Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gadar"

Nazm MATCHES FOR "gadar"

Nazm

jashn-e-ghaalib

jin shahro.n me.n guu.njii thii Gaalib kii navaa barso.n
un shahro.n me.n ab urdu benaam-o-nishaa.n Thahrii
aazaadi-e-kaamil kaa elaan hu.aa jis din
ma.atuub zabaa.n Thahrii Gaddaar zabaa.n Thahrii

Sahir Ludhianvi
Nazm

sher aur KHargosh

chalaa dhiime dhiime se kachhve kii chaal
pahu.nchte pahu.nchte use Gaar tak shaam hone lagii
use dekh kar sher bhannaa gayaa
chhaTa.nkii baraabar ye KHuraak bhejii hai jangal ne
aur is qadar der se
miTaa duu.ngaa KHargosh kii zaat ko
mai.n jangal kaa jangal hii khaa jaa.uu.ngaa
sunaa aur KHargosh rone lagaa
gi.Dgi.Daane lagaa
huzuur is me.n merii nahii.n hai KHataa
na jangal sabhaa kaa ko.ii dosh hai
ki jangal ne to saat KHargosh bheje magar
magar kyaa
magar sir
magar kyaa kyuu.n haklaa rahe ho bataa.o mujhe
magar magar magar sir
kahaa.n hai.n tumhaare chhe Gaddaar saathii
vo KHargosh phir se sisakne lagaa
hame.n raaste me.n huzuur ek
zaalim ne rokaa thaa
aur bahut gaaliyaa.n aap ko dii.n
kahaa mai.n dohraa.uu.n kaise vo sab kuchh huzuur
kahaa jaa.o kah do mire saathiyo.n ko vahii khaa gayaa
ye sun.naa thaa ki sher Gurraayaa mo.nchho.n me.n bal aa ga.e
aka.Dne lagii us kii hunTerii puu.nchh
aur aa.nkho.n me.n bas KHuun utarne lagaa
kahaa.n hai kidhar hai bataa kaun hai
mire hote kis kaa hu.aa hausla
ki merii re.aayaa pe ko.ii zulm kar sake

Gulzar
Nazm

ghaddar

bhuuk Gaddaar hai
bhuuk me.n peT par haath rakhnaa gunah
pyaas Gaddaar hai
pyaas me.n aasmaano.n ko taknaa gunah
lafz Gaddaar hai.n
sach me.n lipTe hu.e
justujuu ke na.e raaste kholte lafz Gaddaar hai.n
sach bhii Gaddaar hai
fahm-o-idraak detaa hu.aa sach kisii duusre mulk kaa ko.ii jaasuus hai
KHvaab Gaddaar hai.n
zindagii ko na.ii karvaTe.n baKHshne vaale saare tasavvur
na.ii justujuu ke qariine
na.e raaste par uThaa.e ga.e sab qadam sab savaalaat Gaddaar hai.n
vaqt Gaddaar hai
vaqt kaa saaz-o-aaha.ng bhii aur na.ii lai par ugtii sadaa.e.n bhii KHatraat hai.n

Atif tauqeer
Nazm

main urdu zaban hun

mai.n urdu zabaa.n huu.n
mujhe aaryaa.o.n ne paalaa
mirii asl hindostaa.n hai
ki mere lahuu se hii vedo.n kii aayaat likkhii ga.ii hai.n
ye raam aur siitaa kii azmat ke qisse ramaayan-kathaa.e.n
krishan aur raadhaa ke rangii.n fasaane
har ik lafz kii ruuh naGma-saraa hai
mai.n urdu zabaa.n huu.n
vo gautam ki jis ne mohabbat kii paiGambarii se jahannam ko jannat banaayaa
magar kis zabaa.n me.n
zaraa sochiye kis zabaa.n me.n
vo paalii jo mere gharaane kii paalii hu.ii thii
mai.n urdu zabaa.n huu.n
mujhe dekhnaa chaahte ho to aa.o
ajantaa elora ke Gaaro.n me.n dekho
ye mai.n huu.n
miraa husn merii kashish hai abad tak
mujhe dekhnaa chaahte ho to aa.o
ashokaa kii laaTo.n me.n kanda huruuf-e-muqaddas me.n dekho
ye mai.n huu.n
sadaaqat adaalat kii tahriir-e-mohkam
mai.n urdu zabaa.n huu.n
mohabbat kii man-mohnii daastaa.n huu.n
mirii vus.ate.n be-karaa.n hai.n
ye uttar ye dakhkhin ye puurab ye pachchhim
har ik samt mere nishaa.n hai.n
deccan jo kabhii rang-o-harf-o-adaa aur cha.ng-o-sadaa se banaa ek qaus-e-quzah thaa
tumhe.n kuchh KHabar hai vo kyaa silsila thaa
muu.arriKH se puuchho vo meraa hii jaaduu miraa mo.ajiza thaa
mai.n 'KHusrav' kii pyaarii 'valii' kii niyaarii 'qulii' kii dulaarii
KHudaa-e-suKHan 'miir' ke soz-e-pinhaa.n kii mai.n raazdaa.n huu.n
vo diivaan-e-Gaalib vo shahkaar-e-taKHliiq-e-aadam
magar us kaa har sher kahtaa hai paiham
mai.n urdu zabaa.n huu.n
vo 'iqbaal' jo azmat-e-aadamiyyat kaa paiGaambar hai
lahuu ke jumuud aur dil ke taGaaful kaa jo nauhagar hai
vo jis kii nazar baal-e-jibriil kii ham-safar hai
vo jis kii sadaa KHvaab-e-Gaflat me.n bad-mast insaaniyat ke liye ek baa.ng-e-daraa hai
vo jis kii KHudii daur-e-haazir kii fir.auniyat ke liye bahr-e-qulzum ke saahil pe zarb-e-kaliimii kii nemul-badal hai
vo jis ne dayaar-e-Gazal se lab-o-aariz-o-zulf jaise anaasir ko baahar nikaalaa
vo 'iqbaal' bhii merii zulfo.n kaa qaidii rahaa hai
mai.n urdu zabaa.n huu.n
vo 'aazaad' aazaadi-e-hind kaa ek aashiq
vo 'aazaad' jis kii fuGaa.n soz-o-mastii
vo 'aazaad' jis kii sadaa saaz-e-hastii
vo 'aazaad' jis kaa suKHan qaul-e-faisal
magar qaul-e-faisal kaa ye faisla hai
mai.n urdu zabaa.n huu.n
mai.n taariiKH-o-tahziib-e-hindostaa.n huu.n
mai.n hindostaanii huu.n rashk-e-jahaa.n huu.n
jahaan-e-mohabbat kii mai.n paasbaa.n huu.n
magar paasbaan-e-vatan mujh ko Gaddaar kahne lage hai.n
to Gaddaar kahne kaa matlab musalmaa.n huu.n mai.n bhii
musalmaan ya.anii ki dahshat jihaalat Galaazat kii pahchaan huu.n mai.n
ye pahchaan merii ajab saaneha hai
magar saaneha maadar-e-hind kaa hai ye meraa nahii.n hai
mai.n kuchh bhii nahii.n huu.n
mujhe aaryaa.o.n ne paalaa
mirii asl hindostaa.n hai
mai.n hindostaanii huu.n hindostaa.n huu.n
magar mere ahl-e-vatan mujh ko Gaddaar kahne lage hai.n
ba-zaahir to hai garche ye merii zillat
magar asl me.n maadar-e-hind kii hii ye ismat-darii hai
mai.n urdu zabaa.n huu.n
mujhe aaryaa.o.n ne paalaa
mirii asl hindostaa.n hai

Khalid Mubashshir
Nazm

safir-e-laila-4

hariim-e-mahmil me.n aa gayaa huu.n salaam le lo
salaam le lo ki mai.n tumhaaraa amiin-e-qaasid KHajil musaafir azaa kii vaadii se lauT aayaa
mai.n lauT aayaa magar saraasiima is tarah se
ki pichhle qadmo.n palaT ke dekhaa na guzre rasto.n ke faaslo.n ko
jahaa.n pe mere nishaan-e-paa ab thake thake se gire pa.De the
hariim-e-mahmil me.n vo safiir-e-naved-parvar
jise zamaane ke past o baalaa ne itne qisse pa.Dhaa diye the
jo pahle qarno.n kii tiirgii ko ujaal dete
tumhe.n KHabar hai
ye meraa siina qadiim ahraam me.n akelaa vo ik haram thaa
aziim raazo.n ke kohna taabuut jis kii ka.Diyo.n me.n bas rahe the
unhii.n havaa.o.n kaa Dar nahii.n thaa
na sahraa-zaado.n ke naslii kaa hii un kii gird-e-KHabar ko pahu.nche
hariim-e-mahmil me.n vo amaanat kaa paasbaa.n huu.n
jo charm-e-aahuu ke narm kaaGaz pe likkhe naame ko le ke niklaa
vahii ki jis ke savaar hone ko tum ne baKHshaa jahaaz-e-sahraa
taviil raaho.n me.n KHaalii mashko.n kaa baar le kar hazaar sadiyaa.n safar me.n gardaa.n
kahii.n saraabo.n kii bahtii chaa.ndii kahii.n chaTaano.n kii saKHt qaashe.n
mayaan-e-raah-e-safar kha.De the jaka.Dne vaale nazar ke lobhii
magar na bhaTkaa bhaTakne vaalaa
jo dam liyaa to azaa me.n jaa kar
hariim-e-mahmil suno fasaane jo sun sako to
mai.n chalte chalte safar ke aaKHir pe aisii vaadii me.n jaa ke Thahraa
aur us pe guzre hariis lamho.n ke un nishaano.n ko dekh aayaa
jahaa.n ke naqshe biga.D ga.e hai.n
jahaa.n ke tabqe ulaT ga.e hai.n
vahaa.n kii fasle.n zaqquum kii hai.n
havaa.e.n kaalii hai.n raakh u.D kar kha.nDar me.n aise phunkaartii hai
ki jaise azhdar chahaar jaanib se jab.De khole Gadar machaate
zamii.n pe kiina nikaalte ho.n
kasiif zahro.n kii thailiyo.n ko Gazab se baahar uchhaalte ho.n
muhiib saa.e me.n devtaa.o.n kaa raqs jaarii thaa
TuuTe haatho.n kii haDDiyo.n se vo dohl-e-baatil ko piiTte the
za.iif kavvo.n ne ahl-e-qarya kii qabre.n khodii.n
tuu un ke naaKHun nahiif panjo.n se jha.D ke aise bikhar rahe the
chako.ndaro.n ne chabaa ke phe.nke ho.n jaise haDDii ke KHushk reze
hariim-e-mahmil vahii vo manzil thii jis ke siine pe mai.n tumhaarii nazar se pahu.nchaa uThaa.e mehr o vafaa ke naame
vahii.n pe baiThaa thaa sar-ba-zaanuu tumhaaraa mahram
kha.nDar ke bosiida pattharo.n par haziin o Gamgii.n
vahii.n pe baiThaa thaa
qatl-naamo.n ke mahzaro.n ko vo pa.Dh rahaa thaa
jo pastiyo.n ke kotaah haatho.n ne us kii qismat me.n likh diye the
hariim-e-mahmil mai.n apne naaqa se niiche utraa to mai.n ne dekhaa ki us kii aa.nkhe.n KHamosh o viiraa.n
Gubaar-e-sahraa mizha pe larzaa.n thaa ret diido.n me.n u.D rahii thii
magar sharaafat kii ek lau thii ki us ke chehre pe narm haala kiye hu.e thii
vo mere lahje ko jaantaa thaa
hazaar manzil kii duuriyo.n ke sataa.e qaasid ke ukh.De qadmo.n kii chaap sunte hii uTh kha.Daa thaa
dayaar-e-vahshat me.n bas rahaa thaa
pe terii saa.nso.n ke zer-o-bam se uThii haraarat se aashnaa thaa
vo kah rahaa thaa yahaa.n se jaa.o ki yaa.n KHaraabo.n ke kaar-KHaane hai.n
roz o shab ke jo silsile hai.n khule KHasaaro.n kii manDiyaa.n hai.n
vo Dar rahaa thaa tumhaaraa qaasid kahii.n KHasaaro.n me.n baT na jaa.e
hariim-e-mahmil mai.n kyaa bataa.uu.n vahii.n pe khoyaa thaa meraa naaqa
faqat KHaraabe ke chand lamhe hii us ke guude ko khaa ga.e the
usii maqaam-e-tilism-gar me.n vo ustaKHvaano.n me.n Dhal gayaa thaa
jahaa.n pe bikhraa pa.Daa thaa pahle tumhaare mahram kaa asp-e-taazii
aur ab vo naaqa ke ustuKHvaa.n bhii
tumhaare mahram ke asp-e-taazii ke ustaKHvaano.n me.n mil ga.e hai.n
hariim-e-mahmil vahii vo patthar the jin pe rakkhe the mai.n ne mehr o vafaa ke naame
jahaa.n pe zinda ruto.n me.n baa.ndhe the tum ne paimaan o ahd apne
magar vo patthar ki ab ajaa.ib kii kaargah hai.n
tumhaare naame kii us ibaarat ko khaa ga.e hai.n
shifaa ke haatho.n se jis ko tum ne raqam kiyaa thaa
so ab na naaqa na ko.ii naama na le ke aayaa javaab-e-naama
mai.n naa-muraad o KHajil musaafir
magar tumhaaraa amiin qaasid azaa kii vaadii se lauT aayaa
aur us najiib o kariim mahram-e-vafaa ke paikar ko dekh aayaa
jo aane vaale dino.n kii gha.Diyaa.n abad kii saa.nso.n se gin rahaa hai

Ali Akbar Natiq
Nazm

karachi

hasii.n is nagar ke fusuu.n-kaar bhii hai.n
usuul-e-mohabbat ke Gaddaar bhii hai.n

Abul Fitrat Meer Zaidi
Nazm

bahadur shah zafar

ik yahaa.n baadshaah thaa bachcho
mulk kaa KHair-KHvaah thaa bachcho
sab ko bhaatii thii nek KHuu us kii
KHuub lagtii thii guftuguu us kii
vo ki sher-o-adab kaa maahir thaa
dar-haqiiqat aziim shaa.ir thaa
naam us ne abuu zafar paayaa
aaKHirii taajdaar kahlaayaa
us kii azmat pe dil hai farsh-e-raah
us ko kahte the sab bahaadur shaah
taKHt-e-dillii pe hukmaraa.n thaa vo
muGliya daur kaa nishaa.n thaa vo
ahal-e-hindostaa.n kaa qaa.id thaa
vo muhibb-e-vatan mujaahid thaa
raas us ko na taKHt-e-shaahii thaa
vo ki is baa-vafaa sipaahii thaa
us ke apne hii ek rishta-daar
na.ng-e-hindostaa.n hu.e Gaddaar
kar ke a.ngrez be-bas-o-majbuur
le ga.e phir use vatan se duur
zulm a.ngrez kaa sahaa barso.n
qaid ra.nguun me.n rahaa barso.n

Murtaza Sahil Tasleemi
Nazm

ek kali nazm

mai.n kore kaaGaz par likhuu.n phir ek kaalii nazm
alakh jagaate sannaaTo.n se phir se sajaa.uu.n bazm
gaddar amruudo.n kii KHushbuu paagal kar jaa.e
merii in KHaalii aa.ankho.n ko jal-thal kar jaa.e
duur darindo.n kii aavaaze.n KHud se la.Dtii ho.n
mere us ke biich me.n lambii raate.n pa.Dtii ho.n

Shahryar
Nazm

mere gham-KHwar

ye sach-much Gaddaar hai.n yaaro
ye jo mire Gam-KHvaar hai.n yaaro

Abul Fitrat Meer Zaidi
Nazm

kya KHabar thi

kyaa KHabar thii riyaasat-e-islaam
mujrmo.n kii panaah bhii hogii
kyaa KHabar thii ye adl kii jaagiir
rahm kii qatl-gaah bhii hogii
paa.e.nge dushmanaan-e-dii.n e.azaaz
qaatilo.n kii rifaah bhii hogii
zulm ke haath me.n asaa hogaa
aur sar par kulaah bhii hogii
jahl paa.egaa ilm par sabqat
aur KHirad gard-e-raah bhii hogii
a.alaa ohdo.n pe ho.nge sab naa-ahl
tang-nazarii athaah bhii hogii
ghaat me.n hogii fauj apnii bhii
dushmano.n kii sipaah bhii hogii
baadshah ke jo giit gaa.e.nge
un kii jaanib nigaah bhii hogii
jo likhegaa qasiida-e-shaahii
us ko taa.iid-e-shaah bhii hogii
jurm ho jaa.egaa bahut arzaa.n
ishtihaa-e-gunaah bhii hogii
sirf Gaddaar paa.e.nge tamGe
un kii hii izz-o-jaah bhii hogii
log har zulm par rahe.nge chup
is tarah se nibaah bhii hogii
qaum ta.Dpegii daad le.nge vaziir
aah bhii hogii vaah bhii hogii
phir giraanii kaa aa.egaa tuufaan
muflisii be-panaah bhii hogii
khul ke hogii zaKHiira-andozii
aur safed-o-siyaah bhii hogii
to.De.nge kamar avaam kii tex
aur ma.iishat tabaah bhii hogii
Gam kii parchhaa.iyo.n se arz-e-vatan
kyaa KHabar thii siyaah bhii hogii
aur vo vaqt phir se aa.egaa
jab taraqqii kii chaah bhii hogii
log maa.nge.nge ik na.ii hijrat
chal pa.De.nge to raah bhii hogii

Muhammad Rashid Athar
Nazm

jurm

khulii aa.nkh se dekh liye KHvaab pai.nsaTh saal
aur ab mai.n jaag jaane ko kahuu.n to jurm
ab mai.n chup rahuu.n to gunaah kuchh kahuu.n to jurm
sahuu.n to apnii nazro.n se giraa na sahuu.n to jurm
khel siyaasat ke hai.n ye laashe.n ye jaltii bastiyaa.n
chup rahuu.n to Gaddaar vatan kaa sach kahuu.n to jurm
farq kabhii KHatm nahii.n hogaa mahal aur jho.npa.Dii kaa
agar vo kahe.n to Gazab taqriir mai.n kahuu.n to jurm
kah bhii de ki tuu zinda laash hai insaan nahii.n
phir tujhe haalaat se la.Dne ko kahuu.n to jurm

Madhav Awana
Nazm

bahadur shah zafar

ik yahaa.n baadshaah thaa bachcho
mulk kaa KHair-KHvaah thaa bachcho
sab ko bhaatii thii nek KHuu us kii
KHuub lagtii thii guftuguu us kii
vo ki sher-o-adab kaa maahir thaa
dar-haqiiqat aziim shaa.ir thaa
naam us ne abuu-zafar paayaa
aaKHirii taajdaar kahlaayaa
us kii azmat pe dil hai farsh-e-raah
us ko kahte the sab bahaadur shaah
taKHt-e-dillii pe hukmaraa.n thaa vo
muGliya daur kaa nishaa.n thaa vo
ahal-e-hindostaa.n kaa qaa.id thaa
vo muhibb-e-vatan mujaahid thaa
raas us ko na taKHt-e-shaahii thaa
vo ki ik baa-vafaa sipaahii thaa
us ke apne hii ek rishta-daar
na.ng-e-hindostaa.n hu.e Gaddaar
kar ke a.ngrez be-bas-o-majbuur
le ga.e phir use vatan se duur
zulm a.ngrez kaa sahaa barso.n
qaid ra.nguun me.n rahaa barso.n

Murtaza Sahil Tasleemi
Nazm

hindostani leader

banda-e-hirs-o-havas Gaddaar matlab-aashnaa
paise kii KHaatir vatan ko bechne vaale bataa

Shatir Hakeemi
Nazm

shair

jo baate.n
ye log karte hai.n
ko.ii aur
unhe.n bayaan nahii.n kar saktaa
un ke andar
ek duniyaa aabaad hai
jahaa.n hone vaalii har baat
har vaaqi.a
mukammal juz.iyaat ke saath
vo hame.n
tahriirii taur par
pesh kar dete hai.n
shaa.ir
apne andar kii riyaasat ke
Gaddaar hote hai.n
vo
ek muKHbir se ziyaada
ko.ii vaq.at nahii.n rakhte

Mustafa Arbab
Nazm

pahchan

ik laash ko ik chauraahe par
kuchh log kha.De the ghere hu.e
lagtaa thaa tamaashaa ho jaise
sab apnii apnii kahte the
murde kaa pataa batlaane lage
uf qaum kaa ik me.amaar hai ye
sab jhuuT ba.Daa ayyaar hai ye
rahbar hai ye ik saalaar hai ye
bakvaas ki ik Gaddaar hai ye
afsos ki ik fankaar hai ye
kyaa KHuub are be-kaar hai ye

Daud Ghazi
Nazm

aaram hai hamara

abhii to chhaa.ii hu.ii hai ufuq pe Gam kii ghaTaa
abhii to shoa.la-fishaa.n hai himaliya kii fazaa
abhii to chaltii hai sarhad par tund-o-tez havaa
sukuu.n kaa KHvaab hai yak surKHiyaan-e-KHaam abhii
muhaafiz-evatan aaraam hai haraam abhii

Qais Jalandhari
Nazm

aap ek ishtial-angez shair hain

ehtajaajii muzaahire ke dauraan
idhar udhar bhaagte hu.e
logo.n ke beach sa.Dak par phaTne vaale
aa.nsuu gas ke shel kii tarah
aap kii nazme.n pa.Dhte hu.e
aa.nkho.n me.n jalan hone lagtii hai
gale me.n KHaraashe.n pa.D jaatii hai.n
naak se be-tahaashaa paanii bahne lagtaa hai
bhaagne vaale logo.n kii tarah
dil bahut zor se dha.Dakne lagtaa hai
apnii haaliya nazmo.n me.n
siivrej pipe ke saath
chalne vaalii KHud-rav belo.n ke bajaa.e
aap gande paanii kaa zikr kar rahe hai.n
railway line ke aas paas
khilne vaale phuulo.n ke bajaa.e express train par
naa-maaluum daaku.o.n kii firing kaa zikr
KHatre kii alaamat hai
aur kolhii aurato.n ke KHilaaf police operation kii baat to
intihaa.ii pareshaan-kun hai
world-cup kii KHushii me.n
havaa.ii firing se halaak hone vaalii
aurat kii maut mahz ittifaaqiya thii
aap us kii yaad me.n na.re-baazii na kare.n
qaa.ed-e-hazb-e-iKHtilaaf kii tarah
aap ko hamaarii har policy se iKHtilaaf hai
aap ke liye hamaaraa har aa.iinii qadam Gair aa.iinii hai
aur hamaarii har peshkash qubuul
aap ko hamaarii har baat par Gussa aataa hai
aur hame.n KHair chho.De.n
aap kii na.ii nazm kaa har lafz
kiraa.e ke goriilo.n kii banduuqo.n se
nikalne vaalii goliyo.n kii tarah hai
ham aap ko ek sazaa-yaafta dahshat banaa sakte hai.n
yaa ek Gair-mulkii agnet qaraar de sakte hai.n
aap Gaddaar bhii ho sakte hai.n
magar filhaal hamaare liye
aap ek ishti.aal-a.ngez shaa.ir hai.n

Zeeshan Sahil
Nazm

hasin duniya ujaD gai to

hasiin duniyaa uja.D ga.ii to agar kahii.n ye biga.D ga.ii to
gumaa.n se aage nikal ga.ii to gumaa.n se aage gumaan kar lo
uThaa.o parda aur dekh lo KHud zamii.n-faroshii ke ruup kitne
naqaab-posho.n kii bhii.D me.n sab hamaare kal ke ye saudaagar hai.n
un hii kii hirs-o-havas ke baa.is hamaarii duniyaa uja.D rahii hai
garm havaa.o.n me.n ghir rahii hai
badalte mausam kaa isti.aara zamii.n ko taaraaj kar rahaa hai
pahaa.D-o-dariyaa nigalne vaale shajar-faroshii me.n lag ga.e hai.n
vo KHushnumaa giit gaate panchhii ab apne raste badal rahe hai.n
shikaarii aa.nkho.n se bach rahe hai.n
ye dariyaa garmii se jal rahe hai.n pahaa.D karvaT badal rahe hai.n
zamii.n kaa zevar utar rahaa hai aur ja.ngalo.n me.n Gadar machaa hai
sulagte sahraa basaane vaalo niraalii duniyaa sajaane vaalo
samundaro.n par shahr banaa.o falak pe tum kahkashaa.n sajaa.o jahaan-e-nau KHuub-tar basaa.o
magar zamii.n ko na bhuul jaanaa luTaa rahii hai jo aab-o-daana
hasiin duniyaa uja.D ga.ii to agar kahii.n ye biga.D ga.ii to gumaa.n se aage nikal ga.ii to
na tum rahoge na ham rahe.nge na mausamo.n ke ye rang rahe.nge

Rehan Alvi
Nazm

hubb-e-watan

is vaqt bhii jo kaam na aa.egaa vatan ke
Gaddaar hai marduud hai vo mard-e-siyahkaar

Ameer Chand Bahar
Nazm

hindi musalman

sab se pahle des me.n chamkii hai merii talvaar
a.ngrezo.n kii nazro.n me.n huu.n mai.n pahlaa Gaddaar
ab tak jag me.n guu.nj rahii hai Tiipuu kii lalkaar
kaun vafaa ke bando.n par rakh saktaa hai bohtaan
hindii musalmaan huu.n mai.n hindii musalmaan

Masoom Sharqi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now