Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ham-khaalii"

Nazm MATCHES FOR "ham-khaalii"

Nazm

kya achchha hota

KHuub hotaa agar hu.aa kartii
radio har daraKHt kii Daalii
KHabre.n har vaqt ham sunaa karte
baiThte ek pal na ham KHaalii

Mohammad Shafiuddin Nayyar
Nazm

ek awami nazm

ham KHaalii peT sarhad par
haatho.n kii amn zanjiir nahii.n banaa sakte
bhuuk hamaarii raate.n KHushk kar detii hai
aa.nsuu kabhii pyaas nahii.n bujhaate
rajaz qaumii taraana ban jaa.e
to zarKHezii qahat ugaane lagtii hai
bachche maa.n kii chhaatiyo.n se
KHuun chuusne lagte hai.n
ko.ii chehro.n pe parcham nahii.n banaataa
aur yaum-e-aazaadii par log
phul-jha.Diyaa.n nahii.n apnii KHushiyaa.n jalaate hai.n
fauj kabhii naGme nahii.n gungunaa saktii
ki sipaahii khetiyaa.n ujaa.Dne vaale
KHud-kaar auzaar hote hai.n

Zahid Imroz
Nazm

wadi-e-sindh

sindh kii vaadii pe hai kaalii ghaTaa chhaa.ii hu.ii
burqa o.Dhe ik dulhan baiThii hai sharmaa.ii hu.ii
muntazir baarish ke hai.n makkii ke aur shaalii ke khet
tishnagii se KHosha kii suurat hai murjhaa.ii hu.ii
aaj ganderbal hu.aa hai us kaa manzuur-e-nazar
us ke sar par kyaa ghaTaa phirtii hai ma.nDlaa.ii hu.ii
sindh ke naale kii aaho.n kaa dhu.aa.n shaayad uThaa
kaisii taariikii hai sat.h-e-aab par chhaa.ii hu.ii
qaasid-e-abr aa rahaa hai le ke haa.n paiGaam-e-faiz
baargaah-e-ezdii me.n kis kii shunavaa.ii hu.i
suu-e-mashriq hai sar-e-kohsaar par baarish kaa zor
rahmat-e-baarii hai goyaa josh par aa.ii hu.ii
ai 'humaayuu.n' faiz-e-baarish se khule Dal ke ka.nval
kyuu.n tire dil kii kalii hai aaj murjhaa.ii hu.ii

Shah Deen Humayun
Nazm

aql-o-dil

har KHaakii-o-nuurii pe hukuumat hai KHirad kii
baahar nahii.n kuchh 'aql-e-KHudaa-daad kii zad se
'aalam hai Gulaam is ke jalaal-e-azalii kaa
ik dil hai ki har lahza ulajhtaa hai KHirad se

Allama Iqbal
Nazm

alwida mehman parindo

havaa ke haath par paiGaam-e-ruKHsat likh diyaa kis ne
shafaq kii jhiil me.n girte hu.e in surKH lamho.n ko
judaa.ii kii thakan kaa naam kis ne de diyaa aaKHir
abhii to barf kii chaadar haTii thii in pahaa.Do.n se
abhii to dhuup kii dastak se jaagii thii mirii bastii
abhii to shaaKH-e-‘uryaa.n par harii ik chilman-e-vahshat
na.e patto.n kii suurat me.n zaraa sii muskuraa.ii thii
tumhaare par sameTe jaa rahe hai.n ab
havaa-e-tund ke sard-o-KHunuk jho.nke
tumhe.n phir duur ke deso.n kii jaanib khii.nch le jaa.e.n
magar ai hijr ke maare hu.e mehmaa.n parindo
tumhaare lauT jaane se
hamaarii jhiil ke paanii me.n ik chup sii utar aa.e
hamaarii shaam kii tanhaa.iyo.n me.n shor-e-baal-o-par nahii.n hogaa
jaziira KHaalii KHaalii saa adhuuraa saa lagegaa ab
magar ham jaante hai.n
ko.ii bhii rasta sadaa ik ruKH nahii.n rahtaa
musaafir ko kisii ik mo.D par to mu.Dnaa hotaa hai
chalo KHushbuu ke rasto.n par tumhaare ham-safar Thahre.n
jahaa.n bhii jaa.o suuraj tum ko apnii oT me.n rakkhe
jidhar jaa.o harii shaaKHe.n tumhaarii muntazir rah kar
du'aa kii chhaa.nv se rasta tumhaaraa mo'tabar kar de.n
magar jab barf pighlegii
na.ii rut muskuraa.egii
palaT kar tum ko aanaa hai
hame.n aavaaz denii hai

Muhammad Ijaz Ul Haq
Nazm

judai sath rahti hai

kabhii ye dhuup kii suurat
thakan ban kar mire kaa.ndho.n pe jhuktii hai
to mai.n saa.e kii jaanib bhaagtaa huu.n
magar juu.n hii kisii diivaar ke daaman me.n ruktaa huu.n
to ye mahsuus hotaa hai
ki jaise sub.h hone tak
kisii aaseb kii suurat
mire bistar kii KHaalii samt me.n
ko.ii bahut chupke se leTaa hai
'ajab shai hai
kabhii malmal ke kap.Do.n se
kisii maanuus KHush-buu kii tarah lipTii nazar aa.e
kabhii almaariyo.n me.n band yaado.n kii kitaabo.n se
puraane KHushk phuulo.n kii tarah gir kar
mirii palko.n kii dahliizo.n pe ruk jaa.e
ye vo hijrat hai jo ham ne kabhii kii hii nahii.n lekin
masaafat kaa tazabzub paa.o.n kii zanjiir rahtaa hai
ga.e vaqto.n kii baate.n ho.n yaa aane vaale kal kaa Dar
ye saa.e se zaraa pahle
ye aahaT se zaraa piichhe
kisii parchhaa.ii.n kii maanind
mire har ek raste me.n
miraa chehra badal kar mujh se miltii hai
safar kitnaa hii mushkil shahr kitnaa hii nayaa Thahre
use khone kaa Dar to har jagah maujuud rahtaa hai
magar sach to yahii hai ab
KHushii ho yaa ko.ii Gam ho
vo mere saath ho yaa mai.n akelaa vaqt kaaTuu.n
mirii tanhaa.ii ke gosho.n me.n ab ye baat rahtii hai
ga.ii rut ho ki maujuuda
judaa.ii saath rahtii hai

Muhammad Ijaz Ul Haq
Nazm

baz-purs

daaman to KHaalii hai ab tak
ghar se kab tak duur rahe.nge
KHaalii haath agar ham paho.nche
apne vatan to log kahe.nge
KHaalii haath chale aa.e ho
kyaa karne pardes ga.e the
vaapas lauT ke kyo.n aa.e ho
apnaa mu.nh kaalaa kar jaa.o
jaa.o jaa.o
vaapas jaa.o

Shahryar
Nazm

kaDwa sach

bas ik mai.n huu.n
bas ik tum ho
duur KHalaa me.n sannaaTaa hai
dil me.n KHaamoshii kaa dariyaa
bahtaa hai bahtaa rahtaa hai
jis ke kinaare baiThe hu.e ham
sochaa karte hai.n baato.n ko
in baato.n ko
jin kaa kuchh mafhuum nahii.n hai
mausam kyaa hai
baadal kyaa hai
sab kuchh apne dil jaisaa hai
KHaalii KHaalii
viiraa.n viiraa.n
tum aur mai.n
ham kuchh bhii nahii.n hai.n
bas ik sach hai
ka.Dvaa sach hai
jo lamhe gintaa rahtaa hai

Jagdish Prakash
Nazm

nazr-e-Khaalida

shauq kii shorish jamaal-o-nuur kaa sailaab hai
har kalii saaz-e-tarab hai har nazar mizraab hai

Asrarul Haq Majaz
Nazm

hum sab ke dukh sanjhe hain

ham dono.n ke dukh saa.njhe hai.n
tere paas to laa-ilmii kii daulat hai
mere paas to vo bhii nahii.n hai
KHaalii haath aur KHaalii dil
bholii aurat tuu kyaa jaane
mai.n bhii tere jaisii kachchii chhat ke niiche rahtii huu.n

Seema Shakeb
Nazm

chamko chamko pyare taro

chamko chamko pyaare taaro
ra.ngo.n aur ummiido.n vaale
aa.nkho.n me.n phir KHvaab utaaro
chamko chamko pyaare taaro
raat bahut hai kaalii kaalii
galiyaa.n hai.n sab KHaalii KHaalii
havaa chale to Dar lagtaa hai
suunaa suunaa ghar lagtaa hai
raushan saare manzar kar do
duniyaa ko KHushiyo.n se bhar do
chamko chamko pyaare taaro
chupke se khi.Dkii me.n aa.o
achchhe achchhe giit sunaa.o
sab se bach kar sab se chhup ke
baat kare.nge chupke chupke
baadal se tum duur hii rahnaa
jo kahnaa ho ham se kahnaa
chamko chamko pyaare taaro
ra.ngo.n aur ummiido.n vaale
aa.nkho.n me.n phir KHvaab utaaro
chamko chamko pyaare taaro

Amjad Islam Amjad
Nazm

muslim umma ka America se shikwa

jab buraa vaqt pa.Daa ham ne sambhaalii masjid
kab talak rahtii musalmaan se KHaalii masjid
jab hu.ii ghar se bahut duur bilaalii masjid
ham ne ''tah-KHaane'' me.n chhoTii sii banaa lii masjid

Khalid Irfan
Nazm

muamma

ham dono.n jo harf the
ham ik roz mile
ik lafz banaa
aur ham ne ik ma.anii paa.e
phir jaane kyaa ham par guzrii
aur ab yuu.n hai
tum ab harf ho
ik KHaane me.n
me.n ik harf huu.n
ik KHaane me.n
biich me.n
kitne lamho.n ke KHaane KHaalii hai.n
phir se ko.ii lafz bane
aur ham dono.n ik ma.anii paa.e.n
aisaa ho saktaa hai
lekin sochnaa hogaa
in KHaalii KHaano.n me.n ham ko bharnaa kyaa hai

Javed Akhtar
Nazm

dukh se Khaali Khaali rona

mai.n huu.n yaa tum ho
ye sach hai
apne andar ek qabiila har ko.ii hai
jis ko shaayad
raat ko sahraa ke rone kaa raaz pata hai
aisaa ronaa
duur kahii.n jaise kuchh bachche
sadiyo.n pahle ham ne jin ko qatl kiyaa ho
aur vo apne qatl se pahle
ro.e chale jaate ho.n
yaa phir
ye un ruuho.n kaa ronaa ho
jo insaanii ruup me.n zaahir ho na sakii huu.n
ret ke Tiilo.n ko chhuu chhuu kar
misl-e-havaa
ro.e jaatii huu.n
aur qabiile ke baashinde
ham
apne KHemo.n me.n leTe
apne aap se baate.n karte
raat ko sahraa kii tanhaa.ii kaa ronaa sunte rahte hai.n
saara.ngii kii sur kii tarah sisaktaa sahraa
ham sab me.n hai
lekin phir bhii
meraa ronaa
teraa ronaa
dukh se KHaalii KHaalii kyuu.n hai

Manmohan Talkh
Nazm

ye KHala pur na hua

zehan KHaalii hai
KHalaa nuur se yaa naGme se
yaa nik.hat-e-gum-raah se bhii
pur na hu.aa
zehan KHaalii hii rahaa
ye KHalaa harf-e-tasallii se
tabassum se
kisii aah se pur na hu.aa
ik nafii larzish-e-paiham me.n sahii
johd-e-be-kaar ke maatam me.n sahii
ham jo naaras bhii hai.n Gam-diida bhii hai.n
is KHalaa ko
(isii dahliiz pe so.e hu.e
sarmast gadaa ke maanind)
kasii miinaar kii tasviir se
yaa rang kii jhankaar se
yaa KHvaabo.n kii KHushbu.o.n se
pur kyuu.n na kare.n?
ki ajal ham se bahut duur
bahut duur rahe?
nahii.n ham jaante hai.n
ham jo naaras bhii hai.n Gam-diida bhii hai.n
jaante hai.n ki KHalaa hai vo jise maut nahii.n
kas liye nuur se yaa naGme se
yaa harf-e-tasallii se ise ''jism'' banaa.e.n
aur phir maut kii vaarafta paziiraa.ii kare.n?
na.e ha.ngaamo.n kii tajliil kaa dar baaz kare.n
sub.h-e-takmiil kaa aaGaaz kare.n?

Noon Meem Rashid
Nazm

hawa hamare kis kaam ki

havaa merii baat nahii.n samajhtii
havaa tumhaarii baat nahii.n samajhtii
havaa ham dono.n se hamaarii baat nahii.n kartii
hamaare lafz us kii samaa.at se
phisal jaate hai.n
vo be-ma.anii aa.nkho.n se hame.n dekhtii rahtii hai
mai.n un kaa haal kaise jaanuu.n
unhe.n apnaa haal kaise bataa.uu.n
jin ke ghar viiraan hai.n
jin kii sub.he.n rang se KHaalii
aur raate.n chaa.ndnii se mahruum hai.n
jin kii khi.Dkiyo.n par bhaarii parde pa.De hai.n
aur darvaazo.n par taale
lekin havaa ye baate.n nahii.n samajhtii
vo to KHaalii haath aatii jaatii hai
aur KHaalii haath aane
aur KHaalii haath jaane vaalo.n se
hame.n kyaa lenaa

Javed Shaheen
Nazm

likhna jo chahta tha

likhnaa jo chaahtaa thaa vo likkhaa nahii.n gayaa
nii.ndo.n me.n KHvaab miT ga.e
alfaaz kho ga.e
ik KHaamoshii kaa pe.D mire dil me.n bo ga.e
baarish me.n bad-havaasii ke
saare nuquush harfo.n ke dhundlaa ke bah ga.e
aa.nsuu ne jo bhii dekhaa thaa us ko miTaa diyaa
dil ne havas kii aag ko saarii jalaa diyaa
ko.ii na ra.ng-o-ruup
dil-e-dard ke qariib
aashaa bhii miT ga.ii hai niraashaa bhii miT ga.ii
dil me.n ko.ii bhii zauq-e-tamaashaa nahii.n rahe
apne liye to ko.ii bhii achchhaa nahii.n rahe
manzar nahii.n rahe hai.n to aa.nkhe.n nahii.n rahii.n
KHaamosh hai zabaan ki baate.n nahii.n rahii.n
sab paara-paara ho gayaa kis iftiraaq me.n
KHaalii makaan saa hai kahaa.n darmiyaan me.n
kuchh zehn me.n nahii.n hai mai.n likkhuu.n to kyaa likhuu.n
saare nuquush ghire hai.n qadam mai.n kahaa.n rakhuu.n
ko.ii raasta nahii.n hai mai.n kis samt me.n chaluu.n
manzil dikhaa.ii de to mai.n us kii taraf ba.Dhuu.n
aavaaz kho ga.ii ki iz.haar mai.n karuu.n
jii chaahtaa hai chulluu bhar paanii me.n hii maruu.n
ko.ii raasta nahii.n hai
bataa.o mai.n kyaa karuu.n
likhnaa jo chaahtaa thaa vo likkhaa nahii.n gayaa
kyaa qabr me.n sunaa.uu.ngaa unhe.n mai.n daastaa.n
munkir-nakiir ko mai.n
bulaa.uu.n na kyuu.n yahaa.n
vo lafz saath le ke aa.e.n
to mai.n likkhuu.n
ek aisii nazm jo ho hikaayat na.ii na.ii
ban jaa.e jis se merii bhii qismat na.ii na.ii
aa.iina-e-jamaal-e-huvaidaa ko kyaa hu.aa
diida kii raushnii ko nazaara ko kyaa hu.aa
sab kho ga.e hai.n daanish o biinish kahaa.n chale.n
ab vaqt hii nahii.n hai ki dil ko sameT le.n
sab kuchh udhaar khaayaa thaa kaise adaa kare.n
is nafs kar svaad me.n jii kar bhii kiyaa kare.n
dariyaa kinaare jaa.e.n vahaa.n Duub maro hai.n
phir is ke baa'd hogaa kyaa
magar fan ham ko kuchh nahii.n
haa.n jaante hai.n
duur kii gaa.nv ke kanaar
uglegii raasta ho ke bahut yaad-e-be-karaa.n
haatho.n me.n apnii paas se kamii laa.egii bahaar
ghabraa ke saare gaa.nv ke baasii pukaare.nge
juluusii jalaa.o naak ke kii.De sidhaare.nge
phir chalo chalo
lak.Diyo.n ke Dher par hame.n
kare.nge savaar vo
ki ban ke phir
aag ke nisaar
jab raakh apnii dariyaa me.n phir se bahaa.enge
saahil kii miTTii me.n na.e gul muskuraa.e.nge
kheto.n me.n taaza buuTe
na.e paude
phir se ubhar aa.e.nge
shaayad ki KHatm ho na kabhii bhii ye silsila
kitnaa bhii tum pukaaro use der der tak
kitnii hii kar lo baiTh kar tum na.ii du.aa
gar aasaan hotaa vo sun.naa
tumhaarii nidaa
kartaa ko.ii davaa
hotaa na saaneha
har har qadam pe karte
sajda har kahii.n
is zindagii kaa hotaa
har ik lamha jaa.n-fizaa
har pal me.n nuur hotaa
sunsaan vaadiyo.n me.n
chamaktaa ye qaafila
aur phailtii zamiin par
is nuur kii nahaa
har samt chaa.nd hotaa
har ik samt aaftaab
phir paikaro.n me.n Dhal ke har ik KHvaab
aate hii mire ruu-ba-ruu
nayaa saa qalam ko.ii
chalte ham is ke saath bahut duur par kahii.n
phir likhte daastaan-e-vajuud-o-adam kahii.n
ruktaa na phir kahii.n bhii
hamaaraa qalam kahii.n
likhnaa jo chaahtaa thaa vo likhaa nahii.n gayaa

Khaleel Mamoon
Nazm

der laga di

maut amar kar saktii thii us rishte ko
lekin ham ne der lagaa dii
vaqt kii taaqat ko ham ne kam kar ke aa.nkaa
yaado.n se KHaalii ho jaanaa
ashko.n kaa paanii ho jaanaa
maut nahii.n kyaa

Shariq Kaifi
Nazm

nazm

bahut kuchh jiit lene par bahut kuchh haar jaane par ko.ii KHaalii nahii.n hotaa
faqat ehsaas hotaa hai kisii ko khone paane kaa
magar ham khone paane kii hado.n se paar aa.e.nge
na.ii duniyaa banaa.e.nge na.e diipak jalaa.e.nge
vafaa.o.n kaa nayaa paikar nayaa markaz bhii hogaa ab
kisii ko bhuul jaa.e.nge kisii ko yaad aa.e.nge

Mudassir Naqvi
Nazm

aurat ki taKHliq

har kalii baaG me.n raqs karne lagii
zehn me.n ko.ii suurat ubharne lagii

Izhaar Malihabadi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now