Search result for "gumaan-e-sabza" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gumaan-e-sabza"

Nazm MATCHES FOR "gumaan-e-sabza"

Nazm

aaKHiri tamashai

tumhe.n jahaa.n gumaan-e-sabza thaa
vo jhalak rahii hai kohna kaaGazo.n kii barf

Shamsur Rahman Faruqi

Nazm

ajab bala-KHez marhala tha

ajab safar thaa
ajab pur-asraar marhala thaa
ajiib ha.ngaam-e-rah-e-navardii
ajiib shauq-e-jahaa.n-numaa thaa
na ko.ii saut-e-daraa sadaa-e-rahiil thii
aur na ko.ii manzil na kaarvaa.n thaa
ajiib KHuu-e-safar thii
jo zaad-e-raah thii
ham-safar thii
rahrav thii
raahbar thii
na dil me.n andesha-e-maraahil
na KHauf-e-jaada
na intizaar-e-savaad-e-manzil
har us tuufaan-e-baad-o-baaraa.n
na paa.e rah-e-aafrii.n me.n laGzish
na raah-e-gum-kardagii kaa sadma
bas ek bebaak hausla thaa
jo saarii hastii pe chhaa gayaa thaa
ki jaan mahshar-ba-dast thii
pech-o-KHam rah-e-pur-KHatar ke uqda-kushaa the
dil faariG-e-KHatar thaa
ajab safar thaa
ajab balaa-KHez marhala thaa
ki duur tak
sarhad-e-ufuq tak
samundar-o-sabza-zaar-o-waadii-o-koh-o-sahraa-o-dasht-o-dariyaa the
aur mai.n thii
musaafirat thii
safar baraa.e-safar thaa
ik pyaas kaa samundar thaa
jo rag-e-jaa.n me.n maujzan thaa
vo arsa-e-motabar thaa
yaa ahd-e-muKHtasar thaa
vo jo bhii thaa
ik ajab safar thaa
ajab balaa-KHez marhala thaa

Sajida Zaidi

Nazm

jahan rehana rahti thi

tabaahii kii havaa is KHaak-e-ra.ngii.n tak na aa.ii thii
ye vo KHitta thaa jis me.n nau-bahaaro.n kii KHudaa.ii thii
vo is KHitte me.n misl-e-sabza-e-begaana rahtii thii
yahii vaadii hai vo hamdam jahaa.n 'rehaana' rahtii thii

Akhtar Shirani

Nazm

husn ki zaban se

gulo.n ke rang ra.ng se ayaa.n hai.n jhalkiyaa.n mirii
chaman ke Gunche Gunche me.n shamiim hai nihaa.n mirii
zabaa.n pe patte patte kii ravaa.n hai daastaa.n mirii
sura.ng paud paud kii ja.Do.n me.n hai davaa.n mirii
mai.n ruuh-e-sabza-zaar huu.n mai.n naazish-e-bahaar huu.n

Syed Wahidudeen Salim

Nazm

maqam-e-aKHir-e-shab

dayaar-e-sabza-o-naGma se duur sahraa me.n
mai.n chun rahaa huu.n vo anmol aa.nsu.o.n ke phuul
jinhe.n bahaar ne Thukraa diyaa hiqaarat se
jinhe.n KHizaa.o.n kaa daaman bhii kar sakaa na qubuul
Tapak ke aa.nkh se jo kho ga.e a.ndhero.n me.n
in aa.nsu.o.n se jalaa.e.nge zindagii ke charaaG
ubal pa.De.ngii jabiino.n se nuur kii kirne.n

Riyaz Anwar

Nazm

main kyun bhul jaun

tirii chashm-e-pur-nam vo mas.uud saa.at
yaqii.n ban gayaa jab gumaan-e-mohabbat
mohabbat ke din aur vo furqat kii raate.n
du.aa.e.n thii.n jab tarjumaan-e-mohabbat
vo KHat jin kaa har lafz ik daastaa.n thaa
vo jazbaat se pur-bayaan-e-mohabbat
tuu hii mujh se kah de mai.n kyuu.n bhuul jaa.uu.n

Arsh Malsiyani

Nazm

haqiqat mubham

ik takallum jis pe hotaa hai gumaan-e-KHaamushii
ik tarannum jis se kartii hai adaavat raagnii
ek zarra jis me.n hai.n sahraa kii saarii vus.ate.n
ek dariyaa jis se rah jaataa hai kuuza bhii tahii
ik a.ndheraa jis se hotii hai.n farozaa.n mash.ale.n
ik ujaalaa jis se ba.Dhtii hai syaahii aur bhii
ek mub.ham sii haqiiqat ek raaz-e-munkashif
sochtaa rahtaa huu.n aksar kyaa hai aaKHir zindagii

Akhtar Bastavi

Nazm

nisf hijr ke dayar se

havaa ke haatho.n me.n haath de kar
judaa.iyo.n ke safar pe nikle the tum
magar kyuu.n
ruke hu.e ho
yaqiin-e-KHufta gumaan-e-puKHta ke paaniyo.n par
jahaa.n pe avval mohabbato.n ke ka.nval khile the
abhii vahii.n ho!
judaa.iyo.n ke safar pe jaa kar bhii ab talak tum
ga.e nahii.n ho!
chale bhii jaa.o
chale bhii jaa.o
ki gum-shuda zaat ke KHaziine kii kunjiyaa.n Dhuu.nDnii hai.n mai.n ne
sukuut-e-saut-o-sadaa ke parde me.n tarz-e-guftaar siikhnii hai
nikal ke maujuuda vaqt ke be-dariicha be-dar haveliyo.n se
mujhe mulaaqaat sochnii hai
bahut sii be-naam Gair mahduud saa.ato.n kii saheliyo.n se

Saeed Ahmad

Nazm

sadem

zindagii 'sa.adiya' ke saath khile
dam-ba-dam yam-ba-yam hayaat khile
mahv ho jaa.e sab gumaan-e-nafii
us ke chehre pe jab sabaat khile
lams se us ke nanhe haatho.n ke
Guncha-e-inkishaaf-e-zaat khile
siip ho.nTo.n me.n motiyo.n kii qataar
jab khile gauhar-e-sifaat khile
muskuraa.e to rau me.n aa.e hayaat
khilkhilaa de to kaa.enaat khile
us kii shaffaaf nii.nd miiThe KHvaab
ghar me.n taaro.n bharii sii raat khile
sub.h jab aa.nkh me.n kiran jaage
duur tak sabza-e-hayaat khile
vo javaa.n ho to shaa.erii nikhre
ik Gazal 'sa.adiya' ke saath khile

Abdul Ahad Saaz

Nazm

ganga

ye josh-e-sabza-e-gul ye terii aab-baarii
qudrat ke chappe chappe par ye shaguufa-kaarii
hindostaa.n ko tuu ne jannat-nishaa.n banaayaa
nahre.n kahaa.n kahaa.n hai.n tere karam kii jaarii
ai aab-ruud-e-ga.ngaa maujo.n me.n tere mil kar
mauj-e-saraab-e-hastii ho be-nishaa.n hamaarii
ba.ad-e-fanaa hamaare phuulo.n me.n buu ho terii
gum ho.n rah-e-talab me.n to justujuu ho terii
aa.e ajal kii zau par jab apnii umr-e-faanii
aur KHatm rafta rafta ho sail-e-zindagaanii
duniyaa se aah jab ho apnii safar kaa saamaa.n
baalii.n pe aqrbaa.n ho.n sargarm-e-nauha-KHvaanii
jab ho.nT KHushk ho.n aur dushvaar ho tanaffus
ahbaab apne mu.nh me.n Tapkaa.e.n teraa paanii
ha.nste hu.e jahaa.n se ham shaad-kaam jaa.e.n
duniyaa se pii ke terii ulfat kaa jaam jaa.e.n

Suroor Jahanabadi

Nazm

saba viran

sulaimaa.n sar-ba-zaanuu aur sabaa viiraa.n
sabaa viiraa.n, sabaa aaseb kaa maskan
sabaa aalaam kaa ambaar-e-be-paayaa.n!
gayaah o sabza o gul se jahaa.n KHaalii
havaa.e.n tishna-e-baaraa.n,
tuyuur is dasht ke minqaar-e-zer-e-par
tuu surma var guluu insaa.n
sulaimaa.n sar-ba-zaanuu aur sabaa viiraa.n!
sulaimaa.n sar-ba-zaanuu tursh-ruu Gam-gii.n, pareshaa.n-muu
jahaa.n-girii, jahaa.n-baanii faqat tarraara-e-aahuu
mohabbat shola-e-paraa.n havas buu-e-gul be-buu
za-raaz-e-dahr kam-tar-go!
sabaa viiraa.n ke ab tak is zamii.n par hai.n
kisii ayyaar ke Gaarat-garo.n ke naqsh-e-paa baaqii
sabaa baaqii, na mahru-e-sabaa baaqii!
sulaimaa.n sar-ba-zaanuu
ab kahaa.n se qaasid-e-farKHanda-pai aa.e?
kahaa.n se, kis subuu se kaasa-e-piirii me.n mai aa.e?

Noon Meem Rashid

Nazm

hayat-e-jawidan

hai jin me.n zauq-e-aazaadii vo zindaano.n me.n rahte hai.n
vahii bastii basaate hai.n jo viiraano.n me.n rahte hai.n
sukuu.n maqsuud hai jin ko unhe.n jiinaa nahii.n aataa
shu.uur-e-zindagii jin me.n hai tuufaano.n me.n rahte hai.n
miTaa kar apnii hastii dars de jaate hai.n aalam ko
shahiidaan-e-vafaa ke zikr afsaano.n me.n rahte hai.n
tabii.at kis qadar aazaad hai in marne vaalo.n kii
ki jin kii KHaak ke zarre bayaabaano.n me.n rahte hai.n
hayaat-e-jaavidaa.n miltii hai hastii ke miTaane se
masarrat un kaa hissa hai jo Gam-KHaano.n me.n rahte hai.n
jo soz-e-ishq rakhte hai.n lagii rahtii hai lau un ko
tajallii Dhuu.nDne vaale hii parvaano.n me.n rahte hai.n
jasaarat zauq-e-nazzaara kii paidaa kar nigaaho.n me.n
numuud-e-husn ke anvaar paimaano.n me.n rahte hai.n
vo ham-mashrab vo ham-sohbat jinhe.n apnaa samajhte the
misaal-e-sabza-e-begaana begaano.n me.n rahte hai.n
qafas kaa dar banaa dete hai.n rashk-e-baab-e-aazaadii
jo ahl-e-hosh hai.n 'takmiil' zindaano.n me.n rahte hai.n

Takmiil Rizvi Lakhnavi

Nazm

darguzar

na chhe.D saaz-e-kuhan mehrbaa.n hu.aa so hu.aa
sitam jo kuchh bhii tah-e-aasmaa.n hu.aa so hu.aa
zamiin-o-charKH ke sab haadse puraane hai.n
abas hai un kaa dobaara bayaa.n hu.aa so hu.aa
kahaa.n shuruu.a hu.ii ruudaad KHatm hogii kahaa.n
taviil hai matn-e-daastaa.n hu.aa so hu.aa
gumaan-o-vahm pe hai qasr-e-ziist kii buniyaad
havaa ke dosh pe baadal ravaa.n hu.aa so hu.aa
fanaa ke baad baqaa kaa hai jaa.n-fazaa muzhda
aTal hai aadat-e-daur-e-zamaa.n hu.aa so hu.aa
na.e makaan kii taamiir-e-nau kii fikr karo
tabaah bijliyo.n se KHaanumaa.n hu.aa so hu.aa
suno bahaar se mansuuba-e-chaman-bandii
riyaaz-e-dahr KHaraab-e-KHizaa.n hu.aa so hu.aa
vo dekho qaafile daulat-saraa-e-hastii ke
ravaana suu-e-adam kaarvaa.n hu.aa so hu.aa

Fazlurrahman

Nazm

ishq ke banjh mausam

'ufuq ke zard gaalo.n par jamii hai gard sadiyo.n kii
thakan kii raakh me.n lipTii hu.ii taariik pagDanDii
kisii KHaalii kaTore me.n pa.Dii hai pyaas raadhaa kii
nafas kii dhuup me.n jal bujh ga.e hai.n vasl ke sapne
ruto.n ke baa.njh-pan se u.D rahii hai KHaak bastii me.n
na shaaKH-e-jaa.n pe ko.ii gul na ko.ii KHushbuu-e-hijraa.n
ye kaisii fasl-e-vahshat hai
ki jis me.n aarzuu ke naKHl-e-sabza-zaar suukhe hai.n
dariicho.n ke paTolo.n se lipaT kar mar ga.ii dastak
nigaaho.n ke piyaalo.n me.n ko.ii manzar nahii.n bastaa
faqat ik be-hisii kii jo.nk lipTii hai KHayaalo.n se
guzarte saa'ato.n ke reg-zaaro.n par
mohabbat ke kutub-KHaane larazte gard ke tuufaa.n
na ab vo lauh-e-dil baaqii na vo tahriir-e-jaa.n baaqii
vo jin ke lams se khilte the in be-jaan rasto.n par
Gul-e-tar kii tarah jaaduu
vo sab jaaduu vo sab qisse
isii be-mehr miTTii kii taho.n me.n jaa ke so.e hai.n
jahaa.n ab pyaar kii ko.npal nikalne se rahii saa.ii.n
'ajab ik habs hai shaam-e-tamannaa kii fazaao.n me.n
ki ab harf-e-vafaa kii raakh bhii u.Dtii nahii.n yaa.n par
ye 'ishq ke baa.njh mausam hai.n
'ishq ke baa.njh mausam hai.n

Muhammad Ijaz Ul Haq

Nazm

apne dil ki shahzadi

ai mere dil kii shahzaadii shahzaadii aur phir doshiiza
ai chaa.nd sitaaro.n kii devii devii se ziyaada paakiiza
ai sabza-zaaro.n kii hirnii ai barkhaa kii miiThii koyal
ai sub.h ke maathe kii shabnam ai shaam kii aa.nkho.n kaa kaajal
ai KHvaab kii malika malika-e-dil dil kii dha.Dkan dha.Dkan kaa sukuu.n
ai chashm kii raunaq raunaq-e-jaa.n jaa.n kaa naGma naGme kaa fusuu.n
ai nii.nd kii mastii mastii-e-mai mai kii KHushbuu KHushbuu-e-iram
ai maah kii zau zau kii mauje.n maujo.n kii shab shab kaa album
ai bholii kaliyo.n kii saathii ai chanchal lahro.n kii raanii
ik baat mai.n tujh se kahtaa huu.n daanaa.ii samajh yaa naadaanii
mai.n garche ravish se duniyaa kii bezaar saa hotaa jaataa huu.n
har gaam pe Thokar khaa khaa ke taqdiir ko rotaa jaataa huu.n
merii Gamgiin nigaaho.n me.n sunsaan hai.n ye manzar saare
bastii vaadii dariyaa sahraa kohsaar chaman suuraj taare
phir bhii tuu agar apnii zulfe.n mere shaano.n par bikhraa.e
kaa.nTo.n se bharii merii duniyaa phuulo.n kii jannat ho jaa.e
phir taaza jaan sii aa jaa.e mere murjhaa.e gulshan me.n
phir duniyaa-bhar kii ra.anaa.ii aa jaa.e simaT ke daaman me.n
mil jaa.e agar tuu qismat se to har ne.amat ko Thukraa duu.n
paa jaa.uu.n jo terii jannat ko to is jannat ko Thukraa duu.n
duniyaa kii nazro.n se chhup kar mai.n duur bahut aabaadii se
yuu.n aksar baate.n kartaa huu.n apne dil kii shahzaadii se

Salam Sandelvi

Nazm

tarjuman-e-mustaqbil

tirii nigaah ki hai paasbaan-e-mustaqbil
sunaa rahii hai hame.n daastaan-e-mustaqbil
tirii hayaat ki hai tarjumaan-e-mustaqbil
liye hai kaif-o-nashaat-e-jahaan-e-mustaqbil
hai sar-buland kabhii se nishaan-e-mustaqbil
zamii.n ko tuu ne kiyaa aasmaan-e-mustaqbil
tujhii se Gairat-e-kashmiir hai dayaar-e-vatan
tujhii se rashk-e-iram gulistaan-e-mustaqbil
tire yaqii.n ne kiyaa hai vo inqilaab-e-aziim
ki ahd-e-haal pe ab hai gumaan-e-mustaqbil
chaman ke KHvaab kii ta.abiir hai junuu.n teraa
hu.e hai.n Guncha-o-gul nukta-daan-e-mustaqbil
tire nafas-ba-nafas irtiqaa zamaane kaa
tire qadam-ba-qadam hai zamaan-e-mustaqbil
shab-e-hayaat kii is be-panaah zulmat me.n
nuquush-e-paa hai.n tire kahkashaan-e-mustaqbil
har ik nafas hai tiraa ham-rikaab asr-e-ravaa.n
har ik nazar hai tirii kaarvaan-e-mustaqbil
amiin-e-raaz vahii hai vatan kii qismat kaa
tiraa 'jamaal' ki hai raaz-daan-e-mustaqbil

Masood Akhtar Jamal

Nazm

qatra-e-shabnam

aah ai shabnam ke qatre terii haalat dekh kar
paanii ho ho kar bahe jaate hai.n mere dil jigar
umr kam ko saath ai naadaan kyo.n laayaa hai tuu
ek shab ke vaaste duniyaa me.n kyaa aaya hai tuu
haa.e mil jaa.e.nge sab armaan tere KHaak me.n
sub.h ab nazdiik hai suuraj hai terii taak me.n
be-sabaatii aur phir aisii hazaar afsos hai
zindagii-e-muKHtasar par laakh baar afsos hai
dekh kar tujh ko nikal aa.e ye aa.nsuu kis liye
chal gayaa dil par hamaare teraa jaaduu kis liye
aab-daarii me.n hai ba.Dh-cha.Dh kar dur-e-Galtaa.n se tuu
kyaa mushaabah hai kisii ke gauhar-e-dandaa.n se tuu
yaa pasiina hai kisii maashuuq ke ruKHsaar kaa
yaa ko.ii qatra hai duud-e-aah-e-aatish-baar kaa
tujh me.n ye dil-bastagii aa.ii kahaa.n se kyaa hai tuu
baaG me.n jaa kar jo dekho husn kaa dariyaa hai tuu
god me.n lete hai.n tujh ko jaan tuu phuulo.n kii hai
tere dam se tere baa.is aabruu phuulo.n kii hai
zard pattaa ho gayaa thaa ruu-e-pur-anvaar-e-gul
sharm rakh lii tuu ne ban kar Gaaza-e-ruKHsaar-e-gul
laila-e-shab baaG me.n aatii hai din ko Taal kar
motiyo.n kaa tere haar apne gale me.n Daal kar
phuul patte sabza-e-KHvaabiida kii tuu jaan hai
aab-daarii tujh pe sadqe taazgii qurbaan hai
paltii hai har ik kalii terii baGal me.n raat bhar
rahtii bastii hai tire motii-mahal me.n raat bhar
al-Garaz baaliidgii paudo.n kii teraa kaam hai
chashma-e-aab-e-KHizar terii tarii kaa naam hai
saarii raunaq gulshan-e-aalam kii tere dam se hai
taazgii-e-sabza-o-gul qatra-e-shabnam se hai

Hamid Hasan Qadri

Nazm

ashnan

jab nuur ke parde se haTaa parda-e-zulmaat
jab sub.h ke maathe se miTii gard-e-KHuraafaat
pau phuuTne vaalii thii to mashriq thaa hinaa.ii
milne ko thii duniyaa ko shu.aa.o.n kii badhaa.ii
sahmii hu.ii utrii to thii aakaash se shabnam
Guncho.n ko tabassum kaa vo paiGaam thii taaham
kaliyo.n ko jo badmast havaa chuum rahii thii
is chhe.D par har shaaKH-e-chaman jhuum rahii thii
chi.Diyo.n kii chahak duur se detii thii sunaa.ii
u.Dne kii jasaarat abhii un me.n na thii aa.ii
sabza kahii.n chup-chaap guhar rol rahaa thaa
gul ha.ns ke kahii.n band-e-qabaa khol rahaa thaa
fitrat ke pujaarii bhii bahut jaag chuke the
sairo.n ke liye log bhii kuchh bhaag chuke the
taqdiis ke paaband bhii gangaa ke kinaare
jaate the kahii.n tez kahii.n sust bechaare
puujaa ko.ii kartaa thaa tilak ko.ii banaataa
jal haath me.n letaa ko.ii maathe pe lagaataa
itne me.n numaayaa.n hu.aa ik paikar-e-nuurii
qadmo.n me.n shafaq jis ke pa.Dii bahr-e-huzuurii
saa.nche me.n Dhale jaise ki andaam the saare
lapke vo qadam chuumne bahte hu.e dhaare
bojhal thii palak nii.nd ke be-saaKHta-pan se
chhuTtii thii kiran jaise ki har muu-e-badan se
thaalii jo uThaa.e thii to dil vaalo.n ko mahmez
mahjuub hu.aa dekh ke KHurshiid-e-sahar-KHez
saarii kii sa.nbhaale hu.e chuTkii se thii chuunan
ba.Dhtii thii use dekh ke har qalb kii dha.Dkan
dariyaa me.n dhare paa.nv ba.De naaz-o-adaa se
pariyaa.n sii lapakne lagii.n paanii kii ridaa se
ruk ruk ke jo do-chaar qadam aur ba.Dhaa.e
chuunan ko sa.nbhaale hu.e thaalii ko uThaa.e
nazraana diyaa phuul kaa amvaaj ko us ne
thaalii ko liyaa KHaadima-e-KHaas ne ba.Dh ke
phir aab-e-muqaddas me.n jo Dubkii sii lagaa.ii
badlii sii zaraa der ko mahtaab pe chhaa.ii
paanii se parii par ko jhaTaktii hu.ii niklii
andaam-e-gul-andaam se lipTii hu.ii saarii
motii se baraste the har ik muu-e-siyah se
shabnam ke vo qatre the ka.nval par jo pa.De the
vo mast-e-KHiraam aa.ii usii taur ga.ii bhii
par barq-e-tapaa.n KHirman-e-hastii par girii bhii

Rizwanullah

Nazm

qissa nai lakiron ka

abhii to nazro.n ke lab pe taaza
lahuu me.n Duube har ek manzar kaa zaa.iqa hai
Gamo.n ke patthar kii nok ne jo
dilo.n ke shiishe pe
ek katba likhaa thaa
ab bhii chamak rahaa hai
lab-o-sadaa ke
har ek rishte me.n
buu lahuu kii basii hu.ii hai
abhii to puurii sadii bhii guzrii nahii.n hai
tum to abhii se
miTTii kii so.ndhii KHushbuu
kii khoj me.n ho

Saba Ikram

Nazm

agni pariksha

aur har shab usii aag se
ab guzartaa huu.n mai.n
an-kiye paap kii
yuu.n sazaa kaaTtaa huu.n
ki shaayad kisii sub.h
shiishe ko dekhuu.n
to maathe pe mere ye kaalak na ho
raam kii niichii nazre.n uThe.n
aur chhamaa ke hasii.n phuul
mujh par nichhaavar kare.n
qahr-e-aatish
bane bhaag bahruupiye kaa
magar kaash dil maan le
mai.n vo siitaa nahii.n huu.n
jise sirf ik baar
is imtihaa.n se guzarnaa pa.Daa thaa
ki meraa haran to
isii tarah har roz hogaa
ki har sub.h raavan hai
har raat agnii parikshaa muqaddar miraa

Saba Ikram

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now