Search result for "cycle" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "cycle"

Nazm MATCHES FOR "cycle"

Nazm

laDkon ka zindagi-nama

kyaa zindagii hamaarii
sab kuchh hai apne bas me.n
aazaad hai.n fazaa.e.n
duniyaa hai dastaras me.n
kyaa kyaa hame.n milaa hai
kuchh vaqt kuchh baras me.n
lekin jo mu.D ke dekhe.n
thii ik ajab kahaanii
dushvaar kaisaa jiinaa
mushkil thii zindagaanii
ik aafat-e-musalsal
aalaam-e-naa-gahaanii
rozaana sub.h uThnaa
aasaan thaa na itnaa
har roz Daa.nT khaanaa
har roz kaa sisaknaa
har baat ke tamaashe
har baat par jhaga.Dnaa
abbaa vahii.n kha.De hai.n
aKHbaar pa.Dh rahe hai.n
kyaa kaam ham ko de de.n
har vaqt sochte hai.n
aulaad ko to apnii
naukar samajh rahe hai.n
ammii ke saamne to
bilkul na mu.nh ko khole.n
ham bad-tamiiz Thahre
go achchhii baat bole.n
chup-chaap hii rahe.n bas
kitnaa bhii KHvaar ho le.n
paanii baras rahaa hai
par dil taras rahaa hai
vo cycle kha.Dii hai
maa.njhaa vahii.n rakhaa hai
kanche yahaa.n pa.De hai.n
ballaa vahaa.n kha.Daa hai
lekin nahii.n hame.n kyaa
laade kamar pe basta
school jaa rahe hai.n
taariiKH kaa hai parcha
achchhaa nahii.n hu.aa to
bas band jeb KHarcha
urdu kaa kaam puuraa
kal raat kar liyaa thaa
lekin hame.n riyaazii
bilkul samajh na aayaa
allaah ke hai.n bande
ham se hai vaasta kyaa
ammii ne sirf Daa.nTaa
baalo.n me.n tel Daalaa
bhayyaa ne sirf jhi.Dkaa
baajii ne KHuub Taalaa
sab ke liye hai jii me.n
nafrat kaa ek jaalaa
bhayyaa kii cycle kii
kis ne havaa nikaalii
ham ko bhalaa KHabar kyaa
har shaKHs hai savaalii
us ne hamaarii chi.Diyaa
us din jo to.D Daalii
sach hai bahut sitam thaa
goyaa the ik khilaunaa
jaise ho sab baraabar
ghar me.n na honaa honaa
dekhaa nahii.n kisii ne
chhup chhup hamaaraa ronaa
ab ho gayaa hai apnaa har chiiz par ijaara
sab apnii zimmedaarii
sab faisle hamaare
har chiiz iKHtiyaarii
lekin vo bachpane kii hai yaad pyaarii pyaarii
kyaa zindagii hamaarii
kyaa zindagii hamaarii

Asna Badr

Nazm

aaKHiri KHwahish

aaj to mere kap.De bhii paanii kii tarah bhaarii hai.n
maut kaa kaajal aa.nkho.n me.n lagaanaa
aur aa.nkho.n me.n paTTii baa.ndh kar taar pe cycle chalaanaa
ek jaisaa amal hai
zinda rahne kaa amal
murda zindagii kii daryuuzgii se
a.nguur kii tarah rang badal kar do-aatisha honaa
pighlii hu.ii mom-battii kii raushnii ke aaKHirii vaar
kii tarah kaarii hotaa hai
billii apne shikaar se
pahle kheltii hai phir khaatii hai
aaj jab ki mere kap.De paanii kii tarah bhaarii hai.n
merii bintii suno
mujh se khelnaa band kar do
mujhe khaa jaa.o

Kishwar Naheed

Nazm

nazm

soch rahaa huu.n kyaa tohfa duu.n
shab ke pe.D se chaa.nd kii Tahnii to.D ke laa.uu.n
yaa suuraj kii ha.nstii hu.ii sii painting laa kar tumhe.n ha.nsaa.uu.n
yaa nuurii barso.n se aage Dhuu.nD ke laa.uu.n nayaa sitaara
niilaa niilaa haraa samundar pack karvaa duu.n
rang-birange pathro.n vaalaa laa.uu.n kinaara
Dhuu.nD nikaaluu.n gahre samundar se ko.ii naayaab KHazaana
yaa google par search karuu.n mai.n happy birthday vaalaa gaanaa
yaa office se vaapsii par le aa.uu.n khilauno.n-bharii duukaan
yaa ko.ii hiiraa yaa ko.ii motii yaa ko.ii marjaan
e f u kii insurance policy le luu.n biis baras kii
yaa phir port grand kaa gaming zone uThaa kar ghar le aa.uu.n
yaa do pahiyo.n vaalii cycle puu.n puu.n karne vaalii cycle
yaa chhoTii sii pyaarii sii ik gu.Diyaa laa.uu.n aur apnii gu.Diyaa ko thamaa.uu.n
soch rahaa huu.n kyaa tohfa duu.n

Imran Shamshad Narmi

Nazm

muslim muslim fasadat

sub.h-dam jo dekhaa thaa
kyaa haraa-bharaa ghar thaa
Daa.nTtii hu.ii biivii
bhaagte hu.e bachche
rassiyo.n kii baa.nho.n me.n
jhuulte hu.e kap.De
bolte hu.e bartan
jaagte hu.e chuulhe
ik taraf ko gu.Diyaa kaa
adh-banaa gharau.ndaa thaa
duur ek kone me.n
cycle kaa pahiyaa thaa
murGiyo.n ke Darbe the
kaabuke.n thii.n, pi.njraa thaa
tiis gaz ke aa.ngan me.n
sab hii kuchh to rakkhaa thaa

Zehra Nigaah

Nazm

kala

kaalaa had se bhii kaalaa thaa
utnaa kaalaa jitnii terii soch
utnaa kaalaa jitnii tere dil kii kaalak
kaun thaa kaalaa
kaalaa kaalaa sochtaa jaataa
khurach khurach kar nochtaa jaataa
apnaa honaa khojtaa jaataa
jumlo.n kii badbuu ke andar
apnii KHushbuu suu.nghtaa jaataa
apnii cigarette phuu.nktaa jaataa
kaale kii cigarette bhii kaalii
kaale kaa gurda bhii kaalaa
kaale kii kuppii bhii kaalii
kaale kii chuskii bhii kaalii
kaale kaa har kash bhii kaalaa
har har kash se laal bhabhuukaa
kaale kii aa.nkhe.n bhii kaalii
aa.nkho.n se girne vaale sab aa.nsuu kaale
aur kaalii aa.nkho.n me.n dikhne vaalii
mushkil kii diivaar bhii kaalii
kaale kii to jiit bhii kaalii haar bhii kaalii
kaale ke sab balb bhii kaale
kaale kii sab wiring kaalii
wiring vo jo andar andar
sulag sulag kar
kaale kii saarii socho.n ko
aur KHvaabo.n ko
galaa chukii thii
jalaa chukii thii
jab vo chaltaa to lagtaa vo lahraataa hai
chalte chalte bal khaataa hai
gir jaataa hai
kaalaa kyaa thaa
kalang kaa Tiika
zamii.n kaa dhabba
kaalaa jis kii aag me.n jal kar raakh hu.aa thaa
kaale ke andar kii aag thii
yaa thii vo baahar kii aag
aag bhii kaalii
dhu.aa.n bhii kaalaa raakh bhii kaalii
aag se uThne vaalaa ik ik sho.ala kaalaa
kaale kii bebasii bhii kaalii
kaale kii khujlii bhii kaalii
kaale ke sab pho.De-phu.nsii chhaale kaale
kaale ko sab kaalaa kahne vaale kaale
ik din kaalii sa.Dak kinaare
ba.ngaalii ke paan ke cabin kii jaalii ko thaame kaalaa
ghuur rahaa thaa aate jaate
ra.ng-bira.nge kirdaaro.n ko
rickshaw motor cycle aur caro.n ko
ik lambii sii kaalii gaa.Dii
dhu.aa.n u.Daatii
chiiKHtii aur chillaatii guzrii
gahre kaale baalo.n vaalii gorii bachchii
ek galii se bhaagtii niklii
kaalaa bhaagaa
aur gorii bachchii ko puure zor se dhakkaa de kar
kaalii gaa.Dii ke dhakke ko KHud par jhelaa
kaalaa jaate jaate sab se kaisaa khelaa
gorii bachchii bach ga.ii lekin
kaalaa apnii jaa.n de baiThaa
piile laal gulaabii chehre
kaale kii jaanib jab lapke
sab ne dekhaa
kaale kii aa.nkho.n me.n chiiKH rahaa thaa ek savaal
kaale ke zaKHmo.n se bahne vaalaa KHuun thaa laal

Imran Shamshad Narmi

Nazm

mujhe achchha lagta hai

mujhe achchhe lagte hai.n
baadal jab vo baraste hai.n
aur aa.nkhe.n jin me.n ko.ii bhii baseraa kar saktaa hai
bakriyaa.n aur bachche
jo sa.Dak paar kar jaate hai.n
aur nahii.n dekh paate us aahanii haath ko
jo un ke ta.aaqub me.n dau.Daa chalaa aataa hai
mujhe achchhe lagte hai.n
Daakiye ke qadam aur insomniyaa kii chaa.e
aur bujhii battii kaa motor cycle
jo ishaara kaaTte hu.e
raat me.n raasta banaataa guzar jaataa hai
baaGii nii.nd daraKHt aur KHvaab
jo is bedaarii ke mausam me.n kahii.n dikhaa.ii nahii.n dete
mujhe achchhe lagte hai.n
faraaGat aur dukh se bhare din
aur raate.n jab duur duur tak baarish hotii hai
aur aabaa.ii makaano.n kii vo shaam
jab bahno.n ko ruKHsat kiyaa jaataa hai
pahaa.D ke paar ke a.ndhiyaare kii jaanib
aa.nsuu aur dhu.nd jin me.n saaf dekhaa jaa saktaa hai
aur dil jinhe.n nishaana banaayaa jaataa hai
aur miTTii jis kii jaanib hame.n lauTnaa hai
mujhe achchhe lagte hai.n
dariiche jin se havaa guzartii hai
darvaaze jo kabhii band nahii.n hote
aur dost jin ke kandho.n par hamesha haath rakhaa jaa saktaa hai
aur tum
lapakte hu.e haatho.n aur duniyaa ke darmiyaan
kyaa kuchh maujuud hai

Abrar Ahmad

Nazm

chachu chalaen gaDi

yuu.n Te.Dhii tirchhii aa.Dii
jaise sa.Dak ho un kii
apnii hii khetii-baa.Dii
do dost piichhe baiThe
do cha.Dh ga.e agaa.Dii
ye phaT-phaTii hai ko.ii
yaa bhaagtii pahaa.Dii
phaT phaT phaTaak kar ke
jab ye sa.Dak pe dhaa.Dii
daa.e.n ko pahle ghuumii
phir baa.e.n samt taa.Dii
ik bas se bach ke niklii
ik cycle pachhaa.Dii
ik taxi ko rag.Daa
number plate ukhaa.Dii
footpath par jo uchhlii
Takraayaa ik kabaa.Dii
phir ro.D par utar kar
machvaa dii bhag-bhagaa.Dii
vo chauk kaa sipaahii
rokii thii jis ne gaa.Dii
lo vo bhii kuud bhaagaa
phaa.ndii ba.Dii sii jhaa.Dii
yuu.n Dagmagaa ke la.Dke
chaachuu ke saare aa.Dii
dikhlaa.e.n jaise circus
kuchh masKHare anaa.Dii

Ahmad Hatib Siddiqi

Nazm

ek mamuli sa manzar

thamii hu.ii hai der se baarish
der se ik kaaGaz kii kashtii
tair rahii hai paanii me.n
kashtii jis kaaGaz se banii hai
us par ko.ii phuul banaa hai
phuul jo is duniyaa kaa nahii.n hai
do chii.nTe kashtii ke musaafir bane hu.e hai.n
Dag-mag Dag-mag
Dag-mag Dag-mag
kaaGaz ab galne bhii lagaa hai
kashtii side stand vaalii ik cycle jaise
ek taraf ko jhukii hu.ii hai
ek bhii jho.nkaa
us kashtii par ek qayaamat laa saktaa hai

Swapnil Tiwari

Nazm

naya daur

avon kii vo cycle chhat par pa.Dii ja.ng khaa rahii hai
ab ko.ii us ko Dhone vaalaa chaahiye
ab vo kisii ko nahii.n Dho saktii
us ke badle aam amruud bhii nahii.n le sakte ab
kaaGaz le sakte hai.n magar hare aur laal
un kaaGazo.n se phir Dabbe KHariid le.nge
aam amruud ke juice ke shat-partiishat vaale

Sachin Dev Verma

Nazm

sal-girah ka tohfa

merii baarahve.n saal-girah par
sab ne navaazaa tohfe de kar
abbaa ik cycle le aa.e
ammii ne laDDuu banvaa.e
diidii ne kap.De silvaa.e
bhayyaa ge.nd aur ballaa laa.e
har ik kuchh na kuchh laayaa thaa
ik tohfa thaa master jii kaa
master jii laa.e the khilaunaa
sab se alag sab se niraalaa
ik qataar me.n tiin the bandar
kyaa KHuubii thii un ke andar
ik thaa haath se aa.nkhe.n muu.nde
duusraa mu.nh par haath thaa rakkhe
aur jo tiisraa bandar dekhaa
haath jo thaa kaano.n par rakkhaa
master jii se puuchhaa mai.n ne
kaisaa khilaunaa hai kyaa jaane
kahne lage lo Gaur se sun lo
pahle sun lo phir mu.nh kholo
ik kahtaa hai buraa na dekho
duusraa bole buraa na bolo
aur tiisre kaa ye hai kahnaa
buraa kisii se kabhii na sun.naa
kyuu.n bha.ii kaisaa hai ye tohfa
hai ki nahii.n ye sab kii pasand kaa
master jii kii baate.n sun kar
milii nasiihat saal-girah par
KHush the mere ammii abbaa
tohfa dekh ke master jii kaa

Ameen Hazin

Nazm

be-mana nazm

giraa paanii ke nal se ek anDaa
to KHarbuuza uThaa phir le ke Da.nDaa
falak par rail tezii se chalii hai
havaa dekho to paanii se jalii hai
nadii me.n tairtaa KHargosh dekhaa
to machhlii ne paro.n ko KHuub sii.nkhaa
milii chuuhe ke bil se ek billii
shrii kaagaa bane hai.n shaiKH chillii
kabuutar se hu.ii kachve kii shaadii
to bhaaluu ne TamaaTar ko du.aa dii
jalebii tairtii paanii pe aa.ii
maze le le ke bhinDii KHuub khaa.ii
machaayaa shor kuchh saa.npo.n ne aisaa
chalaayaa bakriyo.n ne khoTaa paisaa
gad.he cycle chalaa.e jaa rahe the
maze se duudh miiThaa khaa rahe the
falak par u.D rahaa hai ek haathii
miyaa.n gho.De chale hai.n ban ke saathii
sar-e-raah piT ga.ii chyuu.nTii bichaarii
gilahrii ban ga.ii ab to shikaarii
thapak kar mai.n ne miiThe ko jagaayaa
a.ndhere me.n namak tak gungunaayaa
maze se ghaas bandar khaa rahe the
chabaa kar paan kavve gaa rahe the
azaa.n mak.Dii ne dii naddii pe jaa kar
miyaa.n machchhar nikal aa.e nahaa kar

Vaqar Khaleel

Nazm

aas

post-man kii cycle kii ghanTii
mere dil kii dha.Dkane.n ba.Dhaa detii hai
KHat haath me.n aate hii
un kii yaade.n bhii saath chaltii aatii hai
ek mad.hosh karne vaalii lifaafe kii KHushbuu
zehn par chhaa jaatii hai
siyaahii kii likhaavaT
us kii u.ngliyo.n kii chhuvan yaad dilaatii hai
kaaGaz kaa khurduraa ehsaas
dil ko gudgudaataa hai
patr par likhaa mazmuun
ThanD kii garm chaa.e saa garmaataa hai
aise jaane kitne KHat Daakiya laataa rahaa
aur har diivaalii par inhii.n KHato.n kaa in.aam paataa rahaa

Mamta Tiwari

Nazm

meri cycle

haamid shaakir aur michael
dekho merii chhoTii cycle
pedal maaro u.D jaatii hai
handle mo.Do mu.D jaatii hai
brake dabaa.o to ruktii hai
brake na do to la.D jaatii hai
ik nannhii sii ghanTii bhii hai
chup rahtii hai bajtii bhii hai
cycle hai ye kitnii pyaarii
detii hai ye KHuub savaarii

Raza-ul-Rahman Akif Sanbhali

Nazm

kaun si disha kahan ki disha

KHaatme se pahle agar KHatm honaa hai to samajh lo ki KHaatma ho chukaa hai
silaa.ii machine par merii aurat kii nii.nd me.n so.ii girnaa
mere maqsuum kaa viiraana hai
havaas bahut hai qisso.n par bhaarii hai.n
havaas jaante hai.n kahaa nahii.n jaante hu.e bhii sabhii jaante hai.n
ki duniyaa paidaa hii nahii.n hu.ii
jis me.n bhe.Diye na ho.n sirf KHargosh rah rahe ho.n
vo dekho vo ko.ii safed KHargosh hii to hai
jo abhii abhii is jhaa.Dii se uchhal ke is jhaa.Dii tak gayaa hai
magar us kii safedii me.n Thiik us kii gardan kii jagah
bhe.Diye ke daa.nt lagne se gahre KHuun kaa muqaddar lagaa hai
is tarah muqaddar ko KHuun ke dhabbe me.n dekhnaa
kahaa.n kii duniyaa hai
kyaa kabhii aisaa hu.aa ki maut ne apnii Gizaa me.n KHud ko khaayaa
us chitrkaar ko bulaa sako to bulaa.o
zaraa jald bulaa.o
ki vo kahii.n aur nahii.n hogaa
chemistry ke sho.abe me.n hogaa
ki jahaa.n rakhe hu.e har rang me.n us ke apne kiimiyaa.ii aaseb kaa baseraa hai
ham kisii na kisii rang ko KHud taarii hone kii daavat dete hai.n
aur is ke aaseb se apnii jild nuchvaate hai.n
shiryaano.n ko udha.Dvaate hai.n
har rang me.n baseraa karne vaale aaseb ne hamaarii mohabbat hii to khaayaa
is liye to mai.n sote apne beTe ko nahii.n jagaataa
ki vo har roz motor-cycle me.n petrol kii jagah
apne hisse kii bedaarii aur nii.nd dono.n ko ek saath Daal detaa hai
is liye me.n der tak sotii apnii beTii ko nahii.n jagaataa
ki vo kitchen me.n chaa.e banaane kii abdiyat ko bhii
chaa.e kii pyaalii me.n u.nDel detii hai

Ahmad Hamesh

Nazm

paspai

mujh ko bhii Gussa aataa hai
jab ko.ii cycle vaalaa
agle pahiye se
kiicha.D kii ik chhaap merii patluun pe de detaa hai
jab ko.ii motor vaalaa
mere mu.nh par
mu.D ke ke gaDDho.n ke gande paanii ke chhii.nTe de detaa hai
jab ko.ii khule hu.e chhaate kii kamaa.ii se sar me.n Thokaa detaa hai
jab footpath pe
mere muqaabil chalne vaalaa
uu.nche mahlo.n ke takte takte mujh ko dhakkaa detaa hai
mujh ko bhii Gussa aataa hai
lekin mai.n to
suukhe baazuu
ubhrii paslii
pichke gaal aur KHaalii jebe.n
dekh ke apnii
chup rahtaa huu.n
aur mere uupar vaale nokiile daa.nt bichhar jaate hai.n
ho.nTo.n se baahar aate hai.n
nichle ho.nT se pahu.nch jaate hai.n
meraa saaraa Gussa nichle ho.nT ke KHuu.n me.n tharraataa hai

Zaheer Siddiqui

Nazm

rawan hun main

ravaa.n huu.n mai.n
aur is ravaanii me.n
ahd-dar-ahd kii jaraahat-numaa basaarat kii KHaak kaa vo bha.nvar hai
jis me.n
mire shab-o-roz kaa Gubaar-e-siyah
mire sang ghuumtaa hai
ravaa.n huu.n mai.n
aur KHud pe aur sab pe ha.ns rahaa huu.n
ki merii maanind ham sabhii vaqt kii kha.Dii cycle kaa
gardish-paziir pahiya hai.n naa-masaafat-e-nau ruu-gardaa.n
ki naa-rasaa.ii ke KHisht-KHaano.n kii chimniyo.n se nikalne vaale
huruuf-e-paspaa ke sab dhu.e.n sarf-e-raa.egaa.n hai.n
ye mehvar-e-KHaak kyaa hai
kis gardish-e-mu.allaq kaa isti.aara hai
ham kahaa.n hai.n
mai.n ha.ns rahaa huu.n
safed-muu sir pe kuhl-umrii kii barf rakkhe
ki aaj mai.n apne ahd kaa aur shahr kaa vo zamiir bhii huu.n
jo aaj aur kal ke mo.D par hai
jo dekhtaa aur sochtaa hai
ki ham buzurgaan-e-saahab-e-iKHtiyaar kii umr-KHurda daanish
kha.De safar ke asiir vaqto.n kii kaisii zanjiir ban ga.ii hai
ki jo hamaarii siyah-shab KHaak se lipaT kar
sabhii kii taqdiir ban ga.ii hai
jo aaj se milne vaale kal kii har ek saa.at pe halqa halqa utar rahii hai
jo sochtaa hai
ki ham buzurgaan-e-saahab-e-iKHtiyaar kii aa.nkh KHud se kaT kar
hamaarii nauha-garii kii aaraasta shabiiho.n ko kal ke imkaan ke nashro.n ko kab pa.Degii
jo sochtaa hai
ki ye salaasil kii raat lambii hai
aur na jaane tuluu-e-sub.h-e-najaat kab ho
ki ham buzurgaan-e-saahab-e-iKHtiyaar ke faisle kii saa.at
hamaare KHvaabo.n ke saath kab ho

Iqbal Kausar

Nazm

bablu

paapaa ne cycle to bilkul na.ii dilaa.ii
ab kyaa hai is kaa huliya kaise hu.aa ye bhaa.ii

Bilqis Zafirul Hasan

Nazm

be-mani

sa.Dak par rail tezii se chalii hai
havaa dekho to paanii se jalii hai
kahaa murGe ne ye giida.D se ro kar
mirii murGii abhii uThii hai so kar
nadii me.n tairtaa KHargosh dekhaa
to machhlii ne paro.n ko KHuub se.nkaa
kabuutar se hu.ii kachhve kii shaadii
to bhaaluu ne TamaaTar ko du.aa dii
machaayaa shor kuchh saa.npo.n ne aisaa
chalaayaa bakro.n ne jo khoTaa paisa
jalebii tairtii paanii pe aatii
maze le le ke vo bhinDii ne khaa.ii
gadhe cycle chalaa.e jaa rahe the
maze se duudh khaanaa khaa rahe the
sar-e-rah piT ga.ii chyuu.nTii bichaarii
gilahrii ban ga.ii ab to shikaarii
thapak kar mai.n ne miiThe ko jagaayaa
a.ndhere me.n namak ne gungunaayaa
falak par u.D rahaa thaa ek haathii
miyaa.n gho.De chale hai.n ban ke saathii
azaa.n bakrii ne dii naddii pe jaa kar
miyaa.n machchhar nikal aa.e nahaa kar
milii chuuhe ke bil se ek billii
shrii gaa gaa bane hai.n shaiKH chillii
maze se ghaas bandar khaa rahaa hai
chabaa kar paan kavvaa aa rahaa hai
giraa paanii ke nal se ek anDaa
to KHarbuuza uThaa phir le ke Da.nDaa
sadaa ye Gaib se ek baar aa.ii
zamiin-o-aasmaa.n me.n hai la.Daa.ii

Vaqar Khaleel

Nazm

majburi mein Dubi nazm

apne apne Gamo.n ne hame.n kaisaa shaakii kiyaa hai
mujhe apne sebo.n ko
kal shaam se pahle har haal me.n bechnaa hai
ko.ii aa.egaa insaa.n-numaa
cycle pe ghisaTtaa hu.aa
jis kii qismat kii rekhaa.o.n me.n
mustaqil tiirgii hai vo meraa nishaana
mire peT ne jab
usuul-o-zavaabit kaa jaama utaaraa
qavaa.ed ko phir apne dil kii galii se nikaalaa
mujhe kyaa jo masjid ke miinaar par ab
mohabbat bhare phuul khilte nahii.n hai.n
sadaa-e-mu.azzin kii kamzor dastak
samaa.at ke dar par kha.Dii haa.nptii hai
mujhe kyaa mire ghar kaa chuulhaa savaalii
miraa peT KHaalii
mujhe apne sebo.n ko har haal me.n bechnaa hai
vo insaa.n-numaa cycle pe ghisaTtaa hu.aa
aa rahaa hai vo meraa nishaana

Saqib Nadeem

Nazm

mere hisse ki gali

haa.n vo gaalii bhii mire hisse kii
merii hii tarah ghar se nikaltii hai puraanii cycle par baiTh kar
use bhii ye nahii.n maa'luum hotaa
ki vo kis mu.nh pe thuukii jaa.egii aaj
idhar mai.n bhii nahaa dho kar
nikal aataa huu.n baahar
Dhuu.nDhne vo mo.D vo mahfil
jahaa.n Takraa.uu.ngaa us se
kahii.n ye merii zimmedaariyo.n me.n hai
ki vo haalaat paidaa kar sakuu.n
jis me.n kisii gaalii se mere kaan tak kaa raasta aasaan ho jaa.e
aur ye sab
is tarah hotaa hai mere saath
ki sochuu.n to 'aql hairaan ho jaa.e

Shariq Kaifi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now