Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "dhaage"

Nazm MATCHES FOR "dhaage"

Nazm

hijr ki rakh aur visal ke phul

aaj phir dard-o-Gam ke dhaage me.n
ham piro kar tire KHayaal ke phuul
tark-e-ulfat ke dasht se chun kar
aashnaa.ii ke maah o saal ke phuul
terii dahliiz par sajaa aa.e
phir tirii yaad par cha.Dhaa aa.e
baa.ndh kar aarzuu ke palle me.n
hijr kii raakh aur visaal ke phuul

Faiz Ahmad Faiz
Nazm

rakhi

yuu.nhii dekhuu.n jo raakhii ko to ye rangiin Doraa hai
jo dekhuu.n Gaur se is ko to hai zanjiir lohe kii
jo ba.Dh kar qaid kar letii hai aafat apne bhaa.ii kii
musiibat kii haqiiqat kyaa
musiibat aa nahii.n saktii
musiibat kaa.np jaatii hai
jo raakhii dekh letii hai
kisii bhaa.ii ke haath me.n
raakhii ke dhaage me.n
bahan ne pyaar baa.ndhaa hai
itihaas me.n raakhii hai rishta bhaa.ii bahno.n kaa
havaala is me.n poshiida hai sadiyo.n ke rishto.n kaa
ba.ndhaa hai pyaar is me.n bahan kaa
aur us ke purkho.n kaa
raakhii
nibhaanaa laaj raakhii kii mire bhayyaa
bahan kaa maan rakh lenaa
ba.ndhaa kar haath me.n raakhii bahan se
har ko.ii bhaa.ii
bahan ke sukh ke vaaste
tayyaar ho jaataa hai marne ko
magar bhayyaa
tumhaarii zindagii to
bahan ko dil se pyaarii hai
salaamat tum raho
bhagvaan se bintii hamaarii hai
jo chaaho neg tum denaa
to mujh ko ye vachan de do
na uThe phir ko.ii diivaar nafrat kii
bahan bhaa.ii ke aa.ngan me.n
nahii.n byopaar kuchh is me.n
ye ik vyahvaar hai bhayyaa
nahii.n hai kachchaa ye Doraa
tiraa e.atibaar hai bhayyaa

Fauzia Mughal
Nazm

man ka hona

paapaa kii intelligency tum par bhaarii hai
lekin tum ne prem kii ga.ngaa ghar me.n utaarii hai
baa.ndhnaa ghar ko ek dhaage me.n kitnaa bhaarii hai
is me.n tumhaarii sarf tumhaarii hii hoshiyaarii hai
tum ko hai ma.aluum pironaa kaisaa hotaa hai
maa.n ho tum aur maa.n kaa honaa aisaa hotaa hai

Zia Zameer
Nazm

be-shumar aankhen

aasmaa.n ke chehre par be-shumaar aa.nkhe.n hai.n
be-shumaar aa.nkho.n me.n be-hisaab manzar hai.n
manzaro.n ke aa.iine apne apne chehro.n ko KHud hii dekh sakte hai.n
KHud hii jaan sakte hai.n apnii be-navaa.ii ko
vus.ato.n kii chaadar par silvaTe.n bahut sii hai.n
is KHamosh duniyaa me.n aahaTe.n bahut sii hai.n
aatii jaatii lahro.n kaa azhdahaam rahtaa hai
vaqt ek KHanjar hai
be-niyaam rahtaa hai
ye ajiib duniyaa hai jis me.n kuchh nahii.n miltaa
phir bhii ek lamhe me.n be-shumaar taariiKHe.n
yuu.n badaltii rahtii hai.n
jaise KHushk patto.n kaa Dher u.Dtaa phirtaa hai
be-kanaar samto.n me.n
be-shumaar samto.n me.n be-shumaar aa.nkhe.n hai.n
kuchh nahii.n hai takne ko aur hazaar aa.nkhe.n hai.n
raasto.n ke dhaage se har taraf laTakte hai.n
KHaak ke jaziire se
har taraf bhaTakte hai.n
phir bhii aasmaano.n par raat ke a.ndhere me.n
sub.h ke savere hai.n
ye ajab mu.amma hai
jis taraf bhii ham dekhe.n
TuuTte hu.e lamhe bhaagte hu.e raste jaagte hu.e manzar
aa.ino.n ke andar bhii aa.ino.n ke baahar bhii
ek shor barpaa hai
jis ko ham nahii.n sunte
aur vo ham se kahtaa hai
tum bhii mere jaise ho
mai.n bhii miTne vaalaa huu.n tum bhii miTne vaale ho
aasmaa.n ke chehre par be-shumaar aa.nkhe.n hai.n
be-shumaar aa.nkho.n me.n be-hisaab manzar hai.n
manzaro.n ke aa.iine
ra.ng rang aa.iine ke javaab manzar hai.n
manzaro.n ke andar bhii sad hazaar manzar hai.n
vo bhii miTne vaale hai.n
ham bhii miTne vaale hai.n

Shahzad Ahmad
Nazm

chand ke musafir

zindagii ko dekhaa hai zindagii se bhaage hai.n
raushnii ke aa.nchal me.n tiirgii ke dhaage hai.n

Mahboob Khizan
Nazm

mera sansar

phir achaanak ek hero lauT aaya
sab ko manaayaa sab ko samjhaayaa
us ne pitaa hone kaa farz nibhaayaa
ab vo maa.n-baap sang khel kartii kartii hai
dosto.n sang uchhlaa kuudaa kartii hai
maa.n se loriyaa.n roz suntii hai
aaj kahaanii sun.ne lagii hai.n
laage us ke sang saarii duniyaa jagii hai
suntii hai kahaanii ye raat kii raanii
aur sochtii hai
jaane kis din vo suuraj niklegaa
jaane kis din ye aasmaan khilegaa
jab insaan se insaan kaa hogaa sachchaa mel
jab TuuTe.nge sab moh ke dhaage
aur band hogaa insaanii duniyaa me.n ye kaTh-putlii kaa khel
jab maar kii jagah legaa pyaar
aur sudharegaa mere sapno.n kaa sansaar
aur sudharegaa mere sapno.n kaa sansaar

Ankita Garg
Nazm

zindagi ke dhaare

us kisaan ko dekho
zindagii ke patthar se jism TuuTtaa hu.aa
gaa.nv me.n
jis ke ghar udaas hai.n
hasrato.n aur aa.nsu.o.n ke nam ke Gam nivaas hai.n
jaa rahaa hai ustuKHvaan sar dard
ik jale bujhe ho.e zard zard gard gard raste par
us kaa alam liye
jabr me.n bhii sabr aur sipaas ke qadam liye
vaqt soyaa soyaa hai
KHvaab jaage jaage hai.n
bail aage aage hai.n
kis qadar ajiib chiiz zindagii ke dhaage hai.n

Syed Zameer Jafri
Nazm

safir-e-laila-3

safiir-e-lailaa ye kyaa hu.aa hai
shabo.n ke chehre biga.D ga.e hai.n
dilo.n ke dhaage ukha.D ga.e hai.n
shafiiq aa.nsuu nahii.n bache hai.n Gamo.n ke lahje badal ga.e hai.n
tumhii bataa.o ki is kha.nDar me.n jahaa.n pe mak.Dii kii san.ate.n ho.n
jahaa.n samundar ho.n tiirgii ke
siyaah-jaalo.n ke baadbaa.n ho.n
jahaa.n payambar KHamosh leTe ho.n baate.n kartii ho.n murda ruuhe.n
safiir-e-lailaa tumhii bataa.o jahaa.n akelaa ho daastaa.n-go
vo daastaa.n-go jise kahaanii ke sab zamaano.n pe dastaras ho
shab-e-rifaaqat me.n tuul-e-qissa charaaG jalne talak sunaa.e
jise zabaan-e-hunar kaa saudaa ho zindagii ko savaal samjhe
vahii akelaa ho aur KHamoshii hazaar sadiyo.n kii saa.ns roke
vo chup lagii ho ki maut baam-e-falak pe baiThii zamii.n ke saa.e se kaa.nptii ho
safiir-e-lailaa tumhii bataa.o vo aise dozaKH se kaise nipTe
dayaar-e-lailaa se aa.e naame kii nau ibaarat ko kaise pa.Dh le
puraane lafzo.n ke isti.aaro.n me.n gum mohabbat ko kyuu.nke samjhe
safiir-e-lailaa abhii malaamat kaa vaqt aa.egaa dekh lenaa
agar musir ho to aa.o dekho
yahaa.n pe baiTho ye naame rakh do
yahii.n pe rakh do inhii silo.n par
ki is jagah par hamaarii qurbat ke din mile the
vo din yahii.n par judaa hu.e the inhii silo.n par
aur ab zaraa tum nazar uThaa.o mujhe bataa.o tumhaaraa naaqa kahaa.n gayaa hai
buland TaKHno.n se zard retii pe chalne vaalaa sabiih naaqa
vo surKH naaqa savaar ho kar tum aa.e jis par burii saraa me.n
vahii ki jis kii mahaar baa.ndhii thii tum ne bosiida ustuKHvaa.n se
vo asp-e-taazii ke ustuKHvaa.n the
mujhe bataa.o safiir-e-lailaa kidhar gayaa vo
udhar to dekho vo haDDiyo.n kaa hujuum dekho
vahii tumhaaraa aziiz saathii safar kaa monis
pa ab nahii.n hai
aur ab uThaa.o silo.n se naame
pa.Dho ibaarat jo pa.Dh sako to
kyaa Dar ga.e ho ki sat.h-e-kaaGaz pe juz siyaahii ke kuchh nahii.n hai
KHajil ho is par ki kyuu.n ibaarat Gubaar ho kar nazar se bhaagii
safiir-e-lailaa ye sab karishme isii kha.nDar ne mirii jabii.n par likhe hu.e hai.n
yahii ajaa.ib hai.n jin ke sadqe yahaa.n parinde na dekh paa.oge
aur sadiyo.n talak na utregii yaa.n savaarii
na chob-e-KHema ga.Degii yaa.n par
safiir-e-lailaa ye mere din hai.n
safiir-e-lailaa ye merii raate.n
aur ab bataa.o ki is aziyyat me.n kis mohabbat ke KHvaab dekhuu.n
mai.n kin KHudaa.o.n se nuur maa.nguu.n
magar ye sab kuchh puraane qisse paraa.ii bastii ke murda qaziye
tumhe.n fasaano.n se kyaa lagaa.o
tumhe.n to matlab hai apne naaqa se aur naame kii us ibaarat se
sat.h-e-kaaGaz se jo u.Dii hai
safiir-e-lailaa tumhaaraa naaqa
mai.n us ke marne par Gam-zada huu.n
tumhaare ranj o alam se vaaqif ba.De KHasaaro.n ko dekhtaa huu.n
so aa.o us kii talaafii kar duu.n ye mere shaane hai.n baiTh jaa.o
tumhe.n KHaraabe kii kaargah se nikaal aa.uu.n
dayaar-e-lailaa ko jaane vaalii habiib raaho.n pe chho.D aa.uu.n

Ali Akbar Natiq
Nazm

tum aaoge

mere ghar kii diivaare.n ab mujh ko chaaT rahii hai.n
saare shahr kii miTTii me.n jo meraa hissa thaa
vo bhii logo.n me.n taqsiim hu.aa hai apnii us kii qabr par merii aa.nkhe.n
u.Dtii dhuul kii
KHushbuu thaame laTak kar leT ga.ii hai.n
aise samay ab kaun aataa hai
Te.Dhii tirchhii u.ngliyo.n me.n saare vafaa ke dhaage halke halke TuuT rahe hai.n
haDDiyo.n ke jalne kii buu bistar kii shikno.n me.n ghulne lagii hai
darvaazo.n ko band karo yaa kholo
havaa me.n sho.ale maddham maddham raakh kii suurat sote jaate hai.n
aur ham ukh.Dii saa.ns ke vaqfe me.n lafzo.n ke ta.aviiz gale me.n Daale
tasviiro.n se puuchhte hai.n tum aa.oge
aa.oge to apnii aavaazo.n ke saa.e bhii le jaanaa
saare KHvaab aur parchhaa.ii.n tumhaarii saal-girah kaa tohfa hai.n
in par na.e chamkiile varaq lagaa kar
aisii hii la.Dkii ko bhejvaanaa jis ko tum ne apnaa kahaa ho
vo la.Dkii bhii darvaazo.n kii darvaazo.n se ab harf-e-vafaa ko sun.ne lagii hai
is ko tum mat tarsaanaa us ke paas chale jaanaa
yaa us ko paas bulaa lenaa vo aa jaa.egii
la.Dkii hai naa kahnaa kaise Taalegii

Shaista Habeeb
Nazm

mazafat

be-zabaan gu.Diyo.n se
jin kii aa.nkh dhaage kii
jin ke ho.nT resham ke
apne dil kii sab baate.n
baarhaa bataatii hai.n
aur vaqt se pahle
sab rumuuz jiine ke
aap siikh jaatii hai.n

Ishrat Afreen
Nazm

babul teri yaad

baabaa aise me.n tum yaad bahut aate ho
kaisii rut hai
aisii rut me.n
aa.nkhe.n kyo.n bhar aatii hai.n
kyo.n tan-man se huuk uThtii hai
kyo.n jiivan be-ma.anii saa lagne lagtaa hai
ghar suunaa viiraan ye aa.ngan
aur kamro.n me.n vahshat
baabul mai.n tanhaa
merii qiimat tujh bin kyaa hai
kuchh bhii nahii.n hai
mai.n to kaa.nch kaa motii huu.n
baabul kaa aa.ngan to saavan me.n yaad aayaa kartaa hai
lekin baabaa mai.n to patjha.D dekh ke rotii huu.n
baabaa aise me.n tum yaad bahut aate ho
raat ko suukhe patte
sahn me.n girte hai.n
guzre din kab phirte hai.n
phir aatii rut phuul khile.nge
phir qabro.n par ronaa
aur qabro.n saa honaa
miTTii kii tah me.n bhii jaa kar
rishte kab miTte hai.n
dard kii diimak jism ko chaaTtii rahtii hai
aur saa.nso.n ke dhaage kaaTtii rahtii hai

Janan Malik
Nazm

main ek pheri wala

mai.n ik pherii vaalaa
bechuu.n yaade.n
sastii mah.ngii sachchii jhuuTii ujlii mailii ra.ng-bira.ngii yaade.n
ho.nT ke aa.nsuu
aa.ankho.n kii muskaan harii fariyaade.n
mai.n ik pherii vaalaa
bechuu.n yaade.n
yaado.n ke ra.ngiin Gubaare
niile piile laal gulaabii
ra.ng-bira.nge dhaago.n ke kandho.n par baiThe khel rahe hai.n
Thes lagii to chiiKH uThe.nge
dhaage kii gardan se chimaT kar rah jaa.e.nge
mai.n phir in ra.ngii.n dhaago.n me.n yaado.n ke kuchh na.e Gubbaare baa.ndh ke galiyo.n baazaaro.n se
kachche pakke darvaazo.n se
aavaaze.n detaa guzruu.ngaa
sastii mah.ngii jhuuTii sachchii ujlii mailii yaade.n le lo
ho.nT ke aa.nsuu
aa.ankho.n kii muskaan harii fariyaade.n le lo

Rahi Masoom Raza
Nazm

mira-ji sahib

aur jab ye chhapaa aTThaavan me.n to 'faiz' bahut hii aage the
jele.n afsaane majmuuye
kuchh aisaa ro.ab hu.aa qaa.em sab un ke jilau me.n bhaage the
ham jaise bhii un ke malbuusaat me.n kachche-pakke dhaage the

Jameeluddin Aali
Nazm

hamein nabud mat karna

agarche suut se takle ne dhaage ko na khii.nchaa thaa
mire reshe bunat ke marhale me.n the
rage.n maa.n kii duriido.n se na bichh.Dii thii.n
mai.n apne jism se kuchh faasle par thaa
magar mere aqiide kaa ta.ayyun karne vaalo.n ne
mire maslak ke baare me.n
jo sochaa thaa use tajsiim kar Daalaa
mai.n jis dam apne hone par utar aayaa
mujhe taqsiim kar Daalaa
kisii ne mere maathe par tilak daaGaa
saliibo.n ko mirii chhaatii pe khii.nchaa
aur kaano.n me.n azaa.n bhar dii
phir is ke ba.ad
peshaanii pe a.ngaare
saliibe.n apne siine par
samaa.at par namiida za.ng ke taale sambhaale
mai.n ne saarii umr
duniyaa ke tasarruf me.n guzaarii hai
mirii fitrat simaTnaa aur
qismat TuuT jaanaa hai
mai.n paara huu.n
mujhe duniyaa masaltii hai
nafii isbaat kii zarbe.n
mujhe taqsiim kartii hai.n
bikhartaa huu.n
mire zarre thirakte hai.n
to kahte hai.n
hame.n naabuud mat karnaa
ki jab taqsiim hone kaa amal mumkin nahii.n rahtaa
to phir zarra
zaraa bhar choT khaane par
dhamaake ko ugaltaa hai
dhamaake ko samajhte ho
dhamaaka jis se harf-e-kun Tapaktaa hai
hame.n naabuud mat karnaa

Syed Mubarak Shah
Nazm

ye kaun tum se ab kahe

ye kaun tum se ab kahe
ye roz roz dard ke jo silsile hai.n kam karo
zaraa to tum karam karo
jo roz roz aa.oge jo roz roz jaa.oge
kahaa.n talak rulaa.oge kahaa.n talak sataa.oge
na mujh pe ab sitam karo jo ho sake karam karo
milaa gayaa hai raasta ye mushkilo.n se jo hame.n
mile.n to is tarah mile.n ki phuul ban ke ham khile.n
ye mai.n jo mai.n huu.n na rahuu.n
ye tum jo tum ho na raho
kuchh is tarah baham karo
chalo ye dhaage ziist ke u.ngliyo.n pe Daal ke
khelte hai.n ham zaraa bhuulte hai.n sab zaraa
kahii.n agar ulajh ga.e to pyaar se sulajh ga.e
mohabbato.n ke kuchh diye jo mil ke ham jalaa.e.nge
kabhii jale kabhii bujhe kabhii bujhe kabhii jale
charaaG-e-zindagii agar
to mil ki ham bachaa.e.nge
bichha.D ga.e to phuul khil naa paa.e.nge
ye kaun tum se ab kahe

Almas Shabi
Nazm

qurratul-ain-haidar

mai.n ne jaanaa hai ki lafzo.n ke tilismii dhaage
kaise taariiKH ko unvaan na.e dete hai.n
kaise aa milte hai.n sadiyo.n kii judaa.ii ke asiir
kis tarah KHvaab na.e aks sajaa lete hai.n
yuu.nhii is hairat-e-hastii kii panaaho.n me.n kahii.n
zindagii sab ke liye apne hunar kholtii hai
haa.n magar KHaas qadam uThte hai.n raaho.n me.n tabhii
ye zamii.n chaa.nd sitaaro.n se udhar Doltii hai
aur is samt jo dekhuu.n vo nazar boltii hai

Ambarin Salahuddin
Nazm

rishte

naazuk ho ga.e hai.n rishte
TuuT rahe hai.n dhaage kii tarah
mu.nh mo.D lete hai.n log
dil to.D dete hai.n
ruKH pher lete hai.n
bas chale to yaado.n ko bhii khurach Daale.n
tasavvur ko bhii dil se nikaal phe.nke.n
hasiin vaqt kii jo yaade.n hai.n
ye magar ho nahii.n saktaa
phir bhii to.D ke rishto.n ko
aate hai.n pesh ajnabii kii tarah
naazuk ho ga.e hai.n rishte
TuuT rahe hai.n dhaage kii tarah

Firoza Yasmeen
Nazm

taaruf

ye mai.n huu.n mai.n
jaise aap aap hai.n
mai.n paidaa hote hii uljhan me.n huu.n
agar mai.n ishq huu.n to fanaa kyuu.n nahii.n ho jaatii
mai.n samundar kii betaab lahr huu.n to bah kyuu.n nahii.n jaatii
mai.n raqs-e-junuu.n me.n huu.n to diivaangii sar kyuu.n nahii.n cha.Dhtii
bechain ruuh huu.n to jism se najaat kyuu.n nahii.n paatii
mai.n Dartii huu.n insaanii ashkaal me.n ghuumte bhe.Diyo.n se
mai.n nafrat kii aag me.n jale hu.e dilo.n se KHauf khaatii huu.n
mujhe sahraa se Dar lagtaa hai
viiraano.n se bhaag aa.ii huu.n
ziist kii tamaam-tar ra.ngiiniyo.n aur un kii haqiiqato.n se aagaahii hai
hujuum-e-dostaa.n ke suruur me.n bachkaana kaa.enaat banaatii huu.n
kabhii aa.iina-ruu nazar aatii huu.n
kabhii ha.nstii huu.n KHud apnii naadaanii par
kabhii be-sabab udaas bahut hotii huu.n
kabhii sochtii be-tahaashaa huu.n
kabhii likhtii huu.n aise ki har lafz ruuh kaa dard ugal detaa hai
aur kabhii tamaam ke tamaam alfaaz kho jaate hai.n
banaavaT aur dikhaave un ko nigal jaate hai.n
mai.n kabhii banjar huu.n aur kabhii janm ko janm detii huu.n
mai.n jazbo.n KHvaabo.n aur du.aa.o.n ko bahut sambhaal ke rakhtii huu.n
aur un se dhaage le kar KHud ko buntii huu.n
mai.n raushnii nahii.n magar mai.n taariikii bhii nahii.n
ek shaam kaa saa malgajaa huu.n kabhii
to kabhii din kaa dhu.ndlakaa huu.n
aisii bahtii hu.ii nadii huu.n
jis ke kinaare ka.ii giit
ka.ii naGme madhur taano.n me.n lipTe utarte hai.n
mai.n zindagii ke samundar kii tamaam lahro.n ko chhuutii huu.n
aur motii motii kahaaniyo.n me.n tonic detii huu.n
sachche salmaa aur rupahle goTe kii tarah
mai.n KHvaab jiitii huu.n
mai.n haqiiqat ko painT kartii huu.n ki mai.n haqiiqat huu.n
apne ird-gard har achchhii burii haqiiqat kaa hissa huu.n
mai.n sar-taa-paa mom huu.n
har aam aurat kii tarah mujhe jo banaa do mai.n bin jaatii huu.n
har maahaul me.n Dhal jaatii huu.n
mujhe buraa samjhaa jaa.e to bhii achchhaa
aur achchhaa samjhaa jaa.e to bhii kyaa buraa
!!!
ye mai.n huu.n mai.n

Maryam Tasleem Kiyani
Nazm

raazi-nama

raat ke kaale badan pe sitaare Taa.nkne kii mashq
apnii ruuh par paivand lagaane jaisii mushkil nahii.n hotii
aasmaan se laTaktii shaaKHo.n par
mannato.n ke dhaage kab tak baa.ndhe jaa sakte hai.n
bujhe hu.e ko.ele aur giilii lak.Dii chi.ngaarii nahii.n paka.Dte
so.ii hu.ii sard mohabbat ne karvaT badal lii hai
charaaG le kar safar par nikalne vaalii titlii ko
chaudah din puraane chaa.nd se kyaa Garaz
bahtii hu.ii sa.Dko.n se apnaa raasta chun lenaa
aur aavaazo.n me.n se apne hisse kii aavaaz sun lenaa
aasmaan ke bas me.n kab hai
us ke juzdaan me.n lipTii sahiife jaisii raat naazil ho ga.ii hai
saat suro.n me.n bahtaa raat kaa ye pahlaa pahar aur
kin-min saa barastaa tumhaaraa narm ehsaas
baarish ke baa.e.n gaal par rakhaa hu.aa hai
aag baarish kii bolii bol rahii hai
september kii gyaarahvii.n raat hai
sa.Dak kii silvaTo.n par aThkheliyaa.n letii mohabbat ko
baarish ke paanii se baa-vazuu daraKHto.n ne sajda kar liyaa hai

Injeel Saheefa
Nazm

tasalli

hausla apnaa haar kar aaKHir
yuu.nhii rotii rahogii tum kab tak
log kab tak bataa.o aa.e.nge
dard kab tak tumhaaraa baa.nTe.nge
de.nge kab tak tumhe.n tasallii sab
haal kab tak tumhaaraa puuchhe.nge
log phir tum se uub jaa.e.nge
aur tum se nazar churaae.nge
sirf sab Gam sunaa kare.n tum se
kyuu.n tavaqqo.a karo ye tum sab se
Gam kii baato.n se aur Gam hogaa
rafta rafta hii dard kam hogaa
apne jazbaat ko dabaa kar tum
saarii yaado.n ko ek dhaage me.n
jaa ke tanhaa.ii me.n piro lenaa
apne takiye faqat bhigo lenaa

Siya sachdev
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now