Search result for "gard-o-Gubaar" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gard-o-Gubaar"

Nazm MATCHES FOR "gard-o-Gubaar"

Nazm

KHak-e-hind

gard-o-Gubaar yaa.n kaa KHil.at hai apne tan ko
mar kar bhii chaahte hai.n KHaak-e-vatan kafan ko

Chakbast Braj Narayan

Nazm

meri zamin

gard-o-Gubaar-e-KHvaab se
dhund kaa nanhaa nuqta phail rahaa hai
aur ufuq us kii zad me.n hai

Shahryar

Nazm

panch parchhaiyan

uf vo baraadar-e-saGiir sahn me.n kheltaa hu.aa
gard-o-Gubaar se tamaam goraa badan aTaa hu.aa
haa.e rii bad-nasiib shaam ghar se vo jab KHafaa hu.aa
hichkiyaa.n aa.ii.n dam ghuTaa KHaatma ziist kaa hu.aa

Salam Sandelvi

Nazm

nine elewen

jab
gard-o-Gubaar kaa tuufaan merii jaanib ba.Dhne lagaa
to mujhe yaad aayaa ki
puurii duniyaa me.n aa.nkhe.n ek jaise aa.nsuu bahaatii hai.n
aag me.n ubaltii hu.ii haDDiyaa.n
ek jaisii ra.ngat iKHtiyaar kar letii hai.n
lahuu
jab jam jaataa hai
is ke surKH se siyaah hone kaa dauraaniya ek jitnaa hotaa hai
gard-o-Gubaar ke tuufaan ne sab kuchh Dhaa.np liyaa
magar hiroshima aur naagaa-saakii ke kha.nDaraat phir se numuudaar hone lage hai.n
aur
saraa.iyo baGdaad kaabul aur Gazza kii galiyo.n me.n khelne vaale bachche
merii taraf dekh kar muskuraate hai.n

Zahid Masood

Nazm

ufuq-dar-ufuq

havaa-e-intishaar ik pal me.n tartiibe.n zamaano.n kii
ulaT detii hai kaise aur qazaa-o-qadr ke haatho.n
yaqii.n ke jagmagaate muskuraate suurajo.n se pur
ufuq gard-o-gubaar-e-raah ban kar Duub jaate hai.n

Shafiq Fatima Shera

Nazm

nazm

zard-ruu
chaman me.n
gard-o-Gubaar
a.ng.Daa.iyaa.n
le rahaa hai
KHushk patte
muntazir hai.n
jumbish-e-yak-taar nafas ke
aur
diida nam
TukTukii baa.ndhe
raasta
tak rahe hai.n
qaasid kaa
jaane kab
rihaa.ii kaa parvaana
aa.e gaa

Safiya Arib

Nazm

KHwab ki tarah se yaad hai

jaise gulshan me.n dabe paa.nv bahaar aatii hai
pattii pattii ke liye le ke nikhaar aatii hai
aur phir vaqt vo aataa hai ki har mauj-e-sabaa
apne daaman me.n liye gard-o-Gubaar aatii hai
kuchh isii tarah se hai yaad ki tum aa.e the

Jagan Nath Azad

Nazm

ujale ki lakir

vaqt kii gard chhaTegii to ba-unvaan-e-sahar
manzil-e-shauq kii raaho.n kaa ta.ayyun hogaa
ik na.e daur kii ta.amiir kare.nge ham sab
chaa.nd taaro.n se sajaa apnaa nasheman hogaa

Noor -e-Shama Noor

Nazm

ufuq-dar-ufuq

zaraa sii baat lekin aabgiine TuuT jaate hai.n
zaraa sii baat pahro.n dil dikhaatii hai sataatii hai
taGaaful go bhalaa lagtaa hai phir bhii jii to jaltaa hai
havaa-e-intishaar ik pal me.n tartiibe.n zamaano.n kii
ulaT detii hai kaise aur qazaa-o-qadr ke haatho.n
yaqii.n ke jagmagaate muskuraate suurajo.n se pur
ufuq gard-o-gubaar-e-raah ban kar Duub jaate hai.n

Shafiq Fatima Shera

Nazm

karachi ka traffic

dekho vo jaatii hai rishvat se KHariidii hu.ii car
sehn-e-gulshan me.n ho jaise guzaraa.n mauj-e-bahaar
paak daaman pe nahii.n us ke zaraa gard-o-Gubaar
chor-baazaar me.n phirtii hai ba-sad-izz-o-vaqaar
kyaa ho is car ke niiche jo ko.ii aa jaa.e
be-vasiila ho to lambii sii sazaa paa jaa.e

Syed Mohammad Jafri

Nazm

zaifa

bhuuk ke lashkar kaa hai ruKH par tire gard-o-Gubaar
ahd-e-razzaaqii ke maathe par araq hai aashkaar

Josh Malihabadi

Nazm

kisi ki sada

aasmaano.n me.n zamii.n kaa giit lahraane lagaa
chhaa gayaa hai chaa.nd ke chehre pe KHiffat kaa Gubaar
bazm-e-anjum kii har ek tanviir dhundlii ho ga.ii
rakh diyaa naahiid ne jhu.njhlaa ke haatho.n se sitaar
zarra zarra jhuum kar lene lagaa a.ng.Daa.iyaa.n
kahkashaa.n takne lagii hairat se suu-e-juu-e-baar

Ibn-e-Safi

Nazm

(1) parliament

ek aaraasta band kamra
jis ke darvaaze KHaarzaar kii taraf khulte hai.n
jahaa.n hamaare talvo.n par taariik raahe.n naqsh kar ke
hame.n KHasaaro.n ke safar par bhejaa jaataa hai
ham hamesha gard-o-Gubaar kamaa kar laa.e
magar kabhii inkaar ko rahnumaa nahii.n jaanaa
hamaare zehn ke ufuq par
suuraj ke tuluu hone par pahre hai.n
ki band kamre me.n
a.ndhero.n kii nigahbaanii me.n hamaaraa muqaddar likhne vaalo.n kaa
muqaddar kaun likhtaa hai?
shor machaa kar ham me.n sukuut baa.nTne vaale
sukuut kahaa.n se laate hai.n

Muneer Ahmad Firdaus

Nazm

tamanna ka saya

darii ke niiche se nikle
gard-o-Gubaar me.n
mere qadmo.n kaa nishaan pa.Daa milaa hai
nishaan jo mai.n ne pichhlii kisii sadii me.n
vaqt kii darii ke niiche dabaa diyaa thaa
dabaa diyaa thaa
yaa tum ne kisii na.ii baaryaabii ke liye
bo diyaa thaa
magar darii ke niiche se
daryaaft hone vaalaa nishaan
vaqt pahan kar
safar kii paazeb bajaate bajaate
suukhe cham.De saa aka.D gayaa hai
mujhe apne pairo.n pe vo nishaan
kisii buu.Dhii aatmaa kii tarah KHauf-zada kar rahaa hai

Sarwat Zehra

Nazm

dhund

musaafiro.n se kaho aasmaa.n ko mat dekhe.n
na ko.ii abr kaa Tuk.Daa
na ko.ii taar-e-shafaq
guzashta shaam kaa uTThaa hu.aa vo gard-o-Gubaar
abhii talak hai.n fazaa.e.n usii se aaluuda
vo ek aag kabhii zaad-e-raah thii. apnaa
jahaa.n qayaam kiyaa thaa
vahii.n pe chho.D aa.e
to ahl-e-qaafila
ab daastaan-go se kaho
ko.ii rivaayat-e-kuhna ko.ii hikaayat-e-nau
jo KHuu.n ko sard kare
aur soch bikhraa de
ki aaise vaqt me.n KHaamoshiyaa.n to Thiik nahii.n

Ali Akbar Abbas

Nazm

ek sawal

ga.ii ruto.n ke hasii.n KHvaab saath saath chale
Dagar Dagar pe tumhaaraa hii naam likhte chale
jo lauh-e-saada par ik baar teraa naam likhaa
Gubaar-e-gard-e-zamaana use miTaa na sakaa

Salma shaheen

Nazm

sabz ruton mein qadim gharon ki KHushbu

jin galiyo.n kaa suuraj
rasta bhuul gayaa ho
un me.n kisii bhii aahaT kaa
ko.ii giit nahii.n guu.njaa kartaa
bosiida darvaaze
khi.Dkiyaa.n
bal khaate chobii ziino.n par
naachtii rahtii hai viiraanii
gard-o-Gubaar me.n Duube kamre
aapas me.n baate.n karte hai.n
band dariiche
saa.npo.n jaisii aa.nkho.n se
duur-daraaz ko jaane vaalii
sabz ruto.n kii yaado.n me.n
rote rote so jaate hai.n
un sab logo.n kii yaado.n me.n
jin kii jismo.n kii KHushbuu ko
sai.nt ke rakhne vaale lamhe
maah-o-saal kii gard me.n dabte jaate hai.n
band gharo.n kii KHushbuu se
KHaamoshii aur tanhaa.ii maut kii baate.n karte hai.n

Faheem Shanas Kazmi

Nazm

hijraton ka dukh

nayaa puraanaa
ho ko.ii mausam
talaash-e-jaa-e-amaa.n rahegii
bahut dino.n tak
dilo.n kii sarhad par
phir tashaddud kii jang hogii
usuul kii dhajjiyaa.n u.De.ngii
galii galii me.n
qabiih lamho.n ke devtaa.o.n kaa raqs hogaa
bahut dino.n tak
fazaa me.n gard-o-Gubaar hogaa
dhu.aa.n dhu.aa.n zindagii kii raaho.n me.n
KHaar-o-KHas kaa hisaar hogaa
bahut dino.n tak
lahuu lahuu aasmaan hogaa
shajar shajar be-zabaan hogaa
vo phuul
jin kii rago.n me.n apnaa lahuu hai shaamil
badalte mausam kaa saath de.nge
hamaare sab hii hariif ho.nge
baguule maGrib se uTh rahe hai.n
phir ek taaza saa zaKHm hogaa

Shamim Qasmi

Nazm

zawal-e-maghrib

zavaal hotaa hai kaise ye dekh maGrib ko
jumuud-e-'aish-o-taraqqii se hai.n niDhaal ye log
na josh-o-justujuu duniyaa na.ii banaane kii
na ko.ii soz hii in me.n zamaana-zadgaa.n kaa
sitam-rasiida jahaa.n ke na naale sunte hai.n
na fikr-e-diishab-o-imroz kii giraa.n-baarii
dhakel aa.e hai.n miiraas kohna-KHaano.n me.n
tamaam maz.hab-o-aqdaar bhuul aa.e hai.n
vo inkishaaf-e-falaatuu.n shuruuh-e-siinaa.ii
vo ibtidaa-e-da-vinci maqaal-e-schopenhauer
vahaa.n pe gard-o-Gubaar-e-havas kii sartaabii
tamaam jism me.n jarsuuma hirs-e-ashyaa kaa
shajar tamaam ye ab suukhne hii vaale hai.n
binaa me.n is ke KHabaasat kii tuKHm-kaarii hai
zavaal-e-Garb hai ab ik haqiiqat-e-mubram

Akhlaq Ahmad Ahan

Nazm

nauha

vahii baadalo.n ke barasne ke din the
magar vo na barse
mubaarak ho shuuraa kii san.at-garii ko
mashaqqat se biijo.n ko tayyaar kar ke
ugaa.ii thii sahraa me.n chuuho.n kii khetii
jo aahista aahista ba.Dhte rahe
phir kha.De ho ga.e apnii dum ke sahaare
katarne lage aise pyaasii zabaano.n ke nauhe jo mashko.n ke
andar amaanat pa.De the
KHabaasat ne ugle the manhuus bhuuto.n ke lashkar
ki chuuho.n kii imdaad karte hu.e nuur kii bastiyo.n me.n vo daaKHil hu.e
jo u.Daate the gard o Gubaar apne sar par
phaTe tabal kaa shor girtaa thaa dil par
bhayaanak sadaa.o.n me.n baazuu uThaa kar
chalaane lage raqs me.n tez paa.nv
ta.affun me.n lipTe hu.e saa.ns chho.De
ba.Dhe kichkachaate hu.e daa.nt apne hazaaro.n taraf se
farishto.n ne dekhaa to ghabraa ga.e aur KHasta pyaalo.n ko retii se bhar kar
suka.Dne lage apne KHemo.n kii jaanib
vo retii ke zarre jinhe.n aab suuraj kii kirno.n ne dii thii
magar vo na barse
vahii baadalo.n ke barasne ke din the

Ali Akbar Natiq

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now