Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gadle"

Nazm MATCHES FOR "gadle"

Nazm

pahli kiran ka bojh

cigarette kaa ek lambaa kash aur khaa.nsii
ghuu.nT ghuu.nT chaa.e
pighalte KHvaabo.n ke mom
gadle kaaGaz par duniyaa ke aamaal kaa piilaa zahr
ham kitne achchhe the
jab hamaarii piiTh ke niiche bistar thaa
aa.o
chalo aa.iine se puuchhe.n
abhii kitnaa safar baaqii hai?
us ko to
ek hii javaab hai
apne chehro.n ko bardaasht karo
baahar niklo
to mask lagaanaa mat bhuulo

Mughni Tabassum
Nazm

teri aamad mein taKHir kaise hui

terii aamad me.n taaKHiir kaise hu.ii
zindagii maut ke darmiyaa.n ek lamhe ke pur-haul raste pe tuu ne
hame.n muntazir kaise rakhaa
tujhe kis ne rokaa bataa
terii aamad me.n taaKHiir kaise hu.ii
raasto.n par havaa.o.n me.n KHvaahish kii KHushbuu
tire lams kii chaahato.n me.n bhaTaktii rahii
aur majbuur jismo.n me.n phailii baGaavat kii buu
tere aazaad haatho.n kii hasrat me.n andhii fasiilo.n se la.Dtii rahii
tere saa.nso.n kii dastak
siyah-baKHt galiyo.n me.n suuraj ke ruudan sunaatii rahii
tere qadmo.n kii aahaT
javaa.n-saal siino.n ke andar dha.Daktii rahii
kis ne rokaa tujhe
bol tuu ne hame.n muntazir kaise rakkhaa
bataa terii aamad me.n taaKHiir kaise hu.ii
buu.Dhii maa.e.n du.aa.o.n kii shaffaaf chaadar tire vaaste
apnii saa.nso.n se din-raat buntii rahii.n
la.Dkiyaa.n aur la.Dke
chauraaho.n doraaho.n pe apne lahuu se tiraa naam likhte rahe
zard bachche hathelii pe ujlii umiido.n ke phuulo.n ko le kar
tirii raah takte rahe
kis ne rokaa tujhe
bol tuu ne hame.n muntazir kaise rakkhaa
bataa terii aamad me.n taaKHiir kaise hu.ii
sard aa.nkho.n ke gadle ufuq par
tire aks ke chaa.nd kii raakh u.Dtii hai
andhii fasiilo.n ke niiche humakte hu.e KHuun ke jalte bujhte hu.e
jugnu.o.n kaa dhu.aa.n hai
javaa.n-saal sapno.n kii qabro.n me.n kaalii havaa sarsaraatii hai
aur terii aamad kii KHvaahish me.n jiite hu.e log
jismo.n pe khi.nchte hu.e saKHt saffaak lamho.n me.n mahsuur
KHvaabo.n kii dahliiz par mar chuke hai.n
thakii haarii aabaadiyaa.n KHaamushii kaa kafan o.Dh kar
maut me.n so rahii hai.n
chauraaho.n doraaho.n pe likkhaa hu.aa naam ko.ii nahii.n jo pa.Degaa
ko.ii nahii.n jo a.ndherii fasiilo.n se aa kar la.Degaa

Sarmad Sahbai
Nazm

KHak aur dhund ka safar

ulajhtii saa.nso.n kii saKHt girhe.n
badan ke andar khii.nchii hu.ii hai.n
niDhaal sadiyo.n ke faaslo.n kaa safar ki paa.nv me.n pal rahaa hai
dha.Do.n ke niiche hamaaraa saaya
hamaare jismo.n ko reza reza nigal rahaa hai
(2)
samundaro.n se havaa lipaT kar na.ii ruto.n kaa visaal maa.nge
zamii.n kii KHushbuu sahar kii aahaT ke dhu.ndle KHvaabo.n kaa aks phaile
hame.n yaqii.n hai havaa ke gadle safar se aage
chamakte lamho.n kii rahguzar hai
na.e gulaabo.n kii sarzamii.n hai
hamaare paa.nv me.n aane vaale safar kii KHvaahish ta.Dap rahii hai
hamaarii aa.nkho.n me.n baavle KHvaab kaa nasha hai
ham apne apne dha.Do.n ke taabuut se nikal kar
ba.Dhe ki suuraj kaa jism chhiine.n
zamii.n kii KHushbuu kaa khoj paa.e.n
ham ek muddat se sochte hai.n
ki aasmaa.n ke siyaah patthar me.n ab kiran kaa shigaaf utre
zamii.n kii paataal se kashish ho
na.e gulaabo.n kii mast KHushbuu badan me.n phaile
magar vahii dhund kaa safar hai
kaTii-phaTii sard u.ngliyo.n par lahuu ke jugnuu chamak chamak kar bikhar chuke hai.n
rago.n ke resho.n me.n taaza KHvaahish kii kashmakash sard pa.D chukii hai
dho.e.n ke phande me.n marne vaalo.n ke naam zehno.n kii taKHtiyo.n se
utar rahe hai.n
saro.n pe karb-o-balaa ke mausam kaa saKHt KHema khii.nchaa hu.aa hai
havaa pe likkhe hu.e hai.n nauhe
fazaa me.n laTke hu.e hai.n chehre
ufuq pe TuuTii hu.ii lakiire.n
zamii.n pe phaile hu.e hai.n saa.e
samundaro.n se lipaTne vaalii havaa kii an-dekhii Doriyo.n kaa
ko.ii siraa haath me.n nahii.n hai
hamaarii palke.n udha.D chukii hai.n
tamaam KHvaabo.n kii dhundlii ruuhe.n muhiib jangal ke raasto.n par
bhaTak rahii hai.n
ulajhtii saa.nso.n kii saKHt girhe.n
abhii talak jism par khii.nchii hai.n
hamaare niiche kisii zamii.n kii kashish ho shaayad
yahii.n kahii.n dhund ke aqab me.n ho ko.ii suuraj nikalne vaalaa
havaa ke gadle safar se aage chamakte lamho.n kii rahguzar ho
na.e gulaabo.n kii sar-zamii.n ho
magar pighalte badan ko tahliil karne vaalii ajiib saa.at sadaa aTal hai
hamaarii KHvaahish ye nek saa.at hamaarii aa.nkho.n me.n ghul ke phaile
hamaare jismo.n kaa dard pighle
hamaarii KHvaahish ye nek saa.at sukuut ban kar ta.Dapte jismo.n me.n aa ke Thahre
ulajhtii saa.nso.n kii girhe.n khole
ham us kii KHushbuu ke pur-sukuu.n malgaje a.ndhere kii gahrii lazzat ke muntazir hai.n
ham us kii KHvaahish me.n apne apne dha.Do.n ke taabuut me.n ba.ndhe hai.n

Sarmad Sahbai
Nazm

naT-khaT chand

ek zaraa saa chamkaa thaa
abhii yahii.n thaa kidhar gayaa
zaraa jhalak dikhlaa.ii thii
ek shu.aa lahraa.ii thii
masjid ke miinaaro.n se
aa.ngan se galiyaaro.n se
kuchh logo.n ne dekhaa thaa
kyaa vo aa.nkh kaa dhokaa thaa
pal bhar saamne aayaa thaa
bijlii saa lahraayaa thaa
duur shafaq kii laalii me.n
ka.Dve niim kii Daalii me.n
hare bhare patto.n ke biich
phuulo.n aur phalo.n ke biich
abbaa jaan ne dekhaa thaa
ammii jaan ne sochaa thaa
dekhe un kaa beTaa bhii
chaa.nd ke jaisaa bachcha bhii
lekin naT-khaT iid kaa chaa.nd
kaisaa jhaT-paT iid kaa chaa.nd
ujle gadle baadal me.n
shaam ke maile aa.nchal me.n
mujh se chhup kar baiThaa hai
shaayad mujh se Dartaa hai

Abdur Rahim Nashtar
Nazm

aaine nazar ke gard hue

jab dard ke naate TuuT ga.e
jab manzar manzar phaile hu.e
an-dekhe lambe haatho.n ne
sab ahd puraane luuT liye
maazii ke KHazaane luuT liye
sab ishq ke da.ave ruuTh ga.e
jaa.n gu.ng hu.ii dil chhuuT ga.e
har zaKHm-e-tamannaa raakh hu.aa
jo sho.ala-e-jaa.n tharraataa hu.aa
shaffaaf a.ndherii raato.n me.n
raqsaa.n thaa falak ke ziine par
thak-haar ke aaKHir baiTh rahaa
maTiyaale behis retiile in rasto.n par
vo raste
jin par rishto.n ke
raushan chehre ruu-posh hu.e
vo jin ke shor-sharaabe me.n
man kii aavaaz Duub ga.ii.n
dil ke ha.ngaame sard hu.e
aa.iine nazar ke gard hu.e
vo raste bhii kyaa raste the
har chaar-taraf
ik dhu.nd kii KHaakii chaadar thii
aur us ke aage hadd-e-nazar tak
phailii hu.ii
be-jaa.n lafzo.n
be-mehr yugo.n kii
daldal thii
vo shola-e-raqsaa.n hairaa.n thaa
vo diida-e-hairaa.n giryaa.n thaa
vo zehn-e-pareshaa.n larzaa.n thaa
ik dil kaa nagar so viiraa.n thaa
ik raahii thaa jo un be-mehr fazaa.o.n me.n
shauq-e-parvaaz se
KHuu-e-safar kii betaabii se hiraasaa.n thaa
kuchh chaa.nd kii maddham kirne.n thii.n
jo dard ke saare raazo.n se
vaaqif thii.n magar
in maTiyaale behis gadle
rasto.n se
vo bhii gurezaa.n thii.n

Sajida Zaidi
Nazm

diwar-e-qahqaha

dekho dekho!!
uupar se niiche tak dekho
aage se piichhe tak dekho
ja.ngal aur pahaa.D se le kar
ghar ke baaGiiche tak dekho
chi.Diyaa baaz humaa aur qaqnus
har panchhii kii biinaa.ii se
hadd-e-falak kii pahnaa.ii se
u.Dte Galiiche tak dekho
shahro.n me.n dehaat me.n dekho
din me.n dekho raat me.n dekho
rasto.n kii atraaf me.n dekho
gadle me.n shaffaaf me.n dekho
andar dekho baahar dekho
poshiida yaa zaahir dekho
duniyaa kii auqaat me.n dekho
apnii apnii zaat me.n dekho
dekho dekho!!
us naa-diid ko har-suu dekho
kuchh bhii nazar na aa.e jab to
ik tajriid ko har-suu dekho
aur dekhte dekhte KHuub ha.nso!!

Naseer Ahmad Nasir
Nazm

hayat-e-rawan

ba-zaahir kahii.n ko.ii halchal nahii.n hai
hayaat-e-ravaa.n apne markaz se chimTii hu.ii hai
bahut aam be-kaar uljhe dino.n kii
mulaa.em sii gaThrii me.n rakkhii hu.ii
ek be-naam sii dopahar hai
havaa chal rahii hai
na jaane kahaa.n
gahre bechain baadal ke Tuk.De
u.De jaa rahe hai.n
pareshaan sa.Dko.n pe bahte hu.e zard patte
fazaa me.n bikhartaa hu.aa kuchh Gubaar-e-musalsal
zaraa pal do pal ko
bahut duur patto.n pe ha.nstaa hu.aa
tez suuraj
magar phir chamaktii hu.ii ik kiran par
jhapaTte hu.e gadle baadal
khule aasmaa.n par Thaharte nahii.n hai.n
havaa chaltii rahtii hai ruktii nahii.n hai
daraKHto.n pe shaaKHe.n
idhar se udhar Doltii hai.n
idhar se udhar
merii chashm-e-tasavvur me.n u.Dte hu.e chand Tuk.De
lapakte jhapakte KHayaalaat ke maile baadal
kahii.n sat.h-e-dil par Thaharte nahii.n hai.n
ba-zaahir jahaa.n ko.ii halchal nahii.n hai
magar ye Gubaar-e-musalsal u.Daa.e chalii jaa rahii hai
havaa chaltii rahtii hai ruktii nahii.n hai
hayaat-e-ravaa.n apne markaz se chimTii hu.ii hai
magar be-naam sii dopahar ke
sukuut-e-nihaa.n me.n
ajab be-kalii hai

Gulnaz Kausar
Nazm

KHud-kushi ka alamiya

motor ke pahiye bijlii ke khambe pe chand chhii.nTe kuchh
chiknii sa.Dak pe duur tak ik surKH sii lakiir
footpath pe kuchh jaa-ba-jaa dhabbe siyaah o surKH
naalii ke gadle paanii ke siine pe chand daaG
baundary-wall par bhii kuchh spot khurdure
chehro.n pe raahgiiro.n ke naa-KHush-gavaar naqsh
maahaul me.n ik lamha ko be-naam saa tanaav
aa.nkhe.n mirii ubal pa.Dii.n hairaan rah gayaa
goyaa ki aaj tak kaa kiyaa raa.egaa.n gayaa
dariyaa agar nahii.n to ravaa.n juu-e-KHuu.n sahii

Anjum Irfani
Nazm

yun bhi hota hai ki apne-ap aawaz dena paDti hai

duudhiyaa raushan
shaah-raaho.n par
kitne yug the
jin me.n KHaamoshii ke lambe lambe sakte hai.n
baarish aur maaTii kaa zikr nahii.n
phir bhii ham ne
ma.anii aur imkaan kii be-tartiibii me.n
udhar udhar se
zinda rahne kaa saamaan kiyaa
KHvaabo.n ke gadle paanii me.n machhlii dekh ke
harf banaa.e
aur chiknii miTTii kii muurat par
do aa.nkhe.n rakkhii.n

Farrukh Yar
Nazm

magarmachh ne mujhe nigla hua hai

dekhtaa huu.n
garm gahre les ke dariyaa me.n
kachhu.o.n, me.nDako.n
jal-kek.Do.n ke paaracho.n me.n
ojha.Dii ke khurdure resho.n me.n
saalim huu.n
nabuud o buud ke taariik andesho.n me.n
baahar kaun hai
jo zaat ke is KHema-e-KHaakistarii ke
peT ke phuule hu.e
gadle Gubaare par
azal se kaan rakh kar sun rahaa hai
sar paTaKHne
haath paa.nv maarne
karvaT badalne kii sadaa!

Rafiq Sandelvi
Nazm

Thahra pani

chhal chhal kartii
dhaaraa paanii kii
zehn ko jaise
aa.iina dikhaa.e
dam dam ba.Dhtii
jiivan dhaaraa kaa
bharam bataa.e
par vaqt jaisaa
shiital jal bhii
muTThii me.n se
chhin jaataa hai
KHaalii muTThii
bhiigii bhiigii
yaad dilaa.e
shiital jal kii
aas-paas
sab Thahraa Thahraa hai
jaise dhaaraa
jam sii ga.ii ho
jiivan jaise
tham saa gayaa ho
is Thahre Thahre
gadle paanii me.n
KHauf kii kaalii kaalii machhlii
sab jaise
merii hii taak me.n
murda banii ho.n
aur mai.n
in ko zinda karne ko
anjaane me.n
sab ko KHush karne ko
apnaa aap
kaise ga.nvaa duu.n
jamii dhaaraa ke
gadle paanii me.n
apnaa aks
kaise Dubo duu.n

Shameem Nikhat
Nazm

nazm

saKHt satah se miTTii haTaa kar
gahrii zamii.n ke andar jaa ke
jazb ho chuke gadle paanii ko upar laataa huu.n
phir tashbiiho.n alaamato.n
aur isti.aaro.n ke bartan me.n
us ko saaf o kashiid kar ke
apnii pyaas bujhaataa huu.n
aur duniyaa kii tishna-labii bhii
sairaabii haasil kartii hai

Malik Ehsan
Nazm

wo lamha

tai kar luu.n ye raat kaa jangal
pii luu.n tho.Daa
gadle dariyaa.o.n kaa ye be-rang saa paanii
apnii khulii hathelii se mai.n
chhuu luu.n ThanDii ret kii narmii

Wahab Danish
Nazm

bhali si ek shakl thi

shajar hajar nahii.n ki ham
hamesha paa-ba-gil rahe.n
na Dhor hai.n ki rassiyaa.n
gale me.n mustaqil rahe.n

Ahmad Faraz
Nazm

kabhi kabhi

kabhii kabhii mire dil me.n KHayaal aataa hai
ki zindagii tirii zulfo.n kii narm chhaa.nv me.n
guzarne paatii to shaadaab ho bhii saktii thii
ye tiirgii jo mirii ziist kaa muqaddar hai
tirii nazar kii shu.aa.o.n me.n kho bhii saktii thii
ajab na thaa ki mai.n begaana-e-alam ho kar
tire jamaal kii ra.anaa.iyo.n me.n kho rahtaa
tiraa gudaaz-badan terii niim-baaz aa.nkhe.n
inhii hasiin fasaano.n me.n mahv ho rahtaa
pukaartii.n mujhe jab talKHiyaa.n zamaane kii
tire labo.n se halaavat ke ghuu.nT pii letaa
hayaat chiiKHtii phirtii barahna sar aur mai.n
ghanerii zulfo.n ke saa.e me.n chhup ke jii letaa
magar ye ho na sakaa aur ab ye aalam hai
ki tuu nahii.n tiraa Gam terii justujuu bhii nahii.n
guzar rahii hai kuchh is tarah zindagii jaise
ise kisii ke sahaare kii aarzuu bhii nahii.n
zamaane bhar ke dukho.n ko lagaa chukaa huu.n gale
guzar rahaa huu.n kuchh an-jaanii rahguzaaro.n se
muhiib saa.e mirii samt ba.Dhte aate hai.n
hayaat o maut ke pur-haul KHaarzaaro.n se
na ko.ii jaada-e-manzil na raushnii kaa suraaG
bhaTak rahii hai KHalaa.o.n me.n zindagii merii
inhii KHalaa.o.n me.n rah jaa.uu.ngaa kabhii kho kar
mai.n jaantaa huu.n mirii ham-nafas magar yuu.nhii
kabhii kabhii mire dil me.n KHayaal aataa hai

Sahir Ludhianvi
Nazm

daraKHt-e-zard

nahii.n ma.aluum 'zaryuun' ab tumhaarii umr kyaa hogii
vo kin KHvaabo.n se jaane aashnaa naa-aashnaa hogii
tumhaare dil ke is duniyaa se kaise silsile ho.nge
tumhe.n kaise gumaa.n ho.nge tumhe.n kaise gile ho.nge
tumhaarii sub.h jaane kin KHayaalo.n se nahaatii ho
tumhaarii shaam jaane kin malaalo.n se nibhaatii ho
na jaane kaun doshiiza tumhaarii zindagii hogii
na jaane us kii kyaa baayastagii shaa.istagii hogii
use tum phone karte aur KHat likhte rahe hoge
na jaane tum ne kitnii kam Galat urdu likhii hogii
ye KHat likhnaa to daqyaanuus kii pii.Dhii kaa qissa hai
ye sinf-e-nasr ham naa-baaliGo.n ke fan kaa hissa hai
vo ha.nstii ho to shaayad tum na rah paate ho haalo.n me.n
ga.Dhaa nanhaa saa pa.D jaataa ho shaayad us ke gaalo.n me.n
gumaa.n ye hai tumhaarii bhii rasaa.ii naa-rasaa.ii ho
vo aa.ii ho tumhaare paas lekin aa na paa.ii ho
vo shaayad maa.ide kii gand biryaanii na khaatii ho
vo naan-e-be-KHamiir-e-maida kam-tar hii chabaatii ho
vo doshiiza bhii shaayad daastaano.n kii ho dil-daada
use ma.aluum hogaa 'zaal' thaa 'sohraab' kaa daadaa
tahamtan ya.anii 'rustam' thaa giraamii 'saam' kaa vaaris
giraamii 'saam' thaa sulb-e-nar-e-'maanii' kaa KHush-zaada
(ye merii ek KHvaahish hai jo mushkil hai)
vo 'najm'-aafa.ndi-e-marhuum ko to jaantii hogii
vo nauho.n ke adab kaa tarz to pahchaantii hogii
use kad hogii shaayad un sabhii se jo lapaa.Dii ho.n
na ho.nge KHvaab us kaa jo gavayye aur khilaa.Dii ho.n

Jaun Eliya
Nazm

kutte

ye galiyo.n ke aavaara be-kaar kutte
ki baKHshaa gayaa jin ko zauq-e-gadaa.ii
zamaane kii phaTkaar sarmaaya in kaa
jahaa.n bhar kii dhutkaar in kii kamaa.ii

Faiz Ahmad Faiz
Nazm

tasawwur

to kyaa mujhe tum jalaa hii logii gale se apne lagaa hii logii
jo phuul juu.De se gir pa.Daa hai ta.Dap ke us ko uThaa hii logii
bha.Dakte sho.alo.n, ka.Daktii bijlii se meraa KHirman bachaa hii logii
ghanerii zulfo.n kii chhaa.nv me.n muskuraa ke mujh ko chhupaa hii logii
ki aaj tak aazmaa rahii ho
ye KHvaab kaisaa dikhaa rahii ho
nahii.n mohabbat kii ko.ii qiimat jo ko.ii qiimat adaa karogii
vafaa kii fursat na degii duniyaa hazaar azm-e-vafaa karogii
mujhe bahalne do ranj-o-Gam se sahaare kab tak diyaa karogii
junuu.n ko itnaa na gudgudaa.o, paka.D luu.n daaman to kyaa karogii
qariib ba.Dhtii hii aa rahii ho
ye KHvaab kaisaa dikhaa rahii ho

Kaifi Azmi
Nazm

parchhaiyan

mire gale me.n tumhaarii gudaaz baahe.n hai.n
tumhaare ho.nTo.n pe mere labo.n ke saa.e hai.n

Sahir Ludhianvi
Nazm

banjara-nama

kyaa saKHt makaa.n banvaataa hai KHam tere tan kaa hai polaa
tuu uu.nche coat uThaataa hai vaa.n gor ga.Dhe ne mu.nh kholaa
kyaa renii KHandaq rand ba.De kyaa brij ka.nguuraa anmolaa
ga.D.h coat rahakla top qila kyaa shiisha daaruu aur golaa
sab ThaaTh pa.Daa rah jaavegaa jab laad chalegaa banjaaraa

Nazeer Akbarabadi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now