hai
ik ek bhed kii qiimat chukaa.ii jaatii hai
ridaa.e.n sarke.ngii pighlegaa chilmano.n kaa jalaal
na-jaane saamne aa.e.ngii kitnii tasviire.n
sulagtii hairate.n chaTKHe.ngii aa.ino.n kii tarah
jo dekhnaa use palko.n me.n dafn kar denaa
ba.Dhe huduud-e-nazar se na kaarvaan-e-KHayaal
hai jurm-e-baa-KHabarii ik azaab se bhii sivaa
ye jaan bhii na sakoge kidhar se tiir aaya

Hurmatul Ikaram

Nazm

achchhi baaten

pyaare bachcho tum ek kaam karo
apnii nekii se paidaa naam karo
baa-adab baa-nasiib hotaa hai
tum buzurgo.n kaa ehtiraam karo
be-adab be-nasiib hotaa hai
is liye sab ko tum salaam karo
tum se naaraaz ho agar ko.ii
apnii baato.n se us ko raam karo
apne dushman se KHud gale mil kar
saare shikve-gile tamaam karo
jis kisii se milo to ha.ns ke milo
narm lahje me.n phir kalaam karo
raah me.n jab mile ko.ii majbuur
chho.D kar apnaa us kaa kaam karo
baiThne se jahaa.n mile nekii
aisii majlis kaa ehtimaam karo
KHuub mehnat karo pa.Dhaa.ii me.n
bas yahii kaam sub.h-o-shaam karo
apne kirdaar ke sahaare tum
ilm kaa shauq sab me.n aam karo
ilm hii laa-zavaal daulat hai
mushtahar bas yahii payaam karo

Mohammad Sharfuddin Sahil

Nazm

zauq o shauq

qalb o nazar kii zindagii dasht me.n sub.h kaa samaa.n
chashma-e-aaftaab se nuur kii naddiyaa.n ravaa.n!
husn-e-azal kii hai numuud chaak hai parda-e-vajuud
dil ke liye hazaar suud ek nigaah kaa ziyaa.n!
surKH o kabuud badliyaa.n chho.D gayaa sahaab-e-shab!
koh-e-izam ko de gayaa ra.ng-ba-ra.ng tailisaa.n!
gard se paak hai havaa barg-e-naKHiil dhul ga.e
reg-e-navaah-e-kaazima narm hai misl-e-parniyaa.n
aag bujhii hu.ii idhar, TuuTii hu.ii tanaab udhar
kyaa KHabar is maqaam se guzre hai.n kitne kaarvaa.n
aa.ii sadaa-e-jibra.iil teraa maqaam hai yahii
ahl-e-firaaq ke liye aish-e-davaam hai yahii
kis se kahuu.n ki zahr hai mere liye mai-e-hayaat
kohna hai baz-e-kaa.inaat taaza hai.n mere vaardaat!
kyaa nahii.n aur Gaznavii kaargah-e-hayaat me.n
baiThe hai.n kab se muntazir ahl-e-haram ke somnaat!
zikr-e-arab ke soz me.n, fikr-e-ajam ke saaz me.n
ne arabii mushaahidaat, ne ajamii taKHaiyyulaat
qaafilaa-e-hijaaz me.n ek husain bhii nahii.n
garche hai taab-daar abhii gesuu-e-dajla-o-furaat!
aql o dil o nigaah kaa murshid-e-avvalii.n hai ishq
ishq na ho to shar-o-dii.n butkada-e-tasavvuraat!
sidq-e-KHaliil bhii hai ishq sabr-e-husain bhii hai ishq!
ma.arka-e-vajuud me.n badr o hunain bhii hai ishq!
aaya-e-kaa.enaat kaa ma.anii-e-der-yaab tuu!
nikle tirii talaash me.n qaafila-haa-e-ra.ng-o-buu!
jalvatiyaan-e-madrasa kor-nigaah o murda-zauq
jalvatyaan-e-maikada kam-talab o tahii-kaduu!
mai.n ki mirii Gazal me.n hai aatish-e-rafta kaa suraaG
merii tamaam sarguzisht kho.e hu.o.n kii justujuu!
baad-e-sabaa kii mauj se nash-o-numaa-e-KHaar-o-KHas!
mere nafas kii mauj se nashv-o-numaa-e-aarzuu!
KHuun-e-dil o jigar se hai merii navaa kii parvarish
hai rag-e-saaz me.n ravaa.n saahib-e-saaz kaa lahuu!
fursat-e-kashmukash me.n ii.n dil be-qaraar raa
yak do shikan zyaada kun gesuu-e-taabdaar raa
lauh bhii tuu, qalam bhii tuu, teraa vajuud al-kitaab!
gumbad-e-aabgiina-ra.ng tere muhiit me.n habaab!
aalam-e-aab-o-KHaak me.n tere zuhuur se faroG
zarra-e-reg ko diyaa tuu ne tuluu-e-aaftaab!
shaukat-e-sanjar-o-saliim tere jalaal kii numuud!
faqr-e-'juned'-o-'baayaziid' teraa jamaal be-naqaab!
shauq tiraa agar na ho merii namaaz kaa imaam
meraa qayaam bhii hijaab! meraa sujuud bhii hijaab!
terii nigaah-e-naaz se dono.n muraad paa ga.e
aql, Gayaab o justujuu ishq, huzuur o iztiraab!
tiira-o-taar hai jahaa.n gardish-e-aaftaab se!
tab-e-zamaana taaza kar jalva-e-be-hijaab se!
terii nazar me.n hai.n tamaam mere guzishta roz o shab
mujh ko KHabar na thii ki hai ilm-e-naKHiil be-rutab!
taaza mire zamiir me.n ma.arka-e-kuhan hu.aa!
ishq tamaam mustafaa! aql tamaam buu-lahab!
gaah ba-hiila mii-barad, gaah ba-zor mii-kashad
ishq kii ibtidaa ajab ishq kii intihaa ajab!
aalam-e-soz-o-saaz me.n vasl se ba.Dh ke hai firaaq
vasl me.n marg-e-aarzuu! hijr me.n lazzat-e-talab!
ain-e-visaal me.n mujhe hausla-e-nazar na thaa
garche bahaana-juu rahii merii nigaah-e-be-adab!
garmii-e-aarzuu firaaq! shorish-e-haa-o-huu firaaq!
mauj kii justujuu firaaq! qatre kii aabruu firaaq!

Allama Iqbal

Nazm

sanjiw sarraf ke liye ek nazm

KHuub-ruu hai KHuub-siirat narm-guftaarii bhii hai
baa-adab tahziib kaa sail-e-ravaa.n sanjiiv hai

Azhar Bakhsh Azhar

Nazm

adab ke nam pe

adab ke naam pe tahziib ke luTero.n ne
jo kaar-haa-e-numaayaa.n kiye kahuu.n kaise
kisii ne sher me.n phabtii kasii ba-ii.n maqsad
kahaa gayaa kabhii uryaa.n-nigaar ko fankaar
jadiidiyat ke taqaaze nibhaa diye lekin
qabaa-e-sharm-o-hayaa taar-taar kar Daalii
mizaah kah ke phalaa.ngii ga.ii.n huduud-e-adab
Guluu ke naam pe kuchh log be-hijaab hu.e
kisii ne jins pe bebaak sher likh Daale
kisii ne vasl ke lamhaat be-naqaab kiye
Gazal kii aa.D me.n kuchh ne nikaalaa dil kaa Gubaar
to ko.ii parda-e-nasrii me.n chhup ke khul khelaa
sitam to ye hai ki iffat kaa naam le kar hii
u.Daa.ii jaatii rahii.n dhajjiyaa.n sharaafat kii
maziid ye ki ye qazzaaq-e-shahr-e-ilm-o-adab
samajh rahe hai.n ki un ko adab me.n naam milaa

Tazeen Raaz

Nazm

tark-e-talluq

sochte the ki ho naa-vaaqif-e-aadaab-e-vafaa
tum me.n to tark-e-ta.alluq kaa saliiqa bhii nahii.n
dekh ke ham ko
pareshaan se ho jaate ho
do qadam ba.Dhte ho
ghabraa.e se ruk jaate ho
lab pe be-saaKHta sii baat
Thahar jaatii hai
jaane kyaa soch ke maathe pe namii aatii hai
ab kise kahte ho jaanaa.n
kabhii puuchhaa ham ne
ham pe to KHair jo guzrii
tumhe.n Tokaa ham ne
phir ye uljhan ye taraddud ye shikaayat kaisii
ham hu.e Gair to
Gairo.n pe inaayat kaisii

Naseem Syed

Nazm

intizar

mirii be-KHvaab aa.nkho.n me.n
mirii viiraan aa.nkho.n me.n
nahii.n hai dilkashii ko.ii
nahii.n hai dilbarii ko.ii
magar kuchh hai
jise har sub.h suuraj kii kiran aa kar
salaam-e-shauq kahtii hai
adab se chuum letii hai

Pirzada Qasim

Nazm

hawa ruki hai to raqs-e-sharar bhi KHatm hua

qalam udaas hai lafzo.n me.n hashr barpaa hai
havaa rukii hai to raqs-e-sharar bhii KHatm hu.aa
junuun-e-shauq junuun-e-safar bhii KHatm hu.aa
furaat-e-jaa.n
tirii maujo.n me.n ab ravaanii nahii.n
ko.ii fasaana nahii.n ab ko.ii kahaanii nahii.n
simaT ga.e hai.n kinaare vo be-karaanii nahii.n
to kyaa ye nabz kaa chalnaa hii zindagaanii hai
nahii.n nahii.n ye ko.ii ziist kii nishaanii nahii.n
ki saa.ns lenaa faqat ko.ii zindagaanii nahii.n
kuchh aur rang me.n aa.ii hai ye KHizaa.n ab ke
hai simTii simTii sii KHud me.n hii Gairat-e-naahiid
miyaan-e-ahl-e-tariiqat bhii be-ridaa hai Gazal
hujuum-e-ahl-e-zabaa.n aur be-navaa hai Gazal
safar ye kaise kare KHaarzaar rasto.n par
thakan savaar hai is par barahna-paa hai Gazal
tumhaaraa saath jo chhuuTaa to ab pareshaa.n hai
ki is taGaaful-e-be-jaa pe saKHt hairaa.n hai
ye kis maqaam pe tum ne akelaa chho.D diyaa
tumhe.n KHabar hai ki tum se bahut KHafaa hai Gazal
ye be-makaanii
ye tanhaa.ii aur ye dar-ba-darii
sataa rahaa hai bahut ab KHayaal-e-ham-safarii
saliib-o-daar-o-rasan se guzar rahii hai Gazal
chale bhii aa.o kahaa.n ho ki mar rahii hai Gazal
siyah libaas me.n nauhe udaas baiThe hai.n
saro.n ko thaame qasiide udaas baiThe hai.n
hai marsiye kii nigaaho.n me.n abr Thahraa hu.aa
badan dariida latiife udaas baiThe hai.n
ubhar rahii hai ye kaisii sadaa-e-vaavailaa
sirhaane dekho rubaa.ii kaa bain hotaa hai
vo dekho
nazm-e-garebaan chaak karte hu.e
duhaa.ii detii hai maqtal ke isti.aaro.n kii
alaamato.n kii kinaayo.n kii aur ishaaro.n kii
bahut maluul hai.n shahr-e-suKHan kii tahriire.n
shab-e-alam ke hai.n qisse junuu.n kii tafsiire.n
varaq varaq hai pareshaa.n Gubaar-e-KHaatir kaa
hu.aa hai nasr ko ehsaas phir yatiimii kaa
havaa-e-shahr-e-sitam kis adaa se guzrii hai
dahan KHamosh hai.n
chup chup se hai.n suKHan ke charaaG
bujhii bujhii sii hai qindiil-e-KHaanqaah-e-adab
dhu.aa.n dhu.aa.n hai.n
KHitaabat ke fikr-o-fan ke charaaG
hai aasmaan adab pe vo dhu.nd chhaa.ii hu.ii
dikhaa.ii detaa nahii.n ab ko.ii sitaara-e-nuur
kalaam kaa vo qariina
vo guftuguu kaa shu.uur
kahaa.n se ab ko.ii laa.egaa saanii-e-manzuur
ajiib vaqt pa.Daa hai fan-e-nizaamat par
ki dam-ba-KHud se kha.De hai.n ab 'anvar'-o-'manzuur'
vaqaar kaise ataa ho shikasta lahjo.n ko
rafuu kare ko.ii kaise dariida jumlo.n ko
hai muskuraanaa zaruurii vaqaar-e-Gam ke liye
taraashe kaun zabaa.n hurmate-qalam ke liye
tumhaare jaane se viiraan ho ga.ii mahfil
uja.D gayaa hai ye dekho jahaan-e-shahr-e-adab
samajh me.n kuchh nahii.n aataa ki ab kahaa.n jaa.e.n
bhaTakte phirte hai.n ab saakinaan-e-shahr-e-adab
ye mai-kade kii udaasii
ye jaam ulTe hu.e
ki jaise ro.e ho.n shab-bhar ye saaGar-o-miinaa
ka.ii dino.n se ha.nsii hii nahii.n hai collage-girl
tumhaare hijr ne patthar banaa diyaa hai use
bahut udaas ba.Dii be-qaraar chup chup sii
ki huzn-o-yaas kaa manzar banaa diyaa hai use
vo dekho mez pe jitnii kitaabe.n rakkhii hai.n
tumhaarii gard rifaaqat hai sab ke chehre par
pukaartii hai.n tumhe.n ye adhuurii tahriire.n
bikharte TuuTte KHvaabo.n kii tishna ta.abiire.n
ye uj.Daa uj.Daa dabistaan Dhuu.nDhtaa hai tumhe.n
chale bhii aa.o ki imkaan Dhuu.nDhtaa hai tumhe.n
jo ho sake to chale aa.o tum malik-zaada
magar ye KHvaahish-e-bejaa
use KHabar hii nahii.n
ki jaane vaale kabhii lauT kar nahii.n aate
mahakte rahte hai.n gul-daan un kii yaado.n ke
sulagte rahte hai.n lobaan un kii yaado.n ke

Tariq Qamar

Nazm

bahaar-e-shabab

mohtasib ke hosh u.Daane kaa zamaana aa gayaa
be-jhijak piine pilaane kaa zamaana aa gayaa
jaam-e-aatish-zer-e-paa kii oT le kar saaqiyaa
botalo.n me.n Duub jaane kaa zamaana aa gayaa
kaa.enaat-e-hosh par kaalii ghaTaa.e.n chhaa ga.ii.n
yaum-e-shab-taabii manaane kaa zamaana aa gayaa
phir KHayaal-e-aariz-e-taabaa.n ne lii.n a.ng.Daa.iyaa.n
raat ko phir din banaane kaa zamaana aa gayaa
mast phaagun ke jilau me.n sar-phire din aa ga.e
aql ko paagal banaane kaa zamaana aa gayaa
ye ghaTaa.e.n ye bahaare.n aur ye tanhaa.iyaa.n
phir kisii ke yaad aane kaa zamaana aa gayaa
mere gulzaar-e-tasavvur me.n bahaare.n aa ga.ii.n
un ko phuulo.n me.n basaane kaa zamaana aa gayaa
mehrbaa.n ab dosh par aa.nchal Thahar saktaa nahii.n
valvalo.n ke sar uThaane kaa zamaana aa gayaa
be-sabab hii chii.n-ba-jabii.n hone kii gha.Diyaa.n aa ga.ii.n
be-iraada muskuraane kaa zamaana aa gayaa
josh par aa.ii javaanii khil uThe aa.nchal ke phuul
aag paanii me.n lagaane kaa zamaana aa gayaa
un kii zulf-e-ambarii.n ke saaya-e-pur-nuur me.n
nii.nd kii qismat jagaane kaa zamaana aa gayaa
shaahidaan-e-sho.ala-ruu ko le u.Daa Gaaze kaa shauq
aag par paanii cha.Dhaane kaa zamaana aa gayaa
ruuThne vaale ba-paas-e-vaqt-o-aadaab-e-shabaab
pichhlii baate.n bhuul jaane kaa zamaana aa gayaa
daaG-e-dil 'faaruuq' dikhlaa kar sar-e-bazm-e-jamaal
in ko aa.iina banaane kaa zamaana aa gayaa

Shameem Farooq Banspari

Nazm

coffee-house

din-bhar coffee-house me.n baiThe kuchh duble-patle naqqaad
bahs yahii karte rahte hai.n sust adab kii hai raftaar
sirf adab ke Gam me.n Galtaa.n chalne phirne se laachaar
chehro.n se zaahir hotaa hai jaise barso.n ke biimaar
urdu-adab me.n Dhaa.ii hai.n shaa.er 'miir' o 'Gaalib' aadhaa 'josh'
yaa ik-aadh kisii kaa misra yaa 'iqbaal' ke chand ash.aar
yaa phir nazm hai ik chuuhe par haamid-'madnii' kaa shahkaar
ko.ii nahii.n hai achchhaa shaa.er ko.ii nahii.n afsaana-nigaar
'manTo' 'kirshn' 'nadiim' aur 'bedii' in me.n jaan to hai lekin
aib ye hai in ke haatho.n me.n kund zabaa.n kii hai talvaar
'aalii' afsar 'inshaa' baabuu 'naasir' 'miir' ke bar-KHurdaar
'faiz' ne jo ab tak likkhaa hai kyaa likkhaa hai sab be-kaar
un ko adab kii sehhat kaa Gam mujh ko un kii sehhat kaa
ye bechaare dukh ke maare jiine se hai.n kyuu.n be-zaar
husn se vahshat ishq se nafrat apnii hii suurat se pyaar
KHanda-e-gul par ek tabassum girya-e-shabnam se inkaar

Habib Jalib

Nazm

aqidat

apnii naakaamii-e-ulfat kii shikaayat kyaa ho
merii be-sabr tamannaa ko saliiqa hii na thaa
zindagii haasil-e-aadaab-e-junuu.n hotii hai
ab 'aqiidat mujhe piipal ke ghane pe.D
se hai

Faiyaz Rifat

Nazm

mirza ghaalib

maadar-e-hind ke fankaar the mirzaa 'Gaalib'
apne fan me.n ba.De hushyaar the mirzaa 'Gaalib'
aap kaa naam asadullaah thaa nau-shaah laqab
mirzaa Gaalib se hu.e baad me.n maaruuf-e-adab
aaj bhii pa.Dh ke kalaam aap kaa hairat me.n hai.n sab
zulf-e-urdu me.n giraftaar the mirzaa Gaalib
maadar-e-hind ke fankaar the mirzaa Gaalib
akbarabad me.n paidaa hu.e dehlii me.n rahe
ahd-e-tiflii hii se duniyaa ke ba.De zulm sahe
ab bhii har ahl-e-suKHan aap ko ustaad kahe
saare sho.araa ke alam-daar the mirzaa Gaalib
maadar-e-hind ke fankaar the mirzaa 'Gaalib'
ta.ng-dastii me.n bhii chho.Daa na vafaa kaa daaman
muflisii me.n bhii na apnaa.e KHushaamad ke chalan
KHuun-e-jazbaat se shaadaab kiyaa baaG-e-suKHan
fitratan shaa.er-e-KHuddaar the mirzaa 'Gaalib'
maadar-e-hind ke fankaar the mirzaa Gaalib
aap par faarsii sho.araa kaa bhii thaa KHuub asar
mas.ala KHidmat-e-urdu kaa bhii thaa pesh-e-nazar
apne ash.aar kii azmat se bhii vaaqif the magar
'miir' jii ke bhii taraf-daar the mirzaa 'Gaalib'
maadar-e-hind ke fankaar the mirzaa 'Gaalib'
KHat-naviisii kaa diyaa ek anokhaa andaaz
guu.nj uThii bazm-e-adab me.n ye niraalii aavaaz
aap maidaan-e-suKHan me.n bhii the sab se mumtaaz
saath hii ik ba.De nassaar the mirzaa 'Gaalib'
maadar-e-hind ke fankaar the mirzaa 'Gaalib'
be-niyaaz-e-Gam-o-aalaam har ik fikr se duur
ho musiibat me.n bhii rahte the hamesha masruur
aaj bhii jin ke latiife hai.n jahaa.n me.n mash.huur
muskuraate hu.e kirdaar the mirzaa 'Gaalib'
maadar-e-hind ke fankaar the mirzaa 'Gaalib'

Kaif Ahmed Siddiqui

Nazm

KHidmat-e-adab

jab tak adab-baraa-e-adab kaa rahaa KHayaal
adbaar-o-muflisii se rahe ham shikasta-haal
saa.e kii tarah saath nahuusat lagii rahii
ik rog ban ke jaan se usrat lagii rahii
go shaa.erii kaa rang nikhartaa chalaa gayaa
shiiraaza-e-ma.aash bikhartaa chalaa gayaa
lekin KHudaa bhalaa kare ik mehrbaan kaa
jin ko adab-baraa-e-shikam kaa hai tajraba
mausuuf ne bataa.ii hame.n vo pate kii baat
ab din hai roz-e-iid to shab hai shab-e-baraat
all india mushaa.era majlis ke naam se
kholaa hai ik idaara-e-nau dhuum-dhaam se
karte hai.n shaa.erii ke evaz ab mushaa.era
is rozgaar se hai hame.n KHuub faa.eda
har tiin chaar maah ke vaqfe pe be-KHalal
apne programme pe karte hai.n ham amal
ya.anii mushaa.ere kaa chalaate hai.n kaarobaar
chhapvaa ke roz-naamo.n me.n jhuuTaa ye ishtihaar
'josh'-o-'firaaq'-o-'saahir' o 'parvez' shaahidii
'faiz'-o-'KHaliil'-o-'jazbii' o 'maKHduum'-o-'ja.afarii'
kursii-o-arsh-o-lauh-o-qalam sab hii aa.e.nge
taaza kalaam apnii zabaa.n se sunaa.e.nge
is ishtihaar me.n vo kashish hai ki ahl-e-zauq
lete hai.n daaKHle kaa ticket dau.D kar ba-shauq
circus me.n jis tarah se ho KHilqat kaa izhdihaam
yuu.nhii mushaa.ere me.n pahu.nchte hai.n KHaas-o-aam
sab log baiTh jaate hai.n farsh-e-zamii.n pe jab
mic pe jaa ke karte hai.n elaan ham ye tab
afsos hai ki aa na sake 'josh' aur 'firaaq'
ye moscow ravaana hu.e vo ga.e iraq
'jazbii' ko iKHtilaaj hai 'parvez' hai.n aliil
gaa.Dii zaraa sii chuuk se miss kar ga.e 'KHaliil'
bhejii hai 'faiz'-o-'saahir'-o-'maKHduum' ne KHabar
seat un ko mil sakii na havaa.ii jahaaz par
go ye KHabar dilo.n ko guzartii hai naagavaar
honaa hai jalsa-gaah me.n tho.Daa saa intishaar
le kar magar zehaanat-e-fitrii se kaam ham
dam-bhar me.n saama.iin ko karte hai.n raam ham
Dais pe tuk-farosho.n kaa rahtaa hai ik hujuum
filmii dhuno.n me.n gaane kii jin ke ba.Dii hai dhuum
jo KHud ticket KHariid ke aate hai.n bazm me.n
ham un se apnaa kaam chalaate hai.n bazm me.n
le le ke gaTkarii jo sunaate hai.n vo kalaam
u.Dte hai.n vaah vaah ke na.aro.n se saqf-o-baam
bazm-e-nashaat bantaa hai saaraa mushaa.era
hotaa hai kaamyaab hamaaraa mushaa.era
KHush-KHush gharo.n ko jaate hai.n huzzaar ik taraf
noTo.n kaa ham lagaate hai.n ambaar ik taraf
ye KHidmat-e-adab kaa tariiqa hai laa-javaab
pesha ye vo hai jis me.n munaafa hai be-hisaab

Raza Naqvi Vahi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now