Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "be-nafas"

Nazm MATCHES FOR "be-nafas"

Nazm

wapsi

be-nafas be-ridaa-e-taar-e-hayaat
ham barahna hayuule kyaa ghuume.n
mu.nh khulii qabre.n ro rahii ho.ngii
aa.o qabro.n me.n apnii lauT chale.n

Musavvir Sabzwari
Nazm

kya ishq ek zindagi-e-mustaar ka

merii bisaat kyaa hai tab-o-taab-e-yak-nafas
sho.ala se be-mahal hai ulajhnaa sharaar kaa

Allama Iqbal
Nazm

intizar muntazir

nafas kaa zer-o-bam liye
vo cha.Dh ke Duubtii nadii
nadii kii ret me.n badan
badan ke KHadd-o-KHaal pe
vo chaa.ndnii kii be-KHudii

Kamran Nafees
Nazm

intizar muntazir

nafas kaa zer-o-bam liye
vo cha.Dh ke Duubtii nadii
nadii kii ret me.n badan
badan ke KHadd-o-KHaal pe
vo chaa.ndnii kii be-KHudii

Kamran Nafees
Nazm

mohabbat

uruus-e-shab kii zulfe.n thii.n abhii naa-aashnaa KHam se
sitaare aasmaa.n ke be-KHabar the lazzat-e-ram se
qamar apne libaas-e-nau me.n begaana saa lagtaa thaa
na thaa vaaqif abhii gardish ke aa.iin-e-musallam se
abhii imkaa.n ke zulmat-KHaane se ubhrii hii thii duniyaa
mazaaq-e-zindagii poshiida thaa pahnaa-e-aalam se
kamaal-e-nazm-e-hastii kii abhii thii ibtidaa goyaa
huvaidaa thii nagiine kii tamannaa chashm-e-KHaatam se
sunaa hai aalam-e-baalaa me.n ko.ii kiimiyaa-gar thaa
safaa thii jis kii KHaak-e-paa me.n ba.Dh kar saaGar-e-jam se
likhaa thaa arsh ke paa.e pe ik iksiir kaa nusKHa
chhupaate the farishte jis ko chashm-e-ruuh-e-aadam se
nigaahe.n taak me.n rahtii thii.n lekin kiimiyaa-gar kii
vo is nusKHe ko ba.Dh kar jaantaa thaa ism-e-aazam se
ba.Dhaa tasbiih-KHvaanii ke bahaane arsh kii jaanib
tamannaa-e-dilii aaKHir bar aa.ii sa.i-e-paiham se
phiraayaa fikr-e-ajzaa ne use maidaan-e-imkaa.n me.n
chhupegii kyaa ko.ii shai baargaah-e-haq ke mahram se
chamak taare se maa.ngii chaa.nd se daaG-e-jigar maa.ngaa
u.Daa.ii tiirgii tho.Dii sii shab kii zulf-e-barham se
ta.Dap bijlii se paa.ii huur se paakiizgii paa.ii
haraarat lii nafas-haa-e-masiih-e-ibn-e-maryam se
zaraa sii phir rubuubiyat se shaan-e-be-niyaazii lii
malak se aajizii uftaadgii taqdiir shabnam se
phir in ajzaa ko gholaa chashma-e-haivaa.n ke paanii me.n
murkkab ne mohabbat naam paayaa arsh-e-aazam se
muhavvis ne ye paanii hasti-e-nau-KHez par chhi.Dkaa
girah kholii hunar ne us ke goyaa kaar-e-aalam se
hu.ii jumbish ayaa.n zarro.n ne lutf-e-KHvaab ko chho.Daa
gale milne lage uTh uTh ke apne apne hamdam se
KHiraam-e-naaz paayaa aaftaabo.n ne sitaaro.n ne
chaTak Guncho.n ne paa.ii daaG paa.e laala-zaaro.n ne

Allama Iqbal
Nazm

kuch

jis roz hamaaraa kuuch hogaa
phuulo.n kii dukaane.n band ho.ngii
shiirii.n-suKHano.n ke harf-e-dushnaam
be-mehr zabaane.n band ho.ngii

Iftikhar Arif
Nazm

daman-darida miras

be-naam aavaara paudo.n
aazurda ashjaar
bahmanii taajdaaro.n ke abadii masaakin se mulhaq
nauha-kunaa.n pattharo.n kii ye chhoTii sii bastii
abaabiile.n jis kii muhaafiz
dil-shikasta dilo.n dil-girafta shabo.n ke guluu-giir lamhe jis ke ham-raaz
tuu jahaa.n tiis battiis barso.n se rahtii chalii aa rahii hai
kyaa vaaqa'ii is qadar pur-sukuu.n to yahaa.n hai
mai.n tirii kokh kii fasl kaa ek paudaa
terii shafqat kaa jharnaa kahaa.n hai
taaj katba kaa sar pe uThaa.e hu.e
tuu bhii kam kyaa kisii taajvar se hai maa.n
mere daaman ko lekin zaraa dekh le
mujh se anfaas kaa le hisaab
zindagii kii la.Daa.ii me.n nusrat milii kin maqaamaat par
aur kahaa.n mai.n ne paa.ii shikast
kis nafas zulmato.n ke pa.Daav mile
kis nafas chaahato.n ko nadaamat milii
kis nafas KHvaahisho.n ke janaaze uThe
kis nafas dil jalaa
kis nafas mere jazbo.n kii miiraas gum ho ga.ii
mere ehsaas kii ek ik pankhu.Dii
kis nafas bik ga.ii
niim-shab kii KHamoshii ke jangal me.n merii navaa ke parind
aaj pahlii dafa
tere maskan kii bojhal fazaa.o.n me.n mazruub u.Dte hai.n
un kaa darmaa.n samaa'at tirii ho to ho
mai.n to daaman-dariida tahii-dast huu.n

Jabbar Jameel
Nazm

naya aazar

ye giit sar-ba-garebaa.n hai.n tere jaane se
ye nau-uruus sitaare ba.Dhaa rahe hai.n suhaag
kalii kalii ko tirii be-ruKHii kaa shikva hai
nafas nafas se nikaltii hai ek aisii aag

Mustafa Zaidi
Nazm

funun-e-latifa

ai ahl-e-nazar zauq-e-nazar KHuub hai lekin
jo shai kii haqiiqat ko na dekhe vo nazar kyaa!
maqsuud-e-hunar soz-e-hayaat-e-abadii hai
ye ek nafas yaa do nafas misl-e-sharar kyaa!
jis se dil-e-dariyaa mutalaatim nahii.n hotaa
ai qatra-e-naisaa.n vo sadaf kyaa vo guhar kyaa!
shaa.er kii navaa ho ki muGannii kaa nafas ho
jis se chaman afsurda ho vo baad-e-sahar kyaa!
be-mo.ajaza duniyaa me.n ubhartii.n nahii.n qaume.n
jo zarb-e-kaliimii nahii.n rakhtaa vo hunar kyaa

Allama Iqbal
Nazm

tarjuman-e-mustaqbil

tirii nigaah ki hai paasbaan-e-mustaqbil
sunaa rahii hai hame.n daastaan-e-mustaqbil
tirii hayaat ki hai tarjumaan-e-mustaqbil
liye hai kaif-o-nashaat-e-jahaan-e-mustaqbil
hai sar-buland kabhii se nishaan-e-mustaqbil
zamii.n ko tuu ne kiyaa aasmaan-e-mustaqbil
tujhii se Gairat-e-kashmiir hai dayaar-e-vatan
tujhii se rashk-e-iram gulistaan-e-mustaqbil
tire yaqii.n ne kiyaa hai vo inqilaab-e-aziim
ki ahd-e-haal pe ab hai gumaan-e-mustaqbil
chaman ke KHvaab kii ta.abiir hai junuu.n teraa
hu.e hai.n Guncha-o-gul nukta-daan-e-mustaqbil
tire nafas-ba-nafas irtiqaa zamaane kaa
tire qadam-ba-qadam hai zamaan-e-mustaqbil
shab-e-hayaat kii is be-panaah zulmat me.n
nuquush-e-paa hai.n tire kahkashaan-e-mustaqbil
har ik nafas hai tiraa ham-rikaab asr-e-ravaa.n
har ik nazar hai tirii kaarvaan-e-mustaqbil
amiin-e-raaz vahii hai vatan kii qismat kaa
tiraa 'jamaal' ki hai raaz-daan-e-mustaqbil

Masood Akhtar Jamal
Nazm

mere ham-nafas

mire ham-nafas ko.ii zikr ho
mire dard-o-Gam mire haal kaa

Basit Jaleeli
Nazm

wajud

bataa.o kaun gum hu.aa, vo ham-nafas gayaa kahaa.n
nuquush-e-paa sunaa rahe hai.n aaj kis kii daastaa.n
ye raat, din ke silsile jo hai.n hamaare darmiyaa.n
hamaarii ko.ii ibtidaa na hai hamaarii intihaa
bas ik muhiib faasla
bas ik ajiib silsila
ye jo bhii kuchh nazar me.n hai
safar me.n hai, safar me.n hai
jo raazdaan-e-vaqt the
unhe.n kahii.n se laa.o ab
sa.nvaar de.n jo zindagii jo aagahii ataa kare.n
vo be-niyaaz aadmii
ki jaise ko.ii raushnii
vo hast-o-buud aashnaa
vo jin kaa ilm laa-zavaal o be-karaa.n
na gum hai.n vo na duur hai.n
jo dil kii aa.nkh band ho to is me.n un kii kyaa KHataa
bataa.o kaun gum hu.aa vo ham-nafas gayaa kahaa.n
nuquush-e-paa sunaa rahe hai.n aaj kis kii daastaa.n

Naseem Nazish
Nazm

mujhe DhunDna baDa aasan hai

mai.n jaltaa rahtaa huu.n
do hisso.n me.n
mai.n jiine kii koshish nahii.n kartaa
log mujhe jiinaa chaahte hai.n
yuu.nhii bikhre vajuudo.n me.n
vo mujhe chun chun kar o.Dh lete hai.n
bhuuke peTo.n be-hayaat poro.n me.n
ko.ii lafz nahii.n hotaa
jaane kyo.n mai.n un kii zabaan kii gaalii ban jaataa huu.n
mai.n nang-e-nafas me.n uThtaa huu.n
baiThtaa huu.n
ko.ii Gair-mar.ii quvvat
mujhe apne tabqe se chipkaa.e rakhtii hai
jab kabhii mai.n KHud ko
un se
alag karnaa chaahtaa huu.n
hamesha kii tarah darvaaze ke baahar rah jaataa huu.n
mujhe Dhuu.nDhnaa ba.Daa aasaan hai
mujhe Dhuu.nDne ke liye
har hukmraan apnii luGat rakhtaa hai

H. B. Baloch
Nazm

zindagi

zarre zarre me.n davaa.n ruuh-o-ruvaa.n paataa huu.n mai.n
zindagii ko ek bahr-e-be-karaa.n paataa huu.n mai.n
Guncha Guncha nutq par aamaada aataa hai nazar
patte patte kii zabaa.n ko naGma-KHvaa.n paataa huu.n mai.n
zinda hastii kii KHabar detii hai raftaar-e-nafas
buu-e-gul ko zindagii kaa tarjumaa.n paataa huu.n mai.n
barq kii jumbish ho yaa baad-e-sabaa kaa ho KHiraam
zindagii kaa har tamavvuj me.n nishaa.n paataa huu.n mai.n
us se aage bhii hai.n ruuhe.n u.Dtii phirtii be-shumaar
taa.er-e-sidra kaa jis jaa aashiyaa.n paataa huu.n mai.n
ho chukii hai hukmaraa.n jis naKHl par baad-e-KHizaa.n
us kii rag rag me.n bahaar-e-be-KHizaa.n paataa huu.n mai.n
chaar-suu raah-e-safar par dau.Dtii hai jab nazar
zindagii ko kaarvaa.n-dar-kaarvaa.n paataa huu.n mai.n
jaane vaalo.n kii tabaahii ke nishaano.n me.n nihaa.n
aane vaalii hastiyo.n kii bastiyaa.n paataa huu.n mai.n
al-Garaz samjhe ho jin ko maut kii barbaadiyaa.n
zindagii ke inqalaab an me.n nihaa.n paataa huu.n mai.n

Syed Wahidudeen Salim
Nazm

nala-e-be-asman

mai.n kaise bataa.uu.n tum bataa.o
kis tarah ye din guzar rahe hai.n
tauhiin haqaarate.n tanaffur
kis kis se nibaah kar rahaa huu.n

Aziz Qaisi
Nazm

izhaar

dabii hu.ii hai mire labo.n me.n kahii.n pe vo aah bhii jo ab tak
na sho.ala ban ke bha.Dak sakii hai na ashk-e-be-suud ban ke niklii
ghuTii hu.ii hai nafas kii had me.n jalaa diyaa jo jalaa sakii hai
na sham.a ban kar pighal sakii hai na aaj tak duud ban ke niklii
diyaa hai be-shak mirii nazar ko vo ek partav jo dard baKHshe
na mujh pe Gaalib hii aa sakii hai na meraa masjuud ban ke niklii

Akhtarul Iman
Nazm

hawa ki pusht par

hu.aa kii pusht pe kitne nuquush kanda hai.n
kahii.n nafas kii lakiire.n
kahii.n bisaat-e-hunar
hayaat o maut ke partav
alam kii parchhaa.ii.n
lahuu ke rang me.n Duubaa hu.aa falak kaa dhu.aa.n
kabhii zamiin kaa daaman Gubaar-aaluuda
kabhii garajtaa hu.aa sail-e-be-karaa.n larzaa.n
misaal-e-harf-e-tamannaa ye naqsh miT na sake
havaa kii pusht pe kab se nuquush kanda hai.n

Hameed Almas
Nazm

kullu man alaiha fan

zamaana az-sar-e-nau ye gavaahii de rahaa hai
azal se taa-abad sab kuchh fanaa hai
magar ik KHvaahish-e-be-suud har insaan ke andar panaptii hai
ye har insaan kii fitrat me.n shaamil hai
jo har pal ye samajhtaa hai
ki miTTii kuuza-gar ke nuur me.n guu.ndhii ga.ii hai
ye fitrat be-mahaabaa hai
jo kuuza-gar ke haatho.n se
har ik insaan me.n shaamil hu.ii hai
har ik insaan bas ik vaahime me.n hai
ki vo bhii laa-fanaa hai

Zahid Khan
Nazm

ab raat aa rahi hai

chalo ab du.aa karo nazme.n pa.Dho visaal kii sab aayate.n pa.Dho
kyaa rah gayaa hai shaam kaa ab raat se faraaG
jab harf-e-KHuun-e-daaG
aa.ndhii me.n ek niim-nafas be-havaa charaaG
in qahqaho.n ko rok lo ik shab kii baat hai
mai.n sochtaa huu.n
chup rahuu.n lekin tumhii.n bataa.o
kyaa ye hayaat hai

Aslam Emadi
Nazm

bebasi

ek be-kaif shaam ke bas me.n
re.ngte saa.e uu.nghtii raahe.n
chand sahme hu.e chahchahe aur mai.n
zindagii ra.ng-o-buu se begaana
sar-niguu.n dil-girafta aur udaas
aah is ke qahqahe aur mai.n
chaahtaa huu.n guzar sakuu.n ik baar
aarzuu.o.n ke chiistaano.n se
ho.n jahaa.n laakho.n chahchahe aur mai.n
har-nafas me.n ho naGma-e-naahiid
KHaak-e-paa ho merii bahaar-ba-dosh
ye samaa.n jaavedaa.n rahe aur mai.n
dil-e-naakaam kii tan-aasaanii
KHanda-zan hai mire iraado.n par
varna dariyaa-e-Gam bahe aur mai.n
jaane yuu.nhii rahe.nge ab kab tak
re.ngte saa.e uu.nghtii raahe.n
chand sahme hu.e chahchahe aur mai.n

Qayyum Nazar
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now