Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bithaa"

Nazm MATCHES FOR "bithaa"

Nazm

nazr-e-dil

apne dil ko dono.n aalam se uThaa saktaa huu.n mai.n
kyaa samajhtii ho ki tum ko bhii bhulaa saktaa huu.n mai.n
kaun tum se chhiin saktaa hai mujhe kyaa vahm hai
KHud zuleKHaa se bhii to daaman bachaa saktaa huu.n mai.n
dil me.n tum paidaa karo pahle mirii sii jur.ate.n
aur phir dekho ki tum ko kyaa banaa saktaa huu.n mai.n
dafn kar saktaa huu.n siine me.n tumhaare raaz ko
aur tum chaaho to afsaana banaa saktaa huu.n me.n
me.n qasam khaataa huu.n apne nutq ke e.ajaaz kii
tum ko bazm-e-maah-o-anjum me.n biThaa saktaa huu.n mai.n
sar pe rakh saktaa huu.n taaj-e-kishvar-e-nuuraaniyaa.n
mahfil-e-KHurshiid ko niichaa dikhaa saktaa huu.n mai.n
mai.n bahut sarkash huu.n lekin ik tumhaare vaaste
dil bujhaa saktaa huu.n mai.n aa.nkhe.n bachaa saktaa huu.n mai.n
tum agar ruuTho to ik tum ko manaane ke liye
giit gaa saktaa huu.n mai.n aa.nsuu bahaa saktaa huu.n mai.n
jazb hai dil me.n mire dono.n jahaa.n kaa soz-o-saaz
barbat-e-fitrat kaa har naGma sunaa saktaa huu.n mai.n
tum samajhtii ho ki hai.n parde bahut se darmiyaa.n
mai.n ye kahtaa huu.n ki har parda uThaa saktaa huu.n mai.n
tum ki ban saktii ho har mahfil me.n firdaus-e-nazar
mujh ko ye da.avaa ki har mahfil pe chhaa saktaa huu.n mai.n
aa.o mil kar inqalaab-e-taaza-tar paidaa kare.n
dahr par is tarah chhaa jaa.e.n ki sab dekhaa kare.n

Asrarul Haq Majaz
Nazm

pashemani

mai.n ye soch kar us ke dar se uThaa thaa
ki vo rok legii manaa legii mujh ko
havaa.o.n me.n lahraataa aataa thaa daaman
ki daaman paka.D kar biThaa legii mujh ko
qadam aise andaaz se uTh rahe the
ki aavaaz de kar bulaa legii mujh ko

Kaifi Azmi
Nazm

online aashiq

net farhaad ko shiirii.n se milaa detaa hai
ishq insaan ko goggle pe biThaa detaa hai

Khalid Irfan
Nazm

marhum

mai.n ruuThaa huu.n meraa kaa.ndhaa chhu.o
phir muskuraa.o aur khaane par bulaa lo
mujhe Dar lag rahaa hai aaj
mujh ko apne bistar par sulaa lo
mai.n is mele me.n chal kar thak gayaa huu.n
apne kaa.ndhe par biThaa lo
qadam phir la.Dkha.Daate hai.n
mujhe u.nglii do girtaa huu.n sambhaalo
mujhe sar-dard hai sar chhuu ke
apne lams kii umda davaa.ii do

Manoj Azhar
Nazm

ek thi aurat

ye jii chaahtaa hai ki tum ek nannhii sii la.Dkii ho aur ham tumhe.n god me.n le ke apnii biThaa le.n
yuu.nhii ciiKHo chillaa.o ha.ns do yuu.nhii haath uThaa.o havaa me.n hilaa.o hilaa kar giraa do
kabhii aise jaise ko.ii baat kahne lagii ho
kabhii aise jaise na bole.nge tum se
kabhii muskuraate hu.e shor karte hu.e phir gale se lipaT kar karo aisii baate.n
hame.n sarsaraatii havaa yaad aa.e
jo gunjaan pe.Do.n kii shaaKHo.n se Takraa.e dil ko anokhii pahelii bujhaa.e magar vo pahelii samajh me.n na aa.e

Meeraji
Nazm

ye sarae hai

ye bhii himmat na hu.ii paas biThaa ke puuchhe.n
dil ye kahtaa thaa ko.ii dard kaa maaraa hogaa
lauT aayaa hai jo aavaaz na us kii paa.ii
jaane kis dar pe kise jaa ke pukaaraa hogaa
yaa.n to har roz kii baate.n hai.n ye jiite.n maate.n
ye bhii chaahat ke kisii khel me.n haaraa hogaa

Ibn۔e۔Insha
Nazm

bhaarat ke musalman

'haafiz' ke tarannum ko basaa qalb-o-nazar me.n
'ruumii' ke tafakkur ko sajaa qalb-o-nazar me.n
'saadii' ke takallum ko biThaa qalb-o-nazar me.n
de naGma-e-'KHayyaam' ko jaa qalb-o-nazar me.n

Jagan Nath Azad
Nazm

ye sarae hai

ye bhii himmat na hu.ii paas biThaa ke puuchhe.n
dil ye kahtaa thaa ko.ii dard kaa maaraa hogaa

Ibn۔e۔Insha
Nazm

aurat

jab chaahaa mujh ko ek tavaa.if banaa diyaa
maqsad hii mere janm kaa dil se bhulaa diyaa
phuulo.n kii sej dii kabhii mujh ko jalaa diyaa
siitaa banaa ke sho.alo.n me.n mujh ko biThaa diyaa

Meena Naqvi
Nazm

guDDe miyan ki shadi

vo guDDe miyaa.n ghar bulaa.e ga.e
biThaa kar vo nausha banaa.e ga.e
hathelii pe meh.ndii rachaa.ii ga.ii
vo nausha ko achkan pahnaa.ii ga.ii
vo gaa.nv kaa maalii 'atiiq' aa gayaa
vo sarso.n ke phuulo.n kaa sahraa ba.ndhaa
har ik rasm se jab faraaGat hu.ii
to mircho.n ke phuulo.n kii baddhii pa.Dii
vo ham-joliyo.n me.n lagaa qahqaha
maraasan jo ban kar uThii.n 'haashima'
maraasan bhii Dholak bajaane lagii
KHushii ke taraane sunaane lagii
maraasan ko mu.nh maa.ngaa haq jab milaa
ba-mushkil maraasan se piichhaa chhuTaa

Akhgar Mushtaq Raheem Aabadi
Nazm

musafir

bichha.D ke tujh se ka.ii ajnabii dayaaro.n ne
mujhe gale se lagaayaa mujhe tasallii dii
mujhe bataa.e shab-e-tiira-o-siyaah ke raaz
mire badan ko sikhaa.e hazaar istilzaaz
kuchh is tarah mire pahluu me.n aa.e zohra-o-shams
mai.n muddato.n yahii samjhaa kiyaa ki jism kaa lams
azal se taa-ba-abad ek hii masarrat hai
ki sab fareb hai meraa badan haqiiqat hai
aur is tarah bhii hu.aa hai ki merii tanhaa.ii
samundaro.n se lipaT kar havaa se Takraa kar
kabhii sameT ke mujh ko na.e jaziiro.n me.n
kabhii pahaa.D ke jharne kii tarah bikhraa kar
kabhii biThaa ke mujhe aasmaa.n ke dosh-ba-dosh
kabhii zamii.n kii taho.n me.n ja.Do.n me.n phailaa kar
kuchh is tarah mire ehsaas me.n samaa.ii hai
ki mujh ko zaat se baahar nikaal laa.ii hai
kuchh aisaa KHvaab saa naa-KHvaabiyaa.n sii taarii thii.n
badan to kyaa mujhe parchhaa.iyaa.n bhii bhaarii thii.n

Mustafa Zaidi
Nazm

iltija

ye aurat hai
ise tum saat pardo.n me.n chhupaa.o
ise tum baa.ndh kar rakkho
ye bakrii se zyaada qiimtii hai
ki bakrii duudh detii hai
magar jab kaaT kar khaa lo
to phir kuchh bhii nahii rahtaa
ye aurat hai use kachchaa chabaa lo
phir bhii ye zinda rahegii
aur tumhaare kaam aa.egii
tum is ke zehn o dil par
aur is ke jism ke
ek ek hisse par
KHalaa me.n palne vaale KHauf kaa
pahra biThaa do
ye maa.n ho yaa bahan
biivii ho mahbuuba ho beTii ho
tumhaarii KHaadima ho yaa tavaa.if ho
tumhaare kaam aa.egii

Harris Khalique
Nazm

yaum-e-mazdur

diivaar pe mazduur kii tasviir sajaa kar
aKHbaar ke kone me.n KHabar ek lagaa kar
kuchh card bhii mazduur ke haatho.n me.n uThaa kar
do-chaar Gariibo.n ko bhii dhartii pe biThaa kar
un me.n se kisii ek ko stage par laa kar
phir us kii kahaanii sabhii logo.n ko sunaa kar
taqriir karaa kar to kabhii taalii bajaa kar
mazduur ko mazduur kaa irfaan dilaa kar
aur apne ta.ii.n kaar-e-muqaddas ko nibhaa kar
har saal ye ehsaan jataate hai.n ba.De log
mazduur kaa phir jashn manaate hai.n ba.De log

Neel Ahmed
Nazm

suraj ka aatish-kada

sochtaa huu.n
aasmaa.n se chhiin kar
jalte hu.e suuraj kii thaalii
ek kashtii kii tarah
gahre samundar me.n chalaa.uu.n
aur us par saarii duniyaa ko biThaa kar
Garq kar duu.n

Kaif Ahmed Siddiqui
Nazm

pahla jashn-e-azadi

ai hind ke baashindo aa.o uj.Daa gulzaar sajaa Daale.n
ab daur-e-Gulaamii KHatm hu.aa ik taaza jahaa.n kii binaa Daale.n
ab hind kii aslii iid hu.ii jo aazaadii kii diid hu.ii
pa.Dh pa.Dh ke namaaz-e-aazaadii ab ruuThe hu.o.n ko manaa Daale.n
kashtii bhii na.ii dariyaa bhii nayaa saahil bhii nayaa mallaah bhii na.e
ab kar ke bharosa himmat par tuufaan me.n raah banaa Daale.n
hai.n ranj-o-KHusuumat ik ro.Daa raah-e-aazaadii me.n ab bhii
ham ranj puraane duur kare.n bichh.Do.n ko gale se lagaa Daale.n
jo mulk thaa sone kii chi.Diyaa bandhan ne use paamaal kiyaa
Gurbat ko yahaa.n se duur kare.n phir duudh kii nahre.n banaa Daale.n
phir bos se yodhdhaa paidaa ho.n jo hind kii qismat jaag uThe
ik baar zamaane par sikka phir maadar-e-hind biThaa Daale.n
is buu.Dhe himaala parbat se phir nuur kaa chashma-e-ahl uThe
is mel-o-mohabbat ke jal se har baashii ko nahlaa Daale.n
ye hind kii aazaadii goyaa kul mashriq kii aazaadii hai
phir mashriq mashriq ban jaa.e jo zulm ke daur miTaa Daale.n
'anvar' kii du.aa hai ai maulaa phir hind kii qismat jaag uThe
bichh.De aapas me.n mil jaa.e.n ham ruuThe hu.e ko manaa Daale.n

kanval Dibaivi
Nazm

dua

aa.e.n na ‘aib mere jahaa.n se nazar mujhe
masnad pe aisii mujh ko tuu maulaa biThaa na de

Sada Ambalvi
Nazm

guDDe guDiya ka byah

jamiila shakiila kii thii ik sahelii
sahelii bhii ik umr kii saath khelii
bahut hii thaa iKHlaas aur pyaar un me.n
hu.ii thii na jhuuTo.n bhii takraar un me.n
thii yuu.n to har ik khel se un ko raGbat
magar sab se ba.Dh kar thii gu.Diyo.n kii chaahat
jamiila kii gu.Diyaa thii chiinii kii muurat
shakiila kaa guDDaa bhii thaa KHuubsuurat
shakiila ne sochaa ki shaadii rachaae.n
jamiila sahelii ko samdhan banaa.e.n
shakiila ba.De chaav se chal ke aa.ii
vo guDDe kii ma.ngnii kaa paiGaam laa.ii
ka.ii la.Dkiyaa.n aur bhii saath aa.ii.n
jamiila ke ghar aa ke baate.n banaa.ii.n
idhar kii udhar kii hu.ii.n KHuub baate.n
ye ma.ngnii kii baate.n rahii.n chand raate.n
ye baat aur vo baat aur kabhii haa.n kabhii naa.n
ka.ii din rahii.n b shakiila pareshaa.n
par aaKHir vo aa hii ga.ii nek saa.at
na baaqii rahii ko.ii jhag.De kii suurat
jamiila ne manzuur kar lii ye shaadii
KHabar saare bachcho.n ko is kii sunaa dii
ijaazat unho.n ne ba.Do.n se bhii le lii
phir achchhii sii taariiKH shaadii kii tai kii
qariib aa.e shaadii kii taqriib ke din
to kaaTe ye din saare bachcho.n ne gin gin
vo shaadii kii taariiKH jis roz aa.ii
masarrat ne duniyaa me.n naubat bajaa.ii
shakiila ne guDDe ko duulhaa banaayaa
use ek ba.Dhiyaa saa jo.Daa pahnaayaa
vo kurtaa vo achkan vo pag.Dii vo paTkaa
vo resham kii shalvaar vaslii kaa juutaa
vo munnaa saa ruumaal moze Tasar ke
jhamaktii kalaa us ke salme sitaare
ja.Daav a.nguuThii vo motii kii maalaa
vo ra.ngiin jaama vo phuulo.n kaa sahraa
biThaa us ko gho.De pe vo saath laa.ii
baraat us ne guDDe kii apnii sajaa.ii
chale saath ban ban ke bachche baraatii
chalii paarTii ek gaatii bajaatii
ta.Daata.D vo taasho.n kii baajo.n kii Te.n-Te.n
majiire kii Tan Tan nafiirii kii pe.n-pe.n
vo logo.n kaa chalnaa paTaaKHo.n kaa chhuTnaa
havaa me.n anaaro.n ke phuulo.n kaa luTnaa
isii ThaaTh se chal ke baaraat aa.ii
dulhan kii taraf se hu.ii peshvaa.ii
jamiila ne sab kaa kyaa KHair muqaddam
mile ho ke baaham vo sab shaad-o-KHurram
jahaa.n farsh ik chaa.ndnii kaa bichhaa thaa
thii masnad na.ii gaav takiya nayaa thaa
vahaa.n mehmaano.n ko locker biThaayaa
diye paan aur sab ko sharbat pilaayaa
bulaa.e ga.e shahr se ek qaazii
dulhan aur duulhaa hu.e dono.n raazii
zaraa der me.n ho ga.ii un kii shaadii
sabhii ahl-e-mahfil ne dil se du.aa dii
chuvaare luTe phir baTii kuchh miThaa.ii
miThaa.ii ye sab ne maze le ke khaa.ii
hu.e shaad mehmaan chhoTe ba.De kul
mubaarak salaamat kaa pas mach gayaa Gul
hu.aa vaqt gu.Diyaa kii ruKHsat kaa jis dam
jamiila ke chehre pe thaa Gam kaa aalam
shakiila ne jhaT paalkii ik ma.ngaa.ii
biThaa us me.n gu.Diyaa ko ghar apne laa.ii
hu.ii KHuub shohrat hu.aa KHuub KHarcha
rahaa shahr me.n muddato.n is kaa charchaa
Garaz byaah guDDe kaa gu.Diyaa kaa jaisaa
hu.aa ye hu.aa hogaa 'nayyar' na aisaa

Mohammad Shafiuddin Nayyar
Nazm

KHwahish

ko.ii shaam kii aahaT se pahle
ko.ii shaam kii aahaT se pahle
Dhaltii hu.ii sah-pahar me.n
phone kar ke bulaa.e mujhe
kahii.n kisii
sarsabz lawn me.n biThaa kar
achchhii sii chaa.e pilaa.e mujhe
aur
chaa.e ke saath
ik mahfil jame
kuchh naGme barse.n
kuchh sher u.De.n
kuchh khaTTii miiThii sii
dhiimii dhiimii sii
baate.n bane.n
aur baato.n baato.n me.n
thaam kar haath meraa
vo dhiime se ik sargoshii kare
mujh se mohabbat kaa dam bhare
mai.n uljhaa uljhaa soche jaa.uu.n
us pal ko sadiyaa.n sau.npe jaa.uu.n
phir soch kar kuchh kahuu.n us se
jo kahaa hai
phir se dohraa.oge
sach kaho mere ho jaa.oge
vo dabaa kar nichlaa lab apnaa
bhar ke aa.nkho.n me.n
sab kuchh apnaa
dhiime se sar hilaa.e
haule se meraa haath dabaa.e
aur
muskuraa kar kahe
haa.n mujhe tum se mohabbat hai
aur is iqraar ke baad achaanak se
kaale baadal ghir kar chhaa.e.n
ThanDii sii purvaa.ii chale
aur
aasmaan is iqraar ke sadqe
ham pe
bhiige bhiige phuul barsaa.e
aur us tez baarish me.n
ham dono.n
duur kisii baaG ke goshe me.n
bhiige bhiige lipTe kha.De ho.n
ko.ii to aisaa bhii shaKHs aa.e
shaam kii aahaT se pahle
Dhaltii hu.ii sah-pahar me.n
phone kar ke bulaa.e mujhe

Faisal Malik
Nazm

qarz

mohr ho.nTo.n pe
samaa.at pe biThaa le.n pahre
aur aa.nkho.n ko
kisii aahanii taabuut me.n rakh de.n
ki hame.n
zindagii karne kii qiimat bhii chukaanii hai yahaa.n

Bashar Nawaz
Nazm

jo yun hota to kya hota

chalo ghar kii taraf chalte hai.n
baahar barf-baarii hai
mai.n tum par nazm likhuu.ngaa
mohabbat la.Dkiyo.n ko astabal me.n chho.D aatii hai
mai.n tum ko beach khi.Dkii me.n biThaa kar nazm likhuu.ngaa
tumhe.n aataa to hogaa darmiyaa.n se lauTnaa
mai.n lauTne par nazm likhuu.ngaa

Mohammad Anvar Khalid
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now