Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gul-afshaa.n"

Nazm MATCHES FOR "gul-afshaa.n"

Nazm

ek mojiza

shai na jaaniye saahib
balki yuu.n samajh liije
ek maKHmalii chaadar
par gulaab kii pattii
nuur ke jaziire par
ek chaa.nd kaa Tuk.Daa
dil kii ek majzuubii
ek husn kii duniyaa
yuu.nhii ek goshe me.n
ik KHamosh sii la.Dkii
nuur-baar-o-gul-afshaa.n
pur-sukuun baiThii thii

Kazim Rizvi
Nazm

mahatma-gandhi ka qatl

jab naaKHun-e-hikmat hii TuuTe dushvaar ko aasaa.n kaun kare
jab KHushk hu.aa abr-e-baaraa.n hii shaaKHo.n ko gul-afshaa.n kaun kare

Anand Narayan Mulla
Nazm

lafz

lafz hii ruuh kaa daana-e-subul
lafz hai us kaa jamaal
lafz hai us kaa jalaal
lafz maujuud bhii hai Gaib bhii hai
lafz hai haamil-e-asraar-o-rumuuz
lafz namruud kii aatish me.n gul-afshaa.n
lafz se vaadii-e-siinaa bhii hu.ii buq.a-e-nuur
yad-e-baizaa bhii hai lafz
dam-e-iisaa bhii hai lafz
lafz hii shaqq-e-qamar
lafz burraaq hai me.araaj kii shab
lafz hii ruuh-e-amii.n
2
mai.n bhii ik lafz hii thaa
magar ab bikhraa hu.aa harfo.n me.n
harf-e-zulmaat me.n mahsuur hu.e
muntazir huu.n
dam-e-iisaa
yad-e-baizaa
in ko phir lafz banaa de

Ejaz Farooqi
Nazm

koi aashiq kisi mahbuba se!

gulshan-e-yaad me.n gar aaj dam-e-baad-e-sabaa
phir se chaahe ki gul-afshaa.n ho to ho jaane do
umr-e-rafta ke kisii taaq pe bisraa hu.aa dard
phir se chaahe ki farozaa.n ho to ho jaane do
jaise begaane se ab milte ho vaise hii sahii
aa.o do chaar gha.Dii mere muqaabil baiTho
garche mil-baiThe.nge ham tum to mulaaqaat ke baa'd
apnaa ehsaas-e-ziyaa.n aur ziyaada hogaa
ham-suKHan ho.nge jo ham dono.n to har baat ke biich
an-kahii baat kaa mauhuum saa parda hogaa
ko.ii iqraar na mai.n yaad dilaa.uu.ngaa na tum
ko.ii mazmuun vafaa kaa na jafaa kaa hogaa
gard-e-ayyaam kii tahriir ko dhone ke liye
tum se goyaa ho.n dam-e-diid jo merii palke.n
tum jo chaaho to suno aur jo na chaaho na suno
aur jo harf kare.n mujh se gurezaa.n aa.nkhe.n
tum jo chaaho to kaho aur jo na chaaho na kaho

Faiz Ahmad Faiz
Nazm

tumhaara kya hai

chaak-dar-chaak garebaa.n hai tumhaaraa kyaa hai
merii vahshat miraa daamaa.n hai tumhaaraa kyaa hai
tum hii urdu ke gulistaa.n me.n KHush-ilhaan nahii.n
kisht-e-ba.ngaal gul-afshaa.n hai tumhaaraa kyaa hai
paa-figaaraan-e-junuu.n ko na hidaayat denaa
kuu-ba-kuu KHaar-e-muGiilaa.n hai tumhaaraa kyaa hai
tum ko aataa bhii hai kuchh apne qasiide ke sivaa
ko.ii urdu kaa sanaa-KHvaa.n hai tumhaaraa kyaa hai
ehtisaab apnaa bhii laazim hai huzuur-e-vaalaa
ko.ii daanaa hai ki naadaa.n hai tumhaaraa kyaa hai
naqd-e-bejaa se yuu.n kirdaar-kushii mat karnaa
apnaa allaah nigahbaa.n hai tumhaaraa kyaa hai
tum ko da.avaa hai mahaarat kaa zabaa.n-daanii me.n
ko.ii KHush-fikr Gazal-KHvaa.n hai tumhaaraa kyaa hai
tum ki subaa.ii ta.assub ke a.ndhero.n ke KHatiib
mere kuuche me.n charaaGaa.n hai tumhaaraa kyaa hai
baa.njh dhartii pe shaguufe nahii.n khilte 'afzal'
meraa har zaKHm numaayaa.n hai tumhaaraa kyaa hai

Afzal Husain Afzal
Nazm

jo har surat se Khaali hai

abhii tak mere takiye par
tirii KHushbuu mahaktii hai
abhii bhii merii aa.nkho.n me.n
umiide.n aarzuu.e.n hai.n
magar in me.n kahii.n par bhii
tire aane kii halkii sii
ko.ii suurat nahii.n dikhtii
mirii aa.nkho.n me.n ab bhii hai.n
vo guzre saal ke lamhe
ki jin lamho.n me.n tum mujh se
vafaa kaa 'ahd karte the
mujhe khone se Darte the
mirii tasviir aa.nkho.n me.n
chhupaate phir rahe the tum
vo chehra laa'l-e-ahmar hai
vo aa.nkhe.n bhii Gazaalii hai.n
vo ruKHsaaro.n pe gul afshaa.n
vo ho.nTo.n par jo laalii hai
use qudrat ne baKHshaa hai
hasii.n aavaaz kaa paikar
vo KHush-lahja vo KHush-naGma
jahaa.n bhar se niraalii hai
ye gaa gaa kar zamaane ko
bataate phir rahe the tum
vo guzre saal ke lamhe
kahii.n to kho chuke hai.n ab
na lahjo.n me.n namii hai aur
na aa.nkhe.n hii Gazaalii hai.n
na rangat phuul jaisii hai
na ho.nTo.n par vo laalii hai
udaasii ne mire ghar me.n
jagah apnii banaa lii hai
faqat ik jism baaqii hai
jo har suurat se KHaalii hai

Zeba Khan Hina
Nazm

wo bagh mein mera muntazir tha

vo baaG me.n meraa muntazir thaa
aur chaa.nd tuluu.a ho rahaa thaa
zulf-e-shab-e-vasl khul rahii thii
KHushbuu saa.nso.n me.n ghul rahii thii
aa.ii thii mai.n apne pii se milne
jaise ko.ii gul havaa se khilne
ik umr ke baa'd mai.n ha.nsii thii
KHud par kitnii tavajjoh dii thii!

Parveen Shakir
Nazm

faiz-e-shab

jagmagaate hu.e betaab sitaare mujh ko
de rahe hai.n tirii maa'suum nigaaho.n kaa payaam
shiddat-e-tishna-labii auj pe aa.ii hu.ii hai
raqs karte hai.n nigaaho.n me.n tire pyaar ke jaam
'arz kartaa huu.n ba-sad 'ijz-o-adab jaan-e-jahaa.n
daaman-e-gul me.n par-afshaa.n tirii KHushbuu ko salaam
kyaa yahii husn-e-mohabbat hai ki har samt mujhe
harf-dar-harf nazar aane lagaa hai tiraa naam
haa.e vo shoKH tabii'at vo mizaaj-e-barham
haa.e vo tezii-e-guftaar vo andaaz-e-KHiraam
haa.e vo sho'le uThaatii hu.ii ruKHsaar kii aa.nch
haa.e vo kaaT dikhaatii hu.ii nazro.n kii husaam
ek muddat se tirii yaad nahii.n aa.ii thii
faiz-e-shab hai ki hu.aa huu.n tirii yaado.n kaa Gulaam

Kazim Rizvi
Nazm

dajla ke KHwab

ye adaa.e.n raqs ke ha.ngaam kitnii raqs-KHez
vo javaanaan-e-qabiila hosh se baahar chale
kaakulo.n ke sumbulistaa.n aarizo.n par aks-rez
jaise saahil kaa nazaaraa aab-e-dariyaa par chale
ik ta.assur hai ki raqsaa.n ho rahaa hai har taraf
sham.e.n raushan hai.n charaaGaa.n ho rahaa hai har taraf
aag ke atraaf raushan jaise ik faanuus-e-raqs
raqs kartii la.Dkiyaa.n kuchh aag ke atraaf yuu.n
jaise sat.h-e-aab par mahtaab ke haale kaa aks
jis ko jhuule me.n jhulaa.e.n mauj-haa-e-siimguu.n
mil ke jab jhuktii hai.n lagtii hai.n kalii mu.nh-band sii
aur jab tantii hai.n kis darja bhalii dil-band sii
ik taraf vo surKH mish.al haath me.n le kar chale
kuchh hasii.n kuchh naaznii.n kuchh sarv-qad kuchh siim-tan
jaise kuchh phuulo.n ke naazuk narm-rau lashkar chale
narm-raftaarii me.n dajla ke tamavvuj kii phaban
jaise sahraa.o.n ke aahuu mahv-e-gul-gasht-e-chaman
ye hasii.n aahuu-qadam aahuu-nafas aahuu-mizaaj
le rahe hai.n nau-javaanan-e-qabiila se KHiraaj
jalva-pairaa jalva-saamaa.n kitne dilkash maahtaab
kitne afsaano.n ke paikar kitne ra.ng-o-buu ke KHvaab
vo jabiino.n ke araq me.n jaise sho.alo.n ke saraab
jaise sandal me.n sharaaro.n ke tabassum mahv-e-KHvaab
sho.ala-afshaa.n kaakulo.n me.n surKH phuulo.n ke charaaG
jaise taariikii me.n mil jaa.e.n ujaale ke suraaG
aarizo.n kii chaa.ndnii phailii hu.ii sii har taraf
har taraf hai ek tarkash ek aahuu har qadam
kar rahe hai.n raqs daf par mahvishaan-e-jalva-taab
har taraf bikhre hu.e hai.n vaadi-e-dajla ke KHvaab
kuchh ka.nval kuchh nastaran kuchh sumbulistaa.n kuchh gulaab

Qamar Jameel
Nazm

kya gul-badani hai

mehraab hai ruKHsaar ke partav se zar-afshaa.n
zulfo.n me.n shab-e-taar hai aa.nkho.n me.n charaaGaa.n
meh.ndii kii sajaavaT ki hathelii pe gulistaa.n
yaa halqa-e-ushshaaq me.n hai chehra-e-taabaa.n
yaa KHaatam-e-taabinda pe hiire kii kanii hai
kyaa gul-badanii gul-badanii gul-badanii hai

Josh Malihabadi
Nazm

aahang-e-nau

ai javaanaan-e-vatan ruuh javaa.n hai to uTho
aa.nkh us mahshar-e-nau kii nigaraa.n hai to uTho
KHauf-e-be-hurmatii-o-fikr-e-ziyaa.n hai to uTho
paas-e-naamuus-e-nigraan-e-jahaa.n hai to uTho
uTho naqqaara-e-aflaak bajaa do uTh kar
ek so.e hu.e aalam ko jagaa do uTh kar
ek ik samt se shab-KHuun kii tayyaarii hai
lutf kaa va.ada hai aur mashq-e-jafaa-kaarii hai
mahfil-e-ziist pe farmaan-e-qazaa jaarii hai
shahr to shahr hai gaa.nv pe bhii bambaarii hai
ye fazaa me.n jo garajte hu.e tayyaare hai.n
barsar-e-dosh-e-havaa maut ke harkaare hai.n
is taraf haatho.n me.n shamshiire.n hii shamshiire.n hai.n
us taraf zehn me.n tadbiire.n hii tadbiire.n hai.n
zulm par zulm hai.n taaziiro.n pe ta.aziire.n hai.n
sar pe talvaar hai aur paa.nv me.n zanjiire.n hai.n
ek ho ek ki ha.ngaama-e-mahshar hai yahii
arsa-e-ziist kaa hangaama-e-akbar hai yahii
apnii sarhad pe jo aGyaar chale aate hai.n
sho.ala-afshaa.n o sharar-baar chale aate hai.n
KHuun piite hu.e sarshaar chale aate hai.n
tum jo uTh jaa.o to be-kaar chale aate hai.n
KHuu.n jo bah niklaa hai us KHuu.n me.n bahaa do un ko
un kii khodii hu.ii KHandaq me.n giraa do un ko
ra.ng-e-gul-haa-e-gulistaan-e-vatan tum se hai
sorish-e-na.ara-e-rindaan-e-vatan tum se hai
nashsha-e-nargis-e-KHuubaan-e-vatan tum se hai
iffat-e-maah-e-jabiinaan-e-vatan tum se hai
tum ho Gairat ke amii.n tum ho sharaafat ke amii.n
aur ye KHatre me.n hai.n ehsaas tumhe.n hai ki nahii.n
ye darinde ye sharaafat ke puraane dushman
tum ki ho haamil-e-aadaab-o-rivaayaat-e-kuhan
jaada-paimaa ke liye KHizr ho tum ye rahzan
tum ho KHirman ke nigahbaan ye barq-e-KHirman
KHitta-e-paak me.n zinhaar na aane paa.e.n
aa hii jaa.e.n jo ye zinda to na jaane paa.e.n
mard-o-zan piir-o-javaa.n in ke mazaalim ke shikaar
KHuun-e-ma.asuum me.n Duubii hu.ii in kii talvaar
ye qayaamat ke havasnaak Gazab ke KHuu.n-KHaar
in ke isyaa.n kii na had hai na jaraa.em kaa shumaar
ye tarahhum se na dekhe.nge kisii kii jaanib
in kii topo.n ke dahan kar do unhii kii jaanib
ye to hai.n fitna-e-bedaar dabaa do in ko
ye miTaa de.nge tamaddun ko miTaa do in ko
phuu.nk do in ko jhulas do ki jilaa do in ko
shaan-e-shaayaan-e-vatan ho ye bataa do in ko
yaad hai tum ko kin aslaaf kii tum yaade.n ho
tum to KHaalid ke pisar bhiim kii aulaade.n ho
tum to tanhaa bhii nahii.n ho ka.ii dam-saaz bhii hai.n
ruus ke mard bhii hai.n chiin ke jaa.n-baaz bhii hai.n
kuchh na kuchh saath fara.ngii ke fusuu.n-saaz bhii hai.n
aur ham jaise bahut zamzama-pardaaz bhii hai.n
duur insaan ke sar se ye musiibat kar do
aag dozaKH kii bujhaa do ise jannat kar do

Asrarul Haq Majaz
Nazm

aalam kitne

uf ye shabnam se chhalakte hu.e phuulo.n ke ayaaG
is chaman me.n hai.n abhii diida-e-pur-nam kitne

Jan Nisar Akhtar
Nazm

kanar-e-ab ki ek sham

shafaq kaa sonaa fazaa me.n tahliil ho rahaa hai
sunahre paanii kii silvaTe.n raqs kar rahii hai.n
sipahr-e-maGrib kii marg-aamaada-o-Guruub-aashnaa shu.aa.e.n
KHamosh lahro.n se yuu.n ham-aaGosh ho rahii hai.n
ki jaise KHvaabo.n me.n kho rahii hai.n
shafaq kii lahre.n falak kii taabinda rahguzaaro.n ko chuumtii hai.n
sahaab-paaro.n ko chuumtii hai.n
sahaab-paaro.n me.n mu.nh chhupaa.e hu.e sitaaro.n ko chuumtii hai.n

Krishna Mohan
Nazm

padmani

andaliibo.n ko milii aah-o-bukaa kii taaliim
aur parvaano.n ko dii soz-e-vafaa kii taaliim
jab har ik chiiz ko qudrat ne ataa kii taaliim
aa.ii hisse me.n tire zauq-e-fanaa kii taaliim
narm o naazuk tujhe aazaa diye jalne ke liye
dil diyaa aag ke sholo.n pe pighalne ke liye
ra.ng tasviir ke parde me.n jo chamkaa teraa
KHud-ba-KHud luuT gayaa jalva-e-raanaa teraa
Dhaal kar kaal-bud-nuur me.n putlaa teraa
yad-e-qudrat ne banaayaa jo saraapaa teraa
bhar diyaa kuuT ke soz-e-Gam-e-shauhar dil me.n
rakh diyaa chiir ke ik shola-e-muztar dil me.n
tuu vo thii sham.a ki parvaana banaayaa tujh ko
tuu vo lailaa thii ki diivaana banaayaa tujh ko
raunaq-e-KHavlat-e-shaahaana banaayaa tujh ko
naazish-e-himaat-e-mardaana banaayaa tujh ko
naaz aayaa tire hisse me.n adaa bhii aa.ii
jaa.n-faroshii bhii, mohabbat bhii, vafaa bhii, aa.ii
aa.ii duniyaa me.n jo tuu husn me.n yaktaa ban kar
chaman-e-dahr me.n phuulii gul-e-raanaa ban kar
rahii maa.n baap kii aa.nkho.n kaa jo taaraa ban kar
dil-e-shauhar me.n rahii KHaal-e-suvaidaa ban kar
Husn-e-KHidmat se shagufta dil-e-shauhar rakkhaa
ki qadam jaada-e-taa.at se na baahar rakkhaa
terii fitrat me.n muravvat bhii thii Gam-KHvaarii bhii
terii suurat me.n adaa bhii tarah-daarii bhii
jalva-e-husn me.n shaamil thii niko-kaarii bhii
dard aayaa tire hisse me.n, to KHuddaarii bhii
aag par bhii na tujhe aah machalte dekhaa
tapish-e-husn ko pahluu na badalte dekhaa
tuu vo ismat kii thii o aa.iina-siimaa tasviir
husn-e-siirat se thii terii mutajalaa tasviir
laakh tasviiro.n se thii ik tirii zebaa tasviir
tujh ko qudrat ne banaayaa thaa saraapaa tasviir
nuur hii nuur tire jalva-e-mastuur me.n thaa
anjum-e-naaz kaa jhurmuT ruKH-e-pur-nuur me.n thaa
lab me.n ejaaz hayaa chashm-e-fusuu.n-saaz me.n thii
ki qayaamat kii adaa tere har andaaz me.n thii
shakl phirtii jo tirii diida-e-Gammaaz me.n thii
barq-e-betaab tirii jalva-gaah-e-naaz me.n thii
ye vo bijlii thii qayaamat kii ta.Dap thii jis me.n
shola-e-naar-e-uquubat kii ta.Dap thii jis me.n
ye vo bijlii thii jo teG-e-sharar-afshaa.n ho kar
kau.nd uThii qila-e-chittau.D me.n jaulaa.n ho kar
ye vo bijlii thii jo soz-e-Gam-e-hirmaa.n ho kar
KHaak sii loT ga.ii terii pashiimaa.n ho kar
ye vo bijlii thii tujhe jis ke asar ne phuu.nkaa
rafta rafta tapish-e-soz-e-jigar ne phuu.nkaa
aah o ishva o andaaz o adaa kii devii
aah o hind ke naamuus-e-vafaa kii devii
aah o partav-e-anvaar-e-safaa kii devii
o ziyaarat-kada-e-sharm-o-hayaa kii devii
terii taqdiis kaa qaa.el hai zamaana ab tak
terii iffat kaa zabaa.n par hai fasaana ab tak
aafrii.n hai tirii jaa.n-baazii o himmat ke liye
aafrii.n hai tirii iffat tirii ismat ke liye
kyaa miTaa.egaa zamaana tirii shohrat ke liye
ki chalii aatii hai ik KHalq ziyaarat ke liye
naqsh ab tak tirii azmat kaa hai baiThaa dil me.n
tuu vo devii hai, tiraa lagtaa hai mela dil me.n

Suroor Jahanabadi
Nazm

ruswai

Tiikaa lagaa.uu.n maa.ng bhii sandal se bhar chukuu.n
dulhan banuu.n to chaahiye jo.Daa suhaag kaa
meh.ndii rachegii poro.n kahii.n jaa ke dair me.n
ka.nghii karuu.n to cha.Dhtii hai kaalo.n kii aur lahr
afshaa.n hai baKHt bhii ki rahaa un ke pher me.n
kahtii hai saa.njh bhor ke ab ghaaT utar chukuu.n
tum baiTho mai.n to aa.ii pe jii se guzar chukuu.n
itne dino.n to dil kii lagii ne KHudaa.ii kii
paa.el baje to bansii kii dhun naach naach uThe
bad-naamiyaa.n karishme mire devtaa ke hai.n
diide ghumaa ghumaa ke kahii.n kyuu.n na gopiyaa.n
un ke chalan to big.De hu.e ibtidaa ke hai.n
biptaa na hogii kal se lagaa.ii bujhaa.ii kii
dahke shafaq tuu dahke chitaa jag ha.nsaa.ii kii
2
chiiKHe.n sun sun ke sabhii nii.nd ke maate jaage
saamne dahkii hu.ii aag kaa paikar dekhaa
chal ke do-chaar qadam phir se palaT kar jaulaa.n
chiiKHe.n sho.alo.n ke dahakne pe lapak uThtii thii.n
duud ke halqe ravaa.n ho.e falak charKH zanaa.n
sab ye samjhe ki ko.ii Guul-e-bayaabaanii hai
yuu.nhii luukaa jo lagaane ko nikal aayaa yahaa.n
baad-paa aag thii yaa laal rasiilii saa.Dii
chhaayaa kaalo.n kii thii sho.alo.n kii zabaano.n kaa dhu.aa.n
yak-ba-yak kundanii baahe.n bhii uThii.n chiiKH ke saath
kaa.npte aa.e nazar phuul se meh.ndii bhare haath
ek ne ba.Dh ke vahii.n aag pe Daalaa paanii
aag yuu.n paanii kii shah paa.e to dozaKH na bane
jiite-jii ashko.n se kyaa dil kii lagii bujhtii thii
aag paanii me.n la.Daa.ii jo chitaa par bhii Thane
KHaak Daalii to hu.ii.n phir kahii.n maddham aa.nche.n
baKHt rusvaa ho to rusvaa.ii binaa kaise mane
puuchho jalne kii to jaane vahii jis tan laage
chiiKHe.n sun sun ke

Mukhtar Siddiqui
Nazm

ai mere soch-nagar ki rani

dil kii na puuchho kyaa kuchh chaahe dil kaa to phailaa hai daaman
giit se gaal Gazal sii aa.nkhe.n saa.ad-e-siimii.n barg-e-dahan
juu.De ke inhii.n phuulo.n ko dekho kal kii sii in me.n baas kahaa.n
ek ik taaraa kar ke Duubii maathe kii tannaaz afshaa.n
sahne kaa dukh sah na sake ham kahne kii baate.n kah na sake
paas tire kabhii aa na sake ham duur bhii tujh se rah na sake
kis se kahe ab ruuh kii biptaa kis ko sunaa.e man kii baat
duur kii raah bhaTaktaa raahii jiivan-raat ghanerii raat
ho.nTo.n kii pyaas bujhaanii hai ab tire jii ko ye baat lage na lage
tujh se jo mai.n ne pyaar kiyaa hai tere liye? nahii.n apne liye

Ibn۔e۔Insha
Nazm

kisan

jhuTpuTe kaa narm-rau dariyaa shafaq kaa iztiraab
khetiyaa.n maidaan KHaamoshii Guruub-e-aaftaab

Josh Malihabadi
Nazm

pand-nama

ai majaaz ai taraana-baar majaaz
zinda paiGambar-e-bahaar majaaz
ai baruu-e-saman-vishaa.n gul-posh
ai ba kuu-e-muGaa.n tamaam KHarosh
ai parastaar-e-mah-ruKHaan-e-jahaa.n
ai kamaa.n-daar-e-shaa.iraan-e-javaa.n
tujh se taabaa.n jabiin-e-mustaqbil
ai mire siina-e-umiid ke dil
ai majaaz ai mubassir-e-KHad-o-KHaal
ai shu.uur-e-jamaal o sham-e-KHayaal
ai surayyaa-fareb o zohra-navaaz
shaa.ir-e-mast o rind-e-shaahid-baaz
naaqid-e-ishva-e-shabaab hai tuu
sub.h-e-fardaa kaa aaftaab hai tuu
tujh ko aayaa huu.n aaj samjhaane
haif hai tuu agar buraa maane
KHud ko Garq-e-sharaab-e-naab na kar
dekh apne ko yuu.n KHaraab na kar
shaa.irii ko tirii zaruurat hai
daur-e-fardaa kii tuu amaanat hai
sirf terii bhalaa.ii ko ai jaa.n
ban ke aayaa huu.n naaseh-e-naadaa.n
ek Thahraav ik takaan hai tuu
dekh kis darja dhaan-paan hai tuu
na.ng hai mahz ustuKHaa.n honaa
saKHt ihaanat hai naa-tavaa.n honaa
ustuKHvaanii badan duKHaanii post
ek sa.ngiin jurm hai ai dost
sharm kii baat hai vajuud-e-saqiim
naa-tavaanii hai ik gunaah-e-aziim
jism aur ilm turfa taaqat hai
yahii insaan kii nubuvvat hai
jo za.iif-o-aliil hotaa hai
ishq me.n bhii zaliil hotaa hai
har hunar ko jo ek daulat hai
ilm aur jism kii zaruurat hai
kasrat-e-baada rang laatii hai
aadmii ko lahuu rulaatii hai
KHush-dilo.n ko rulaa ke ha.nstii hai
sham-e-aKHtar bujhaa ke ha.nstii hai
aur jab aafat jigar pe laatii hai
ri.nd ko maulvii banaatii hai
mai se hotaa hai maqsad-e-dil faut
mai hai buniyaad-e-maulviyyat-o-maut
kaan me.n sun ye baat hai nashtar
maulviyyat hai maut se bad-tar
is se hotaa hai kaar-e-umr tamaam
is se hotaa hai aql ko sarsaam
is me.n insaa.n kii jaan jaatii hai
is me.n shaa.ir kii aan jaatii hai
ye zamiin aasmaan kyaa shai hai
aan jaa.e to jaan kyaa shai hai
gauhar-e-shaah-vaar chun pyaare
mujh se ik gur kii baat sun pyaare
Gam to bantaa hai chaar din me.n nashaat
shaadmaanii se rah bahut mohtaat
Gam ke maare to jii rahe hai.n hazaar
nahii.n bachte hai.n aish ke biimaar
aan me.n dil ke paar hotii hai
pa.nkhu.Dii me.n vo dhaar hotii hai
juu-e-ishrat me.n Gam ke dhaare hai.n
yaKH-o-shabnam me.n bhii sharaare hai.n
haa.n sambhal kar lataafato.n ko barat
TuuT jaa.e kahii.n na ko.ii parat
dekh kar shiisha-e-nashaat uThaa
ye varaq hai varaq hai sone kaa
kaaGaz-e-baad ye nagiina hai
balki ai dost aabgiina hai
saaGar-e-shabnam-e-KHush-aab hai ye
aabgiina nahii.n habaab hai ye
rok le saa.ns jo qariib aa.e
Thes us ko kahii.n na lag jaa.e
teG-e-mastii ko ehtiyaat se chhuu
varna Tapkegaa u.ngliyo.n se lahuu
mastiyo.n me.n hai taab-e-jalva-e-maah
aur siyah mastiyaa.n KHudaa kii panaah
KHuub hai ek had pe qaa.em nasha
halkaa phulkaa subuk mulaa.em nasha
haa.n adab se uThaa adab se jaam
taaki aab-e-halaal ho na haraam
jaam par jaam jo cha.Dhaate hai.n
uu.nT kii tarah bilbilaate hai.n
zindagii kii havas me.n marte hai.n
mai ko rusvaa-e-dahr karte hai.n
yaad hai jab 'jigar' cha.Dhaate the
kyaa alif ho ke hin-hinaate the
merii gardan me.n bhar ke chand aahe.n
paa.nv se Daalte the vo baa.nhe.n
aql kii maut ilm kii pastii
al-amaa.n la.anat-e-siyah mastii
uf ghaTaa-Top nashshe kaa tuufaan
bhuut ifriit dev jin shaitaan
laat ghuu.nsa chha.Dii chhurii chaaquu
lib-libaahaT lu.aab kaf badbuu
tanz aavaaza barhamii ifsaad
ta.an tashnii.a maz.haka iiraad
shor huu-haq abe-tabe hai hai
aukhiyaa.n gaaliyaa.n dhamaake qai
mas-masaahaT Gashii tapish chakkar
soz sailaab sansanii sarsar
chal-chaKHe chiiKH chunaa.n-chunii.n chi.nghaa.D
chaKH-chaKHe chaa.uu.n chaa.uu.n chiil-chilhaa.D
lappaa-Dukki lataam laam la.Daa.ii
haul haijaan haa.nk haathaa-paa.ii
khalbalii kaa.o.n kaa.o.n khaT-manDal
hau.nk ha.ngaama hamhama halchal
uljhan aavaargii udham aiThan
bhau.nk bhau.n bhau.n bhinan bhinan bhan-bhan
dhaul-dhappaa dhaka.D-paka.D dhutkaar
tahlka tuu ta.Daaq tuf takraar
buu bhabhak bhay bikas barar bhau.nchaal
dabdabe dandanaahaTe.n dhammaal
gaah narmii o lutf o mehr o salaam
gaah talKHii o turshii o dushnaam
aql kii maut ilm kii pastii
al-amaa.n la.anat-e-siyah mastii
sirf nashshe kii bhiigne de mase.n
in ko ban.ne na de kabhii mo.nchhe.n
al-amaa.n KHaufnaak kaalaa nasha
oh riish-o-buruut vaalaa nasha
azhdar-e-marg o dev-e-KHuu.n-KHvaarii
al-amaa.n nashsha-e-''jaTaadhaarii''
nashshe kaa jhuT-puTaa hai nuur-e-hayaat
jhuTpuTe ko banaa na kaalii raat
nashshe kii tez raushnii bhii Galat
chaudhvii.n kii sii chaa.ndnii bhii Galat
zehn-e-insaa.n ko baKHshtaa hai jamaal
nashsha ho jab ye qadr-e-nuur-e-hilaal
Gurfa-e-aql bhe.D to akasr
par use kach-kachaa ke band na kar
raat ko lutf-e-jaam hai pyaare
din kaa piinaa haraam hai pyaare
din hai ifriit-e-aaz kii khankaar
raat paazeb naazukii jhankaar
din hai KHaashaak KHaak dhuul dhu.aa.n
raat aa.iina anjuman afshaa.n
din musallah davaa.n kamar basta
raat taaq-o-ravaaq-o-gul-dasta
din hai faulaad-e-sa.ng teG-e-alam
raat kam-KHvaab pa.nkhu.Dii shabnam
din hai shevan duhaa.iyaa.n dukh.De
raat mast a.nkh.Diyaa.n javaa.n mukh.De
din ka.Dii dhuup kii bad-aaha.ngii
raat pichhle pahar kii saara.ngii
din bahaadur kaa baan biir kii rath
raat champaa-kalii a.nguuThii nath
din hai tuufaan-e-jumbish-o-raftaar
raat miizaan-e-kaakul-o-ruKHsaar
aaftaab-o-sharaab hai.n bairii
botale.n din ko hai.n pachhal pairii
kar na paamaal hurmat-e-auqaat
raat ko din banaa na din ko raat
pii magar sirf shaam ke ha.ngaam
aur vo bhii ba-qadr-e-yak-do jaam
vahii insaa.n hai KHurram-o-KHursand
jo hai miqdaar o vaqt kaa paaband
mere piine hii par na jaa mirii jaa.n
mujh se jiinaa bhii siikh hai.n qurbaa.n
us ke piine me.n rang aataa hai
jis ko jiine kaa Dha.ng aataa hai
ye nasaa.eh bahut hai.n besh-bahaa
jald so jald jaag jald nahaa
baaG me.n jaa tuluu.a se pahle
taa nigaar-e-sahar se dil bahle
sarv-o-shamshaad ko gale se lagaa
har chaman-zaad ko gale se lagaa
mu.nh a.ndhere fazaa-e-gulshan dekh
saahil o sabza-zaar o sausan dekh
gaah aavaara abr-paare dekh
in kii raftaar me.n sitaare dekh
jaise kohre me.n taab-e-ruu-e-nikuu
jaise jangal me.n raat ko jugnuu
gul kaa mu.nh chuum ik tarannum se
nahr ko gudgudaa tabassum se
jism ko kar araq se nam-aaluud
taaki shabnam pa.Dhe lahak ke daruud
phe.nk sanjiidgii kaa sar se baar
naach uchhal dandanaa chhalaa.nge.n maar
dekh aab-e-ravaa.n kaa aa.iina
dau.D saahil pe taan kar siina
mast chi.Diyo.n kaa chahchahaanaa sun
mauj-e-nau-mashq kaa taraana sun
bostaa.n me.n sabaa kaa chalnaa dekh
sabza o sarv kaa machalnaa dekh
shabnam-aaluud kar suKHan kaa libaas
chakh dhundalke me.n buu-e-gul kii miThaas
shaa.irii ko khilaa havaa-e-sahar
is kaa nafqa hai terii gardan par
raqs kii lahr me.n ho gum lab-e-nahr
yuu.n adaa kar uruus-e-sher kaa mahr
jazb kar bostaa.n ke naqsh-o-nigaar
zehan me.n khol misr kaa baazaar
narm jho.nko.n kaa aab-e-haivaa.n pii
buu-e-gul ra.ng-e-shabnamistaa.n pii
gun-gunaa kar nazar uThaa kar pii
sub.h kaa shiir daGdaGa kar pii
taaki mujre ko aa.e.n kul barkaat
daulat jism o ilm o aql o hayaat
ye na ta.ana na ye ulahnaa hai
ek nukta bas aur kahnaa hai
Gaibat-e-nuur ho ki kasrat-e-nuur
zulmat-e-taam ho ki sho.ala-e-tuur
ek saa hai vabaal dono.n kaa
tiirgii hai ma.aal dono.n kaa
darKHur-e-saahab-e-ma.aal nahii.n
har vo shai jis me.n e'tidaal nahii.n
shaadmaanii se pii nahii.n saktaa
jis ko haukaa ho jii nahii.n saktaa
ai pisar ai baraadar ai hamraaz
ban na is tarah duur kii aavaaz
ko.ii biimaar tan nahii.n saktaa
KHaadim-e-KHalq ban nahii.n saktaa
KHidmat-e-KHalq farz hai tujh par
daur-e-maazii kaa qarz hai tujh par
asr-e-haazir ke shaa.ir-e-KHuddaar
qarz-daarii kii maut se hoshyaar
zehn-e-insaaniyat ubhaar ke jaa
zindagaanii kaa qarz utaar ke jaa
tujh pe hindostaan naaz kare
umr terii KHudaa daraaz kare

Josh Malihabadi
Nazm

nuqush-e-mazi

nazar me.n shaa.er ke phir rahaa hai, haraa-bharaa pur-bahaar ja.ngal
vo sub.h-e-ra.ngii.n, vo kaif-e-manzar, vo daaman-e-koh bindhiyaa-chal
milii thii ik ra.ng-o-buu kii duniyaa, tamaam sahraa chaman chaman thaa
magar vo jannat-nigaah vaadii bahaar kaa mustaqil vatan thaa
kha.Daa hu.aa thaa Gariib shaa.er, KHamosh sahra-e-ra.ng-o-buu me.n
machal rahii thii sahar kii doshiiza shab ke aaGosh-e-aarzuu me.n
ho.n chashm-e-aashiq me.n jaise aa.nsuu, sitaare yuu.n jhilmilaa rahe the
falak pe barham thii bazm-e-anjum, charaaG gul hote jaa rahe the
tajalliyo.n kii falak se baarish thii, zulmat-e-shab bikhar rahii thii
ki sub.h kii saa.nvlii hasiina nahaa rahii thii, nikhar rahii thii
nadii me.n halkaa saa thaa tamavvuj kahe.n jise be-qaraar Gaflat
ki nii.nd me.n jaise karvaTe.n le, javaan, bad-mast-e-KHvaab aurat
havaa jo shaana hilaa rahii thii, to mauje.n hushiyaar ho rahii thii.n
tuyuur ke mast zamzamo.n se fazaa.e.n bedaar ho rahii thii.n

Jameel Mazhari
Nazm

ye sar-zamin-e-watan

ye sar-zamiin-e-vatan ye dayaar-e-ahl-e-nazar
jabii.n pe jis kii rivaayaat kii hai taabaanii
rago.n me.n jis kii ravaa.n hai lahuu shahiido.n kaa
ki jis pe karte hai.n shams-o-qamar gul-afshaanii

Rifat Sarosh
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now