Search result for "chehra-e-mashriq" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "chehra-e-mashriq"

Nazm MATCHES FOR "chehra-e-mashriq"

Nazm

katik ka chand

chaa.nd kab se hai sar-e-shaaKH-e-sanobar aTkaa
ghaas shabnam me.n sharaabor hai shab hai aadhii
baam suunaa hai, kahaa.n Dhuu.nDe.n kisii kaa chehraa
(log samjhe.nge ki be-rabt hai.n baate.n apnii)
sher ugte hai.n dukhii zehn se ko.npal ko.npal
kaun mausam hai ki bharpuur hai.n Gam kii bele.n
duur pahu.nche hai.n sarakte hu.e uude baadal
chaa.nd tanhaa hai (agar us kii balaa.e.n le le.n?)
dosto jii kaa ajab haal hai, lenaa ba.Dhnaa
chaa.ndnii raat hai kaatik kaa mahiina hogaa
miir-e-maGfuur ke ash.aar na paiham pa.Dhnaa
jiine vaalo.n ko abhii aur bhii jiinaa hogaa
chaa.nd ThiThkaa hai sar-e-shaaKH-e-sanobar kab se
kaun saa chaa.nd hai kis rut kii hai.n raate.n logo
dhund u.Dne lagii bun.ne lagii kyaa kyaa chehre
achchhii lagtii hai.n divaano.n kii sii baate.n logo
bhiigtii raat me.n dubkaa hu.aa jhii.ngar bolaa
kasmasaatii kisii jhaa.Dii me.n se KHushbuu lapkii
ko.ii kaakul ko.ii daaman, ko.ii aa.nchal hogaa
ek duniyaa thii magar ham se sameTii na ga.ii

Ibn۔e۔Insha

Nazm

chakle

kahaa.n hai.n kahaa.n hai.n muhaafiz KHudii ke
sanaa-KHvaan-e-taqdiis-e-mashriq kahaa.n hai.n

Sahir Ludhianvi

Nazm

KHatun-e-mashriq

pahluu-e-KHaatuun-e-mashriq me.n ba-sad tamkiin o naaz
muntaqil ho jaa uluuhiyat ke siine ke gudaaz

Josh Malihabadi

Nazm

darwesh

vo bhaarii yaKH-aaluud qadmo.n kii aavaaz
yak-laKHt KHaamosh kyuu.n ho ga.ii hai
nau-aamoz-e-mashriq ke
nau-KHez aa.iin ke taaziyaano
sukuut-e-gadaa se
gadaa.ii to saakit na hogii

Noon Meem Rashid

Nazm

allama iqbaal

rind-e-mashriq tirii mastii me.n thii KHuddaarii bhii
terii har baat me.n thii ek tarahdaarii bhii

Shadan Barabankvi

Nazm

sarhad-e-hindostan

hind ke baa.nke sipaahii azm ke koh-e-giraa.n
zindaabaad ai faKHr-e-mashriq naazish-e-hindostaa.n

Takmiil Rizvi Lakhnavi

Nazm

kanpur

siyah-mastii kii detaa huu.n salaa rindaan-e-mashriq ko
KHumistaan-e-arab ke nashshe me.n ho kar mai.n chuur aaya

Zafar Ali Khan

Nazm

nazr-e-Khaalida

gulshan-e-mashriq me.n manind-e-saba aa.ii hai tuu
sub.h-e-raushan kaa payaam-e-jaan-fazaa laa.ii hai tuu

Asrarul Haq Majaz

Nazm

zarurat-e-iqbaal

ham apne chaa.nd sitaare kii aabruu ke amii.n
lahuu se millat-e-baizaa ko raushnii de.nge
salaam shaa.ir-e-mashriq ke shaahkaar-e-jamiil
ham apne azm-o-amal kaa subuut bhii de.nge

Maulwi Syed Mumtaz Ali

Nazm

zaifa

ik za.iifa raaste me.n so rahii hai KHaak par
murdanii chhaa.ii hu.ii hai chehra-e-Gamnaak par

Josh Malihabadi

Nazm

muflis

chehra-e-afsurda par ThanDaa pasiina sharm kaa
sust nabze.n bhiik kaa lahje ke andar Thiikraa

Josh Malihabadi

Nazm

raat abhi aadhi guzri hai

raat abhii aadhii guzrii hai
shahr kii raunaq bujhii nahii.n hai
thake nahii.n hai.n us mahfil ke saaz abhii tak
yaad ke baalaa-KHaano.n se aatii hai kuchh aavaaz abhii tak
mai.n ki zavaal-e-shahr kaa nauha likhne vaalaa
ek puraanaa qissa-go huu.n
alaamato.n ke jangal se
sandal kii lak.Dii haath me.n le kar
aivaano.n se guzar rahaa huu.n
saazinde ab
aaKHirii thaap kii mahruumii
shab kii miizaa.n par tol rahe hai.n
dhiime suro.n me.n
sust parinde
apnii bolii bol rahe hai.n
udhar galii me.n
mu.arraKHiin-e-baab-e-mashriq
na.ii kitaabe.n khol rahe hai.n
raat abhii aadhii guzrii hai
lekin sub.h-e-nau kii kirne.n
apnaa rasta Dhuu.nDhtii
misr ke baazaaro.n me.n utar rahii hai.n
aadhii raat ke ba.ad
tabl bajtaa hai taaza manzar kaa
mujhe bhii saaraa hisaab baraabar karnaa hai apne ghar kaa

Ain Tabish

Nazm

salam

de kar razaa jo chehra-e-shabbiir zard hai
thii iltijaa-e-jang ye kis laala-faam kii

Parveen Shakir

Nazm

intizar

qaabil-e-diid hai mashshaatgii-e-fasl-e-bahaar
zulf-e-sumbul me.n nayaa husn nazar aataa hai
surKHii-e-chehra-e-gul se hai shafaq-zaar chaman
ra.ng shabnam kaa bhii kuchh surKH hu.aa jaataa hai

Parvez Shahidi

Nazm

comrade hochi-minh

chehra-e-jabr-o-tashaddud se taqaddus kaa naqaab
noch phe.nkaa sar-e-maqtal tire diivaano.n ne
baarish-e-KHuun-e-dil-o-jaa.n se bujhaa dii sar-e-bazm
jhuuT kii sham'-e-farozaa.n tire parvaano.n ne

Muslim Shameem

Nazm

KHwab ki tarah se yaad hai

KHvaab kii tarah se hai yaad ki tum aa.e the
jis tarah daaman-e-mashriq me.n sahar hotii hai
zarre zarre ko tajallii kii KHabar hotii hai
aur jab nuur kaa sailaab guzar jaataa hai
raat bhar ek a.ndhere me.n basar hotii hai
kuchh isii tarah se hai yaad ki tum aa.e the

Jagan Nath Azad

Nazm

apni malka-e-suKHan se

tujh se nazar milaa.e ye kis kii bhalaa majaal
tere qadam kaa naqsh hasiino.n ke KHadd-o-KHaal
allaah re tere husn-e-malak-soz kaa jalaal
jab dekhtii hai.n KHuld se huure.n tiraa jamaal
partav se tere chehra-e-parvii.n-sarisht ke
ghabraa ke band kartii hai.n Gurfe bahisht ke

Josh Malihabadi

Nazm

iqbaal

dil pe thaa jo daaG-e-Gaflat us ko aahe.n dho ga.ii.n
KHuun-e-mashriq me.n hazaaro.n bijliyaa.n hal ho ga.ii.n

Maikash Akbarabadi

Nazm

asia jag uTha

asia jaag uThaa KHvaab-e-giraa.n se kaise
dil-nashii.n jism me.n ik zahr kaa tuufaan liye
ke.nchulii badle hu.e saa.np kii phunkaar liye
har shaqaavat ke liye maut kaa saamaan liye
asia jaag uThaa
ahl-e-mashriq ko na.ii ziist kii phir se hai talaash
ye ta.Dapte hu.e guu.nge ye bilakte haivaa.n
apne aaqaa.o.n ke deriina Gulaamo.n kii ye laash
zulm to.Daa kiyaa insaan pe sadiyo.n insaa.n
ziist be-nuur charaaGo.n me.n se lau de uTThii
ik kiran sard a.ndhere me.n se zau de uTThii
asia jaag uThaa
ahl-e-mashriq kii taraqqii ke payambar larze
kapkapaane lage aivaano.n ke sangiin sutuu.n
vo jahaa.n naaz bhii naKHvat hai masarrat bhii Guruur
jin me.n nikhraa kiyaa insaa.n kii ta.allii kaa junuu.n
saal-haa-saal se tapte hu.e faulaad ke raaz
saal-haa-saal se fankaaro.n ke tarshe hu.e but
rah na jaa.e kahii.n mashriq me.n hii maGrib kii ye rut
ahl-e-mashriq pe shaqaavat kii ko.ii had hii nahii.n
apne dushman kii zalaalat kii ko.ii had hii nahii.n
asia jaag uThaa
apnii zillat ke samet apnii hifaazat ke liye
is qadaamat ke samet apnii saqaafat ke liye
asia arz-e-muqaddas bhii farozaa.n hogii
ham Gariibo.n kii Gamii.n ziist bhii taabaa.n hogii
asia jaag uThaa jaag uThaa jaag uThaa

Siddique Kaleem

Nazm

husn

husn sar-e-niyaaz me.n
sajda-gah-e-namaaz me.n
diida-e-niim-baaz me.n
chashm-e-fusuu.n-taraaz me.n
chehra-e-dil-navaaz me.n
silsila-e-daraaz me.n
husn sukuut-e-saaz me.n
kaif-e-tapish me.n husn hai
kaif-e-tapish me.n husn hai
husn shahiid-e-naaz me.n

Asghar Hasan Mujibi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now