Search result for "do-chaar" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "do-chaar"

Nazm MATCHES FOR "do-chaar"

Nazm

na-tamam

mai.n do chaar ash'aar
nazme.n qasaa.ed
bahut se kahe
an-kahe lafz le kar
kahaa.n kis taraf kuuch kar luu.n
ki in sab ke biich
ik miraa dil
miraa kaasa-e-jaa.n
mohabbat kii ne'mat se KHaalii rahaa
yahaa.n jab mai.n aayaa
savaalii thaa shaayad
so jaate hu.e bhii savaalii rahaa

Hammad Younus

Nazm

thakan

'ajiib kaifiyat se do-chaar huu.n
is samay merii aaKHirii KHvaahish puuchhii jaatii to mai.n aisaa shaKHs maa.ngtaa jo merii thakan baa.nT le
tumhaare hijr me.n jangal ghuumnaa chaahtaa huu.n
hijr ek KHizaa.n hai yaa kuchh aur hai
havaa-e-hijr ne tamaam pe.D jalaa diye hai.n har-suu viiraanii hai
meraa KHud par se e'timaad uTh gayaa hai
daalaan se andar kii jaanib girte pa.Dte vast me.n aa kar ek bhe.Diye kaa ruup dhaar kar nochne lagte hai.n
mere misro.n ke aksar-o-beshtar rukn tumhaarii ‘adam-maujuudgii par ehtijaajan gir rahe hai.n
niilam kaa niilguu.n paanii kahii.n rah gayaa hai
jehlam apne andar KHizaa.e.n ghol rahaa hai
mai.n shaayad ek ‘umr-rasiida shaKHs huu.n
ek sunsaan jaziire me.n kisii mo'jize kaa muntazir kha.Daa huu.n
is se pahle ki tumhaare palaTne ke KHauf me.n mubtalaa ho jaa.uu.n
tumhe.n chaahiye ki mere liye laa-mutanaahii hijr kii du'aa maa.ngo

Basit Ali Raja

Nazm

hanso hansao

jam.a ho kar kahii.n do chaar bachche
magan the khel me.n ha.nste ha.nsaate
unhii me.n ek bachcha ha.ns ke bolaa
mirii naanii sunaatii thii.n latiifa
mire daadaa ne banvaayaa thaa daalaan
hazaaro.n baiTh sakte jis me.n insaan
ye sun kar duusraa bachcha bhii bolaa
ba.De andaaz se ik raaz kholaa
mire daadaa ke paas aisii kamaa.n thii
ki tiir us kaa kare sair aasmaa.n kii
kahaa bachcho.n ne tum gap maarte ho
miyaa.n tum bhii kahaa.n kii haa.nkte ho
kahaa.n rakhte the daadaa us kamaa.n ko
ki jis se tiir chhuu le aasmaa.n ko
javaab us ne diyaa sun kar suno to
nahii.n gap hai haqiiqat mere yaaro
jo daalaan is ke daadaa ne banaayaa
kamaa.n rakhte the us me.n mere daadaa

Mehdi Pratapgarhi

Nazm

lazzat-e-agahi

mujhe ilm hai
yahii ilm meraa suruur hai ye ilm meraa azaab hai
yahii ilm miraa nasha hai
aur mujhe ilm hai
ki jo zahr hai vo nashe kaa duusraa naam hai
mai.n ajiib lazzat-e-aagahii se do-chaar huu.n

Ahmad Nadeem Qasmi

Nazm

hangam-e-ruKHsat

ashk do-chaar bahaa luu.n to chale jaa.iyegaa
aatish-e-dil ko bujhaa luu.n to chale jaa.iyegaa

Zahiir Ahmad Taaj

Nazm

baad-az-waqt

dil ko ehsaas se do-chaar na kar denaa thaa
saaz-e-KHvaabiida ko bedaar na kar denaa thaa
apne ma.asuum tabassum kii faraavaanii ko
vus.at-e-diid pe gul-baar na kar denaa thaa
shauq-e-majbuur ko bas ek jhalak dikhlaa kar
vaaqif-e-lazzat-e-takraar na kar denaa thaa
chashm-e-mushtaaq kii KHaamosh tamannaa.o.n ko
yak-ba-yak maa.el-e-guftaar na kar denaa thaa
jalva-e-husn ko mastuur hii rahne dete
hasrat-e-dil ko gunahgaar na kar denaa thaa

Faiz Ahmad Faiz

Nazm

ab dhup chaDhi diwaron par

ab vaqt-e-safar aa pahu.nchaa hai aa mil baiThe.n do-chaar gha.Dii
jab pahle-pahal tum aa.e the aaGaaz-e-sahar kaa mela thaa
kuchh kirne.n maddham maddham thii.n kuchh ujlaa ujlaa dhu.ndlakaa thaa
kuchh aisii uma.nge.n thii.n dil me.n
jo sarkash bhii ma.asuum bhii thii.n
kuchh hastii boltii nazre.n thii.n
jo shoKH bhii be-mafhum bhii thii.n
suuraj kii ubhartii kirne.n bhii yuu.n khel rahii thii.n pahaa.Do.n par
jis tarah havaa a.ngaaro.n par
nazre.n thii.n mirii kohsaaro.n par
phir dhuup cha.Dhii mausam badlaa
haalaat kii gardish tez hu.ii
baahar kii fazaa haijaanii thii
andar ke talaatum KHez hu.ii
kuchh aisii balaa kii shiddat se Takraa.o hu.aa tuufaano.n kaa
jo qadre.n thii.n paamaal hu.ii.n
jo KHvaab the chaknaa-chuur hu.e
chand ek lamhe haa.n lekin
fardaa ke jo KHadd-o-KHaal bane
jo haal se istiqbaal bane
kuchh yaade.n jii kaa vabaal hu.ii.n
kuchh zaKHm ki jo naasuur bane
kuchh ashk jo Gaalib aa ke rahe tuufaan ke sarkash dhaaro.n par
tuufaa.n ke thape.Do.n me.n bhii kabhii
jab mu.D ke dekhaa kinaaro.n par
paa.nv the anaa kii rakaabo.n me.n nazre.n thii.n mirii kohsaaro.n par
ab din kaa mela KHatm hu.aa
ab dhuup cha.Dhii diivaaro.n par
ab a.ndhiyaaro.n kaa mela hai Gaaro.n shahro.n kohsaaro.n par
ab raakh cha.Dhii a.ngaaro.n par
ab vaqt-e-safar aa pahu.nchaa hai aa mil baiThe.n do-chaar gha.Dii

Rabia Fakhri

Nazm

bazicha-e-atfal hai duniya mere aage

ye dekh rahaa huu.n hastii apnii
do-chaar nafas kii hastii hai

Fareed Ishrati

Nazm

aadmi

kulbulaatii bastiyaa.n mushkil se do-chaar aadmii
kitnaa kamyaab aadmii hai kitnaa bisyaar aadmii

Syed Zameer Jafri

Nazm

billi

jahaa.n par ki do chaar kutte ho.n maujuud
to aisii jagah kab Thahartii hai billii

Shaheen Iqbal Asar

Nazm

sal-e-nau

do-chaar saal aur bhii imkaa.n nahii.n to kyaa
fasl-e-bahaar aa.egii jhuume.ngii Daaliyaa.n

Anjum Azmi

Nazm

mazi

qismat kaa kab apnii ronaa rote the
jeb me.n bas do chaar hii sikke hote the

Naeem Najmi

Nazm

marsiya baal-ganga-dhar-tilak

sard-o-shaadaab havaa ruk ga.ii kohsaaro.n kii
raushnii ghaT ga.ii do-chaar gha.Dii taaro.n kii

Chakbast Braj Narayan

Nazm

nasur

chhap ga.e do chaar majmuu'e agar ik saal me.n
maan le.nge aap ko shaa'ir sabhii har haal me.n

Jabbar Wasif

Nazm

KHatun-e-mashriq

mere aalam me.n nahii.n is bad-mazaaqii kaa shi.aar
kaakul-e-afsaana ho dosh-e-haqiiqat se do-chaar

Josh Malihabadi

Nazm

uljhanen

niraalii jast karnaa hai na.e raste pe chalnaa hai
na.e sho.alo.n me.n tapnaa hai na.e saa.nche me.n Dhalnaa hai
yahii do chaar saa.nse.n jo abhii mujh ko sambhaale hai.n
inhii.n do chaar saa.nso.n me.n zamaane ko badalnaa hai
inhe.n bhii sard giito.n me.n ga.nvaa.uu.n kis tarah 'kaifii'

Kaifi Azmi

Nazm

shikast

tuu ne to ek hii sadme se kyaa thaa do-chaar
dil ko har tarah se barbaad kiyaa hai mai.n ne

Sahir Ludhianvi

Nazm

rishwat

mulk bhar ko qaid kar de kis ke bas kii baat hai
KHair se sab hai.n ko.ii do-chaar das kii baat hai

Josh Malihabadi

Nazm

pyas

havaa ke jho.nke abhii abhii ye payaam laa.e
ki duur pyaasii zamii.n ke siine pe
daaG ban kar baras chukii hai.n
do-chaar buu.nde.n

Khumar Mirzada

Nazm

farhad

aisaa karnaa ki ehtiyaat ke saath
us ke haatho.n se haath Takraanaa
aur agar ho sake to aa.nkho.n me.n
sirf do-chaar ashk bhar laanaa

Mustafa Zaidi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now